Lissabona deyil də Portuya səyahət etməniz üçün 10 səbəb

Portuqaliya hər kəs üçün gözəl bir səyahət yeridir. Xüsusən də ecazkar şəhərləri ziyarət etməyi sevirsinizsə, Portuqaliyaya səyahət etməlisiniz. Portuqaliyaya səyahət zamanı mədəniyyət, dadlı yeməklər, möhtəşəm şərablar və mehriban sakinlər ilə zəngin bir yer tapacaqsınız. Təbii mənzərələrə əlavə olaraq, Portu kimi tarixi şəhərlərin memarlığına heyran qalacaqsınız. Portu haradadır? Portu, ölkənin şimalında, Atlantik okeanın sahillərində bir liman şəhəridir. Portuda nə etməli? Portuya səyahətiniz zamanı çoxlu görüləsi yer və ediləsi fəaliyyət var. Portu küçələrində maraqlı bir gəzinti onun gözəlliyini anlamaq və ölkənin paytaxtı Lissabon əvəzinə Portuya səyahət etmək üçün kifayət ola bilər. Lissabondan Portuya necə getmək olar? Lissabondan Portuya avtomobil, qatar, avtobus və ya təyyarə ilə asanlıqla gedə bilərsiniz. Portu, Portuqaliyaya səyahət etmək təhlükəsizdirmi? Əlbəttə, bəli. Portuqaliyanın digər şəhərləri kimi, Portu da təhlükəsizdir və burada hava əksərən əladır.

Niyə Lissabon əvəzinə Portuya səyahət etməlisiniz? Cavab: gözəl küçələr, tarixi binalar, heyrətamiz sahillər, ləzzətli mətbəx və s. İndiki vaxtda hər kəs Portunu əsl kimliyini qoruyan və ən tələbkar səyahətçiləri belə heyran edən ən cəlbedici turistik yerlərdən biri kimi tanıyır. Bu məqalədə Portuya səyahət etməyiniz üçün ən vacib 10 səbəblə tanış ola və əlavə olaraq Portu haqqındakı suallarınıza cavab tapa bilərsiniz.

Portu haqqında

200.000-dən çox əhalisi olan Portu, Portuqaliyanın ikinci ən böyük şəhəridir. Orta əsr ürəyi, müasirliyin səsi, dəbdəbəli qızıl örtüklü kilsələri və xoş içkiləri ilə Portu şəhəri, Portuqaliyaya nə vaxt səyahət etsəniz ziyarətə dəyər. Burada bütün səyahətçilər üçün attraksionlar var: Douro çayı üzərində qayıq gəzintilərindən valehedici panoramalar ilə müşahidə nöqtələrinə və şərab dequstasiyalarına qədər, hətta bundan da çoxu; saydıqlarımız onu Lissabondan daha müstəsna hala gətirir.

1. Ribeira

Bura tarixi bir bölgə və şəhərin ən qədim məhəllələrindən biridir. Douro çayının sahilindədir və bar və restoranlarla dolu səkiyə sahibdir. Ribeira mütləq görülməsi gərəkən bir yerdir. Ən yaxşı hissələrdən biri olmaqla yanaşı, çaya və körpüyə inanılmaz mənzərəsi ilə Portuda qalmaq üçün gözəl bir yerdir.

2. I Luis körpüsü

Portu şəhərini qonşu Vila Nova de Gaia ilə birləşdirən I Luis körpüsü bölgənin əsas turistik yerlərindən biridir. 1888-ci ildə açılmışdır. Metal konstruksiyada körpünün uzunluğu 385 metr, hündürlüyü isə 45 metrdir. İki platforma var, aşağı platforma avtomobillər və piyadalar üçün, üst platforma isə piyadalar və qatarlar üçündür.

3. Douro çayı

Məşhur Douro çayı İspaniyadan başlayır və Portuqaliyanın bütün şimalından keçərək, əsas şərab bölgələrindən biri olan Douro vadisinə həyat verir. Təxminən 900 kilometr məsafə qət etdikdən sonra tam axınla Portuya gəlir. Bu da əlverişli və gəziləbilən çay yatağı və möhtəşəm mənzərə təmin edir. Şəhərdən bir neçə kilometr irəlidə Douro dənizlə qovuşur ki, bu yer də görülməsi gərəkən gözəl bir yerdir.

4. Clerigos qülləsi

Portunun tarixi mərkəzində - şəhərin ən gözəl binalarının və əsas turistik məkanların yerləşdiyi yerdə, eyni adlı kilsənin yanında şəhərin ən vurğulanan yerlərindən biri, Torre dos Clerigos var. Açılışında, yəni 1763-cü ildə Portuqaliyadakı ən hündür bina idi. Qüllə Portunun ən yaxşı mənzərələrindən birini təqdim edir və onu asanlıqla ziyarət edə bilərsiniz.

5. Sao Bento stansiyası

Gözəl memarlıq, diqqətinizi Portunun tarixi mərkəzindəki Sao Bento Dəmir Yolu Stansiyasının binasına cəlb edəcəkdir. İçəridəki mədəni zənginlik daha da möhtəşəmdir. Sao Bento-nun foyesində əl ilə boyanmış kafel divar rəsmləri Portuqaliya tarixinin epik səhnələrini ərz etdirir. 1916-cı ildə tikilmiş stansiya hələ də tam işlək vəziyyətdədir. Qatara minməniz lazım olmasa belə, ziyarət dəyər. Bina haqqında bir az daha çox şey bilmək istəyirsinizsə, şəhərin ən simvolik yerlərini əhatə edən mədəni səyahətə qoşulmaq daha yaxşıdır.

