Tulumda 12 İnstaqramlıq yer

Səyahətlə maraqlanırsınızsa, yəqin ki, Tulum haqqında əvvəllər də eşitmisiniz. Əks təqdirdə, doğru yerdəsiniz. Bu gün Tulumdakı instaqramlıq yerləri, Tulumun coğrafi yerini, ediləcək faəliyyətləri və s. nəzərdən keçirəcəyik.

İnstaqramlıq yerlər haqqında danışmağa başlamazdan əvvəl şəhər haqqında bəzi faktlara göz ataq. Tulum haradadır? Tulum Meksikanın Quintana Roo ştatında yerləşir. Şəhər turistlər arasında olduqca populyardır. Ölkədə ən çox ziyarət edilən üç arxeoloji məkandan biridir. 2017-ci ildə ziyarətçi sayı 2,2 milyona çatdı və Tuluma səyahət etmək istəyənlərin sayı da ildən-ilə artır. Tulum bələdiyyəsi 2040 kvadrat km ərazini əhatə edir və təxminən 30000 əhaliyə sahibdir. Bildiyiniz kimi, Meksikanın rəsmi dili ispan dilidir, lakin burada danışılan bir çox başqa yerli dillər də var. İngilis dilindən nə xəbər? İngilis dili Meksikada geniş yayılmayıb, ancaq Tulumun əksər turistik yerlərində istifadə edə bilərsiniz. Şəhər və sakinləri haqqında bir sıra əsas məlumatları aldıqdan sonra Tulumda ən instaqramlıq yerlərlə tanış olmağın vaxtı gəldi.

1. Sian Ka’an

Listimizdəki ilk instaqramlıq səyahət yeri Sian Ka’andır. Maya dilində "Göyün mənşəyi’" deməkdir. Sian Ka’anı iki əsas xüsusiyyəti onu Tulumun ən yaxşı yerlərindən birinə çevirir: zəngin biomüxtəliflik və arxeoloji sahələr. Bu cənnəti araşdırmağın ən yaxşı yolu bələdçili turlardır, çünki puma, yaquar, timsah kimi bir çox təhlükəli heyvan var. Vəhşi heyvanların yanı sıra, iquanaları, ulayan meymunları, tapirləri, müxtəlif quş növlərini və s. görmək şansınız olacaq. Meşə və tarixi yerləri araşdırdıqdan sonra laqunda istirahət edib dəniz həyatını müşahidə edə bilərsiniz. bir. Bu anları ölümsüzləşdirmək məqsədilə instaqramlıq şəkillər çəkməyi unutmayın.

2. Tulum Xarabalıqları

Tulumda nə etməli? Şübhəsiz ki, bu suala ən uyğun cavab Mayya mədəni yerlərini ziyarət etməkdir və Tulum xarabalıqları onların arasında xüsusi yer tutur. Tulum 13-14-cü əsrlərdə həlledici ticarət nöqtəsi idi. Həmin dövr şəhər-dövlətin ən güclü dövrü olaraq bilinir. İspan ordusunun gəlişindən sonra sakinlər bu şəhəri tərk etməyə başladılar, lakin istilaya baxmayaraq. o hələ də əzəmətini qoruyur. Giriş üçün ödənişə ehtiyac varmı? Giriş haqqı var, ancaq cüzi miqdarda, sadəcə 3-4 ABŞ dolları (bazar günləri hər kəs üçün pulsuzdur). Xarabalıqlarla bağlı daha ətraflı məlumat almaq istəyirsinizsə, 30 ABŞ dolları ödəməklə turlarda iştirak edə bilərsiniz. Bölgəni təkbaşına kəşf etməyi üstün tutursanız, Freskalar məbədini ziyarət etməyi unutmayın.

