Toy aircraft with two neutral passports on the map

Avstraliya təqaüd vizası necə alınır?

Ieva Miltina Ieva Miltina 13 iyul 2021
1 baxış 5 dəq. oxu

Avstraliyada təqaüdə çıxmağı xəyal edirsiniz? Siz tək deyilsiniz. Sarsıdıcı təbiət, mehriban və qonaqpərvər insanlar, çimərliklər və həmfikir dostlarla təsadüfi barbekyu bir insanın Avstraliyada təcrübə etmək istədiyi yeganə şeylər deyil. İnkişaf etmiş və ingilis dilli ölkə olması, bir çox insanın haqq etdiyi təqaüd illərini burada keçirməyi düşünməsinin səbəblərindən bir neçəsidir.

Əminəm ki, Avstraliya təqaüd vizası haqqında araşdırmaq üçün səbəbləriniz var, elə deyilmi? Çünki əks təqdirdə, bu sətirləri oxumaq üçün burada olmazdınız. Nə olursa olsun, mən sizin motivasiya mənbənizi müəyyənləşdirmək üçün deyil, rəsmi saytlarda olan məlumatları araşdırıb sizə müəyyən fikir vermək üçün burdayam. Xəyalınızdakı təqaüd illərinə gedən yolu tapmağınıza kömək etmək üçün buradayam. Daha da əhəmiyyətlisi bu suala cavab vermək üçün: Avstraliya təqaüd vizasını necə almaq olar?

Gəlin “Avstraliya təqaüd vizası” söz birləşməsinin marağınızı cəlb edib-etməməsindən başlayaq. Əgər edirsə, təbrik edirəm, doğru yerdəsiniz! Bir az mürəkkəb sayıla bilən sistemi izah etməklə yanaşı, ən vacib Avstraliya təqaüd vizası tələblərini də vurğulamağa çalışacam. Hədəfin nə qədər əlçatan olduğunu bilmək üçün Avstraliya təqaüd vizasının qiymətini və daha bir çox əlavə məlumatı da bloqumuzda tapa bilərsiniz. Beləliklə, əsaslardan başlayaq. İcazə verin, bu çox istədiyiniz səyahət sənədinə dair arxa plan məlumatlarını və çətin hissəni izah edim.

Avstraliya standart təqaüd vizası ilə bağlı bu hay-küy nədir?

old compass and map

İlk öncə sizə bir sirr verməliyəm. Bəlkə də bu, bloqu oxumağı dayandırmaq istəməyinizə səbəb olacaq, ancaq xahiş edirəm davam edin. Hər şey o qədər də pis deyil. Hazırsınız? Məsələ burasındadır ki, artıq texniki baxımdan Avstraliyada heç bir təqaüd vizası yoxdur. Rəsmi məlumatda belə deyilir: “Bu viza yeni müraciətçilər üçün bağlıdır. Hökümət tərəfindən 2018-19 büdcəsinin bir hissəsi olaraq elan edilən təqaüd vizası sahibləri üçün daimi rezidentlik müraciətləri 17 noyabr 2018-də başladı.

Bu, dövlətin təqaüd vizası proqramını sonlandırması deməkdir və hər hansı bir yerdə əksini söyləyən məlumat oxuyursunuzsa, yəqin ki, yalnışdır. Ancaq dediyim kimi, hər şey o qədər də pis deyil. Bir neçə istisna var. Bəzi insanlar bu vizanı almaq üçün uyğundur. Nə isə, keçək əsas məsələyə.

Avstraliya təqaüd vizası tələbləri nələrdir?

australian visa

Daha əvvəl də qeyd etdiyim kimi, artıq bu adla mövcud olan viza növü tapa bilməzsiniz, amma bir neçə başqa variantlar var və mən bloq boyunca onları “təqaüd vizası” adlandırmağa davam edəcəyəm.

