Del Toro Lake, Chile

Elə indi Çiliyə səyahət etməyiniz üçün 17 səbəb

Kənan İsazadə Kənan İsazadə 13 fevral 2021
7 baxış 6 dəq. oxu

Bu gün aktiv vulkanların diyarı və dünyanın 9-cu ən böyük şərab istehsalçısı Çili haqqında danışmaq istəyirik. Cənubi Amerikanın turistlər üçün ən sevimli səyahət yerlərindən biri olması həqiqətdir. Hər il təxminən 6,6 milyon insan Çiliyə səyahət edir. Onlardan biri olmaq istəyirsiniz? O zaman doğru yerdəsiniz. Biz  bu bloqda sizə elə indi Çiliyə səyahət etməyiniz üçün 17 səbəb sadalayacayıq. İndi isə Çili haqqında təməl məlumatları gözdən keçirək.

Çili haradadır?

Çili Cənubi Amerikada yerləşir və Peru, Boliviya və Argentina ilə sərhəd qonşusudur. Çilidə neçə milyon nəfər yaşayır? Çilinin əhalisi demək olar ki, 19 milyon nəfərdir. Çilinin paytaxtı haradır? Santyaqo, təxminən 5.6 milyon əhali ilə Çilinin ən sıx şəhəri və paytaxtıdır. Rəsmi Çili valyutası nədir? Çilinin rəsmi pul vahidi Pesodur və bu gün bir ABŞ dolları 789 Pesoya bərabərdir. Çili valyutası ölkədə ən çox istifadə edilən valyutadır. USD və digər xarici valyutalarla mübadilə zamanı bəzi problemlərlə qarşılaşa bilərsiniz. Çili bayrağında hansı rənglər var? Bayraqda üç rəng (ağ, mavi və qırmızı) və sol üstdə bir ulduz var. Bu bayrağı Texas bayrağı ilə qarışdıra bilərsiniz. Çili bayrağındakı rənglərin mənası nədir? Bayrağdakı mavi rəng səmanı, ağ rəng And dağlarındakı qarı, qırmızı rəng isə azadlıq üçün tökülmüş qanı ifadə edir.

1. Carretera Austral

carretera austral

Sirli mağaralara getməzdən öncə heyranedici təbiətdə gəzə bilərsiniz. Yaşıl vadilər, çiçəklər, dağların möhtəşəm mənzərələri və daha çoxu bütün iztirabları və problemləri unutmanıza kömək edəcək. Təbiətdə istirahət etdikdən sonra ecazkar mağaralara qayıqla səyahət edə bilərsiniz. Mağaraların möhtəşəmliyini təsvir etmək demək olar ki, qeyri-mümkündür, ona görə də bunu özünüz təcrübə etməlisiniz.

2. Ləzzətli mətbəx

cuisine

Ölkənin geniş çeşidli, lakin sadə bir mətbəxə sahib olduğunu söyləyə bilərik. İspan və Çili mətbəxlərinin harmonik bir qarışığı müşahidə olunur. Ayrıca, italyan, alman və fransız mətbəxlərinin də bəzi təsirlərini görə bilərik. Dəniz məhsulları, mal əti, meyvə və tərəvəz yeməklərin əsas tərkib hissəsidir. Yeməklərdən bəziləri: Completo (Çili dilində cəm deməkdir), Pebre, Porotos Granados, Pastel de Choclo y Humitas, Sopaipillas və s.

3. İspan dili biliyinizi inkişaf etdirmək şansı

books

Rəsmi Çili dili nədir? Ölkənin rəsmi dili, əksər Cənubi Amerika ölkələrində olduğu kimi ispan dilidir (İspan dili bütün Cənubi Amerikada ən çox istifadə olunan dildir). Bu da sizə ispan dili biliyinizi daha yaxşı hala gətirmək üçün bir şans verəcəkdir. Çili xalqı ilə ünsiyyət qura və onların inancları, həyat tərzi və s. haqqında yeni faktlar öyrənə bilərsiniz. Əgər Çilidə uzun müddət qalmağı planlaşdırırsınızsa, dil kurslarına qatıla bilərsiniz. Bu daha effektiv olacaqdır. İspan dilini bilmirsinizsə, narahat olmayın. Tursitik yerlərin əksəriyyətində insanlar ingilis dilini bilirlər.

