Vyetnama səyahətdən əvvəl bilsəydim dediyim 10 şey

Səyahət və yeni şeylər öyrənmək zamanın başlanğıcından bəri insanları özünə cəlb edib. 21-ci əsrdə səyahət etmək heç olmadığı qədər əlçatandır. Asiya insanlar üçün ən cəlbedici yerlərdən biridir və maraqlı Asiya ölkələrindən biri də Vyetnamdır. Son illərdə milyonlarla insan Vyetnamı ziyarət edir və ya bunu planlaşdırır, buna görə də səyahət həvəskarlarına Vyetnam haqqında əvəzsiz məlumatlar vermək istəyirik. Bu bloqdan Vyetnama səyahət etmək üçün ən yaxşı vaxtın nə zaman olduğunu, Vyetnamın harada olduğunu, Vyetnamda haranı gəzməniz gərəkdiyini, Vyetnama səyahət etməyin təhlükəsizliyini və daha çoxunu öyrənəcəksiniz.

1. Vyetnam xalqı və Vyetnam haqqında əsaslar

Vyetnam haradadır? Vyetnam (tam adı Vyetnam Sosialist Respublikasıdır) Hind-Çin yarımadasındakı Cənub-Şərqi Asiya ölkəsidir. Çin, Laos, Kamboca, Tayland, Filippin, İndoneziya və Malayziya qonşu ölkələrdir. 2019-cu ilin məlumatlarına görə ümumi əhali 96,2 milyon nəfər (dünyanın ən çox əhaliyə sahib 15-ci ölkəsi),  ərazi isə 331,212 kvadrat kilometrdir. Əhalinin 86,32%-i dinsizdir və bu onu digər Asiya ölkələrindən fərqləndirir. Xalqın yalnız 4.79%-i buddizmə inanır. Əhalinin 85,32%-i etnik mənşəli vyetnamlıdır və ölkədə 50-dən çox müxtəlif azlıq var. Vyetnamın paytaxtı Hanoy, ən çox əhaliyə sahib şəhəri isə Hoşimindir.

2. Vyetnamda ünsiyyət üçün ingilis dili yetərlidir?

Təəssüf ki, yalnız ingilis dilində danışmaq sizin üçün problem yarada bilər, çünki əhalinin böyük bir hissəsi ingilis dilində bilmir. Təbii ki, turistik yerlərdə ingilis dilindən istifadə edə bilərsiniz, ancaq yerli insanlarla ünsiyyət qurmaq istəyirsinizsə yaxşı nəticə almaya bilərsiniz. Bundan əlavə, gənc nəslin ingilis dili bilikləri daha yaxşıdır, buna görə köməyə ehtiyacınız olarsa (məsələn, istiqamət soruşmaq), onlardan soruşun. İngilis dilindən sonra ən çox danışılan dil fransız dilidir. Xüsusilə köhnə nəsil fransız dilində yaxşı bacarıqlara sahibdir. Yerli Vyetnam dilini öyrənə bilərəmmi? Bu suala cavab vermək çətindir. Çox insan bu dilin öyrənilməsinin sadə olduğunu düşünür, amma tələffüzü örənmək üçün zamana ehtiyac var.

3. Sağlıqlı Vyetnam mətbəxi

Ümumiyyətlə, Vyetnam mətbəxi zəngindir, lakin Vyetnam yeməklərini bişirmək çətin deyil. Tövsiyə edə biləcəyimiz yeməklərdən bəziləri: Goi Cuon, Bun bo Hue, Banh khot, Ga tan, Nom hoa chuoi, Bun bo Nam bo, Hoa qua dam, Ca Tim Kho to və s. Vyetnamda qızardılmış yeməklərin bolluğu müşahidə edilir, buna görə də Vyetnama səyahətinizdən sonra kökəlməyə hazır olun. Qızardılmış qidaları sevmirsinizsə, sağlam və yüngül rolları - Goi Cuonu sınaya bilərsiniz. Ümumiyyətlə, bu mətbəx yağdan istifadə edilməməsi və təzə inqredientlərdən çox istifadə edilməsi səbəbilə üçün çox sağlıqlıdır. Balıq sousu, soya sousu, təzə otlar, meyvələr və tərəvəzlər Vyetnam mətbəxində geniş istifadə olunur. Bundan əlavə, əksər yeməklərdə mal əti, donuz əti, toyuq, balıq və müxtəlif növ dəniz məhsulları istifadə olunur. Kekslərə gəldikdə, onlar keksləri banan və ya kokos yarpağına bükürlər. Vyetnamda məşhur fastfud zəncirlərinin uğursuz olduğunu qeyd etmək lazımdır. Uğursuzluğun əsas səbəbi yerli restoranlardır. Ölkədə yalnız fast-food restoranları deyil, məşhur Starbucks qəhvə şəbəkəsi də uğursuzluğa düçar oldu. Ənənəvi Vyetnam qəhvəsinə çox böyük bir tələb var.

