Səyahətçiləri koronavirus dövründə xəyali səyahətə aparacaq 5 film

Məlumdur ki, dünyanımızı sarsan COVID-19 səbəbi ilə bütün dünyada höküm sürən özünü təcrid etmə, şəxsi izolyasiya rejimi mövcuddur. Virusa qarşı görülən tədbirlərdən biri də dövlətlərin sərhədlərini bağlamısıdır. Bunun səbəbi virusun coğrafiyasının genişlənməsinin qarşısını almaq, virusun yayılmasını idarə edib onu aradan qaldırmaqdır. Aydındır ki, belə bir vəziyyətdə nəinki səyahət, evdən çıxmaq belə təhlükəlidir. Əgər bir səyahət həvəskarısınızsa, bu şəraitin sizlər üçün daha çətin olduğundan heç bir şübhəm yoxdur. Vəziyyətə yaxşı tərəfindən baxsaq, bu zamanı növbəti səyahət planlarınızı quraraq səmərəli istifadə edə bilərsiniz. Düşünürəm ki, bu planları qurmaqda ən yaxşı vasitə səyahətlə bağlı filmlərdir. Filmlər bizləri dünyanın ən məhşur şəhərlərindən tutmuş ən ucqar yerlərinə qədər aparmaqda olduqca yaxşı bir vasitədirlər. Xüsusən də səyahət filmləri ağlımızda həmin səhnələri canlandırıb vizual səyahət etməyimizdə, tez bir zamanda bunları real həyatda da gerçəkləşdirməyimizdə olduqca böyük rol oynayırlar. Evinizdən bir addım belə atmadan müxtəlif yerlərə qapı açacaq bu filmlərdən xəbərdar olmaq üçün bu blogu sonuna qədər oxumağınız kifayətdir. Ümid edirəm ki, bu filmlər sizlərə səyahət edərək dünyanın fövqəladə gözəlliklərinə şahid olmanın verdiyi xoşbəxtlik hissini xatırladacaq, böyük səyahətlər üçün ilham verəcəkdir.

Everest

Dünyada görüləcək sonsuz sayda təbii mözücələr olduğundan səyahət etmək arzusu da bitmək tükənmək bilmir. Dünyanın ən ucqar nöqtəsi olan Everest dağını bu möcüzələrdən biri adlandırsam yəqin ki, fikrimlə razılaşarsız. Alpinistlərin ən böyük nailiyyət olaraq gördükləri Everest dağına çıxmaq üçün dağ hər il minlərlə alpinistlərin gəlişinə məruz qalır. Dünyaca məşhur Everest filmi də bu haqdadır. Film 1996-cı ildə məşhur Everest dağının zirvəsinə çıxdıqdan sonra sonra enmə zamanı güclü fırtınanın yaşanması ilə sağ qalmaq üçün mübarizə aparan iki alpinist komandasının hekayəsinə əsaslanır. Jon Krakauerin "Into Thin Air" kitabı başda olmaqla haqqında bir çox kitab yazılmış bu real hadisə filmdə öz əksini bütün şəffaflığı ilə tapmışdır. Filmin baş rolunda Jake Gyllenhaal və Jason Clarke rol alır. Filmdəki qar fırtınası səhnəsini izləyərək o soyuğu isti evinizdə belə his edəcəyiniz film sizləri həm kədərləndirəcək, həm də Everestə səyahət planları qurmağa vadar edəcək.

Out of Africa

İzlədikdən sonra sizləri günlərlə Afrika haqqında düşünməyə vadar edən film olduqca təsirlidir. Evdə qaldığımız bol zaman bu filmi izləməyənlərin izləməsi, izləyənlərin isə yenidən izləməsi üçün əla fürsətdir.

Afrika illərdir aclıq, səfalət, müharibələr və dözülməsi çətin olan əzabların mərkəzi olmuşdur. Təhlükəli və isti bir coğrafiyada yaşayan afrikalılar nəinki qitənin coğrafiyası ilə mübarizə aparır, həm də kapitalist Qərb dövlətlərinin müstəmləkəçilik fəaliyyətlərinin öhdəsindən də gəlməyə çalışırlar. Out of Africa filmində kişilərlə olan münasibətlərində uğursuz olan bir qadın vasitəsi ilə burdakı qərbin müstəmləkəçilik fəaliyyətin Afrikada yaratdığı o sarsıdıcı izləri görmüş oluruq . Baş rolunda Robert Redford və Meril Stripin rol aldığı səyahət filmi 1985-ci ildə lentə alınıb. Filmdə danimarkali bir qadının Afrikadakı həyatı, yaşadığı çətinliklər olduqca aydın göstərilmişdir. Filmdə keçən “uzaqları görə bilməyək deyə dünya yuvarlaq yaradılmışdır" cümləsi sizləri dərin düşüncələrə daldıracaq və günlərlə bu filmin təsirində saxlayacaq.

