Vyetnamda dadmalı olduğunuz 10 Vyetnam yeməyi

Vyetnam mətbəxi, ac qarını doyurmaqla yanaşı, canlı rənglər, ləzzətlər və teksturaların başqa bir dünyasıdır. Bəzi yeməklər və anlayışlar hamı üçün məlum və ya başa düşülən olmasa da, bu mətbəxdəki müxtəliflik insanın zövqünə uyğun bir şey tapmaq üçün kifayət qədər genişdir. Özünüzü möhkəm saxlayın, çünki məqalə sizdə ciddi istək və aclığa səbəb olacaq. Mən sizi Vyetnam yeməklərinin bəzi ümumi ləzzətləri və digər aspektləri ilə tanış edəcəyəm. Bununla belə, daha çox - bu qidaların əsas aspektləri və fonları və onların Vyetnam kulinariya dünyasının daha geniş mənzərəsinə necə qarışdığı haqqında bəzi məlumatları görəcəksiniz. Bundan əlavə, Vyetnama viza ilə bağlı hər hansı məlumata ehtiyacınız olarsa, vebsaytımızın "Xidmətlər" bölməsinə daxil olub, vizaya müraciət edə bilərsiniz!

Vyetnam mətbəxinin əsas inqrediyentləri hansılardır?

Sınamaq üçün ən yaxşı Vyetnam yeməkləri haqqında daha ətraflı məlumat əldə etməzdən əvvəl mətbəxin özü haqqında təəssürat əldə etmək vacibdir. Ümumiyyətlə, onu çoxlu təzə inqrediyentlərdən – göyərtilər və tərəvəzlərdən, çox az yağ və ya süd məhsulları və çoxlu teksturalardan istifadə edən bir mətbəx kimi təsvir etmək olar.

Ölkədə ən çox yayılmış ərzaqlardan biri düyüdür və o, müxtəlif formalarda - əriştə, düyü kağızı və düyü unu kimi istifadə olunur. Düyü, təbii olaraq yeməkləri qlütensiz edir və başqa bir xüsusiyyəti tərkibində şəkərin aşağı olmasıdır.
Ən məşhuru balıq sousudur və yeməklərdə ən çox istifadə edilən inqrediyentlər quş gözü çili, zəncəfil, əhəng, nanə, Vyetnam nanəsi, limon otu, uzun keşniş, Sayqon darçın və Tay reyhan yarpaqlarıdır. Vyetnamda ətlər bahalı olduğundan, bir çox köhnə reseptlər vegetariandır (hazırda donuz əti, mal əti və dəniz məhsulları bəzi məşhur yeməklərdə geniş istifadə olunur).

Ənənəvi Vyetnam yeməklərinin fəlsəfəsi nədir?

Vyetnam yeməklərinin əksəriyyəti əsrlər boyu mövcud olan və yeməklərindən başqa mədəniyyətlərinə dərindən köklənmiş bir fəlsəfəni özündə birləşdirir. Yəni, müəyyən bir balans növü əldə etmək üçün lövhələrin hər biri əsasən beş elementdən birini və ya daha çoxunu ehtiva etməlidir. Beş element dadlar (ədviyyatlı, turş, acı, duzlu və şirin), qida növləri (toz, su və ya maye, mineral elementlər, zülal və yağ), rənglər və ya ən əsası, beş duyğu ola bilər. . Bunlar vizual cəlbedicilik (yemək aranjımanları), xırtıldayan inqrediyentlərdən gələn səs, damaqda qalan beş ədviyyat, sizi valeh edəcək bitki aromatiklərinin qoxusu və toxunuşdur.