3. Sistema Sac Actun

Yəqin ki, siyahımızdakı bütün instaqramlıq yerlər arasında Sistema Sac Actun ən son tapılan yerdir. 1987-ci ildə kəşf edildi və ehtimal ki, dünyanın ən böyük sualtı mağara sistemidir (ümumilikdə 346 kilometrdən çox). Ayrıca, 2008-ci ildə arxeoloqlar başqa bir şey də kəşf etdilər. Onlar bir neçə sümük və digər Paleolitik qalıqlar tapdılar ki, bu da mağara sistemini insanların ən qədim yaşayış yerlərindən biri olaraq dəyərləndirməyə bəs etdi. Tulumun ən instaqramlıq yerlərindən birini tapmaq üçün təxminən 90 dəqiqə davam edəcək turlara qatılın. Tuluma səyahət edən bir çox insan, İnstaqramda ən çox bəyənilən şəkilini Sistema Sac Actun-da çəkib.

4. Xel-Ha

Xel-Ha da bir digər Mayya arxeoloji sahədir. Mayya xalqı bu ərazini "suyun doğulduğu yer" olaraq adlandırırdı. Yaxınlıqdakı laqun və körfəz su parkına çevrilib (Xel-Ha Park) və həmin parkın ətrafında kəşfə çıxmaq üçün çoxlu yer var. Əgər üzmək sizin üçün cəlbedici deyilsə, meşədə gəzintiyə çıxa və bolca instaqramlıq şəkil çəkə bilərsiniz. İzləyicilərinizin zövqü varsa, bu şəkillərdən biri İnstaqramda ən çox bəyənilən şəkliniz olacaq.

5. Playa Paraiso

Bəs çimərliklər? Tulumda bir neçə ictimai çimərlik var və Playa Paraiso onların arasında ən çox ziyarət edilənlərdən biridir. Ağ qumlu çimərlik və kristal kimi təmiz su sizi ilk baxışdan cəzb edəcək. Plaj Tulum xarabalıqlarına da çox yaxındır. Xarabalıqlardan cənuba doğru gedin və sıldırım qayaların altında gizli cənnəti kəşf edəcəksiniz. Özünüzlə bir-iki qəlyanaltı və içki gətirin və valehedici mənzərə qarşısında unudulmaz bir piknik edin. Playa Paraisoda Tulumda qalmaq üçün ən yaxşı yerlərdən birini tapacaqsınız. Hotel Playa Paraiso sizin üçün gözəl bir tətil təklif edən 4 ulduzlu oteldir.

6. Gran Cenote

Gran Cenote dalğıclıq və şnorkellinq üçün ideal yerdir və üstəlik şəhərdən cəmi 5 km məsafədədir. Ağaclarla əhatə olunmuş laqunda üzdüyünüzü düşünün. Təmiz suya sahib olması səbəbilə, laqunda tısbağaları görə biləcəksiniz. Şəhərin digər əraziləri kimi Gran Cenote da bir çox tarixi tədbirə ev sahibliyi edib. Mayya xalqı Gran Cenote laqunundan qurbangah olaraq istifadə edirdi. Tulumda ediləcək fəaliyyətlərdən ibarət siyahı hazırlayırsınızsa, Gran Cenote-da suya dalmağı və şnorkellinqi ilk sıralara əlavə etməlisiniz.

7. Xcaret

Hələ də "Tulumda nə etməli?" deyə sual verirsiniz? Tuluma səyahət zamanı ediləcək ən yaxşı fəaliyyətlərdən biri də Xcaret eko-parkını ziyarət etməkdir. Parkı 40 futbol stadionu böyüklüyündədir. Xcaret turistlər üçün müxtəlif fəaliyyət növləri təqdim edir. Burada üzə, hikinq edə və ya Mayya kəndini araşdırmağa gedə bilərsiniz. Eko-park zəngin flora və faunaya malikdir, odur ki, təbiət sevərsinizsə, parkı kəşf sizin üçün əfsanəvi bir təcrübə olacaq. Nəhəng dəniz tısbağaları, skatlar, makaular, meymunlar, flaminqolar parkda görəcəyiniz heyvanların kiçik bir hissəsidir. Bəs qiymətlər? Ödənişlər belədir: böyüklər üçün 109.99 $, uşaqlar üçün 54.99 $, körpələr üçün pulsuz (0-4 yaş). Təşkilatçılar özünüzlə günəş kremi, rahat paltar və ayaqqabı gətirməyi məsləhət görürlər.

