Elə indi Palauya səyahət etməyiniz üçün 10 səbəb

Bir çox səyahət həvəskarı həyatında ən azı bir dəfə Palauya səyahət etməyi arzulayıb. Bu cazibədar səyahət məkanına olan böyük heyranlığa baxmayaraq, bir çox insanın Palaunun harada yerləşməsi və ya Palauya necə səyahət edə biləcəyi barəsində məlumatı yoxdur.

Palau 300-dən çox vulkanik və mərcan adalarından ibarətdir. Babeldaob ən böyük Palau adasıdır. Palaunun paytaxtı adalardan ən böyüyündə yerləşən Nqerulmuddur. Ölkədə Roman Tmetuchl adlı yalnız bir beynəlxalq hava limanı var. Səyahətçilər Filippindən həftədə bir neçə dəfə təşkil edilən uçuşlarla Palauya gedə bilərlər. Palaunun harada olduğunu və Palauya necə səyahət edəcəyinizi dəqiqləşdirdikdən sonra indi Palaunun füsunkar təbiəti, görməli yerləri və s. barədə danışmağın vaxtı gəldi.

1. Bütün il boyu mülayim tropik hava

Palauya səyahət üçün ən yaxşı vaxt nədir? Palauya ilin hər fəslində səyahət edə bilərsiniz. Tropik iqlim və isti hava turistlərə Palauda keyfiyyətli vaxt keçirməyə imkan verir. Başqa sözlə, Palaunun isti və günəşli hava şəraiti turizm üçün əlverişlidir. Tropik iqlim həm də saysız-hesabsız bitki və heyvan növlərinin habitatına da müsbət təsir göstərir. Palau cəngəlliklərinin füsunkar florası və faunası qeyri-adi görünüşü və həyat tərzi ilə turistləri valeh edir. Fəsillər Palauya səyahətdən alacağınız zövqə təsir etməsələr də, xərclər baxımından təsir edə bilərlər. Məsələn yanvar-iyun ayları arasında qonaqlama və digər səyahət xərcləri daha münasib qiymətə ola bilər. Bu isə həmin müddətdə insanların Palauya səyahətlə deyil də, işləmək və təhsil almaqla məşğul olmasından irəli gəlir.

2. Münasib qiymətlər

Palauda əla zaman keçirmək üçün çoxlu pula ehtiyac yoxdur. Palauda keçirəcəyiniz bir həftəlik tətilin ümumi qiyməti 1000 dollar civarında olacaq. Palauya Maniladan uçmanız tələb olunduğu üçün, ancaq biletlər bir qədər əlavə xərc yarada bilər. Ancaq Palauda qonaqlama və yerli nəqliyyat kifayət qədər ucuzdur. Ortalama bir oteldə qalmağın gündəlik qiyməti 30 dollardan başlayır ki, bu da büdcəli səyahət edənlər üçün çox əlverişlidir. Pula qənaət etmək istəyirsinizsə, oteli əvvəlcədən "book' edə bilərsiniz. Yerli nəqliyyat baxımından avtobuslar taksilərdən daha ucuz olduğundan ən yaxşı seçimdir. Ayrıca, avtobuslarda turist dostu yerli xalqla ünsiyyət qurma şansınız da olacaq. Palauda qiymətlərin heç bir əhəmiyyəti yoxdur! Palauda tətil təcrübəsini əlverişli qiymətlərlə ən yaxşı şəkildə yaşaya bilərsiniz.

3. Sakit okeanın heyrətləndirici mənzərələri

Palaudakı otellərin əksəriyyəti turistlər üçün okean mənzərəli otaqlar təklif edir. Palauda səhərlərinizi Sakit okeanın göz qamaşdıran mənzərəsi ilə aça bilərsiniz. Sakit okean sularının parlaq mavi rəngi gün doğumu zamanı sizi heyran edəcəkdir. Balkonda kokteylinizdən içərkən sərin dəniz mehinin qoxusundan zövq aldığınızı xəyal edin. Palau arxipelaqının Sakit okean sahillərində saysız-hesabsız balıq, heyvan və bitki növləri yaşayır. Okeana yaxınlaşdıqca suyun şəffaflığı sayəsində dənizdə rəqs edən rəngli canlı növlərini görə bilərsiniz. Gün batımı zamanı tutqun səma okeanın rəngini tünd göyə çevirəcək və suyun sərin temperaturundan zövq almağa imkan yaradacaq. Möhtəşəm səslənir, elə deyilmi?

4. Kokos, ananas və kakao ölkəsi

Uşaqlıqdan bəri mavi okean sahilində ağ qumlu çimərlikləri və kokos ağacları olan tropik kurortların fotolarını görürük. Şad xəbər: Palau məhz bu fotonu yaşayacağınız yerdir! Palau meşələri kokos, kakao əkinləri və ananasları ilə məşhurdur. Babeldaob adası da öz növbəsində kakao, ananas, kokos, şirin kartof və daha bir çox yabanı ada bitki növlərinə ev sahibliyi edir. Palauda olduğunuz müddətdə bu məhsullardan hazırlanmış ləzzətli yeməkləri mütləq dadın. Bundan əlavə, yerli palaulular sizə isti içkilərinizin tərkibini zənginləşdirəcək orijinal kakao təklif edəcəkdir. Yetişmiş ananasların dadına baxmaq istəyirsinizsə, bu səbəblə Palauya səyahət üçün ən yaxşı vaxt avqust-oktyabr ayları arasıdır.

