Dark serialının çəkildiyi yerlər

Karantin səbəbindən getdikcə daha çox insan vaxtının böyük bir hissəsini evdə keçirir. Özümüzü geniş yayılmış xəstəliklərdən qorumağın ən etibarlı yolu olaraq evdə qalır və boş vaxtlarımızı dəyərləndiririk. Müxtəlif seriallara baxmaq gündəlik həyatımızdakı ən yaxşı fəaliyyətlərdən birinə çevrilib. Netflix kimi dünyaca məşhur rəqəmsal platformalar, maraqlı vaxt keçirə biləcəyimiz minlərlə möhtəşəm serial və film təqdim edir. Onlardan biri olan Dark (serial), 2020-ci ildə yayımlanan üçüncü və son sezonu ilə dünya səviyyəsində böyük diqqət çəkdi. Dark 2017-2020-ci illər arasında, alman dilində yayımlanmış serialdır. Dark-ın seriyaları öz qarmaşıq məzmunları, çoxsaylı zaman səyahətləri və vizual effektləri ilə tamaşaçıları və serial sevənləri hər zaman təəccübləndirir. Seriala baxan bir çox insan bu Netflix şah əsəri haqqında maraqlı faktlar bilmək istəyir. Fanatlar xüsusilə bir suala cavab axtarırlar: Dark harada çəkilib? Dark serialı Almaniyanın müxtəlif yerlərində çəkilmişdir. Bloq boyunca məşhur səhnələr və personajlardan misallarla serialın çəkildiyi yerlər barəsində danışacağıq. Əvvəlcə Winden mağarasına diqqət yetirəcəyik. Çünki internetdə ən çox axtarılan sual Dark serialının çəkildiyi bu mağaranın harada yerləşdiyidir. Serialın fanatları Jonas və uşaqların mağaradakı macəralarını izləyərkən onların demək olar ki, hamısı bu mağaranın yeri ilə maraqlanırlar. Daha çox uzatmadan bloqumuza başlayaq və Dark serialının çəkiliş məkanları haqqında məlumat əldə edək.

Winden mağarası və şəhəri

Dark serialındakı ən kritik yer Winden adlı mağaradır. Serialda mağara heçliyin ortasında, qaranlıq meşənin hündür ağacları arasında yerləşir. Mağarada meydana gələn qeyblər və çoxsaylı zaman səyahətləri ən həyəcan verici gizli hadisələrdir. Mağaradakı soxulcan dəliyi Jonas və digər uşaqlara zamanda səyahət imkanı verir. Bütün vacib və sirli hadisələr Winden mağarasının ətrafında başlayır və bitir. Bəs bu mağara haradadır? Şourannerlar sirrli mağaranın girişini xüsusi CGI effektləri ilə yaradıblar. Yəni bu mağaranı ziyarət etmək mümkün deyil. CGI effektləri, meşədə produksiya qrupu tərəfindən qurulmuş setə rəqəmsal olaraq yerləşdirilir. Bu set isə Brandenburqda yerləşir. Meşə Saarmund və Tremsdorf arasındadır. Berlinin mərkəzindən maşınla bir saatdan daha az vaxt ərzində meşəyə gedə bilərsiniz.

Sirli mağara Winden şəhərində yerləşən atom elektrik stansiyası ilə bitişikdir. Ancaq nə Winden şəhəri, nə də atom elektrik stansiyası realdır. Winden bəzi real set platformalarında vizual olaraq yaradılan qondarma alman şəhəridir. Serialın prodüserlərı qondarma şəhər yaratmaq üçün xüsusi bir səbəb olduğunu iddia edirlər. Bu ondan ibarət idi ki, serialdakı kəndlər, Almaniyanın şimalındakı şəhərlər və ya əsl Bavariya məkanları kimi görünməməlidir. Buna görə də onlar sıfırdan xəyali bir şəhər yaratdılar. Mağazalar, kitabxanalar və arxitektura binaları ənənəvi alman üslubunda inşa edildi. Ancaq bu uydurma binaların heç biri real həyatda olanlarla eyni deyildi. Dark serialarında mağaraya atom elektrik stansiyası keçidindən də daxil olmaq mümkün idi. Lakin 1986-cı ildə Claudia Tiedemann bu keçidi metal qapı ilə bağladı. Buna görə də sirli mağaranın yeganə girişi meşədə idi. Beləliklə, Jonas digər uşaqlarla birlikdə ailələrinin sirlərini açmaq məqsədi ilə mağaraya girmək üçün meşəyə gəldi. Winden mağarası 19-cu əsrlə 2050-ci illər arasındakı zaman diliminə səyahət etməyə imkan verən çox əhəmiyyətli bir soxulcan dəliyinə ev sahibliyi edir. Mağara uşaqların paralel dünyalara keçmələrini və ailələrinin sirlərinin üstünü açmalarını təmin edəcəkdir. Dark izləyərkən şəhərin tarixi və ailələr haqqında çox şey öyrənəcəksiniz. Məzmunun olduqca mürəkkəb olmasına baxmayaraq, çətin problemləri həll etməkdən zövq alacaqsınız. Sosial mediada Dark serialını sevən digər insanlarla epizodları, hadisələri və nəzəriyyələri müzakirə edə biləcəyiniz bir çox fan klub var.