8. Tulum Çimərlik Zolağı

Tulum çimərlik zolağı sizi Sian Ka’an-a girişi olan tağa aparan kiçik bir yoldur. Bura hər şeyi ilə - kafe, restoran, otel və s., İnstaqram üçün yaradılıb. Hər yerə piyada getmək mümkün olsa da, icarəyə velosiped götürə və səyahətinizi daha maraqlı edə bilərsiniz. Bəs qonaqlama haqqında nə demək olar? Bu barədə də narahat olmayın. Həm çimərlikdə, həm də yol boyunca bir çox qonaqlama yerləri mövcuddur.

9. Tulum Qəsəbəsi

Qədim yerləri və meşələri kəşf etdik, indi sakinlərin müasir həyat tərzi barəsində öyrənməyin vaxtı gəldi. İspan dili bilikləriniz yetərlidirsə, bu, sizin üçün daha maraqlı olacaq. Qəsəbədə ləzzətli Meksika mətbəxini sınamaq üçün çox sayda restoran və kafelər var. Qəsəbə hər zaman, xüsusən də gecə saatlarında çox əsrarəngiz görünür. Əgər sevdiklərinizə Tulumdan suvenirlər və ya hədiyyələr almaq istəyirsinizsə, burada əlverişli qiymətlərlə çoxlu seçimlər tapa bilərsiniz.

10. Tulumdakı Lüks Otellər

Tulumda qalmaq üçün ən yaxşı yerlər hansılardır? Tulumda gözəl bir tətil keçirmək üçün çox sayda lüks otel var. Tulumda qalmağı tövsiyə etdiyimiz ən yaxşı yerlərdən bəziləri: Orchid House Tulum, Jashita Hotel, La Valise Tulum və Maka Hotel Boutique və s. Bu otellərin hər biri 5 ulduzludur və 10 ballıq sistemdə 9 məmnuniyyət xalı qazanmışlar. Otellərin rahatlığından zövq alın və izləyiciləriniz və özünüz üçün İnstaqram fotoları çəkin. Yüksək standartlara sahib olduğu üçün bu otellər hər kəs üçün əlverişli deyil, amma narahat olmayın: Tulumda 10-50 dollar qarşılığındakı seçimlərdən də faydalana bilərsiniz.

11. Coba Xarabalıqları

Çox bəyəniləcək İnstaqram fotolarını çəkə biləcəyiniz bir başqa potensial yer də Coba xarabalıqlarıdır. Siyahımızdakı digər arxeoloji sahələr kimi Coba da Mayya mədəniyyətini sərgiləyir. Coba şəhərin mərkəzindən cəmi 45 km məsafədədir. Tulum xarabalıqları ilə müqayisə etdikdə, buranın diqqətlərdən kənarda qalmış bir yer olduğunu söyləyə bilərik. Yəqin ki, insanların çoxu Coba xarabalıqlarını Karib dənizindən uzaq yerləşimi səbəbilə gözdən qaçırıb. Ancaq Mayya mədəniyyətinin vurğunlarındansınızsa, dəniz mənzərəsi sizin üçün böyük bir problem olmayacaqdır. Bölgəni kəşf etmək və yüzlərlə "like" alacaq İnstaqram fotoları çəkmək üçün bir neçə saatın kifayət edəcəyini deyə bilərik.

12. Muyil

Bloqumuzda Tulumda gəzməli olduğunuz arxeoloji yerlərin son nümunəsi Muyildir. Muyil Tuluma səyahət edən hər kəsin sevdiyi yerlərdən biridir. Əlbəttə ki, Sian Ka’an Biosfer Qoruğunun yanında yerləşməsinin də bu populyarlıqda rolu böyükdür. Sian Ka’ana cəmi 15 dəqiqəlik məsafədədir. Muyil meşənin dərinliyindədir. Muyil xarabalıqlarında ən məşhur tarixi yer 17 metr hündürlükdəki El Castillodur. Meşədə gəzinti zamanı sakit olun, çünki ancaq bu halda ağaclarda ulayan meymun və ya hörümçək meymunu görə biləcəksiniz.