Wild

Wild haqqında qeyd edilməli olan ilk şey filmin baş qəhrəmanı olan Cheryl Strayedin bəlkə mümkünsüz deyiləcək qədər çətin olan bir məqsədinə təkbaşına nail olan qəhrəman olmasıdır. Cheryl atasından dolayı olduqca travmatik bir uşaqlıq keçirir. Həyatının bu dövründə onu yaxşı edən tək səbəbi anasıdır. Təəssüf ki, bu uzun çəkmir, o xərçəng xəstəliyinə görə anasını itirir. Anasının ölümü, daha sonra narkotik aludəçisi olması və nəhayət əri ilə boşanması onu sözün həqiqi mənasında alt-üst edir. Daha sonra cibində çox az pulu olan, həyatındakı ən çətin günlərini yaşayan Cherly Pacific Crest Trail yolunu gəzib başa vurmaq qərarını gəlir. Üstəlik, təkbaşına uzun bir yola çıxmaq üçün heç bir təcrübəsi olmamasına baxmayaraq. Niyə belə bir qərar aldığına gəldikdə isə qəhrəmana görə bəzən həyatdakı çətinlikləri dəf etməyin ən yaxşı yolu təbiətdə tək qalmaqdır. Filmdə Cherly Strayedin də dediyi kimi "94 gün ərzində Pacific Crest Yolunda yürüş etmək onun üçün eyni zamanda mənəvi bir səyahət idi."

O başlanğıcda çox ağır bir backpack ilə yola çıxır, bu onun üçün olduqca çətinlik yaradır və yol boyunca ayaq dırnaqlarını itirir. Yol boyu daha bir çox çətinlik çəkməsinə baxmayaraq, yolu tamamlayır.

Uzun bir yola çıxıb ,sərhədlərinizi aşmaq üçün tərəddüdünüz varsa bu macəra filmindən sonra bu tərədddüdlərdən qurtulacaqsınız.

Filmin final səhnəsində səslənən mahnını (Simon & Garfunkel - El Condor Pasa) dinləyərkən, Cherlynin iliklərinə qədər zövq aldığı o həyatı hiss edə bilərsiniz. Gözlərinizi yumub bütün diqqətinizi toplasanız, bəlkə də özünüzü Pacific Crest yolunda tapa bilərsiniz!

The Motorcycle Diaries

1950-ci illərdə Ernesto və Alberto adlı iki gənc Argentinanın paytaxt şəhəri olan Buenos-Ayresdən motosikletlə yola çıxırlar. Bir müddət sonra motosiklet işləmir və gənclər yollarına avtostop edərək davam etməli olurlar . Beləliklə, səyahət ərzində Latın Amerikasının düşündüklərindən fərqli bir yer olduğunu görürlər. Qitədə insanların yaşadığı əzabları, ədalətsizlikləri, korrupsiya hallarını gördükdən sonra bütün bunlar bu iki gəncin düşüncəsini çox dəyişdirəcəkdir. Mövzusu real hadisəyə dayanan macəra filmini izlədikdə bir çox hissi eyni anda yaşayıb, günlərlə bu film haqqında düşünəcəksiniz.

Into the Wild

Sean Penn-in rejissoru olduğu Into The Wild, 1996-cı ildə nəşr olunan, Kristofer Makkendlesin həyatı haqqında yazılan eyni adlı kitab əsasında çəkilmiş filmdir. Emile Hirsch, Vince Vaughn, Catherine Keener və Kristen Stewartın rol aldığı film olduqca təsirlidir. Kristofer Makkendles bütün imkanlarını və yaşadığı rahat həyatı kənara qoyub Alyaskaya doğru avtostopla səyahətə çıxır. Filmin bir çox səhnəsində sizlərə ötürülən “Bu gün çox yaxşı vaxt keçiririksə, sabah haqqında düşünməyə ehtiyac yoxdur” düşüncəsi sizləri standart həyatdan kənara çıxmağa sövq edəcəkdir. Olduqca təsirli və real həyat hekayəsinə əsaslanan filmin izləyənlərdə dərin iz buraxdığı “Xoşbəxtlik paylaşdıqda gözəldir” fəlsəfəsi sizlərdə olduqca dərin iz buraxacaq. Həyatın mənasını tapmaq, təbiətə təslim olmaq və təbiətin qoynunda azad yaşamaq kimi düşüncələriniz varsa, xəyallarınızı gerçəkləşdirmək üçün ilk öncə bu filmi izləyin.