Qədim Yunanıstana səyahət. Yunanıstanda hara getməli?

Yunanıstana səyahət edin.Yunanıstan, Balkan yarımadasında yerləşən Cənub-Şərqi Avropa ölkəsidir. Öz ərazisi xaricində, Egey və İon dənizlərindəki yüzlərlə adadan ibarətdir. Yunanıstan şimal-qərbdə Albaniya, şimalda Şimali Makedoniya, şimal-şərqdə Bolqarıstan və şərqdə Türkiyə ilə həmsərhəddir. Yunanıstan tarixin ən qədim çağlarından qalma müxtəlif yerlərə ev sahibliyi edir. "Yunanıstanda hara getməli?" deyə düşünürsünüzsə, bu bloqda Yunanıstanda ziyarət üçün ən yaxşı yerlər haqqında yazacağam.

UNESCO-nun Ümumdünya irsi yerləri

Yunanıstan coğrafi mövqeyi sayəsində dünya sivilizasiyalarının qovşağındadır. Yunanıstanda gəzməli olduğunuz ən heyranedici yerlər, UNESCO-nun Ümumdünya mədəni irsi siyahısına düşmüş yerlərdir. Bu qədim və həm tarixi, həm də mədəni cəhətdən böyük əhəmiyyətə malik yerləri ziyarət edən hər kəs ölkənin orijinallığına valeh olacaq. Qədim Figaleia ərazisində yerləşən Bassaedə Apollo Epicuriusun məftunedici məbədini görə bilərsiniz. Qeyd edim ki, qədim Bassae (indiki Vasses) keçmişdən indiyə qədər müqəddəs bir yer hesab olunduğuna görə, bir çox məbədə ev sahibliyi edir. Pan, Afrodita və digər yunan tanrıları bu məbədlərdə ibadət olunanlardır. UNESCO-nun Ümumdünya mədəni irs siyahısına daxil edilmiş digər maraq doğurucu yerlər: Orta əsr Rodos şəhəri, Philippi-nin arxeoloji sahəsi və digərləridir.

Əla çimərliklər

Yunanıstanda 16000 kilometrdən daha çox məsafəyə uzanan sahil xətti var ki, dünyanın ən uzun sahil xəttlərindən biridir. Əsasən Yunanıstanın cənub hissəsini qeyd etmək olar ki, bura əla çimərliklər və müxtəlif ölçülü adaların məkanıdır. Həmçinin bölgə büllur kimi təmiz suları, bəzən qum təpələri və çınqıllara rast gəlinən çimərlikləri, təbiətin müxtəlif gözəllikləri və başqa heyranedici xüsusiyyətləri ilə olduqca məşhurdur. Yunanıstanda gəzməli olduğunuz heyrətamiz yerlərdən biri də Attikadır. Attikanın qızıl rəngli çimərlikləri sizə günəşlənmək, üzmək, suya tullanma və su xizəyi kimi müxtəlif fəaliyyətlər təqdim edir.

Halkidiki

Ölkənin şimal hissəsində yerləşən Halkidiki yarımadası, mənzərəli təbiəti, qumlu çimərlikləri, Aralıq dənizi meşələri və isti şəffaf suları ilə məşhurdur. Halkidiki də öz növbəsində ayaq adlandırılan 3 kiçik yarımadadan ibarətdir. Bunlardan birincisi turistik Kassandradır ki, burada mütəşəkkil çimərliklər, dəbdəbəli kurortlar və otellər, həm yerli, həm də beynəlxalq mətbəxdən ləzzətli yeməklər təklif edən möhtəşəm restoranlar var. İnsanlar ikinci ayağı Sitoniya adlandırırlar və bu ərazilər Kassandra qədər kəşf edilməyib. Monastır icmasının yerləşdiyi yarımada isə Afondur və xüsusi icazə ilə yalnız kişilərin girişi mümkündür.

Afina

Yunanıstana səyahət zamanı ziyarət ediləcək qədim yerlərdən biri də ölkənin paytaxtı və ən böyük şəhəri olan Afinadır. Şəhər eramızdan əvvəl V əsrə aid əlamətdar yerləri ilə seçilir. Plaka, Afinanın ən gözəl məhəllələrindən biridir. Burada sizin kəşf etmənizi gözləyən qədim ibadətgahlar, yamaclar, daş döşənmiş küçələr, səliqəli kafelər və s. var. Afinada Yunanıstanın qədim tarixini nümayiş etdirən Akropol Muzeyi, Bizans və Xristian Muzeyi, Yunan Motor Muzeyi və s. kimi onlarla muzey var. Ancaq bununla yanaşı, şəhər modernliyi və rəngli gecə həyatını özündə birləşdirən biznes mərkəzidir. Cherchez La Femme, Melilotos və Mani Mani Afinada ənənəvi yunan yeməkləri təqdim edən və ziyarət etməniz gərəkən restoranlardır.

