Farer adalarında 12 İnstaqramlıq yer

Səyahətçilər səfər və tətillərindən xoş anları və maraqlı şəkilləri bölüşməyi sevirlər. İndiki zamanda bir çox insan möhtəşəm mənzərələri ölkələrə səyahət edir və İnstaqram hesablarında rəngarəng şəkillər yerləşdirir. Bu məqsədlə ziyarət edilən əsl instaqramlıq yerlərdən biri də onlarla instaqramlıq məkana sahib olan Farer adalarıdır. Bəlkə də buna görədir ki, Farer adalarına səyahət instaqramlıq yerlərdə möhtəşəm şəkillər çəkdirmək istəyən milyonlarla səyahət həvəskarının xəyalıdır. Farer adaları haradadır? Danimarka krallığının tərkib hissəsi olan Farer adaları Şimali Atlantik bölgəsində, Şotlandiya ilə İslandiya arasında yerləşən adalar qrupudu. Farerlilər adalardakı əsas etnik qrupdur. Farer adalarında rəsmi dil Farer dili və Danimarka dilidir. Muxtar ərazinin rəsmi valyutası Farer kronası adlanır. Farer adalarının paytaxtı və ən böyük şəhəri, adalardakı ən instaqramlıq yerlərə sahib olan Torshavndır. Möhtəşəm şəlalələr, kənd evləri, mayaklar, gözəl göllər, maraqlı mədəniyyət və qonaqpərvər xalq Farer adalarının təbii sərvətləridir.

İndi isə təbii gözəlliklərlə dolu Farer adalarının 12 ən instaqramlıq məkanı ilə tanış olaq.

1. Saksun kəndi

Faroe adalarının paytaxtı Torshavndan bir saatlıq səfər sizi sehrli Saksun kəndinə gətirib çıxaracaq. Ot örtüklü orta əsr evləri, ikonik qədim kilsələr və qumlu laqunlar kəndin ən görməli yerləridir. Bir çox turist, xüsusən sakit və dinc kənd mühiti səbəbindən Saksunu sevir. Kəndin tarlaları və füsunkar yaşıl təpələri instaqramlıq foto və videolar üçün əla fon olacaqdır. Ən çox bəyənilən İnstaqram şəklinizi Saksun kəndində çəkə bilərsiniz. Bu gözəl kənddə yaşıl rəngin hər tonunu görməkdən zövq alacaqsınız.

2. Mulafossur şəlaləsi

Farer adaları Gasadalur kimi bir çox təcrid olunmuş ada və kəndlərə ev sahibliyi edir. 2004-cü ildə Danimarka hökuməti Gasadalur kəndini ətraf ərazilər ilə birləşdirən heyrətləndirici bir tunel tikdi. Farer adalarını ziyarət edən turistlər valehedici Mulafossur şəlaləsini görmək üçün bu kəndə üz tuturlar. Şəlalə doğurdan da möhtəşəm və mənzərəli bir görünüşə sahibdir.

Mulafossur şəlaləsi Farer adalarının instaqramlıq yerləri arasında xüsusi yer tutur. Şəlalə 60 metr hündürlükdən Atlantik okeanına tökülür. Suyun sürəti və səsi Mulafossur şəlaləsini görmək üçün bu kəndə gələn qonaqları özünə heyran edir. Voar adasının geniş yaşıl çəmənlikləri və qədim vulkanik qayaları şəlalənin başladığı yerdə möhtəşəm bir mənzərə yaradır.

3. Traelanipa

Traelanipa Atlantik okeanın sahilində yerləşən müstəsna və sehrli bir yerdir. Buradakı göl okeanın üstündəki qayalıqlarda yerləşir. Gəmi və bərə gəzintiləri zamanı gölün gözəlliyini uzaqdan müşahidə edə bilərsiniz. Göl vulkanik qayalardakı və təpələrdəki çəmənliklər içərisindədir. Uzaqdan gölə baxanda duman və buludlar sehrli bir mənzərə yaradacaq. Uçuruma yürüş isə çətin deyil və asanlıqla zirvəyə çata bilərsiniz. Farer adalarına səyahət zamanı bu instaqramlıq yeri ziyarət etməyi unutmayın.

4. Kallur dəniz fənəri

Əgər təsadüfən Kalsoy adasına səyahət edəsi olsanız, Kallur dəniz fənərini mütləq ziyarət edin. Mayak yüz illik tarixə malikdir. Kalsoy adasındakı təpələrə hikinq zamanı uzaqdan Kallur mayakını görəcəksiniz. Gün doğumu zamanı mayak təpələrin açıq yaşıl və parlaq çəmənlikləri arasında yüksəlir. Tarixi mayak Farer adalarındakı instaqramlıq yerlər arasında xüsusi yer tutur. Kallur dəniz fənəri həm uzaqdan, həm də yaxından olduqca instaqramlıqdır. Mayakın gözəl arxitekturası və tikilmə tərzi sizi heyran edəcəkdir. İnstaqram izləyiciləriniz dəniz fənərinin yaxınlığında çəkilən şəkillərə və hekayələrə pərəstiş edəcəklər.

5. Hvithamar

Hvithamar üzərində dayanarkən Farer adalarının cazibədar fyordlarını müşahidə etmək və heyran olmaq şansınız olacaq. Yaşıl hikinq parkurları sizi Hvithamara aparacaq və bu, Farer adalarına səyahətinizin ən yaddaqalan təcrübələrindən biri olacaq. Hvithamarın ən yüksək nöqtəsindəki dumanlar və buludlar adacıqların mənzərələrini inanılmaz dərəcədə gözəlləşdirəcəkdir. Hvithamara havanın mülayim və sakit olduğu yay aylarında səyahət etməyinizi məsləhət görürük. Payız və qış vaxtı hava yağışlı və ya qarlıdır, bu səbəblə də hikinq yollarının səthləri sürüşkəndir. Sərt qayalar səfərinizi daha da çətinləşdirəcək. Ancaq əmin olun ki, zirvədən görünən unudulmaz mənzərələrdən zövq alacaqsınız və ən çox bəyənilən İnstaqram şəklinizi çəkdirəcəksiniz.

