Elə indi Meksikaya səyahət etməyiniz üçün 15 səbəb

Meksika dünyanın ən məşhur səyahət yerlərindən biridir. Bu gözəl Şimali Amerika ölkəsini hər il təxminən 50 milyon turist ziyarət edir. Möhtəşəm təbii gözəllikləri, müasir infrastrukturu, füsunkar vəhşi təbiəti, tarixi memarlığı, gözəl çimərlikləri, ləziz mətbəxi və rəngarəng mədəniyyəti sayəsində milyonlarla insan Meksikaya səyahət etməyi seçir. Meksikaya necə səyahət etmək olar? Avropa və Latın Amerika hava limanlarının bir çoxundan Meksikaya onlarla beynəlxalq uçuş var. Ucuz uçuşları da çox asanlıqla tapa bilərsiniz. Meksikaya səyahət etmək üçün ən yaxşı vaxt nə vaxtdır? Meksikada quraq mövsüm yağıntının düşmədiyi dekabr-aprel ayları arasıdır və bu, Meksikaya səyahət etmək üçün ən yaxşı vaxtdır. Meksika əhalisinin sayı nə qədərdir? Son statistikaya görə, hazırda Meksikanın əhali sayı 130 milyona yaxındır. Meksikanı ziyarət etmək istəyən bir çox əcnəbi aşağıdakı sualların cavabını öyrənmək istəyir: Meksikaya səyahət etmək təhlükəsizdirmi? Meksikada ən təhlükəsiz yerləri necə tapa bilərik? Bu bloqda Meksikada ziyarət edilməsi gərəkən ən yaxşı yerləri və niyə Meksikanın əla turizm məkanı olmasının səbəblərini sadalayacağıq.

1. Meksikaya səyahət etmək təhlükəsizdirmi?

Bəli! Meksikadakı məşhur turistik yerlərdə zorakı cinayətlər demək olar ki, baş vermir. Polis bu yerlərdə turistlərin təhlükəsizliyini uğurla təmin edir. Meksika hökuməti turizm sənayesini çox əhəmiyyətli bir milli gəlir mənbəyi hesab edir. Bu səbəbdən hökumət xarici qonaqlar üçün ən təhlükəsiz şəraiti yaratmaq üçün əlindən gələni edir. Düzdür Meksikada həm şiddətli, həm də xırda cinayətlər yaşanır, ancaq turistlər məşhur yerləri qrup halında ziyarət etməklə xoşagəlməz hadisələrdən asanlıqla qaçına bilərlər. Meksikanın bilinməyən küçə və qəsəbələrindən uzaq durmaq yaxşı olar.

2. Tako diyarı

Dünyaca məşhur tako, super ləzzətli ənənəvi Meksika yeməyidir. Milyonlarla insan hər gün tako yeməkdən zövq alır. Tako həvəskarısınızsa, ən ləzzətli olanını Meksikada tapa bilərsiniz. Yerli əhali tortillanı donuz əti, tərəvəz, mal əti, toyuq əti, pendir və digər dolğuların ətrafına sararaq tako hazırlayır. Onlar takonu xama və salsa ilə bəzəməyi sevirlər. Ümumiyyətlə, tako münasib qiymətli küçə yeməyi kimi tanınır. Bununla birlikdə, bir çox restoran və kafedə müxtəlif formalarda fərqli qiymətlərlə təqdim olunan takolara rast gələ bilərsiniz. “Backpacker”-lər kimi limitli büdcə ilə səyahət edənlər bu ənənəvi yeməyi xüsusilə sevir.

3. Əla dalğıclıq təcrübəsi

Meksika dünyanın ən yaxşı dalğıclıq təcrübələrindən birini təklif edən səyahət nöqtəsidir. Discovery Bay - Isla Guadalupe, Gordo Banks, Afuera - Isla Mujeres və Manchones Reef ölkədəki ən yaxşı dalış yerləridir. Skuba dayvinq həvəskarları bu yerləri xüsusilə sevəcəklər. Büllur şəffaflığında su, ən yaxşı şəkildə dalğıclıq təcrübəsini yaşamanıza imkan verəcəkdir. Meksikaya səyahət zamanı bu faəliyyətlərlə məşğul olmaq mütləqdir. Yerli turizm agentlikləri və otellər dalışdan əvvəl təlim kursları təklif edirlər. Xüsusi geyimləri və avadanlıqları isə çox sərfəli qiymətlərlə əldə edə bilərsiniz.

