Bermud adalarına səyahətdən əvvəl bilsəydim dediyim 10 şey

Rubina Cheruvalath 24 dekabr 2021 308 baxış 3 dəq. oxu

Gizli sürprizlərlə dolu gözəl Bermud adaları (Bermuda), hər bir insanın ən azı bir dəfə görməsi gərəkən yerdir. Bununla birlikdə, insanların çoxuna Bermud adalarının harada olduğu, Bermudada ediləcək şeylər, ziyarət ediləsi yerlər və ya gedərkən bilməli olduğu şeylər hələ də aydın deyil. Bermud üçbucağının arxasında gizlənən sirr səbəbindən bu adalarla bağlı bir çox səhv düşüncə var amma demək lazımdır ki, bunlar ikisi tamamilə fərqli anlayışlardır! Bu məqalədə Bermud adaları haqqında bilmədiyiniz bir çox şey barəsində məlumat əldə edəcəksiniz, odur ki, başlayaq!

1. Bermud adalarında icarəyə maşın götürə bilməzsiniz

blue car

Nə qədər maraqlı (və ya qəribə) səslənsə də, turistlər Bermudada maşın icarəyə götürə bilmirlər. Yerli ailələrin də ev başına yalnız bir avtomobil sahibi olmasına icazə verilir. Bölgə hökuməti bu qərarı yoldakı nəqliyyat vasitələrinin sayını məhdudlaşdırmaq üçün verib. Niyə? Çünki Bermuda cəmi 21 kvadrat mil ərazi ilə dünyanın ən kiçik beşinci ölkəsidir. Buna baxmayaraq, əhalisi ən sıx yerləşmiş üçüncü bölgədir və elə bu səbəblə də, avtomobillərin sayını məhdudlaşdırmaq ağıllı qərardır, çünki bu qəzaları, sıxlığı və çirklənməni minimuma endirəcəkdir. Nəqliyyatla bağlı narahat olmağa dəyməz, əlinizdə bir Bermuda xəritəsi və motorlu skuter / motosiklet ilə adaların hər yerini gəzə bilərsiniz.

2. Bermuda Kariblərdə deyil

view of bermuda

Bermud adalarının coğrafi mövqeyi ilə bağlı ən məşhur yanlış fikirlərdən biri də Karib hövzəsində yerləşməsidir. Ancaq reallıq budur ki, Bermud adaları Şimali Atlantikdədir. Nyu-York və Boston kimi şəhərlərdən Bermudaya uçuşlar mövcuddur. Bermud adalarına çatmaq üçün cəmi iki saatdan çox vaxt lazımdır. Uçuş variantı sizi həyəcanlandırmırsa, Yeni İngiltərədən Bermudaya yola çıxan gəmi səfərlərindən zövq ala bilərsiniz.

3. Grottolar üzmək üçün əladır

bermuda island

Üzmək Bermudada ediləcək ən maraqlı şeylərdən biridir. Grotto və ya Bermud sahillərində yerləşən mağara sistemləri, Bermudda ziyarət üçün ən yaxşı yerlərdən biridir. Ancaq daha yaxşısı həmin yerlərdə üzə bilməkdir! Bəzi şirkətlər daha böyük mağara sistemlərinə üzgüçülük turları təşkil edirlər. Mütəxəssis rəhbərliyi ilə daha zəngin və təhlükəsiz bir təcrübə edindiyiniz üçün, bu, təbii sistemlər haqqında daha çox məlumat əldə etmənin ən yaxşı yoludur. Bermudada ediləcək şeyləri planlayarkən, grottoları unutmayın!

4. Bermud adaları bahalıdır

capital of bermuda

Təəccübləndirici olmaya bilər, amma Bermuda bahalıdır və bu, yalnızca lüks restoranda yeməyə yox, hər şeyə aiddir. Evdə yeməklə restoranda yemək arasında, qiymət baxımından heç bir fərq yoxur. Adalardakı demək olar ki, hər şey bahalı olduğundan xərclərinizi planlaşdırmaq mütləqdir. Bunun səbəbi isə Bermud adalarının uzaq coğrafi mövqeyidir. Bermuda otelleri ilk baxışda bahalı görünə bilər. Buna baxmayaraq, qonaqlama üçün münasib qiymətli yerlər də tapa bilərsiniz.

5. Ziyarət üçün ən yaxşı vaxt mart və ya apreldir

bermuda sunrise

Bermud havası il ərzində sərin və isti arasında dəyişir. Havanın əksərən isti olmasına baxmayaraq, dekabrdan fevrala qədər kəskin soyuqlar müşahidə olunur. Əgər siz çimərlik arzusundasınızsa, Bermudaya səyahət üçün ən yaxşı vaxt mart və aprel aylarıdır. Həm də bu mövsümdə qiymətlər maydan oktyabr ayına(ən sıx mövsüm) qədər olduğu kimi yüksək olmur. Sərin qış zamanı adalara nisbətən daha az turist gəlir. Beləliklə, Bermudu həmin müddət ərzində ziyarət etməklə ən yaxşı otelləri ən ucuz qiymətlərlə tapa bilərsiniz.