4. Vyetnam valyutası haqqında bilməli olduğunuz hər şey

Vyetnama səyahət etmək istəyirsinizsə, ölkədə hansı puldan istifadə edəcəyinizi bilməlisiniz. Bir çox digər ölkələr kimi, onların da Vyetnam donqu adlı pul vahidləri var (1 ABŞ dolları 23176 donqdur). Amerikan dolları bütün ölkədə geniş şəkildə qəbul edilir. Avro, AUD, Britaniya funtu, Kanada dolları kimi digər valyutaların istifadəsi problem yarada bilər, çünki işlətmə sahiblərinin çoxu bu pul vahidlərini qəbul etmir. Həm də onların məzənnələri çox aşağıdır. Beləliklə, səyahətə çıxmazdan əvvəl pulunuzu ABŞ dolları ilə dəyişdirmək daha yaxşı olardı. Bundan əlavə, kredit və debet kartlarından istifadə edə və ya bankomatdan nağd pul çəkə bilərsiniz.

5. Vyetnamda hara səyahət etmək olar?

Vyetnamda ziyarət etmək üçün saysız-hesabsız yerlər var. Yaşıl təbiət, təmiz hava, meşələr, geniş çeşidli heyvanlar, memari gözəlliklər və daha çox şey Vyetnama səyahətinizi unudulmaz edəcəkdir. Gəzməli olduğunuz yerlərdən bəziləri: Sapa, Halonq buxtası, Hue, Phong Nha-Ke Bang Milli Parkı, My Son, Hoi An, Hanoy, Nyaçanq, Cu Chi tunelləri və s. Bir bloqda hamısı haqqında danışa bilmərik, lakin bəziləri haqqında ətraflı məlumat verəcəyik. Bunlardan birincisi bütün ölkənin ən gözəl kənd ərazisi olan Sapadır. Bu yer Hoang Lien dağlarının nahamar zirvələri ilə əhatə olunmuşdur. Hikinq zamanı burada bəzi etnik azlıqlar (Hmong, Giay və Red Dzao), gözəl təbiət və s. ilə qarşılaşacaqsınız. Vadilərin və dağların heyranedici mənzərəsi sizi valeh edəcək. Sapaya səyahət etmək üçün ən yaxşı vaxt mart/may və ya sentyabrın ortalarından dekabrın əvvəllərinə qədər olan müddətdir. Digər hipnozedici yer Phong Nha-Ke Bang Milli Parkıdır. Phong Nha-Ke Bang Milli Parkı nəhəng mağaralarla dolu olan bir karst dağ formasıdır və Ümumdünya irsi siyahısına daxildir. Parkın içərisindəki ən məşhur dayanacaq yerdən 31 kilometr aşağı uzanan Cənnət mağarasıdır. Phong Nha-Ke Bang Milli Parkına səyahət etmək üçün ən yaxşı vaxt iyun və avqust ayları arasıdır.

Bəs Hanoyda hara səyahət etmək lazımdır? Vyetnamın paytaxtı Hoan Kiem gölü, Ədəbiyyat məbədi, Köhnə Məhəllə, Thang Long qalası, Ho Chi Minh mavzoleyi, Huong paqodası kimi turistik yerlərlə kifayət qədər zəngindir. Xüsusilə Ədəbiyyat məbədi və Ho Chi Minh mavzoleyi memarlıq üslubu ilə sizi valeh edəcəkdir.

6. Vyetnama təhlükəsiz uçuşlar

2010-cu ilin iyunundan etibarən Vyetnama Vietnam Airlines ilə uçmaq mümkündür. Bu hava yollarının 21 daxili və 28 xarici uçuşu var. İllik səyahətçilərin böyük bir hissəsi Çin, Koreya və Yaponiya kimi Asiya ölkələrindəndir (demək olar ki, 12 milyon nəfər). Rusiya, Avstraliya və ABŞ ilk 10-da yer alan və Asiya ölkəsi olmayan yeganə ölkələrdir. Bundan əlavə, sentyabr və ya yanvar ayları uçuşlar üçün ən yaxşı vaxt kimi görünür, çünki bu zamana bir çox sərfəli bilet tapa bilərsiniz. Oman Air, Bangkok Airways, Scoot, Thai VietJet Air, Nordwind Airlines, Thai Airways, Thai AirAsia və Nok Air Vyetnama birbaşa uçuşları olan digər aviaşirkətlərdir. Vietnam Airlines ilə Vyetnama səyahət etmək təhlükəsizdirmi? 15 Oktyabr 2018-ci il tarixində Vietnam Airlines "AirlineRatings.com"-un (dünyanın aparıcı hava yolu təhlükəsizliyi üzrə reytinq agentliyi) onlara yeddi ulduz reytinq verdiyini bildirdi.

