Qorxunu maraqla əvəz edə biləcəyiniz yerlər

Yaponiya dünyanın ən məşhur səyahət yerlərindən biridir. Bu ölkə keçmiş dövrlərdən qalma məbəd və binaların, müasir memarlıq və texnoloji nailiyyətləri ilə birlikdəliyi əsasında ənənəvi və müasir üslubun misilsiz bir qarışımıdır. Keçən il ərzində Yaponiyaya əvvəlki illərdən daha çox - 24.04 milyon insan səyahət edib. Ümumiyyətlə son 3 il ərzində bura səyahət edənlərin sayında 2 dəfə artım müşahidə edilib. Bəs sizə Yaponiyada hansı turistik yerlərin mövcud olduğu maraqlıdır? O zaman, sizə Yaponiyanın 5 ən yaxşı turistik attraksionunu təqdim edirəm.

1. Disneyland

Disneyland Yaponiyanın məşhur səyahət yerlərindən biridir. Paytaxt Tokionun şərqində Çiba, Urayasuda Amerikanın ən böyük əyləncə ixracatlarından - Disneyland temalı park yerləşir. 1983-cü ildə açılan bu park ABŞ xaricində açılan ilk Disney mövzulu park olmuşdur.

2. Qızıl Məbəd

Qızıl məbəd Yaponiyada turistlərin ən çox axın etdiyi yerlərdən biridir. Kinkaku-ji və ya Qızıl məbəd həm Kyotoda, həm də bütün Yaponiyada ən tanınmış turistik yerdir. Buradakı binalar və ətrafdakı bağçaların bir-biri ilə ahəngi xüsusi ilə vurğulanmalıdır. Qızıl məbəd özünün hovuzda yansımasını və hovuzun məbədin binasındakı əksini vurğulayan qızıl təbəqə ilə örtülmüşdür.

3. Fuci Dağı

Fuci dağı Yaponiyanın ən yüksək dağıdır (3.776 metr). Vulkanın son dərəcə simmetrik zirvəsi Yaponiyanın tanınmış simvoludur və sənət əsərlərində, fotoşəkillərdə tez-tez təsvir edilir. Bir təxminə görə, hər il Fuci dağına 200.000 insan çıxır ki, onların da 30%-i xarici turistlər olur. Dağın zirvəsinə dırmanış 3-8 saat arası, eniş isə 2-5 saat arası davam edir.

4. Todaiji Məbədi

8-ci əsrdə inşa edilmiş Todaiji məbədi Yaponiyada mövcud olan ən qədim binalardan biridir. Məbəd dünyanın ən böyük Budda heykəlinə sahib olması ilə məşhurdur.

5. Hiroşima

Hiroşima Yaponiyanın məşhur olmayan səyahət yerlərindən biridir. Honşu adasında yerləşən Hiroşima 500 ildən az tarixi ilə digər bir çox yapon şəhərlərindən daha gəncdir, lakin atom bombası atılan ilk şəhər olduğu - 6 avqust 1945-ci il tarixindən bəri onun adı yaddaşlarda əbədi olaraq möhürlənmişdir. Beləliklə, şəhərin bütün diqqəti sülhə yönəlmişdir: Sülh Parkı, Sülh abidəsi və Sülh Memorial Muzeyi. Şəhərdə Hiroşima qalası və batmış Şukkein-en bağı kimi daha xoş düşüncələrə səbəb olan turistik yerlər də var.