Bodrumda 12 İnstaqramlıq yer

Bu gün İnstaqram istifadəçilərinin fikrinə əsasən seçilmiş Bodrumdakı ən cazibədar yerlərdən danışacağıq. Egey dənizi sahillərində yerləşən bu şəhər İnstaqrama ekzotik şəkillərlə damğa vurmaq istəyən səyahətçilər üçün ən yaxşı yerdir.

Bu möhtəşəm fotoları çəkmək üçün Bodrumdakı ən İnstaqramlıq yerləri bilməli və onları ziyarət etməlisiniz. Onların bəziləri yalnız təbiəti hədəf alır, digərləri isə Egey mədəniyyətinin ruhunu əks etdirir. Gəlin, söhbəti uzatmadan bu yerlərlə tanış olaq.

1. Bitez Limanı

Burada sahilin əla fotolarını çəkə bilərsiniz. Bodrumdan təxminən 15 dəqiqəlik məsafədə yerləşən Bitez, sanki başqa bir Türkiyəymişcəsinə daha dincdir. Bu səbəblə də gücünüzü və emosional intellektinizi bərpa etmək üçün əla yerdir. Ağ qum, dayaz çimərliklər və Bodrum marinalarında həmişəkindən daha az insan. Nəticə: ən çox bəyənilən İnstaqram fotoları!

Əsas cəlbedici detal sahil zolağı boyunca uzanan inanılmaz mənzərəli yoldur. Bitez limanı boyunca gəzintiniz zəngin flora və möhtəşəm mənzərələrlə dolu olacaq. Hekayələriniz üçün filtrlər və mətnlər seçərkən çox əylənəcəksiniz.

Möhtəşəm (və özəl) çəkiliş üçün ipucu - Bitezə sübh saatlarında gedin.

2. Akvaryum Koyu Çimərliyi

Bitez limanından bu yerə mənzərəli bir yol uzanır. Cənnətə daha çox bənzəyən başqa bir yer tanımıram! İlk başda düşünə bilərsiniz ki, gördüyünüz xəyaldır, ancaq deyil.

Məsləhət: Ədyal və çətir kimi çimərlik aksesuarlarınızı özünüzlə götürün, çünki burada əl dəyməmiş təbiətdən başqa demək olar ki, heç nə yoxdur. Sizə əminliklə deyə bilərəm ki, burada uzun müddət qalacaqsınız, çünki saf kristal su sizi buna məcbur edəcək və onu da deyim ki, şəkillər üçün filtrlərə belə ehtiyacınız olmayacaq.

3. Turgutreisdə Qırmızı Mayak

Sehrli bir gün batımı üçün, axşam fotosessiyaları və İnstaqrama layiq möhtəşəm gecə çəkilişləri üçün ideal olan Turgutreis limanını məsləhət görürəm. Burada yemək pərəstişkarlarının xoşuna gələcək şirin kafelər və kiçik restoranlar var.

Turgutreisin vurğusu isə, üfüqdə dayanan qırmızı mayakdır. Burada gün batarkən görəcəyiniz tamaşanı sözlə təsvir etmək mümkün deyil. Turgutreisdəki kiçik yaxt klub ziyarət etmək və həftə sonları qalmaq üçün əla yerdir, ancaq sadəcə fotosessiya üçün gəlsəniz belə, məyus olmayacağınıza əminəm.

4. Bodrum Mərkəz Çimərliyi

Türk həyat tərzinin canlı atmosferindən zövq almaq və şəhər sakinlərinin çimərlikdəki təlaşını çəkmək üçün bu çimərliyə üz tutun. Sahil boyu düzülmuş şezlonqlar poza vermək üçün mükəmməldir və yerli barların bütün xidmətləri turistlər üçün mövcuddur.

Əlbətdə ki, bu çimərlikdə digər yerlərdən daha çox ziyarətçi olacaq, çünki burada turistlərdən çox yerli sakinlər var, amma həvəskar İnstaqram fotoları çəkmək istəyiniz varsa, təbriklər, ideal yerdəsiniz!

5. Gümüşlük Limanı

Türkiyə bizə nağl kimi bir liman təqdim edir. İlk baxışdan qeyri-adi bir şey yoxdur, bu çimərlik daha əvvəl sadaladığım çimərliklərlə eynidir. Ancaq... Gecənin sonunadək burada qalın və möcüzənin şahidi olun. Hər yerdə parlayan işıqlar, çələnglər, şamlar, izah edilə bilməyən bir atmosfer yaradır və bu kiçik adanı özgə kainata çevirir. İzləyiciləriniz burada çəkilən sehrli şəkillərə heyran olacaqlar!

6. Bodrum Qalası

Müqəddəs Pyotr qalası kimi də bilinən bu qala Bodrumda gediləsi ən yaxşı yerlərdən biridir. Mənzərəli təbiət möcüzələrindən yavaş-yavaş uzaqlaşaraq sizə İnstaqram istifadəçiləri arasında kifayət qədər popular olan bu qədim yeri göstərmək istəyirəm. Bodrum qalası o qədər məşhurdur ki, onu görməyə yüzlərlə turist gəlir, buna görə də qalanı səhər saatlarında ziyarət etməyə çalışın. Şübhəsiz ki, Bodruma gələn hər kəs şəhərin ən görkəmli yerini ziyarət etməlidir.

