White wine

Avropada ən yaxşı şərabları harada içmək olar?

Kənan İsazadə Kənan İsazadə 26 yanvar 2021
66 baxış 6 dəq. oxu

"Pivə insanlar tərəfindən hazırlanıb, şərab isə Allah tərəfindən" - Martin Lüter. Dünyadakı ən yaxşı içkini tapmaq üçün sorğu keçirsəydik, şübhəsiz ki, cavab şərab olacaq idi. Araşdırmalar göstərir ki, 2018-ci ildə dünya miqyasında 244 milyon hektolitr şərab istehlak edilmişdir. Bu rəqəm olduqca yüksədir. Anket ABŞ-ın ən böyük şərab tükəticisi olduğunu göstərir. ABŞ şərab istifadəsinə görə birincidir, bəs ən yaxşı şərablar haradadır? Bunun cavabını və daha çoxunu bloqumuzda tapacaqsınız. Bu bloqdan ən yaxşı şərablar, sağlamlıq üçün ən yaxşı qırmızı şərablar, ən yaxşı ağ şərablar və s. haqqında məlumat əldə edəcəksiniz.

Champagne, Fransa

wine bottles

Avropada şərabların dadı niyə fərqli olur? 2019 -cu il üçün olan nəticələr Fransanın dünyada şərab istehsalına görə ikinci olduğunu göstərir. Fransa 2019-cu ildə 42,1 milyon hektolitr şərab istehsal etmişdir. Fransada ləzzətli şərabların dadına baxa biləcəyiniz bir çox yer var və Champagne bölgəsi də bunlardan biridir. Əksər insanlar bir sual haqqında maraqlanır: Avropada şərabların dadı niyə fərqli olur? İstehsal texnikası, bölgə, şərab növü və s. kimi bir çox müxtəlif şeylər şərabın dadına təsir göstərə bilər. Ənənəvi istehsal metodunun Fransa, Champagne-nin müvəffəqiyyətinin əsas sirri olduğunu söyləyə bilərik. Bölgədə ziyarət edilməsi gərəkən iki böyük şəhər var: Veuve Clicquot, Pommery və Taittinger-i tapa biləcəyiniz Reyms və Epernay. Hər iki şəhərdə ən yaxşı qırmızı və ən yaxşı ağ şərabların dadına baxa, eyni zamanda şərab istehsalı və şərab istehsalçıları ilə bağlı müxtəlif məlumatlar öyrənə bilərsiniz.

Apuliya, İtaliya

puglia wine

Bir italyan sitatında deyilir: "Buon vino fa buon sangue", yəni yaxşı şərab yaxşı qan yaradır. Səyahətimizin növbəti dayanacağı İtaliyanın Apuliya şəhəridir. Əgər Primitivo-nun dadına baxmısınızsa yəqin ki, bu bölgənin adını eşitmisiniz. Apuliyanın ən yaxşı şərabları hansılardır? Bölgənin ən yaxşı şərabları Primitivo və Negroamaro üzümlərindən hazırlanır. Bundan başqa, Apuliyanın Falanghina, Verdeca və Muscat-dan hazırlanan çox yaxşı ağ şərabları da var. Burada 200-dən çox şərab zavodu var və doğrudan da çox böyük ərazini əhatə edir, ona görə də əvvəlcə Apuliyanın ən yaxşı şərabları ilə bağlı siyahı yaratmanızı və bundan sonra yola qoyulmanızı məsləhət görürəm.

Douro Valley, Portuqaliya

grape garden

Dünyanın ən qədim şərab bölgələrindən biri olan Douro vadisi ölkənin şimal hissəsində yerləşir. Şərab istehsalı bu bölgədə çox illər əvvəl romalıların Pireney yarımadasına yerləşməsi ilə başladı. Bölgədə gəzərkən günəş şüalarını daha yaxşı qəbul edə bilməsi üçün, üzümlərin çayın yaxınlığındakı pik qayalıqlarda əkildiyini görəcəksiniz. Vadidəki ən yaxşı şərablar hansılardır? Douro vadisi, ən yaxşı şirin şərablara və Avropanın ən yaxşı qırmızı şərablarından birinə sahib olması ilə məşhurdur. Vinho Verde bölgədəki ən yaxşı şirin şərabların əla bir nümunəsi ola bilər. Bir şərabsevərsinizsə və Douro vadisini heç ziyarət etməmisinizsə, deməli çox şey qaçırmısınız. Avropanın ən yaxşı ağ şərablarını dadmaq üçün ən yaxşı yerlər siyahınıza vadini əlavə edin.

