Tiranaya deyil də Berata səyahət etməniz üçün 10 səbəb

Albaniyanın çox gözəl şəhərləri, möhtəşəm qalaları, misilsiz mədəniyyəti və ənənələri sizi özünə heyran qoyacaq. Hər il milyonlarla insan Albaniyaya səyahət edir. Keçən il bu rəqəm 6,4 milyon nəfər idi. Yəqin ki, Tirana, Vlyora, Elbasan və Şkoder haqqında eşitmisiniz, amma bu gün bir çox turistin nəzərindən qaçırdığı başqa bir cazibədar yer - Berat şəhəri haqqında məlumat verəcəyik. Bu bloq vasitəsi ilə Tiranaya deyil də, Berata getməyiniz üçün 10 səbəbi biləcək və Beratın coğrafi mövqeyi, Beratda nə etməli olduğunuz və başqa şeylər haqqında məlumat alacaqsınız.

Berat haradadır?

Berat şəhəri əhalisinin sayına görə Albaniyada 9-cu ən böyük şəhərdir. Paytaxt Tiranadan təxminən 120 km məsafədədir. Hal-hazırda ümumi bələdiyyədə təxminən 126.000 insan yaşayır və sahəsi 380.21 kvadrat kilometrdir. Berat 2008-ci ildən bəri YUNESKO-nun Ümumdünya irsi siyahısındadır. Ölkənin digər şəhərlərində olduğu kimi, memari bənzərsizliklər və məscidlər, qalalar, kilsələr buranı ziyarət etməyə dəyər edir. Berat Albaniya Respublikasının mədəniyyət mərkəzlərindən biridir.

1. Onufri İkonoqrafiya Muzeyi

Albaniya qədim memarlıq inciləri ilə doludur və bu, Berat üçün də keçərlidir. Milli İkonoqrafiya Muzeyi Onufri şəhərin ən təsirli tikililərindən biridir. Muzey adını XVI əsrdə yaşamış tanınmış ortodoks ikona rəssamından götürmüşdür. Burada Şərqi Roma imperiyasına aid çoxlu ikona rəsm əsərləri tapa bilərsiniz. Sərgidə 1500 obyekt arasından seçilmiş 173 artefakt var. Bu kolleksiyadan bəzi ikonalar: Evangelism, Last Supper, Jesus Appearance in Temple, Saint Mary with Jesus, Johan the Baptist, Ascension of Elijah Prophet, Life-giving source, Saint Demetrius. Muzey Müqəddəs Məryəm kilsəsinin daxilindədir. Populyarlığına görə onun yerini tapmaq çətin olmayacaq, amma yerli insanlardan kömək də istəyə bilərsiniz. Sakinlər çox mehribandırlar və sizə kömək edə bilmək üçün əllərindən gələn hər şeyi edəcəklər.

2. Ucuz bazarlar

Bazar qiymətləri təkcə sakinlər üçün deyil, qonaqlar üçün də çox vacibdir. Əgər gündəlik alış-verişə daha az pul xərcləmək istəyirsinizsə, Tiranaya deyil, Berat şəhərinə səyahət etməlisiniz. Demək olar ki, bütün məhsullarda qiymət fərqi var, məsələn, bir litr süd Beratda 0,99 dollar, paytaxtda isə 1,30 dollardır. Bu fərqi pendir, çörək, yumurta, toyuq filesi və alma, banan, portağal və s. kimi meyvələrdə də görə bilərik. Qiymət fərqi əsasən 0,30-2 dollar arasındadır. Nümunə olaraq bir məhsuldan danışdıqda, arada böyük bir fərq görməyə bilərsiniz, ancaq bir neçə gün ərzində çox sayda şey almaq məcburiyyətində qalacağınızı unutmayın.

3. Restoranda münasib qiymətlərlə yemək yeyin

Beratın bir digər üstünlüyü də ucuz restoranlardır. Bu sizə alban mətbəxini məqbul qiymətlərlə sınamaq şansı verəcəkdir. Ucuz bir restoranda yemək 4.78 dollardır, yəni Tiranadan 1 dollar ucuz. Orta səviyyəli restoranda fərqi daha aydın müşahidə edə bilərik. Belə bir restoranda 2 nəfərlik yemək yeməyin xərci Beratda 23,89 dollardır. Digər tərəfdən Tiranada eyni səviyyəli restoranda yemək yemək 31 ABŞ dollarına başa gəlir. Təxminən 8 dollarlıq bir fərq olduğunu görə bilərik.