Qalanın tarixinə nəzər salaq: Bodrum qalası Sent Con cəngavərləri tərəfindən 16-cı əsrdə Halikarnas mavzoleyinin qalıqlarından da istifadə edilərək inşa edilmişdir.

Müqəddəs Pyotr qalasının divarları arasında sənət əsərləri, tapılan əsərlər və gəmi qəzalarını sərgiləyən Sualtı Arxeologiya Muzeyi var ki, bura qonaqlara keçmişə - Egey dənizinin dibində taleyini qarşılamaq üçün yola çıxan qədim dənizçilərin dünyalarına qayıtmağa imkan verir.

Məsləhət: səyahət agentləri sizə Bodruma turlar təklif etdikdə onlardan qalaya ziyarət əlavə edib-edə bilməyəcəklərini soruşun, çünki bunu onların etməsi sizə daha ucuz başa gələcək.

7. Bodrum Yel Dəyirmanları

Bodrumun yel dəyirmanlarına səyahət sizə Bodrumdakı möhtəşəm İnstaqramlıq yerləri tapmağa imkan verəcəkdir. Bu yer digər Bodrum attraksionlarından çox uzaqdır və dəyirmanlar limanın üzərində xoşbəxt bir sükut içindədirlər.

Şəhərin səs-küyündən qaçın və nostalji hisslər yaşayın. Tərk edilmiş binalar sizi elə bir atmosferə salır ki, bütün problemlərinizdən bir anlıq da olsa uzaqlaşırsınız.

Çoxda uzaq olmayan məsafədə çimərliklər və limanlar da var. Əgər ac olsanız yaxınlıqda asanlıqla kafe və ya mini restoran tapa bilərsiniz.

8. Bardakçı Koyu

Bardakçı koyu türk sahillərinin valehedici hissəsidir, burada bir çox dəniz canlılarını görə, dalğaları ram edə, hətta sualtı şəkillər və videolar çəkə bilərsiniz. Koy şnorkel həvəskarları və ya ərazidə yaşayan rəngli balıq dünyasına qərq olmaq istəyənlər üçün ideal yerdir.

Telefonunuz və kameranız üçün suya davamlı keys almağı unutmayın.

Bardakçı koyu şəhər mərkəzinə ən yaxın yerləşən, qumlu çimərliyə sahib kiçik limandır. Mükəmməl təmiz suya və Bodrum qalasının İnstaqramlıq  görünüşünə malikdir. Sıxlıq olmayan bu yer istirahət etmək istəyənlər üçün əla seçimdir.

9. Yalıkavak Marina

Əvvəllər Yalıkavak Bodrumun mərkəzi balıqçılıq limanı idi, indi isə yarımadanın ən elit yaşayış məntəqələrindən biri hesab olunur. Marinanın 450 lüks yaxta üçün lövbər yeri, çoxlu lüks restoranları, mağazaları, kafeləri və barları var.

Bu ərazidə 2500 nəfərlik böyük bir amfiteatr var ki, burada musiqi və sənət tədbirləri və çərşənbə günləri kinoteatr axşamları keçirilir. Bəzi Bodrum turlarına bu kəndi ziyarət etmək daxildir.

Yalıkavak yeni dünyanın lüksünün və köhnə dünyanın cazibəsinin möhtəşəm sinerjisini yaratmağa kömək edən açıq sahələrin və dar küçələrin kombinasiyasıdır.

10. Bodrum Bazarı

Bodrum bazarından özünüzə və sevdiklərinizə çoxlu suvenir və müxtəlif ləzzətlər ala bilərsiniz. Bazar türk lokumu ilə doludur! Bazardakı işıqlandırma sizi bir az yora bilər, ancaq İnstaqramlıq şəkil çəkməkdə israrlı davranın. Bununla birlikdə, yeməyi də unutmayın. Yemək bloqqerləri buradakı çeşid-çeşid yeməklərdən məmnun qalacaqlar. Sizə məsləhət görə biləcəyim restoranlardan biri "Blanca" restoranıdır.

11. Antik Teatr

Məsləhət: gəlməmişdən əvvəl bu yerin açıq (saytlarda yoxlaya bilərsiniz) olduğundan əmin olun. Teatrı 17.30-dan əvvəl ziyarət edin, mən özüm bu səbəbdən bir neçə dəfə içəri alınmadım.

Antik Bodrum teatrı özlüyündə qladiatorların olduğu və padşahların hökm sürdüyü qədim dövrlərə teleportasiyadır.

12. Pamukkale

Pamukkale Bodruma yaxın yerləşən və Türkiyənin ən çox ziyarət edilən İnstaqramlıq yerlərindən biridir. Bodruma təxminən 4-5 saatlıq məsafədədir. Tövsiyəm yola səhərin erkən saatlarında çıxmanızdır. Əgər vaxtınız məhduddursa, planınızı bu şəkildə qura bilərsiniz: Pamukkaleyə çatmaq, terasları ziyarət etmək, Antik hovuzda üzmək, türk dondurmasını dadmaq və qayıdış.

İzdihamdan və vaxt itkisindən qorxmayın, çünki bu təbii park bunlara dəyər. Həmçinin ayaqyalın gəzməyə hazır olun.