Buve adası haqqında bilməniz gərəkən hər şey

Əminəm ki, fransız komandir Jan-Batist Şarl Buve de Lozier 1739-cu il yanvarın 1-də bu təcrid olunmuş vulkanik adanı kəşf etdikdə həqiqətən də əsrin kəşfini edib. Buve adası onu kəşf edən şəxsin adını daşıyır və ta o zamandan bəri dünyanın ən ucqar adası olaraq qalır. Adaya ən yaxın torpaq ərazi 1750 km məsafədə olan Antarktidadakı Kraliça Mod Torpağıdır. Yaşayış olan ada tapmaq üçünsə, 2600 km yol qət etmək lazımdır. Bu adanın cəmiyyətdən, müasir sivilizasiyadan və onun monotonluğundan, rutinindən və varlığından nə dərəcədə uzaqda olduğunu göstərir.

Adanı atlasda tapmaq istəsəniz, verəcəyiniz sual Buve adasının coğrafi koordinatları olacaqdır.

Buve adasının coğrafi koordinatları nədir? Buyurun, 54°26′ c. e. 3°24′ ş. u. Artıq Buve adasının coğrafi koordinatları barəsində fikir sahibi olduğumuza görə, gəlin adanı daha dərindən araşdıraq.

Ada Cənubi Atlantik okeanda yerləşir və bütün il boyunca soyuqdur. Dünyanın ən ucqar adası olan Buve adası demək olar ki, tamamilə buzla örtülmüşdür. Adanın mərkəzində buzla dolu olan vulkan var. Təxminlərə əsasən dünyadakı ən ucqar adanın səthinin yalnızca 7% -i buz altında deyil. Bu da onu unikal edən səbəbdir.

Buve adası haradadır?

Daha əvvəl də qeyd etdiyimiz kimi, ada Cənubi Atlantikdə, Afrikanın cənubundakı Ümid Burnundan 1500 mil (2500 km) cənub-qərbdə və Antarktida materikindən təxminən 1.000 mil (1600 km) şimalda yerləşir. 23 kvadrat mil ərazini əhatə edən adada yaşayış yoxdur.

Fransızlar bu adanı kəşf etdikdən sonra, almanlar 1898-ci ildə yenidən kəşf etdilər. Norveçlilər isə 1920-ci illərdə bu adaya ekspedisiyalara başladılar və Norveç bayrağı burada ilk dəfə 1927-ci ildə dalğalandı. Ada 1930-cu ildən etibarən Norveçin rəsmi ərazisi olaraq qeydə alınır və daha sonra 1971-ci ildə təbii qoruq olaraq elan edilir.

Buve adası kimindir?

Buve adası Norveçə aiddir. Bu Norveçin bayraqları adada dalğalalandıqdan sonra kral sərəncamı ilə elan edildi. Buve adası bir çox əldən keçdi və sonunda Norveçə aid oldu.

Buve adasının əhalisi

Ada ilə bağlı ən maraqlı faktlardan biri də əhalisi ilə bağlıdır. Burada bir nəfər belə yaşamır! Təbii qoruq olması səbəbi ilə turizm qadağandır və elmi tədqiqat ekspedisiyalarından başqa heç kimin adaya ayaq basmasına icazə verilmir. Lakin həvəskar radiorabitə sevənlərin və praktikantların oraya gedib radio stansiya qurmasına və bütün dünyaya siqnallar ötürməsinə icazə verildiyi kimi, çox xüsusi hallar nəzərdən keçirilə bilər.

Əgər indi qeyd edəcəklərimi sakin olaraq qəbul etmək mümkündürsə, Antarktika və makaronlar pinqvinləri Buve adasının əhalisini təşkil edir. Burada təxminən 4500 makaronlar pinqvini var. Antarktika pinqivinlərinin sayı isə 400-dür.

Buve adasının bayrağı

Norveç rəhbərliyinə aid olduğu üçün Buve adasının bayrağı elə Norveç bayrağıdır. Adanın özünə aid olan başqa bayrağı yoxdur.

Buve adasının xəritəsi

Buve adasının xəritəsi həm internetdə həm də atlaslarda mövcuddur. Buve adasının xəritəsi bizə adanın quru hissəsinin ölçüsü, hündürlüyü və buz altında qalan torpaqları ilə bağlı məlumat verəcəkdir. Buve adasının xəritəsi maraqlıdır, çünki bizdə dünyanın ən gözəl ucqar adası ilə bağlı fikir yaradır.