6. Tjornuvik kəndi

Farer adalarındakı bir başqa tarixi kənd ölkənin ən şimal hissəsində yerləşən Tjornuvikdir. Atlantik okeanının sularını əhatə edən yaşıl təpələr Tjornuvik üçün tipikdir. Rəngarəng damlı ağ evlər də kəndi bəzəyir. Tjornuvik hikinq və yürüş kimi müxtəlif fəaliyyətlər üçün mükəmməl bir yerdir. Meşələr və çəmənliklər sayəsində kəndin mükəmməl təmiz havasından nəfəs almaq şansınız olacaq. Eyni zamanda ziyarətiniz zamanı balıq ovu da edə bilərsiniz. Yerli turizm agentlikləri kəndin ətrafında qayıq gəzintiləri təşkil edir.

7. Farer tundraları

Farer adaları subarktika iqlimi sayəsində heyranedici tundralara ev sahibliyi edir. Farer tundralarının bənzərsiz flora və faunası səyahətçilər üçün müstəsna bir mühit yaradır. Farer tundralarında ilin əksər günləri qarlıdır. Buna görə də tundralardakı təpələr və çəmənliklər payız və qış dövründə ağ, qarlı və buzlu olur. Bu isə öz növbəsində, ecazkar mənzərələrə səbəb olur. Tundralara səyahət zamanı valehedici instaqramlıq şəkillər əldə edəcəyinizdən əmin olun.

8. Tarixi Tinganes

Tinganes Farer adalarının paytaxtı Torshavnda yerləşən tarixi bir məkandır. Tinganes 17-ci əsrə xas rəngli evlərə sahibdir. Həmin tarixi evlər şəhərciyi gəzərkən sehrli dərəcədə gözəl mənzərələr yaradır. Ayrıca, Tinganes qəsəbəsi müxtəlif müasir və qədim hökumət binalarına ev sahibliyi edir. Ən qədim parlamentlərdən biri yüzlərlə il əvvəl Vikinqlər tərəfindən Tinganesdə tikilmişdir. Danimarka memarlığına xas rəngli hökumət binaları Tinganes qəsəbəsini çox xüsusi edir. Ətrafda qayıq gəzintisi zamanı bu hökumət binalarının və evlərin ikonik mənzərəli şəkillərini çəkmək üçün onlarla şansınız olacaq. Tinganes Farer adalarında ziyarət üçün ən yaxşı yerlərdən biridir.

9. Nyolsoy adası

Torshavndan bərə səfəri sizi sevimli, eyni adlı balaca bir kəndə ev olan Nyolsoy adasına aparacaq. Nyolsoy kəndinə qayıqla yaxınlaşarkən rəngli, Skandinaviya üslubunda tikilmiş evlər sizi valeh edəcək. Adada ediləcək çoxlu fəaliyyət var. Məsələn Atlantik okeana xas olan müxtəlif balıq növlərini tutmaq. Bundan başqa, adanın ən yuxarısında yerləşən mayaka hikinq edə bilərsiniz. Fənərin tarixi arxitekturası sizə müasir dövrdən əvvəlki Skandinaviya enerjisini hiss etdirəcəkdir. Üstəlik, kəndətrafında gəzərkən divarlarıbəzəyən cazibədar küçə sənəti və rəngarəng qraffitiyə heyran olacaqsınız. Nyolsoy adasını ziyarət Farer adalarına səyahətiniz zamanı mütləq etməniz gərəkən şeylər arasındadır.

10. Mykines kəndi

Farer adalarındakı bir digər məşhur turistik yer Mykines kəndidir. Mykines dəniz quşları ilə çox məşhurdur. Kəndin yerləşdiyi eyni adlı kiçik Farer adasını araşdırmaq üçün bir gün kifayətdir. Mykines kəndinin zəngin heyvanlar aləmi də sizə maraqlı gələcək. Puffin quşu Mykines faunasının ən məşhur üzvüdür. Çox sayda turist sırf bu gözəl quşları görmək və fotosesiya etmək üçün kəndi ziyarət edir. İnstaqram izləyiciləriniz hekayənizdə və postlarınızda görəcəyi bu rəngarəng balaca quşları çox sevəcəklər.

11. Gjogv kəndi

Gjogv kəndindəki məşhur dərələr fotoqrafiya həvəskarı minlərlə turisti özünə cəlb etməyi bacarıb. Dərələrin möhtəşəm mənzərəsi İnstaqram izləyicilərinizi heyrətləndirəcəkdir. Kənd ətrafında gəmi turu xatirələrinizdə iz qoyacaq inanılmaz bir təcrübə olacaq.

12. Fossa şəlaləsi

Farer adalarının bir başqa təbii sərvəti də Fossa şəlaləsidir. Bu şəlalə Farer adalarındakı ən hündür şəlalədir. Şəlalə asanlıqla əlçatan və inanılmaz dərəcədə gözəldir. Fossa şəlaləsi Streymoy adasının şimal ucunda, Haldarsvik kəndinə çatmamış yerləşir. Şəlaləyə yaxınlaşa və möhtəşəm mənzərəli görüntüləri lentə ala bilərsiniz. Həmin şəkillərin İnstaqramda yüzlərlə "like" alacağı dəqiqdir.