Hollivud bulvarının küçələrində yerdə 2600-dən artıq ulduzun adını daşıyan ulduzşəkilli mərmər tablo yer alır. Hollivudun küçələrində ilk ulduzlar 1958-ci ildə görünməyə başlayıb.
Los-Ancelesi ziyarət
Hər il 10 milyondan artıq turist məhz yerdəki bu ulduzları görmək üçün Los-Ancelesə gəlir. Ulduzlar 5 kateqoriyaya əsasən verilib: Film, Canlı Çıxış, Radio, TV və Musiqi.
Gene Autry yeganə şəxsdir ki, bu kateqoriyaların hər birindən olmaqla 5 ulduza sahibdir. Tomas Edisonun ilk film proektorunun icadçısı kimi, Rey Bredburinin isə bir çox filmlərə həyat verən əsərlərinə görə ulduzları var.
Bu ulduzlardan yalnız biri Məhəmməd Əlinin simvolu yerdə deyil, "Academy Awards" mükafatının təqdim edildiyi Dolby (keçmiş Kodak) Teatrının divarındadır. Buna səbəb Məhəmməd Əlinin şəxsi istəyi olub ki, peyğəmbərin adı yerə vurulmasın.
Hər bir ulduz sahibi mərmərin təqdim edilməsi mərasimində özü mütləq iştirak etməlidir. Bu şərtdir. İndiyə kimi yalnız Barbra Streyzand öz ulduzunun təqdim edilməsi mərasimində iştirak etməyib.
Şöhrət xiyabanı
Hər hansı ulduzun adının bu Şöhrət xiyabanına düşməsi üçün onun başqası (bu fanat, fan klub və ya hər hansı şirkət də ola bilər) tərəfindən nominasiya olunması lazımdır. Nominantın həmin ulduz kateqoriyası üzrə minimum 5 il təcrübəsi olmalıdır. Nominantları hər ilə juri heyəti analiz edib 20-24 qalib seçir. Nominasiyanı təklif edən şəxs nominant seçildiyi təqdirdə 40 000 ABŞ dolları ödəniş edir. Əgər seçilən şəxs növbəti 2 il ərzində ulduzunun təqdim edilməsi mərasiminə iştirakı qəbul etməzsə, seçim ləğv edilir.
Təəccüblü olsa da, müxtəlif səbəblərdən hələ də Leonardo di Kaprio, Bred Pitt, Ancelina Coli, Klint İstvud, Cennifer Konnely kimi ulduzların Walk of Fame-də ulduzları yoxdur.
Bir kliklə vizanı al
Vaxt itirmədən viza almağa hazırsan?
Biz dünyanın istənilən ölkələsinə səyahət, təhsil və işgüzar səyahət vizalarının alınmasında köməklik göstəririk.