Bir gün Avstraliya rəsmiləri artıq standart təqaüd (subclass 410) və investisiya təqaüd (subclass 405) vizaları üçün yeni müraciətləri qəbul etməyəcəklərinə dair qərar verdi. Mövcud sahiblər isə hələ də sonrakı viza üçün müraciət edə bilərlər. Bu iki varianta müraciət dayandırılsa da, onların yerinə “Retirement Visa Pathway” tətbiq edildi. Bu, cəmiyyətdə yaxşı tanınmış və əhəmiyyətli dərəcədə töhfə verən uzunmüddətli sakinlərə daimi yaşayış statusu almaq imkanı təqdim edir. Ancaq yenə də bəzi əsas tələblərə cavab verməlisiniz:

Müraciətçi 8 May 2018 tarixində təqaüd vizası (subclass 410) və ya investisiya təqaüd vizasına (subclass 405) sahib olub. Ya da son substantiv vizası bunlardan biri olub. İki əlavə tələb də var: birincisi, yuxarıda göstərilən tarixdən müraciət etdiyiniz tarixə qədər başqa vizanızın olmaması, ikincisi isə müraciət anında Avstraliyada olmanızdır. Qısaca desək, 405 və 410 nömrəli vizaların sahibi olan hər kəs bu proqram çərçivəsində daimi yaşayış hüququ almaq imkanına malikdir. Qalan tələblər müraciət etdiyiniz viza növündən asılıdır və bu barədə sizə saniyələr sonra məlumat verəcəyəm.

Hansı viza növləri mövcuddur?

thick colourful paper

Daimi rezident olmazdan əvvəl aşağıdakı viza növlərindən birinə sahib olmalısınız. Avstraliya vətəndaşı, Avstraliya rezidenti və ya uyğun Yeni Zelandiya vətəndaşının valideynisinizsə, daimi valideyn (subclass 103) vizası üçün müraciət edə bilərsiniz. Bu sizə vizanızın verildiyi gündən etibarən 5 il ərzində Avstraliyaya istədiyiniz qədər səyahət etmək imkanı verir.

Contributory Parent” (subclass 143) - müraciət edilə bilən digər bir viza növüdür. Viza sizə eyni nəticəni verəcək, lakin daha sürətli. Avstraliya vətəndaşı, daimi rezidenti və ya uyğun Yeni Zelandiya vətəndaşları tərəfindən maliyyələşdirilən valideynlər üçündür.

Avstraliya İmmiqrasiya Xidmətləri 2022-ci ilədək heç kimə subclass 103 vizası verməyəcək. Odur ki, qeyd etdiyimiz ikinci viza növü üçün müraciət edə və ya müraciətlərin açılmasını gözləyə bilərsiniz. Hər iki viza növü üçün müraciətlər açıq olsa belə, daha sürətli və daha asan müraciət müddətini təmin etmək üçün subclass 143 növünə müraciət edə bilərsiniz.

Avstraliya təqaüd vizası necə alınır?

reading glasses

Proses nisbətən standartdır. Əvvəlcə şəxsiyyəti, sponsoru, xarakteri və s. təsdiq edən sənədləri və bütün lazımi məlumatları toplayacaqsınız. Sənədlərlə bağlı xüsusi siyahı müraciət etdiyiniz viza növündən asılıdır. Sonra ərizə formasını dolduracaqsınız. Əsas tələblərdən biri kağız üzərində müraciət etməyiniz və həmin müddətdə Avstraliyada yaşamağınızdır. Təəssüf ki, müraciəti şəxsən edə bilməzsiniz, buna görə də sənədləri və sizdən istənən bütün təfərrüatları poçtla və ya kuryerlə Pert şəhərindəki mərkəzə (müraciət formasında göstərilən ünvana, ) göndərəcəksiniz. Müraciətdən əvvəl ödənişin ilk hissəsini ödədiyinizdən əmin olun və bu haqda məlumatı digər sənədlərlə birgə əlavə edin. Bu mərhələdən sonra bir müddət gözləməyiniz lazım olacaq. Bu mərhələdə sizdən rüsumun ikinci hissəsini ödəməniz və ehtiyac olduğu təqdirdə bəzi əlavə məlumat və ya sənədlər təqdim etməniz gözlənir.