Berata səyahət etməyinizi və Albaniya mətbəxinin bu məşhur yeməklərini sınamağınızı tövsiyə edirik: börek, tave kosi, speça me gjize, qızardılmış kaçkavall, baklava, trileçe, köfte, grill ət, perime zgare və balıq. Xüsusilə balıq yeməklərinə bir şans verin. Albaniya dəniz kənarında yerləşdiyindən çox ləzzətli balıqlara sahibdir. Yeməklər isə yəqin ki, sizə Azərbaycan və türk mətbəxini xatırlatdı. Bu normaldır, çünki keçmişdə Albaniya Osmanlı imperiyasının bir hissəsi idi. Bundan əlavə, türklər kimi, albanlar da milli alkoqollu içki dedikləri rakını içməyi sevirlər.

4. Müqəddəs Üç Üqnum Kilsəsi

Albaniyada əsas din islam, ikincisi isə xristianlıqdır. Albaniyada Müqəddəs Məryəm kafedralı, Müqəddəs üç üqnum kilsəsi, Müqəddəs Mikayıl kilsəsi kimi bir çox gözəl kilsələr var. Ancaq Beratdakı ən məşhur kilsə Müqəddəs üç üqnum kilsəsidir. Bu kilsə Berat qalasının yaxınlığındadır. Bir çox turist kilsənin Beratdakı ən diqqət çəkən dini yerlərdən biri olduğu fikrini paylaşır. Buna görə Berata səyahət etməzdən əvvəl bu yeri "mütləq görülməlilər" siyahınıza əlavə edə bilərsiniz.

5. Nəqliyyat çox ucuzdur

Beratın bir müsbət tərəfi də ucuz nəqliyyatdır. Yalnız ictimai nəqliyyat deyil, eyni zamanda taksi qiymətləri də Tiranadan daha əlverişlidir. Əgər bir tərəfli avtobus bileti almaq istəyirsinizsə, 0,29 dollar ödəyəcəksiniz və bəli, bu qiymət Albaniyanın paytaxtından daha ucuzdur. Aylıq ödəniş isə Beratda təxminən 10 dollar daha aşağıdır - cəmi 5.73 dollar. Yəqin ki, bu şəhərdə cəmi bir-iki gün olmağı planlaşdırırsınızsa, taksidən istifadə etməyə üstünlük verəcəksiniz. Taksi üçün başlanğıc ödəmə 1,91, bir km. üçün ödəmə isə 1,24 dollardır. Digər tərəfdən Tiranada ikisi də 2,39 dollardır.

Üstəlik, şəhərdə avtomobil icarəyə götürmək də bahalı deyil. Avtomobildən asılı olaraq gündə 15-67 dollar xərcləyəcəksiniz.

6. Möhtəşəm Berat Qalası

Beratda nə etməli? Etməli olduğunuz ilk şey Berat qalasını ziyarət etməkdir. Eramızdan əvvəl IV əsrdə təpənin üstündə təsirli bir qala ucaldıldı və bu gün həmin qala antik dövrün ruhunu hiss etməyə imkan verir. Qala ümumilikdə iyirmi dörd gözətçi qülləsi olan daş divarlarla əhatə olunmuşdur. Səfər zamanı zirvəyə çıxmağı və Berat şəhərinin, Osum çayının və Gorica körpüsünün füsunkar mənzərəsini seyr etməyi unutmayın. Maraqlıdır ki, Berat qalasının içərisində həyat davam edir. Qalanın içi müasir şəhərdən çox fərqlidir. Özünəməxsus evləri, barları, restoranları, kilsələri, bazarları, muzeyləri və abidələri var.