Kataloniya, İspaniya

catalonia wine

İspaniya Avropada ən yaxşı qırmızı şərabları tapa biləcəyiniz ölkələrdən biridir. İspaniyanın şərabçılıq bölgələrindən biri də Kataloniyadır. Kataloniya zəngin bir şərab istehsalı tarixinə malikdir. İtaliyada və Portuqaliyanın bəzi vilayətlərində olduğu kimi, burada da şərab istehsalının başlama tarixi Roma dövrünə təsadüf edir. Kataloniyada uzunluğu 144 km-dən çox olan on şərab bölgəsi var və onlar Garnacha və Carignan kimi üzüm növləri sayəsində ən yaxşı qırmızı şərablardan bəzilərini istehsal edirlər. Kataloniyada harada şərab dadmaq olar? Bunun üçün məkanlar çoxdur və Emporda ən məşhur yerlərdən biridir. Bura 2000 hektar ərazini əhatə edir və şərab hazırlamaq üçün White Grenache, Macabeu, Syrah və Tempranillo kimi müxtəlif yerli üzümlərdən istifadə edir.

İstriya, Xorvatiya

wine

İndi isə ən yaxşı Şərqi Avropa şərabları haqqında danışmağın vaxtı gəldi. Şərqi Avropadakı ilk dayanacağımız Xorvatiya, İstriyadır. Yuxarıda qeyd etdiyimiz digər şərab məkanları ilə müqayisədə, bura kiçik ailə biznesi olan müəssisələrdən ibarətdir və buna görə də şərab istehsalı böyük miqdarda deyil, lakin keyfiyyət çox yüksəkdir. Burada həm ağ, həm də qırmızı üzüm növləri var. Şərqi Avropanın ən yaxşı şərablarından birini istehsal etmək üçün Malvasia Istriana (ağ üzüm) və Teran-dan (qırmızı üzüm) istifadə edirlər. İstriya haradadır? İstriya, Xorvatiyanın şimal-qərb hissəsində yerləşən yarımadadır, Sloveniya və İtaliya ilə həmsərhəddədir.

Tokaj-Hegyalja

black grape

Şərqi Avropada ən yaxşı şərabları tapa biləcəyiniz bir başqa ölkə də Macarıstandır. Tokaj bölgəsi, dünyanın ən qədim çürüdülmüş(göbələklə) şərabının - Tokaji Aszunun mənşəyi kimi məşhurdur. Botrytis, üzümdə böyüyən və dadlı Şərqi Avropa şərablarını istehsal edən qiymətli bir göbələk növüdür. Bölgədə əsrlər boyunca yetişən iki əsas üzüm növü Furmint və Harsleveludur. Maraqlıdır ki, hökumət şərab istehsal etmək üçün bütün üzüm növlərindən istifadəyə icazə vermir. İstehsalçıların şərab üçün istifadə etdikləri digər üzüm növləri Zeta, Kabar, Koverszolo və Yellow Muscatdır. Tokaj bölgəsi haradadır? Bura Macarıstanın şimal-şərqindədir və Slovakiyanın cənub-şərqinə yaxındır.

Toskana, İtaliya

wine house

Ağaclar, füsunkar şərabxanalar və s. ilə əhatə olunmuş təpələrin üstündəki kərpic binalar, Toskananı İtaliyanın ən yaxşı yerlərindən birinə çevirir. Toskana şərabçılığın müxtəlif sahələri ilə məşhur olan regiondu, bir çox alt bölgədən ibarətdir və onlardan ən məşhurları Montepulçano, Chianti ve Montalçinodur. Bu alt bölgələr bir-birindən o qədər də uzaq deyil və zəhmət çəkmədən hər birini kəşf edə bilərsiniz. Toskana ətrafında bir çox ailə biznesi şərab zavodları var, bu səbəbdən ziyarətçilərin ən yaxşı italyan şərablarına gedən yolu tapması çətin ola bilər. Buna görə də insanların çoxu ən yaxşı italyan şərablarını rahatlıqla tapmaq üçün üçün turlara qoşulmağı məsləhət görürlər. Daha çox Montepulçanoda yetişən Sangiovese üzümləri çox sayda insanın ən sevdiyi üzümdür.

Reynland-Pfalts, Almaniya

white wine

Avropanın ən yaxşı ağ şərablarını tapa biləcəyiniz bir başqa yer də Reynland-Pfaltsdır. Bu vilayət Almaniyanın ikinci ən böyük şərab bölgəsidir və hər il milyonlarla insanı Almaniyaya cəlb edir. Bölgə quru ağ şərablarla məşhurdur və ərazidə istehsalına icazə verilən 22-dən çox üzüm növü var. Şərabçılıq və şərab içmək almanların gündəlik həyatının ayrılmaz bir hissəsidir. İl boyu ölkənin demək olar ki, bütün bölgələrində müxtəlif festivallar keçirilir. Bu atmosferi ən azı bir dəfə yaşamaq sizin üçün də unudulmaz bir xatirə olacaqdır.