Viza prosesi haqqında daha ətraflı məlumat əldə etmək üçün Avstraliya Dövlət Daxili İşlər Departamentinə (Australian Government Department of Home Affairs) müraciət etməlisiniz. Bu, immiqrasiya və vətəndaşlıqdan məsul olan qurumdur və qüsursuz bir müraciət edə bilməniz üçün sizə ən son məlumatları verə biləcəklər.

Avstraliyada təqaüd vizası üçün rüsum nə qədərdir?

businessman paying cash

Hər hansı bir Avstraliya vizası haqqında araşdırmısınızsa, onların viza siyasətinin çox sərt və bahalı olduğunu bilirsiniz. Standart təqaüd vizası da digərlərindən geri qalmır və çox xərc tələb edəcəkdir. Daha asan və sürətli müraciət istəyir və subclass 143 vizasına müraciət edirsinizsə, bu sizə 47.825 Avstraliya dollarına (təxminən 60,429 manata) başa gələcək. Səbirlisinizsə və subclass 103-ə müraciət edirsinizsə, ödəmiz gərəkən məbləğ 6 415 Avstraliya dollarıdır (təxminən 8,108). Aradakı fərq inanılmazdır, buna görə seçimi sizə buraxıram. Hər viza növünün müsbət və mənfi cəhətlərini özünüz düşünməlisiniz.

Avstraliya təqaüd vizasına baxılma müddəti nə qədərdir?

woman holding australian

Belə bir vizanın təşkili vətəndaşlığınız və vəzifəli şəxslərə təqdim etdiyiniz məlumatlardan asılı olaraq 10-20 ay çəkə bilər. Hər şeyi planlamaqla və müraciətinizdəki hər şeyin düzgün olmasından əmin olmaqla prosesi sürətləndirə bilərsiniz.

Avstraliya yalnız əyləncəli turizm məqsədli səfərlər üçün deyil, həm də peşəkar həyatınız bitdikdən sonra yaşamaq üçün arzu olunan bir yerdir. Təbiət və ya digər səbəblər olsun - bütün hallarda bu ölkədə yaşamaq üçün qanuni hüquq əldə etməyə gedən yol bir qədər yorucu və çətindir. Demək istədiyim budur ki, təəccüblü bir şey yoxdur, çünki standart versiya ləğv olunmazdan əvvəl Avstraliya təqaüd vizası üçün müraciət edən minlərlə insan var idi. Dövlətin işi isə bu gözəl torpaqlarda yaşamaq istəyən yeni sakinlərin sayını məhdudlaşdırmaqdır. Odur ki, bu şansı əldə etmisinizsə, davam edin! Sizə müraciət müddətində uğurlar arzulayıram!

Paylaş

Ieva Miltina
Ieva Miltina Fəal və təşəbbüskar

Ieva Miltina aktivist və bir neçə sahədə təşəbbüskardır. Peşəsi marketinq və mədəniyyət tədbirlərinin layihə müdiri olsa da, o, ürəyində coşğun bir səyyah və aşpazdır, tezliklə isə konditer olacaq. İeva qeyri-formal təhsildə kök salmış, gənclərlə işə yeniyetməlik illərindən başlamışdır. O, yenilikçi yanaşmalara dərin maraq göstərir. Həmişə yeni kəşflər və sərgüzəştlər axtaran İeva dünyaya müsbət baxışını və bitməyən hekayələrini onunla yolu kəsişən insanlarla məmnuniyyətlə bölüşür. Qonaqpərvərlik və turizm menecmenti üzrə təhsilini alarkən ev aşpazları ilə bağlı yazdığı tezis, onun rahat və ürəkaçan ev restoranına sahib olmaq xəyalını alovlandırdı. Hal-hazırda məqalələr yazmaq və qida fotoqrafiyası etməklə yanaşı, başqa bir xəyalını reallaşdırmaq - yazıçı olmaq üçün çalışır.

Bütün bloqlar
pickvisa.az