Osloya deyil də Bergenə səyahət etməniz üçün 10 səbəb

Skandinaviya ilə bağlı hər şeyin mütəxəssisi deyilsinizsə, bütün Norveç şəhərlərindən yalnız Oslonu tanıyacaqsınız. Bəs görkəmli və gözəl Bergen necə? Bu adı ilk dəfə eşitdiyinizə baxmayaraq, bu məqalədən sonra onun haqqında daha çox şey biləcəksiniz! Bu bloqda Bergen, Norveçdə nə edə biləcəyiniz haqqında, Bergendə yemək, qalmaq üçün ən yaxşı yerlər barəsində bir neçə tövsiyə yazacağam! Bergenin Oslodan daha yaxşı olduğunu desəm bunu dəlilik saya bilərsiniz, ancaq qeyd etdiyim faktlardan sonra siz də mənimlə razılaşacaqsınız.

Bergen haradadır?

Bergen Norveçin qərbində, Atlantik okean sahillərindədir. Almaniya, İngiltərə və Fransadan təxminən 2 saatlıq uçuş məsafəsində olan şəhər, gözəl fyordlar və dağlarla əhatə olunmuşdur. Əlverişli coğrafi yeri şəhəri əsrlər boyu mühüm bir milli və beynəlxalq mərkəz halına gətirmişdir. Hal-hazırda Norveçin ikinci ən böyük şəhəri Bergen, əvvəllər paytaxt və Hanza şəhərlərindən biri idi.

Bəs niyə Norveçə səyahət zamanı Oslonu qoyub Bergenə getməlisiniz?

1. Oslodan Bergenə səyahət

Şəhərin özü görmək üçün öldüyünüz yer olmasa belə, Oslodan qərbə doğru (Bergenin yerləşdiyi yer) gəzintini mənzərəli tur paketi sazişinin bir hissəsi kimi hesab etməlisiniz. Norveç çox gözəl bir ölkədir və paytaxtdan bu sahil bölgəsinə gedən yol sadəcə unudulmaz olacaq, mən buna söz verirəm. Bununla yanaşı, siz bu səyahət zamanı Norveç təbiətinin misilsiz gözəlliklərini də görə biləcəksiniz.

Oslodan Bergenə getmək üçün ən yaxşı üsullar hansılardır? Norveçə səyahətinizi əvvəlcədən planlamış və Osloya uçuş bileti almış olsanız belə Bergeni səyahət planınıza qatmağın yolları var. Ən sürətli seçim Bergenə təyyarə ilə uçuş olacaq, amma daha əvvəl də qeyd etdiyim kimi Oslodan Bergenə səyahəti qatar və ya maşınla etməyə dəyər. Bergensbanen ilə nəfəs kəsici 7 saatlıq gəzinti zamanı ən gözəl mənzərələrə zəmanət verilir!

2. Atlantik okeanı

Oslonun da sahildə yerləşdiyini  söyləyə bilərsiniz, amma bu bir okeanın sahili deyil! Təbiətin bu güclü qüvvəsini təcrübə etmək və gözəlliyini öz gözlərinizlə görmək üçün dərhal Bergenə yönəlin. Bergen, Norveçdə ediləcəklər siyahınıza daha ekstrim şeylər daxil etməyi düşünürsünüzsə, sezon xaricində o buz kimi soyuq suya tullanmağa çalışın!

3. Brüqqendə orta əsrlərə səyahət

Bergenin bu gözoxşayıcı və tarixi hissəsi UNESCO-nun bir mirasıdır, sizin üçün isə ətrafda gəzmək və keçmişdə insanların necə yaşadığını görmək üçün inanılmaz bir yer olacaqdır. Rahat yollar, gözəl taxta evlər və sahildəki ən tipik kartpostal görüntülərindən bəziləri... Bir ton xüsusi butik dükanı, kafeteryalar və küçələrdə gəzərək tapa biləcəyiniz gizli II Dünya Müharibəsi muzeyi!