Dünyanın ən gözəl ucqar adası

Buve adası turist maqniti olmasa belə, dünyanın ən gözəl ucqar adası olmağa davam edir. Hündür buz divarları, qalıcı bir buzlaq və adanın ortasındakı vulkanı ilə bu ada, xəyal adasından başqa bir şey deyil. Buve adasının sirrləri də çoxlarının illərdir ki, maraqlandığı şeydir. Buve adasının sirrləri çoxdur, lakin ən maraqlısı 1964-cü ilin aprel ayında burada lövbər salmış xilasedici qayıqdır.

Buve adasının sirri

1964-cü ilin aprelində adada lövbər salmış xilasetmə qayığı çox qeyri-adi bir hadisə idi. Bu, bütün adanın hərtərəfli araşdırılmasına səbəb oldu. Ancaq burada bir nəfər belə tapılmadı. Adaya girən və ya çıxan hər hansı bir varlıq haqqında heç bir iz yox idi. Bu o vaxtdan bəri şəhər əfsanəsi olaraq qalır. Daha maraqlı məqam isə, qayıqda heç bir problemin olmaması idi. Yəni qayıqla gəlmiş şəxslər, lövbər saldıqları yerdən asanlıqla quruya çıxa bilərdilər. Qayıqda onun mənşəyini göstərən heç bir fərqləndirici nişan və ya işarə yox idi və bu hadisə hələ də Buve adasının sirri olaraq qalır.

Flora və fauna

Təbiət ana bu adanın modern həyatdan çox uzaqda yerləşməsindən tam olaraq faydalanmışdır. Ada buzlaq və qalın meşə ilə örtülüdür və ətrafdakı su çoxlu balıq növləri ilə doludur. Bura həmçinin çox sayda köçəri quşun, məsələn, qar petrellərinin, qara qaşlı albatrosların və Antarktika balinaquşularının dayanacaq nöqtələrindən biridir. Qatil və qozbel balinalar balıqla qidalanmaq üçün sahilə yaxınlaşırlar.

Buve adası vəhşi təbiət həvəskarları üçün mütləq görülməsi gərəkən yerlərdən biridir. Ada pinqvinlər, dəniz quşları və çox sayda dəniz heyvanlarının evidir. Bitki sevənlər üçün isə ada həqiqətən cənnətdir. Yosunlar, mamırlar və bənzərsiz göbələk növləri adanın hər bir nöqtəsində tapıla bilər. Lakin adaya ziyarət yalnız bu məqsədlə yola çıxan bir ekspedisiyanın tərkib hissəsinə aid olduğunuz zaman mümkün olacaqdır.

Film çəkimləri

Adanın uzaq yerləşimi və arxasındakı sirr rejissorları burada çəkiliş etməyə sövq edir. 2004-cü ildə ekrana verilən elmi fantastika filmi - "Alien vs. Predator", yazarların qondarma adaya adanın orijinal adı olan Bouvetoya adını verməyi qərara almış olmasına baxmayaraq, adanın yaxınlığındakı bir yerdə çəkildi. Ada haqqında üç kitab da yazılmışdır və dünya onun varlığı barədə nə qədər çox məlumat əldə etsə, bu bir o qədər çox maraq oyandıracaq.

Buve adasını necə ziyarət etmək olar?

Daha əvvəl də qeyd etdiyimiz kimi, Buve adasını ziyarət etməyin heç bir yolu yoxdur. Norveç hökumətinin qərarı ilə bura təbii qoruqdur. Adada Norveç Höküməti tərəfindən qurulmuş avtomatik hava stansiyası xaricində, hava limanları, limanlar, xəstəxanalar, yollar, otellər olsun, heç nə yoxdur. Soyuq bir adadır və solo səyahət ölümcül ola bilər! Buve adasına səyahət yalnızca xüsusi missiyalar daxilində mümkündür. Qayıq və gəmilərin lövbər salmaq üçün yer tapması da çətindir. Hündür buz divarları və ətrafdakı dərin okean səyahətçilərə “gəl-gəl” demir. Uzaq yerləşimi maneə rolunu oynayır. Xəstə və ya yaralı olduğunuzu və ən yaxın tibb mərkəzinin bir neçə min mil məsafədə olduğunu düşünün. Qorxuncdur!

Belə ki, Buve adasını ziyarət etmək kimi planlarınız varsa, bundan imtina edib daha məqsədəuyğun bir yer seçməniz lazımdır.

Buve adası, ucqar adaların Point Nemo-sudur. Ucqar yerləşimi onsuz da onu həmişə sirli bir yer kimi düşünməyə səbəb olurdu, ancaq bu kimsəsiz qayıq hadisəsindən sonra bura daha da mistik bir məkana çevrildi. Həvəsli və cəsarətli səyahətçilər üçün bu ada sonsuza qədər son təyinat məntəqəsi olaraq qalacaq. “Bucket list“-ə əlavə edilməsi gərəkən bir şey. O zamana qədər isə, dünyanı gəzin və sirr dolu başqa yerləri kəşf edin.