6. Yerlilər kömək etməyi sevir

orange sunset celebration

Yerlilər çox qonaqpərvər olmaqla yanaşı, həm də turistlərə çox kömək edirlər. Məsələn, bir yeri axtarırsınızsa və bunun üçün köməyə ehtiyacınız varsa, yaxınlıqdakı yerli sakinlərdən hər hansı birinə müraciət etməkdən çəkinməyin. Sizi doğru yerə yönləndirəcəklərindən əmin ola bilərsiniz. Həmçinin yerlilər ingilis dilində danışdıqları üçün onlarla ünsiyyət qurmaq problem olmayacaqdır. İngilis dili demişkən, heç düşünmüsünüzmü Bermud adaları kimə məxsusdur? Bermud adaları Böyük Britaniyanın dəniz ərazilərinə daxildir, adada danışılan ingilis dili isə, amerikan, ingilis və Qərbi Hindistan ingiliscəsinin qarışığıdır.

7. Meduzalara diqqət edin

jellyfish

Bermud üçbucağının şimalında, Şimali Atlantik okeanda yerləşən Bermud adaları zəngin dəniz həyatına və müxtəlif canlılara ev sahibliyi edir. Ancaq onlardan bəziləri təhlükəli ola bilər. Çünki məhz burada, Portuqaliya gəmiciyi kimi tanınan zəhərli meduzaya rast gəlmək olar. Çimərliklərdə üzməyə gedərkən xəbərdarlıq nişanlarına diqqət yetirmək və ya yerli sakinlərdən və ya otellərdən meduzanın son vaxtlarda görülüb-görülmədiyini soruşmaq hər zaman yaxşı fikirdir.

8. Yeni Bermud Hava Limanı

bermuda airport

LF Wade Beynəlxalq Hava Limanı 9 dekabr 2020-ci ildə açıldı və Bermud adalarına səyahəti bir qədər asanlaşdırdı. Bu, Bermuda dörd fərqli ölkədən birbaşa uçuşların qəbul olunduğu yeganə hava limanıdır. Bermud adalarına marşrut Bermud üçbucağının yaxınlığındadır. Buna baxmayaraq, adaya səyahət etmək son dərəcə təhlükəsizdir.

9. Kran suyu içməyin

water bottles

Əgər Bermud tətilinizdə qarınağrısı yaşamaq istəmirsinizsə, kran suyu içməkdən çəkinin. Adalarda ümumi içməli su sistemi yoxdur. Nəticədə bütün sakinlər və otellər damda yığılan yağış suyundan istifadə edirlər. Həmin su gələcəkdə istifadə üçün su anbarlarında saxlanılır. İçmək üçün yararsız olan bu suyun əvəzinə, özünüzə su almanız və ya suyu qaynatmanız mütləqdir.

10. Çəhrayı qumlu çimərlikləri əldən verməyin

pink sand beach

Çəhrayı qumlu çimərliklər Bermud adalarına səyahət zamanı mütləq görülməsi gərəkənlərdəndir. Onlar xüsusilə gün batarkən çəkilən şəkillər üçün mükəmməl bir fon olaraq xidmət edirlər. Bu çimərliklər öz rəngini mərcan qayalıqlarında yaşayan onurğasızların geridə qoyduğu minlərlə balıqqulağı və mərcandan alır.

Bermud adaları haqqında bir çox səhv düşüncə mövcud olduğu üçün, (bəlkə də adını Bermud üçbucağı ilə bölüşdüyünə görə) ada ilə bağlı bəzi maraqlı sualları cavablandırmağa dəyər.

1. Bermuda kasıb ölkədir?

Bermud ərazisinin kimə aid olması, təbii qaynaqların və əsas sənayenin olmamasına baxmayaraq adanın niyə dünyanın ən zəngin altıncı ölkəsi olduğunu əsaslandıracaqdır. İngilislərə məxsus bu ərazi, ölkədə fəaliyyət göstərən sığorta və maliyyə xidməti şirkətləri kimi beynəlxalq müəssisələrdən sərvət qazanır.

2. Bermuda təhlükəlidirmi?

Bermud adaları, Yamayka kimi Karib ölkələri ilə müqayisədə turistlər üçün etibarlı səyahət yeri hesab olunur. Buna baxmayaraq, dünyanın bütün ölkələrində olduğu kimi, burada da bəzi yüngül cinayətlər işlənir.

shark

3. Bermuda çimərliklərində köpəkbalığı var?

Bermud sularında üzən əsas iki növ köpəkbalığı var: Galapagos və Dusky köpək balığı. Bununla birlikdə, onlar sakit və zərərsizdirlər.

4. Bermud adalarında spirtli içki qəbul etmək qanuna uyğundur?

Müəyyən pub və restoranlarda alkoqollu içkilər içmək qanundir. Ancaq leqal içmə yaşı 18-dir.

pearl island

Siz artıq Bermud adaları ilə bağlı bütün suallarınıza cavab tapdınız, növbə səyahətindir!