Arxeoloji yerlər

Ölkə Qərb sivilizasiyasının mənşəyini araşdırmaq üçün 100-dən çox arxeoloji məkan təklif edir ki, bu arxeoloji sahələr hər il minlərlə turist cəlb edir. Məsələn, Pella, Makedoniyalı İskəndərin vətənində yerləşən bir yerdir və sizə əzəmətli Qədim Makedoniya Krallığının qalıqlarını təqdim edir. Ayrıca, Yunanıstana səyahət zamanı görməniz gərəkən qədim idman yerləri də var ki, bunlardan biri e.ə 776-cı ildə ilk Olimpiya oyunlarının keçirildiyi Olimpiyadır. Bu gün milyonlarla insanın diqqətini çəkən bu yer, əvvəllər Zeusun ibadət yeri olmuşdur və Olimpiya oyunları da ona ithafən keçirilmişdir.

Akropol

Dünyanın ən məşhur qalalarından biri olan Akropol qalası, Afinadakı qayalıq əhəngdaşı təpəsinin üstündə yerləşir və Parfenon kimi qədim tikililərin əhəmiyyətli qalıqlarını özündə cəmləşdirir. Afinanın keşikçiliyini edən bu qala, əfsanəvi heykəltəraş Fidinin rəhbərliyi altında, təxminən eramızdan əvvəl V əsrdə tikilmişdir. Sehirli yer tarix boyu krallar üçün saray, qala, ibadət yeri və bugün isə turistik yer kimi bir çox məqsədə xidmət etmişdir. Bombardmanlar, zəlzələlər və digər bir çox vandalizm aktlarına baxmayaraq, Akropol qalası indiyə qədər sağlam bir şəkildə ayaqda qalmağı bacarıb.

Mikonos

Egey dənizində yerləşən Mikonos, Kiklad adaları qrupunun bir hissəsidir. Cənnətə bənzəyən bu yer xüsusilə yayı ilə məşhurdur və öz adını Apollonun nəvəsi Mikonosdan alıb. Mifologiyaya görə, Herakl nəhəngləri öldürəndən sonra onların cəsədləri Mikonos adasını yaratmışdı. Heyrətamiz Hora şəhəri, yayı keçirmək və memarlıqdan zövq almaq üçün əla bir yerdir. Yunanıstanın müxtəlif yerlərindən təyyarə və ya gəmi ilə asanlıqla Mikonosa gedə bilərsiniz. Mikonos adasının paytaxtı Choradakı gözəl mənzərədən başqa, adadakı unudulmaz yerlər arasında Katolik Kilsəsi, Chora Qalası, yel dəyirmanları və s. var.

Peloponnes

Peloponnes ölkənin ən cənub bölgəsində yerləşir. İnsanlar buranı Morea da adlandırırlar ki, mənası tut yarpağı deməkdir. Bu yarımadada Heraklın Nemean aslanı ilə vuruşduğu o məşhur yerdir. Peloponnes regionu Olimpiya kimi qədim yunan idman sahələrini ziyarət etmək üçün əladır. Aqamemnona ev olmuş qədim Mikenanın xarabalıqları mütləq ziyarət edilməlidir. Mühüm görməli yerlər arasında Mystras, Kastro - Orta əsr kəndi və s. qeyd etmək olar.

Meteora

Yunan dilində Meteora "havada asılı qalan bir şey" deməkdir. Yəqin ki, bu ad sizə Meteorada nə ilə rastlaşacağınız barəsində təsəvvür yaratdı. Bu möhtəşəm uçurum və qaya quruluşu yerdən 360 metr hündürlükdədir. Yunanıstanın şimalındakı Kalabaka və Kastraki kəndlərinin ovsunlayıcı bir panoramik mənzərəsini təqdim edən uçurumun zirvəsində monastırın olması xüsusilə təsirlidir.

Krit

Yunanıstanın ən böyük adası olan Kritdə, qumlu çimərliklərdən hündür dağlara qədər bir çox relyef formalarına rast gəlinir. Ərazidəki ən yüksək dağ silsiləsi – İda dağı İdaean mağarası ilə məşhurdur. Yunan mifologiyasına görə, İdeon Mağarası, yunan tanrısı Zeusun doğulduğu yerdir. Krit mənzərəli təbiəti və tarixi yerləri ilə yanaşı, İraklion kimi səs-küylü şəhərlərə də ev sahibliyi edir.