Əsas çəkimlər

Dark Netflix serialının hər üç sezonunun əsas çəkimləri Almaniyanın Berlin və Brandenburq şəhərlərində baş tutdu. Gəlin bəzi nümunələrə nəzər salaq. Dark-ın yaradcıları, Berlinin Charlottenburg-Wilmersdorf məhəlləsində yerləşən Reinfelder Schule-də orta məktəb səhnələrini lentə aldılar. Prodüserlər serialın tələblərinə uyğun olaraq məktəbin daxili hissəsində bəzi tənzimləmələr ediblər. Məktəbin daxili və xarici görünüşü bir qayda olaraq 20 və 21-ci əsrlərdə fərqli görünməli idi.

Bundan əlavə, Berlin ətrafı ərazidə yerləşən Wannsee gölü ətrafındakı meşə məhəlləsində dəmir yolu və körpü çəkimləri baş tutdu. Üstəlik, şourannerlar Noahın Jonasla tanış olduğu kilsə səhnələrini çəkmək üçün Südwestkirchhof qəbiristanlığını seçdilər. Ümumiyyətlə, Berlin və Brandenburq Dark serialı üçün əsas çəkiliş məkanları idi.

Dark-ın harada çəkildiyini öyrənən hər kəs bu çəkiliş məkanlarına səyahət etmək istəyir. Ən həyəcan verici səhnələrin lentə alındığı yerləri görmək bütün Dark pərəstişkarlarının arzusudur. Qlobal pandemiya ilə əlaqəli karantindən və beynəlxalq uçuşlara qadağa qoyulmasından əvvəl, minlərlə insan sırf bu məqsədlə alman şəhərlərini ziyarət edirdi. Berlin və Brandenburqa gələn çox sayda turist ilk öncə Dark məkanlarını axtarırdı. Sirli Winden mağarasını ziyarət etmək mümkün olmasa da pərəstişkarlar setin qurulduğu meşəni ziyarət edə bilərlər. Yerli alman turizm agentlikləri Saarund və Tremsdorf arasındakı bu meşəyə avtobusla səfərlər təşkil edirdi. Bir çox turist ağacların və meşə mühitinin həyəcan verici bir şəkildə onlara tanış gəldiyini söyləyirdi. Dark serialının fanat bazası sürətlə böyüdükcə, Berlin və Brandenburqa gələn ziyarətçilərin də sayı artacaqdır. Serialın ən maraqlı anlarının yaşandığı yerləri görmək yəqin ki, hər bir Dark fanatı üçün unudulmaz bir təcrübə olar.

İzləyicilərin fərqinə varmadığı bəzi Dark faktları

Bir çox Dark pərəstişkarı prodüserlərin bəzi gizli sosial mesajlarını görəndə çox təəccüblənəcək. Əvvəlcə diqqətinizi ölən uşağın köynəyinə çəkmək istəyirik. Köynəkdə almanca yazılmış bu sözlər var: "Atomenergie? Nein Danke". Bu ifadənin tərcüməsi " Atom enerjisi? Xeyr, təşəkkür edirəm." şəklindədir. Serialın yaradıcıları bu cümləni ölən uşağın köynəyinə qoyaraq 1980-ci illərdəki nüvə əleyhinə ictimai hərəkatın mesajını dəstəklədiklərini ifadə edirlər: "Nüvə enerjisinə yox!". Başqa bir təəccübləndirici fakt qondarma Winden şəhəri ilə əlaqədardır. Dark-ın prodüserləri bu əsrarəngiz şəhəri yaratmaq üçün Winden im Elztal adlı real alman şəhərindən ilham aldılar. Serialın yaradıcıları Windenin real həyatda mövcud olan şəhərlə bəzi oxşarlıqlarının olduğunu iddia edirlər. Növbəti heyrətləndirici fakt Dark personajları ilə bağlıdır. Serialın süjet xətti və personajlar arasındakı münasibətlər son dərəcə mürəkkəbdir və epizodlarda anlaşılması çətindir. Bu səbəbdən bir çox fanat bütün personajların həyatlarının müxtəlif zaman periodlarında bir-birinə bağlı olduğunu fərq etməyib. Başqa sözlə, serialdakı hər bir insanın həyatı bütün digərlərinin həyatı ilə üst-üstə düşür.

Növbəti maraqlı fakt ən sevdiyimiz şokolad "Raider" haqqındadır. Prodüserlər bir neçə dəfə "Raider"-i fərq etməyimizi istədi. Çünki bu şokolad real həyatda əsl marka kimi mövcuddur. Bugünkü "Twix" in köhnə adı "Raider" idi və bu Dark epizodlarındakı zaman səyahətlərində göstərilirdi. Real həyatda şokolad şirkəti, "Raider" sözünün ingilis dilində bəzi mənfi mənaları olduğu üçün marka adını "Twix" olaraq dəyişdirdi. Bir çox tənqidçi bu şokolad səbəbindən, dəqiqlik və tarixlə əlaqəli detallara böyük diqqət ayırdığı üçün şourannerları təriflədi. Bəs Dark-ın Netflix-dəki ilk alman dilli serial olduğunu bilirsinizmi? Dark-dan əvvəl Netflix-də alman dilində yayımlanan heç bir Netflix orijinal televiziya şousu yox idi. Daha maraqlısı budur ki, bir çox tənqidçi Dark serialını bütün zamanların ingiliscə olmayan ən yaxşı Netflix şoularından biri hesab edir