4. Ən möhtəşəm Norveç fyordları gülünc bir şəkildə yaxındır

Bergen haradadır? Fyordlar adlanan ağzı açıq qoyan təbii şah əsərlərinin ortasında. Ən yaxşısı da budur ki, Bergeni ev bazası olaraq istifadə edə və fyordların çoxunu ziyarət etmək üçün yarım günlük və ya tam günlük bir yolculuğa bilərsiniz. Bergen, Osterfjorden, Naeroyfjorden və dünyanın ən uzun açıq fyordu olan Sognefjorden’dən cəmi bir neçə saatlıq məsafədədir! Üzr istəyirəm, amma Oslo ətrafındakı fyordların heç biri buna qalib gələ bilməz.

5. Ən məşhur Norveç sənətçilərinin evi

Bergenə səyahət edən zaman təbiətin gözəlliyinə müqavimət göstərə bilməməklə yanaşı, ətrafdakı bu motivləri şəhərin keçmiş sakinlərinin möhtəşəm sənət əsərlərində də görəcəksiniz. Sadəcə mərhum Edvard Qriqin evini ziyarət edin və onun məşhur " Hall of the Mountain King " melodiyasına rəqs edən trolları təsəvvür edin. Əgər hələ də Bergen, Norveçdə nə edəcəyinizi düşünürsünüzsə, o zaman mütləq şəkildə KODE sənət muzeylərini ziyarət edərək bütün digər böyük sənətkarlar arasında Edvard Munk rəsmlərini kəşf etməyi planlaşdırın.

6. Ən yaxşı Norveç xizək kurortları Bergen yaxınlığındadır

Bergendən cəmi bir neçə saat ərzində Norveçin ən yaxşı iki xizək mərkəzinə - Geilo və Vossa gedərək heyrətamiz bir xizək tətili keçirə bilərsiniz. Bundan əlavə, Bergeni yeddi dağ əhatə edir ki, onlar da öz-özlüyündə inanılmaz xizək məkanları ola bilərlər. Qış idman növlərini sevir və ya məşğul olursunuzsa, Bergen sizin üçün əla bir yerdir!

7. Ailələr üçün VilVite elm muzeyi

Copyright: @vilvite

Bu muzey, həm uşaqların, həm də onların valideynlərinin elm və texnologiyanın cəlbedici cəhətlərinə heyran qalacaqları həyəcan verici bir elm mərkəzidir. Bütün ziyarətçilər gündəlik həyatda bizi əhatə edən təbii qüvvələri kəşf etməyə, oynamağa və zövq almağa dəvətlidir. Qalıcı sərgilərinə əlavə olaraq, hazırda muzeydə iki super həyəcan verici müvəqqəti sərgi var: Illusions and VR, Brain and Guts. Norveçə uşaqlarınızla səyahət edirsinizsə, VilVite, ailə fəaliyyəti üçün əla və dəyərli bir fikir kimi səslənir!

8. Daha unikal bir təcrübə

Oslo kifayət qədər kosmopolit bir atmosferə sahibdir və bunun səbəbi də aydındır. Ancaq daha bənzərsiz və ya hətta ekzotik bir təcrübə əldə etməyi gözləyirsinizsə, o zaman çox düşünməyin və sadəcə Bergenə gedin. Hər şeydən əvvəl, şəhərin özü daha rahat bir hissə sahibdir, ancaq eyni zamanda bu tarixi cəhəti küçələrdə və arxitekturada daha da qoruyub saxlamışdır. Küçələrdə gəzmək, dünyanın hər hansı bir yerində gedə biləcəyiniz beynəlxalq zəncir müəssisələrindən birinə yox, bəzi yerli kafe və ya restoranlara getmək daha rahat olacaq. Əlavə olaraq, Bergen səyahətinizi və oradan müxtəlif maraqlı hekayələrinizi dostlarınıza və ailənizə danışdıqda, çox adamın bu şəhərdən xəbəri olmaması avantajı ilə diqqət mərkəzində olacaqsınız.