4. Quadalaxarada inanılmaz gecə həyatı

Meksikadakı bu böyük şəhər möhtəşəm əyləncələrə ev sahibliyi edir. Quadalaxarada uzun gecələr bitmək bilmir. Gecə bazarları, restoranlar, klublar, kafelər və ticarət mərkəzləri gecənin son saatlarına qədər açıq qalır. Quadalaxarada ən yaxşı əyləncə yerləri gecə klublarıdır. Bir çox gecə klubu pasportla gələn əcnəbilər üçün giriş haqqı tələb etmir. Buna görə bir çox əcnəbi gecə klublarında vaxt keçirməyi xoşlayır. Valehedici ispan musiqisi, rəqs şouları, qeyri-adi performanslar və yerli alkoqollu içkilər meksikan gecə həyatını super əyləncəli edir. Quadalaxaranın gecə klubları Meksikada ziyarət etmək üçün ən yaxşı yerlərdəndirlər.

5. İspan dili biliyinizi inkişaf etdirin

Meksika əhalisinin böyük əksəriyyəti gündəlik həyatlarında ispan dilində danışır. Meksikanın şəhər və qəsəbələrində demək olar ki, hər kəs ispan dilini bilir. Siz də Meksikanı ziyarət etməzdən əvvəl bəzi əsas sözləri, ifadələri və cümlələri öyrənə bilərsiniz. Meksikada olduğunuz müddətdə ispan dili biliyinizin yaxşılaşdığını hiss edəcəksiniz. Meksikanın xəritəsinə baxsanız, bir çox səyahət yerlərinin adlarının ispan sözlərini və ifadələrini anımsatdığını görəcəksiniz. İctimai nəqliyyatdakı təlimatlar, restoranlardakı menyular və küçələrin adları - hamısı ispan dilindədir. Odur ki, bu dili bilmək Meksika səyahətinizi asanlaşdıracaq.

6. Əla sörfinq yerləri

Sakit okean sörfinq üçün əla şərtlər təqdim edir. Meksika isə su idmanlarını sevənlər üçün ən sevimli sörfinq yeridir. Küləklər okeanda böyük dalğalar yaradaraq sörf təcrübənizi daha da həyəcanlı edəcək. Tur şirkətləri və otellər, turistlərin müxtəlif ölkələrdən gələn digər əcnəbilər ilə birlikdə sörf etməkdən zövq ala biləcəyi qrup sörfinq səfərləri təşkil edir. Hava şəraitindən və əhval-ruhiyyənizdən asılı olaraq kaytsörfinqi də sınaya bilərsiniz. Sörfinqdən əvvəl hava şəraiti barədə otel rəhbərliyi ilə məsləhətləşmək yaxşı olardı.

7. Playa-del-Karmen

Playa-del-Karmen Meksikaya səyahətiniz zamanı mütləq ziyarət etməniz gərəkən bir şəhərdir. Mərcan rifləri və ağ qumlu çimərliklər Playa-del-Karmen üçün tipikdir. Playa-del-Karmen çimərliklərindən zövq almaq üçün Meksikaya nə vaxt səyahət etməli? Havaların isti, quru və sakit olması baxımından, yay, ən yaxşı vaxt ola bilər. Çimərliklərin çoxu pulsuzdur və otellərə yaxındır. Kokos ağacları, təmiz ağ qumlar və okeanın büllur kimi təmiz suyu tropik tətilinizi unudulmaz edəcək. Üstəlik, Playa-del-Karmen böyük ticarət mərkəzlərinə və möhtəşəm gecə həyatına ev sahibliyi edən möhtəşəm bir ada şəhəridir.