7. Vyetnamda harada qalmaq olar?

Vyetnamın ən sərfəli tərəflərindən biri otel və hostel qiymətləridir. Burada bütün büdcələrə uyğun qonaqlama imkanları mövcuddur. Nəticədə haranı seçəcəyiniz maliyyə imkanlarınıza, tətil planınıza və prioritetlərinizə bağlıdır. Qonaqlama üçün ucuz yerlər axtarırsınızsa, sizin üçün bəzi nümunələr: C Central Hotel, Silverland Jolie Hotel & Spa, Paradise Boutique Hotel, La Beaute De Hanoi Hotel, Golden Sun Suites Hotel, Splendid Star Grand Hotel, Sanouva Saigon Hotel, Tan Hoang Long Hotel (qiymət aralığı 15-50 ABŞ dolları). Vyetnama səyahət etmək və bu otellərdə qalmaq təhlükəsizdirmi? Bəli, bu otellərin əksəriyyəti 3 ulduzlu və daha yüksəkdir. Bundan əlavə, ölkədə Anantara Mui Ne, Sofitel Legend Metropole Hanoi, Avani Quy Nhon Resort & Spa, Banyan Tree Lang Co, The Reverie Saigon, Six Senses Con Dao, Four Seasons Resort The Nam Hai kimi lüks otellər də var. Qiymət aralığı olduqca genişdir, ancaq əsasən 75 dollardan başlayır.

8. Vyetnama səyahət etmək təhlükəsizdirmi?

Vyetnam dünyada kişilərə və qadınlara qarşı ən aşağı cinayət nisbətlərindən birinə sahibdir, amma yenə də təhlükəsizliyinizi düşünməlisiniz. Qadın turistlərə qarşı hücumlar çox azdır, lakin bu, təhlükənin olmaması demək deyil. Oğrular zərgərlik əşyaları səbəbilə qadınlara hücum etməyi üstün tuturlar. Bundan əlavə, bildiyimiz kimi, hər yerdə və Vyetnamda da COVID-19 pandemiyası hökm sürür. Xoşbəxtlikdən, ölkədə COVID-19 xəstələrinin sayında dramatik bir azalma var. Məsələn, 13 sentyabrda cəmi 3 nəfər idi. Pandemiyanın başlanğıcından bəri yalnız 1063 xəstə və 35 itki var. Ən yüksək statistikalar Dananqda (31 ölüm və 394 yoluxmuş şəxs) qeydə alınıb.

9. İkinci Hindçin və ya Vyetnam müharibəsi

Təəssüf ki, ölkənin tarixində bir çox kədərli anlar yaşandı və dünyanın ən məşhur müharibələrindən olan Vyetnam müharibəsi də bunlardan biridir. 1955-1975-ci illər arasında baş vermis müharibə yerli insanlar üçün çox vacibdir və onlar üçün bu, Amerikaya qarşı müqavimət müharibəsidir. Vyetnam müharibəsi Koreya müharibəsinə bənzəyir, amma burada ölkə iki hissəyə bölünmədi. Bu müharibədə bir çox başqa ölkələr də iştirak etdi, məsələn, Çin, Sovet İttifaqı, Şimali Koreya, Amerika Birləşmiş Ştatları, Cənubi Koreya, Tayland, Laos və s. 1.353.000 - müharibə zamanı nə qədər insanın öldüyünü göstərən rəqəmdir. Münaqişə zamanı 600 mindən çox mülki şəxs öldü.

10. Vyetnamda necə gəzmək lazımdır?

Vyetnama səyahətinizdən əvvəl qeyd etmək istədiyimiz son fakt nəqliyyatdır. Bir çox seçim var. Qatar, metro, avtobus/mikroavtobus, təyyarə, bərə, taksi, şəxsi nəqliyyat vasitəsi/avtomobil və ya motosikletdən istifadə edə bilərsiniz. Ölkədə ictimai nəqliyyat ucuzdur və nəqliyyat növünə görə 0,13-1 dollar arasında pul ödəyəcəksiniz. Kirayə avtomobil qiymətləri isə 80-135 ABŞ dolları arasında dəyişir.