4. Fərqli etnik qruplar

santiago

Yerlilərlə ünsiyyət qurmaq hər zaman əyləncəlidir. Çilidə müxtəlif etnik qruplar haqqında mədəni və tarixi faktlar öyrənə bilərsiniz. Çili əhalisinin yüzdə 64%-i  avropalı və 30%-i mestizo olaraq tanımlanır. Bundan əlavə, burada Mapuçe, Aymaralar, Diaguita, Likanantai, Quechua kimi bəzi etnik azlıqlar da var. Maraqlıdır ki, insanların demək olar ki, 85% -i şəhərlərdə yaşamağa üstünlük verir, 40% -i isə paytaxtda yaşayır.

5. Musiqi və rəqslər

music

Ölkə keçmişdə İspaniya müstəmləkəsi altında olduğu üçün bunun mədəniyyətə təsirini görə bilərik. Ölkənin ənənəvi xalq musiqisi Tonadadır. Bundan başqa Zamacueca (qısaca cueca) adlanan ənənəvi bir rəqs var. Zamacueca ilk dəfə 1824-cü ildə ortaya çıxıb. Bəzi dövrlərdə insanlar xalq musiqisinə maraq göstərməməyə başladılar, lakin 1930-1970-ci illər arasında xalq musiqisinə olan marağda ifrat bir artım oldu. Los Cuatro Huasos kimi qrupların bu işdə mühüm rolu var. Çilidə 20-ci əsrdə baş verən siyasi dəyişikliklər musiqiyə də təsir etdi. Demokratiyanın gəlişindən sonra hard və alternativ rok daha çox şöhrət qazanmağa başladı. Bu gün Çiliyə səyahət edə və gözəl xalq musiqisindən zövq ala bilərsiniz.

6. Burada dünyanın ən böyük hovuzu var

swimming pool

Ginnesin Rekordlar Kitabı Çilinin dünyanın ən böyük üzmə hovuzuna sahib olduğunu göstərir. Bu süni cənnətin inşasına 2 milyard dollardan çox vəsait xərclənib. Hovuz 8 hektar ərazini əhatə edir və ümumi uzunluğu 920 metrdir. Maksimum dərinlik 115 metrdir. San Alfonso del Mar-dakı bu hovuzda əla vaxt keçirəcəksiniz. Ancaq bunun sadəcə otel qonaqları üçün əlçatan olduğunu qeyd etməliyik. Sizcə yalnızca hovuz üçün bir oteldə qalmağa dəyərmi?

7. Yer kürəsinin ən quraq yeri

atacama desert

Yəqin ki, həyatınızda ən azı bir dəfə Atakama səhrası haqqında eşitmisiniz. 173 aydan çoxdur ki, burada yağış damlası müşahidə olunmur, lakin 2015-ci ildə yağan yağışdan sonrakı daşqın nəticəsində 100-dən çox insan həyatını itirmişdi. Atakama dünyanın ən quraq bölgəsidir, lakin maraqlıdır ki, orada bir milyondan çox insan yaşayır. Onlar zeytun, pomidor, xiyar və s. yetişdirirlər. Həm də bu yer mədən (mis) sahəsi kimi məşhurdur. İnsanlar Atakama landşaftını Marsla müqayisə edirlər, bu səbəbdən də burada bir çox elmi-fantastik film çəkilir. Çili, Atakama səhrasına səyahət etmək üçün ən yaxşı vaxt nədir? Sentyabr-noyabr(və ya mart-may) ayları arası Çiliyə səyahət etmək üçün ən yaxşı vaxtdır.

8. Birinci sinif şərab məkanı

grapes

Günümüzdə Çili dünyanın 5-ci ən böyük şərab ixracatçısı və 9-cu ən böyük şərab istehsalçısıdır. Şərab üzümləri ilk dəfə İspaniya İmperiyası zamanında əkildi və o gündən bəri, şərab istehsalı gündən-günə artdı. Çili hər il on hektolitrdən çox şərab istehsal edir. Ən əla şərablardan bəziləri: Vina Almaviva, Sena, Clos Apalta, Montes Alpha M.

9. Pasxa adası

easter island

Pasxa adası Çilinin və bütün dünyanın ən sirli yerlərindən biridir. 1995-ci ildə YUNESKO bu yeri Ümumdünya irsi siyahısına əlavə etdi. Adanın şöhrəti buradakı 1000 heykəllə bağlıdır. Rapanuilər (yerli Çili xalqı) bu heykəlləri inşa edən insanlardır. Bu gün bu heykəllərlə bağlı bir çox nəzəriyyə var və onlar Pasxa adasının populyarlığını daha da artırır. Bu ərazini bir çox filmlərdə, kinolarda, videolarda görə biləsiniz. Çilidə gözəl vaxt keçirməyin ən yaxşı yollarından biri Pasxa adasına olan turlara qatılmaqdır.