5. Dalğıclıq macəralarına hazır olun!

Palauda tətil zamanı həyatınızın ən yaxşı dalış təcrübələrindən birini yaşayacaqsınız! Yerli turizm agentlikləri və otellər adalar ətrafında müxtəlif dalğıclıq turları təklif edir. Bu turlar okeanı təhlükəsiz bir şəkildə araşdırmağınızı vəd edən vaxt cədvəlləri əsasənda tərtib olunub. Eyni zamanda bu müddətdə qayıqlar sizə rəhbərlik edəcək və yorulmağa qoymayacaq. Mərcan riflərini, sualtı bitki növlərini, ekzotik xallı balıqları, dəniz tısbağalarını və boz köpək balıqlarını araşdırma şansınız olacaq.

6. Meduz gölündə şnorkellə üzmə

Palau Respublikası misilsiz Meduz gölü ilə məşhurdur. Gölün sirli ekosistemi və fenomenal növləri tropik sularda onilliklər boyu inkişaf etmişdir. Palau hökuməti, xüsusi şərtlər daxilində göldə şnorkellə üzməyə icazə verir. Turistlər Meduz gölündəki balıq növlərinə zərər verməmək üçün günəşdən qoruyucu kremlərin istifadəsindən çəkinməlidirlər. Uyğun geyimlər də tələb olunanlar arasındadır. Göl turu da sürüşkən daşlar və dik təpələr səbəbindən həyəcan verici bir təcrübədir. Turun qiyməti 100 dollar civarındadır və əmin olun ki, buna dəyər.

7. Rock adaları Cənub laqunu

"Rock Islands Southern Lagoon" 400-dən çox vulkanik adadan ibarət YUNESKO Dünya Mirasıdır. Mərcan rifləri qeyri-adi formalı laqunları əhatələyir. Köpək balığı və tısbağa kimi çox müxtəlif tropik bitki və heyvan növləri adaların sakinləridir. Elmi araşdırmalar yerli palauluların 17-18-ci əsrlərə qədər burada yaşadığını sübut edir. Onlar adaları tərk etsələr də, dəfn yerləri, qayaüstü rəsmlər və daş konstruksiyalar olduğu kimi qalıb. Rock adaları qlobal miqyasda həm səyahətçilərin, həm də akademiklərin diqqətini cəlb etməyi bacarıb. Ziyarətçilər Rock adaları Cənub laqunu ətrafında gəmi ilə gəzintiyə çıxa bilərlər. Adaların təəccübləndirici gözəlliyi firuzə, yaşıl, qırmızı və s. rəngləri ilə turistləri özünə heyran qoyur. Adalar ətrafında gəmi turu Palauya səyahətinizin ən unudulmaz anlarından biri olacaqdır.

8. Koror adası və Long çimərliyi

Long Beach həmişə arzusunda olduğunuz tropik cənnətdir. Koror adası füsunkar bir çimərliyə ev sahibliyi edən çox uzun bir qumlu sahilə sahibdir. Long çimərliyinin təmiz və şəffaf suyu bütün gün üzmək üçün idealdır. Burada şnorkellə üzmək də mümkündür. Uzun axşam gəzintiləri zamanı qeyri-adi balıqqulağıları, bitki mərcanları, ekzotik göbələk növləri və çimərliyin tər-təmiz qumu sizi müşayiət edəcək. Long Beach ətrafında Palau səyahətinizdən sizə xatirə qalacaq ən yaxşı şəkilləri çəkəcəksiniz.

9. Daş monolitlər

Daş monolitlər Palauda ən qədim tarixi yerlərdəndir. Arxeoloqlar monolitlərin birinci əsrin əvvəllərindən bəri mövcud olduğunu düşünürlər. Onların bəzilərində həkk olunmuş sirli oyma üzlər diqqət çəkir. Bir çox turist ekzotik tropik ağacların yanı sıra, tərk edilmiş tarixi xarabalıqları çəkmək üçün ərazini ziyarət edir. Siz də bu monolitləri ziyarət etməyə çalışın, çünki bu, Palau tətilinizin ən unudulmaz təcrübələrdən biri olacaqdır.

10. Ngardmau şəlaləsi

Hikinqi sevirsinizsə, Ngardmau şəlaləsi sizin üçün Palaunun ən görməli yerlərindən biri olacaq. Sürüşkən daşlar və dik struktur hikinq bacarıqlarınıza meydan oxuyacaq. Etibarlı hikinq botları və əzmkarlığınız möhtəşəm bir təcrübə yaşamanıza imkan yaradacaq. Bundan əlavə, şəlalə bütün ziyarətçiləri heyran edən inanılmaz instaqramlıq görünüşə malikdir. Hər səyahət fədaisi ömründə ən azı bir dəfə bu yabanı tropik gözəlliyi ziyarət etməlidir. Ngardmau şəlaləsi suyun daha intensiv axdığı yağışlı günlərdə daha da valehedici görünür.

Qeyd etmək lazımdır ki, Palau Respublikasının səfirlikləri və konsulluqları Palau arxipelaqına səyahət etmək istəyən əcnəbilər üçün tez bir zamanda viza verirlər, bir çox ölkələrə isə viza tələb olunmur və ya Palau hava limanında verilir. Odur ki, Palau viza siyasətini nəzərdən keçirin, biletlərinizi alın və münasib qiymətlərlə möhtəşəm bir Sakit okean tətili yaşamağa başlayın. Uğurlar!