8. Rəngli karnavallar və festivallar

XIX əsrin sonlarından bəri Meksika xalqı xüsusi günləri festival və karnavallarla qeyd edir. Meksikanın bir çox şəhəri bayramlar üçün təşkil olunan mövsümi karnavallara, paradlara və konsertlərə ev sahibliyi edir. Ənənəvi banda musiqisi Meksika karnavallarının vacib bir hissəsidir. İnsanlar festivallar zamanı qeyri-adi paltarlar geyinməyi, dinamik musiqilərin müşayiətində rəqs etməyi və küçə teatrlarında çıxış etməyi sevirlər. Əcnəbilər də festivallara və milli şənliklərə qoşula bilərlər. Bəzən karnavallar gecənin gec saatlarına qədər davam edə bilər. Meksikalılar adətən gün doğana qədər oyaq qalırlar. Meksika festivallarında əyləncə, rəqs və musiqi heç vaxt bitmir!

9. Koloritli küçə sənəti

Meksika küçələrində və bina divarlarında ən gözəl qraffiti nümunələrini görə bilərsiniz. Ölkədəki küçə rəssamları və sənətkarlar son dərəcə istedadlıdırlar. Meksikanın qraffiti sənətçiləri istedadları ilə bütün dünyanı heyrətləndirirlər. Divarlarda müharibə, fəlsəfə, elm, ədəbiyyat, tarix və s. haqqında bir çox rəsmlər görə bilərsiniz. Burda inanılmaz İnstaqramlıq şəkillər çəkərək izləyicilərinizi heyran edə bilərsiniz.

10. Ləzzətli küçə yeməkləri

Meksika küçələri, evdə hazırlanan yeməklər təklif edən satıcıları ilə məşhurdur. Yerli əhali ədviyyatlı fastfud yeməkləri hazırlayır, onları bazar yerlərində və küçələrdə çox sərfəli qiymətlərə satır. Empalme, gordita, nacho, chalupa və fajita kimi müxtəlif Meksika küçə yeməklərini sınamaq sizin üçün unudulmaz bir təcrübə olacaqdır. Meksika küçə yeməkləri bu ölkəyə xas bənzərsiz ədviyyatlar və ləzzətlərlə təqdim olunur.

11. Mis kanyonu və qatar

Meksikadakı Mis kanyonundan keçən qatarının marşrutu dünyaca məşhurdur. Vəhşi təbiət, təpələr və çöllər arasında qatar gəzintisi düşünün! Bu qatarda səyahət etməklə həyatınızdakı ən qeyri-adi qatar səfərinə çıxmış olacaqsınız və üstəlik, Meksika təbiətinin ecazkar mənzərəli təbətini də görə biləcəksiniz.

12. Miçeladanı da sınayın

Miçelada - pivə, duz, yerli ədviyyatlar və laym şirəsi qarışımından hazırlanan Meksikaya xas alkoqollu kokteyldir. Ədviyyatlar Miçeladaya xüsusi və bənzərsiz bir dad verirlər. Bu kokteyl Meksika səfəri zamanı mütləq sınanmalıdır.

13. Canlı futbol matçına baxın

Əgər canlı futbol oyunlarına baxmağı sevirsinizsə, Meksikanı çox sevəcəksiniz. Meksikanın bir çox şəhərində hər həftə bir neçə futbol matçı keçirilir. Çox sərfəli qiymətlərə bilet əldə edə və canlı futbol həyəcanını yaşaya bilərsiniz. Oyunlar zamanı yerli futbol azarkeşləri ilə çox əylənəcəksiniz.

14. Qolfdan zövq alın

Qolf, on illərdir ki, bu oyunu oynayan meksikalılar üçün ənənəvi bir idman növüdür. Meksikadakı bir çox otel və əyləncə mərkəzlərində qolfdan tam anlamı ilə zövq ala bilərsiniz. Ayrıca, Meksikada nəhəng qolf sahələri də tapa bilərsiniz. Oyunun əsaslarını öyrənmək istəyənlər üçün kurslar mövcuddur.

15. Yelapa kəndinə səyahət

Dağlar, ağ qumlu çimərliklər, balıqçı gəmiləri və tropik ağaclar Yelapa kəndinin dəyərli xəzinəsidir. Yelapaya gəmi səfəri, Meksika səyahətinizi daha da yaddaqalan edəcək. Yelapa kəndi ətrafındakı şəffaf sularda siz də balıqçılıqla məşğul ola bilərsiniz.