Gördüyünüz kimi, bütün prinsiplərə tabe olmaq sadə bir şey deyil, lakin bütün bu elementlərin balansını mənimsəməyi öyrənsəniz, nəticə həqiqətən möhtəşəm olacaq. Böyük ikona Antoni Burdeyn bu mətbəx haqqında ən yaxşı təsvirlərdən birini yazıb:

"Vyetnamda gözəl yeməklər axtarmağa ehtiyac yoxdur. Əla yeməklər özləri səni tapır. Onlar hər yerdədir. Restoranlarda, kafelərdə, kiçik vitrinlərdə, küçələrdə; müvəqqəti portativ mətbəxlərdə qadın satıcıların daşıdığı boyunduruqlarda və sair. Sizin sürücünüz sizi öz evinə dəvət edəcək; bələdçiniz sizi sevimli yerinə aparmaq istəyəcək. Yad adamlar gəlib sizə fəxr etdikləri və bilməyinizi istədikləri yeməkləri dadmağı təklif edəcəklər. Vyetnam qürurlu aşpazlarla dolu bir ölkədir."

Gəlin nəhayət əsas məsələyə keçək!

Bəs sınamalı olduğunuz 10 Vyetnam yeməyi hansılardır?

Pho

Deməli belə, dünyanın super ulduzu Pho-nun adını çəkməsəm bu siyahı tam olmayacaq. Vyetnamda hansı digər Vyetnam yeməklərini sınamalı olduğunuzu görmək üçün burdan yola çıxaq. Əgər bu qısa, ürəkaçan sözü ilk dəfə eşidirsənsə, onun nədən ibarət olduğunu izah edim. Mükəmməl zəngin və balanslaşdırılmış bulyon və təzə düyü əriştəsi! Üstünə bir az mal əti və ya toyuq əti əlavə edilir. Müxtəlif otlar əlavə etsəniz, dadı daha yaxşı olacaq. Pho həm yerli sakinlər, həm də turistlər arasında populyar, nisbətən ucuz və olduqca doyumlu yeməkdir. Pho nu dadına baxdıqda nə demək istədiyimi başa düşəcəksiniz!

Bun Rieu

Sınamaq üçün Vyetnam yeməklərindən danışırsınızsa, bir kasa dadlı şorbadan qaçmaq çətin olar. Bun Rieunu da burada mütləq qeyd etmək lazımdır. Düyü əriştəsi ilə donuz ətindən hazırlanmış pomidor bulyonu, su xərçəngi əti ilə verilir. Nuş olsun!!!

Bahn Mi

Fransızların Vyetnam mətbəxinə təsirini qeyd etməmək mümkün deyil. Yemək XIX əsrin ortalarından etibarən yaransa da, yalnız 1950-ci illərdə populyarlaşaraq küçə yeməyinə çevrildi. Bəs, bu qəribə səslənən ad nədir belə? Bahn Mİ uzununa kəsilmiş donuz əti kolbasa, xiyar və turşu daikon, qırmızı çili kimi müxtəlif yerli inqrediyentlərlə, əlavə olaraq daha bir neçə fransız inqrediyenti ilə doldurulmuş xırtıldayan qısa baget: pate və yağlı mayonezdir.

Vyetnam buzlu qəhvəsi

Texniki cəhətdən yemək olmasa da çox dadlıdır. Vyetnam buzlu qəhvəsinin xüsusi cəhəti qatılaşdırılmış südlə qarışığı və enerji verən mayenin içinə hava daxil edərək xüsusi üsulla hazırlanmasıdır.

Banh xot

Vyetnamda tapa biləcəyiniz ən əyləncəli yeməklərdən biri ola bilər. Onun üst hissəsi xırtıldayır, lakin içi qaymaqlıdır. Banh xot krevet, yarpaqlı göyərti və maş lobyası ilə doldurulmuş kiçik pankeykdir. İçlik üçün başqa seçimlər ola bilər, amma əsas odur ki, tez həzm olunur və çox dadlıdır.

Bot Çien

Bu mənim şəxsi sevimli yeməklərimdən biridir, çünki tərkibində düyü və yumurta var. Daha dəqiq desək, yumurta və bəzi tərəvəzlərlə birlikdə tavada qızardılmış düyü unu kubları, acı soya sousu ilə verilir. Yemək, məktəbdən sonra tələbələr üçün məşhur qəlyanaltı kimi tanınsa da, mən bunu dadmağınızı təklif edirəm!