Eqer, Macarıstan

eger wine

Heç Gözəl Xanım vadisi haqqında eşitmisinizmi? Yəqin ki, cavabınız xeyr olacaq, çünki Eqer Macarıstan xaricində o qədər də populyar deyil. Vadidə riyolit tuf mağaralara oyulmuş təxminən 200 şərab zirzəmisi var. Burada Şərqi Avropanın ən yaxşı şərablarından dadmaq və almaq şansınız olacaq. Hətta onlardan bəziləri Bordo Şərab Olimpiadasından mükafat da qazanıb.

Narahat olmayın, şərabların hamısı əlverişli qiymətədir. Ayrıca, Avropanın ən yaxşı qırmızı şərablarından biri olan Egri Bikaver-i sınamaq üçün fürsəti əldən verməyin. Macarıstanda dadına baxmağa dəyər digər Şərqi Avropa şərabı Egri Csillag-dır.

Siciliya, İtaliya

grape trees

Siciliya Aralıq dənizindəki ən böyük adadır və üzüm yetişdirmək üçün əla şəraitə malikdir. Siciliya, İtaliyanın digər bölgələri ilə müqayisədə daha çox üzüm bağına sahibdir. Burada istehsal olunan şirin Marsala şərabı ən yaxşı italyan şərablarından biridir. Siciliyadan gələn digər məşhur şərab Zibibbodur. Marsala ilə bənzər xüsusiyyətlərə malikdir, lakin alkoqol faizi daha aşağıdır. İstehsalın maraqlı məqamlarından biri də üzümlərin mayalanma üçün günəş altında qalmasıdır. Dadmanız gərəkən bir başqa məşhur şərab da yüksək turşuluğa sahib olan Nero d'Avola-dır.

Bordo, Fransa

bordeaux

Bordo dünyanın qeyri-rəsmi şərab paytaxtıdır. Bu qısa cümlə belə şəhərin şərabsevərlər üçün kəsb etdiyi dəyəri başa düşmək üçün kifayətdir. Orta əsr strukturu, ləzzətli şərablar və yeməklər hər il Bordoya milyonlarla turisti cəlb edir. Əksər insanlar deyirlər ki, bir həftəni şərablarla keçirtdikdən sonra belə, uzun bir səyahətin başlanğıcında kimi hiss edəcəksiniz. Bordodakı ən yaxşı üzüm növləri Merlot və Cabernet Sauvignon-dur. Bölgə ağ şərabı ilə məşhurdur və onu dada biləcəyiniz ən yaxşı yerlər Pomerol, Medoc, Sauternes, Graves və Saint-Emiliondur.

Sağlamlıq üçün ən yaxşı qırmızı şərablar hansılardır?

wine

Əlbəttə ki, bütün lider şərab bölgələrini bir məqalədə qeyd etmək mümkün deyil. Deyə bilərəm ki, onların sayı qeyd etdiyimdən bir neçə dəfə çoxdur. Ancaq hal-hazırda Avropadakı ən yaxşı üzüm bağları haqqında ümumi məlumatınız var. Bloqumuzun sonunda bir suala cavab vermək istəyirəm: Sağlamlıq üçün ən yaxşı qırmızı şərablar hansılardır? Bildiyiniz kimi, qırmızı şərab sağlamlığımıza müsbət təsir göstərir; Google axtarış nəticəsinə görə Pinot noir-in sağlamlıq üçün ən yaxşı qırmızı şərab olduğunu görə bilərik

Paylaş

Kənan İsazadə

Kənan İsazadə Bakıda anadan olub və böyüyüb, amma hazırda Enerji üzrə magistr təhsili ilə bağlı Türkiyədədir. Kənan səyahəti və müxtəlif mədəniyyətlərdən, irqlərdən və inanclardan olan insanlarla tanış olmağı sevir. O, 10-dan çox şəhərə səyahət edib və bunların əksəriyyətini Türkiyədəki şəhərlər təşkil edir. Kənanın şüarı: yeni dillər öyrənmək, dünyanı gəzmək, mümkün qədər çox kitab oxumaq və başqalarını başa düşmək üçün özünü kiminsə yerinə qoymağı heç vaxt unutmamaq.

Bütün bloqlar
pickvisa.az