9. Dünyanın ən böyük Gingerbread şəhəri – Pepperkakebyen

Əgər siz tam bir Milad dəlisisinizsə, nə Bergeni nə də Pepperkakebyeni ziyarəti əldən buraxmamalısınız. Hər il noyabr ayının ortalarından dekabr ayının sonuna qədər Bergen ətrafındakı məktəblər və müəssisələr minlərlə zəncəfilli şirniyyat tikilisindən ibarət olan bu şəhəri yaradır. Bu, həqiqətən tam bir qış möcüzəsidir və öz sehri ilə sizin ürəyinizi isidəcəkdir... Nəticədə bu, Milad bayramıdır!

10. Buz barı!

Magic Ice adlı barda, tonlarla buzdan yaradılan bu sehrli dünyanı da ziyarət edin. Bar Bergen şəhərinin mərkəzindədir və bara daxil olandan sonra siz qəflətən özünüzü Şimal Qütb dairəsinin bir yerində kimi hiss edəcəksiniz - buz barı, buz fiqurları, hər şey buzlayıb! Özünüzü daha rahat hiss etməniz üçün sizə bir panço və əlcək veriləcək, amma bu, heç olmasa həyatınızda bir dəfə dərinizdə hiss etməniz gərəkən şeydir.

Artıq Osloya deyil də Bergenə səyahəti düşünürsünüz? Çox gözəl! İndi sizə Bergen səyahətinizi və oradakı həyatınızı asanlaşdırmanız üçün yemək və yerləşmə ilə bağlı bir neçə tövsiyə verəcəyəm!

Bergendəki ən yaxşı yemək yerləri hansılardır?

Əgər siz yeni dadları kəşf üçün səyahət edirsinizsə və ya səyahət müddətinizdə özünüzü mükafatlandırmağı düşünürsünüzsə, fikrinizi müəyyən bir şeyə fokuslamazdan əvvəl bir neçə əsas şeyi nəzərdən keçirin. Bergendə olarkən hər şeyi balıqla sınamalısınız, çünki bu, böyük ehtimalla Atlantik okeanından alacağınız ən təzə balıqdır. Əslində elə restoranlar var ki, balığı gözlərinizin önündəcə tutub sifarişə uyğun hazırlayacaqlar. Əslində Bergendəki ən qədim və ən yaxşı yemək yerlərindən biri qayıqda restoran - Cornelius sayılır! Daha yaxşısı ola bilərmi?

Dəniz məhsullarının müxtəlif növlərini daha əlçatan qiymətlərlə tapmaq üçün birbaşa balıq bazarına gedin və Fjellskal Fisk & Skalldyr-da hisə verilmiş qızıl balıq və ya balıq şorbası yeyin.

Bergendəki digər məşhur şey isə tərkibində şimal maralı əti olan hər şeydir. Həm bunu, həm də yerli küçə yeməyini dadmaq üçün Tre Kroner-də qəhvəyi xardal və xırtıldayan soğan ilə doldurulmuş şimal maralı sosiskasını yeyin. Əgər şirniyyatı sevənlərdənsinizsə, Sweet Rain-də ənənəvi Fika qəhvəsi və dessert üçün yerli sakinlərə qoşulun.

Bergendə qalmaq üçün ən yaxşı yerlər hansılardır?

Bergen böyük bir şəhərdir və buna görə də seçimlər çoxdur. Sizə qalan sadəcə məşhur otel sifariş saytlarından hər hansı birini yoxlamaq və öz zövqünüz və cüzdan tutumunuz üçün uyğun olanı seçməkdir. Ancaq mən də sizi əziyyətdən qurtarmaq üçün bir neçə seçim təklif edəcəyəm. Əgər lüks axtarırsınızsa, mükəmməl bir yerləşimə və yüksək xidmət səviyyəsinə sahib Det Hanseatiske otelində qalın. Bergendə dəniz mənzərəli klassik yerlərdən birini axtarırsınızsa, Solstrand Hotel-i seçin. Ancaq sadəcə axşam başınızı sala biləcəyiniz bir yer axtarırsınızsa, Bergen Budget Hotel sizi məyus etməz. Həmçinin AirBnB-dən də istifadə edə bilərsiniz.