Banh Xeo

Bir az əvvəl sizə loxma ölçülü xırtıldayan pankeyk haqqında danışdım və indi bəhs edəcəyim yemək texniki baxımdan həmin yeməyi xatırladır. Aralarındakı əsas fərq Banh Xeon in daha böyük ölçüdə olmasıdır! Düyü unu, zerdeçal və sudan xəmir ilə hazırlanır və isti tavaya tökülür. Məhz o zaman cızıltılı və ya yeməyin də adını aldığı Xeo səsi sizi daha da iştahlandıracaq! Ürəyinizin istədiyi hər şeylə doldurula bilən bu yemək, sizi doyduracaq başqa bir məşhur küçə qəlyanaltısıdır!

Goi Cuon

Artıq sizə dediyim kimi, sınamalı olduğunuz Vyetnam yeməklərinin demək olar ki, hər hansı biri haqqında danışsaq, onun hazırlanmasında təzə ərzaqlardan istifadənin də mütləq olduğunu deməliyik. Elə bunu nəzərə alaraq deyə bilərik ki, Vyetnamın təzə düyü kağızı rulonlarını bu anlayışın ən görkəmli nümunələrindən biri kimi qiymətləndirə bilərik. Dünyanın bir çox ölkəsində sevimli, təzə göyərtilər və aromatiklər, tərəvəzlər və bir növ proteinlə dolu olan bu düyü və ya tapyoka unu bükümləri fıstıq sousuna və ya balıq sousu il hazlanan ənənəvi ədviyyatlara batırılır.

Çe Çuoi

Və nəhayət, siyahının şirin təamlarına da vaxt gəlib çatdı. Bəli, Vyetnamlılar dadlı desertlərə yad deyillər və bunların içində Çuoi ən məşhurlarından biridir. Çe adətən yapışqan düyü və ya tapyoka mirvarilərindən hazırlanmış şirin pudinq olmaqla, tərkibində kokos kremi və banan olur. İlıq olaraq verilir və əminəm ki, ağız dadınıza uyğun olacq!

Kokos jeli və ya Rau cau

Burada yeməyə bənzədə biləcəyiniz yeganə şey jele teksturasıdır, lakin kokos jeli aqar-aqardan (jelatinə oxşar keyfiyyətlərə malik olan, lakin veganlar və vegetarianlar üçün uyğun olan dəniz yosunu) hazırlandığından bir qədər fərqlidir. Qatılaşdırılmış süd, kokos kremi və ya müxtəlif ləzzətlər bu tərkib hissəsi ilə qarışdırılaraq panna kottaya bənzəyən bir desert hazırlanır. Siz onu bir çox banh mi mağazalarında və digər yerlərdə tapa və yeyə bilərsiniz.

Gələk nəticəyə! Duzlu, şirin, turş, xırtıldayan, soyuq, təzə və ləzzətli, dadlı və ədviyyatlı, bu və bir çox digər yeməkləri Vyetnamda mütləq tapacaqsınız. Ümid edirəm ki, burada yazdığım hər şey sizi bir anlığa Vyetnam ləzzətlərinin və teksturasının canlı dünyasına daşıya bildi, çünki Vyetnam məxtəxinə səyahət həqiqətən də rəngarəngdir! Əgər Vyetnam mətbəxini sınamaq üçün yaşadığınız yerdə Vyetnam kafesi varsa ora gedə bilərsiniz, amma unutmayın ki, bu yeməkləri dadmaq üçün ən yaxşı yer elə Vyetnamın özüdür. Bu elə bir mətbəxdir ki, ondan yan keçmək olmaz. Ayrılıq sözləri olaraq sizlərə bol iştah arzu edirəm. Nuş olsun!