7. Uyğun qiymətə qonaqlama

İki şəhərin otel qiymətlərini müqayisə etsək, Beratın daha uyğun qiymətli otellərə sahib olduğunu söyləyə bilərik. Məsələn, Beratda 4 ulduzlu otellərin qiymətləri orta hesabla 40 dollardan başlayır, Tiranada isə bu qiymət 11 dollar daha baha, yəni 51 dollardır. 5 ulduzlu otellərə gəldikdə, Beratda qiymətlər 54 dollardan başlayır ki, bu da Tiranadan 20 dollar daha az xərc deməkdir. 1,2 və 3 ulduzlu otellər təxminən eyni qiymətlər təklif edirlər.

Sizə məsləhət verə biləcəyimiz otellərdən biri White City Hotel Berat-dır. White City Hotel Berat gecəsi 36 dollardan başlayan otaqlar təklif edir. Klassik əkiz otaq və eyvanlı ikili otaq üçün çəkəcəyiniz xərc 53 ABŞ dollarıdır. Bir nəfərlik rahat, balkonlu otaqda qalmaq istəyirsinizsə, 42 dollar ödəyəcəksiniz. Həmçinin səhər yeməyi də ödənişə daxildir. Yəni səhər yeməyi üçün əlavə ödəniş etməyəcəksiniz. Ziyarətçilərin White City Hotel Berat haqqında rəylərini oxusanız işçilər, otaqlar və daha çox şey haqqında yazılmış çoxlu müsbət rəy görə bilərsiniz.

8. Uzunmüddətli qonaqlama üçün daha yaxşı seçim

Albaniyaya səyahət etmək və orada bir aydan çox qalmaq istəyirsinizsə, ucuz kirayə evlər səbəbilə bu tətili Beratda etməyinizi təklif edirik. Şəhərin mərkəzində bir yataq otağı olan mənzil təxminən 220 ABŞ dollarınadır və üstəlik, şəhər kənarında qiymət 137 dollara düşür. Üç yataq otaqlı mənzil şəhər mərkəzində və şəhər xaricində müvafiq olaraq 361 və 249 dollaradır. Paytaxtla müqayisə etsək, orada birotaqlı evlər 100 ABŞ dolları daha bahadır. Üç yataq otaqlı mənzillər isə daha bahalıdır, şəhərin mərkəzində 724 ABŞ dollarına, mərkəz xaricində isə 398 ABŞ dollarına. Üstəlik, Beratda aylıq kommunal xidmətlər üçün Tiranaya nisbətən daha az pul ödəyəcəksiniz.

9. Etnoqrafiya Muzeyi

Beratda nə etməli? Muzeyləri ziyarət etməyi sevirsinizsə, Beratda darıxmayacaqsınız. Etnoqrafiya muzeyi Albaniyanı səyahətə dəyər edən yerlərdən biridir. Burada yerli əhalinin mədəniyyəti və ənənələri haqqında əvəzsiz məlumatlar əldə edə bilərsiniz. Bu muzeydə toqqa, qobelen, jilet, sini, kürə, reliker kimi 1300 artefaktla zəngin bir kolleksiya var. Bundan əlavə, burada alban xalqının keçmiş ev dizaynlarını, bazarlarını və daha çoxunu görmək şansınız olacaq.

10. Qədim Osmanlı evləri

Bildiyiniz kimi, Albaniya 1479-1912-ci illər arasında müxtəlif dövrlərdə Osmanlı imperiyasının bir hissəsi idi. Bu səbəbdən ölkədə türk mədəniyyətinin inanılmaz təsirini görə bilərsiniz və bunlardan biri də Mangalemdəki Osmanlı dövrünə aid evlərdir. Burada kiçik pəncərələri və qəhvəyi rəngli damları olan bir çox daxma tapa bilərsiniz. Dar küçələrdə gəzintiyə çıxın və Osmanlı dövrünün ovsunlayıcı memarlığından zövq alın. Xatirə qalması üçün foto çəkməyi də unutmayın. Şübhəsiz ki, onlardan biri ən çox bəyənilən İnstaqram postunuz olacaq. Bundan əlavə, burada bir çox köhnə məscidlər də görəcəksiniz. Üç antik və xalqa açıq məscidlər bunlardır: Sultan məscidi, İzgurli məscidi və Süleyman paşa məscidi. Sultan məscidi ölkədəki ən qədim məscidlərdəndir və Halveti tekkesinin yanındadır.