6. Kristal Sarayının Bağları

Parkları, unudulmaz mənzərələri və yaşıllaşdırma işlərini sevirsinizsə, bura, Portuda ziyarət etmək üçün vacib bir yerdir. 1860-cı illərdə inşa edilmiş Kristal Sarayının Bağlarında Quinta da Macieirinha Romantic Museum, Almeida Garrett Municipal Library və Rosa Mota Pavilion kimi attraksionlar var. Bundan əlavə, Jardim dos Sentimentos, Jardim do Roseiral və Jardim das Medicinais kimi fərqli mövzulu bağlar da mövcuddur.

7. Portunun kənarında görülməli yerlər

Portudakı yerlərdən əlavə, şəhər xaricində də Lissabon yaxınlığında tapa bilməyəcəyiniz bir çox başqa görməli yerlər də var. Turistlərin ən çox ziyarət etdiyi yerlərdən biri qonşu Vila Nova de Gaia şəhəridir. Oraya qədər I Luis körpüsündən keçməniz daha faydalı olacaqdır. Düz Douro çayının sahilində məşhur Port Wine Cellars var. Demək olar ki, hamısında bələdçili bir tura çıxmaq və ağ, portveyn daxil olmaqla müxtəlif növ şərabların dadına baxmaq mümkündür. Şərab turlarının qiyməti dəyişir. Orta hesabla, sadə dequstasiya məqsədi ilə ziyarət üçün 14 avro ödəmək mümkündür. Vila Nova de Gaia-da olan başqa bir attraksion Teleferico de Gaia-dır.

8. Portuda harada qalmaq olar?

Şəhər “cool”-dur, amma turizm məqsədilə gedənlər üçün şəhərin Downtown, Ribeira, Cedofeita bölgələrində qalmaq daha uyğundur deyərdim. Xüsusən də ilk dəfə gedənlər üçün Mərkəz (Downtown) ən əlverişli yerdir, çünki Portunun turistik yerlərinin 90% -i burdadır və hamısına piyada getmək olar. Ribeira da mərkəzə çox yaxındır. Əgər yamaclara qalxmaqdan şikayətçi deyilsinizsə, çayın kənarındakı bütün rəngli binalarla Portunun əsas kartpostalı olduğu üçün Ribeira da əla bir seçim ola bilər. Cedofeita, Casa da Musica və Mercardo Gourmet de Bonsucesso-nun yerləşdiyi şəhərin daha yeni hissəsidir. Hər yerə piyada getmək asan olmadığına görə digər görməli yerləri ziyarət etmək üçün metro və ya digər nəqliyyat növündən istifadə etməli olacaqsınız. Bununla birlikdə, bir az qənaət etmək istəyənlər üçün, bu bölgədə daha sərfəli seçimlər tapmaq da mümkündür.

9. Portuya səyahət etmək təhlükəsizdirmi?

Digər Avropa şəhərləri kimi, Portu da səyahət etmək üçün olduqca etibarlı bir yerdir: yaxşı hava şəraiti, mehriban insanlar, cinayət sayının azlığı. Buna baxmayaraq, səfəriniz zamanı həmişə diqqətli olmalı və təhlükəli addımlar atmaqdan çəkinməlisiniz.

10. Portuda hava necədir?

Portu çimərlik şəhəri deyil. Portuya səyahət üçün ən yaxşı vaxt - hər zamandır. Portuda il boyu mülayim temperatur qeydə alınır, lakin qışda çoxlu yağış yağır. Portudakı hava şəraiti haqqında xəbərdar olmalısınız, çünki hava dəyişkəndir, bu gün möhtəşəm bir gün olsa da, sabah tamamilə dumanlı ola bilər. Gecə birdən-birə temperaturun düşməsi də nadir hal deyil. Beləliklə, ilk tövsiyəm Portuya nə vaxt səyahət etmənizdən asılı olmayaraq həmişə sukeçirtməz gödəkçə gətirməyinizdir. Bu, Portu çox küləkli bir şəhər olduğuna görə çətir istifadə etməkdən daha faydalı olacaq. Əgər hələ də Portuya nə vaxt gedəcəyinizə qərar verməmisinizsə, əvvəlcə payız aylarını düşünməlisiniz. Bu aylar yüksək temperaturdan zövq alacağınızdan dolayı, Portuya səyahət etmək üçün əla vaxtdır, amma şəhər turistlərlə dolu olmayacaq.

Lissabondan Portuya necə getmək olar?

Bu şəhərlər arasında səyahət etmək olduqca rahatdır. Aviaşirkətlərdən istifadə edə, avtomobil kirayələyə, qatarla və ya avtobusla gedə bilərsiniz. Uçuş bileti almaq istəyirsinizsə, etməməyiniz yaxşıdır. Sizi Portuya aparacaq qatarları məsləhət görürəm. Portuda, Campanha və Sao Bento adlı iki qatar stansiyası var ki, qatara minməsəniz belə ziyarətə dəyər. Əgər avtobus tərəfdarısınızsa, Rede kimi bir çox ekspres avtobus var. Turistik mərkəzdən 17 km məsafədə yerləşən Francisco Sa Carneiro adlı hava limanından şəhərin mərkəzinə çatmaq üçün nəqliyyatdan istifadə də olduqca sadədir