TƏKRAROLUNMAZ VENESİYA

Dünyanın ən qeyri-adi və gözəl şəhərlərindən biri olan, təkrarolunmaz Venesiyanın mütləq görməsi gərəkən 6 yerini təqdim edirik:

1. Müqəddəs Mark Meydanı

Venesiyanın ürəyi. Dənizə açılan möhtəşəm meydan Pyatsetta və Pyatsa hissələrinə bölünür. 

2. Müqəddəs Mark Kafedralı

Tarixin bir çox izlərini öz xəzinəsində saxlayan Mark kafedralı, Bizans, Roma və təbii ki, Venesiya arxitektura elementlərini özündə birləşdirir.

3. Kampanila

Kampanila Venesiyanın ən yüksək tikilisidir. Burada müşahidə meydançası ilə şəhərə başgicəlləndirici mənzərə açılır.

4. Dojlar Sarayı

Qüdrətli Venesiya Respublikasının tarixinin yarandığı yer. Bu şedevrdə qotik, renessans və mavritan üslubu qarışıb. 

5. Santa Mariya Della Salüte Kilsəsi

Venesiyanın çox tanınmış simvollarından biri. Kanal Qrande ilə Müqəddəs Mark meydanına yaxınlaşarkən ilk olaraq bu kilsə bütün diqqətləri cəlb edir. 

6. Rialto Körpüsü

Uzun müddət Kanal Qrande üzərində yerləşən yeganə körpü. Venesiyada heç olmayanlara belə bu keçidin profili ilk baxışdan tanış gəlir.