10. Pinqvinlər

penguins

Pinqvinlər yalnız Antarktidada yaşamır! İnanmaq çətindir, amma bu bir həqiqətdir. Pinqvinlər Çilinin cənubundakı bir neçə yerdə, məsələn, Seno Otway Pinqvin Koloniyasında yaşayırlar. Burada beş növ pinqvin yaşayır və bunlar kral, rockhopper, makaronlar, magellan və humbold pinqvinləridir. Bundan əlavə, Çilinin şimal hissələrində də pinqvinlərə rast gələ bilərsiniz.

11. Çili ən böyük və aktiv vulkanlardan birinə sahibdir

volcano

Çilidə 1300-dən çox vulkan var və onlardan bəziləri hələ də aktivdir. Cerro Azul, Cerro Hudson və Villarrica ən məşhur vulkanlardır. Bu üçü strаtоvulkаnlar da adlanan qarışıq vulkanlardır. Hər il bir çox peşəkar alpinist bacarıqlarını sınaqdan keçirmək üçün buraya səyahət edir.

12. Dünyanın ən uzun sahil xəttlərindən biri buradadır

chile coast

Çili, təqribən 4300 km uzunluğundakı dünyanın ən uzun sahil xəttlərindən birinə sahibdir. Digər tərəfdən, bura həmçinin dünyanın ən dar yerlərindən biridir (200 km). Bu uzun sahil xətti əla turizm imkanları yaradır. Əksər otel, kurort və düşərgə bölgələri bu cür yerlərdə yerləşir. Çili xalqı bu cür cənnətin vətəndaşı olduqları üçün şanslıdır.

13. Torres del Paine Milli Parkı

Həm Çili əhalisi, həm də əcnəbilər Torres del Paine Milli Parkını ziyarət etməyi sevirlər. Bu parkda sizi nəfəs kəsən mənzərələr, füsunkar təbiət və bir çox fəaliyyət gözləyir. Parkdakı ən cəlbedici yerlərdən biri də Grey gölüdür. Bu gözəllik ilk baxışdan etibarən sizi hipnoz edəcəkdir. Torres del Paine fotolarda cazibədar görünür, amma real həyatda daha heyranedicidir.

14. Santyaqo

santiago

Çilinin paytaxtında unudulmaz vaxt keçirmək üçün hər şey var. Çoxlu parklar, kinoteatrlar, restoranlar, kafelər, qədim və müasir binalar sizi gözləyir. Sakinlərin çoxunun Santyaqoda yaşamağa üstünlük verməsi təəccüblü deyil. Şəhəri kəşfə çıxarkən o sizi də ovsunlayacaq və bəlkə də Santyaqoda qalmağa qərar verəcəksiniz.

15. Çiloe adası

chiloe island

Çiloe adası (İspan, Çili dilində: Isla de Chiloe) Çiloe arxipelağının ən böyük adasıdır. Rəngli evlər və təbiətə səyahət turları Çiloe adasının əsas xüsusiyyətləridir. Bundan əlavə, ada kilsələrinə görə məşhurdur. Çiloedə YUNESKO Ümumdünya irsi kimi qorunan 16 kilsə var. Səyahətçilərin sevdiyi bir başqa yer isə Çiloe Milli Parkıdır.

16. Pukon

pucon

Pukon Çilinin başqa bir incisidir. Çilinin bir çox yerində qayıq və ya kanoe səfəri edə və ya meşədə gəzə bilərsiniz. Daha sonrasında isə Pukonun əsas xəzinəsini - buxarlı termal hamamlarını sınaya bilərsiniz. Bu termal hamamlar sizi digər dünyadaymışsınız kimi hiss etdirəcək.

17. Portillo

chile winter

Nəhayət, Çilini ziyarət etmək üçün son səbəbə gəldik. Portillo bütün Amerikadakı ən qədim xizək kurortudur. İkonik sarı binanı heç bir zəhmət çəkmədən fərq edəcəksiniz. İzdihamlı və səs-küylü şəhərlərdən uzaqlaşmaq istəyirsinizsə, Portillo xəyallarınızın diyarıdır. Sadəcə möhtəşəm mənzərədən zövq alın, xizək və snoubordu sınaqdan keçirin

Paylaş

Kənan İsazadə

Kənan İsazadə Bakıda anadan olub və böyüyüb, amma hazırda Enerji üzrə magistr təhsili ilə bağlı Türkiyədədir. Kənan səyahəti və müxtəlif mədəniyyətlərdən, irqlərdən və inanclardan olan insanlarla tanış olmağı sevir. O, 10-dan çox şəhərə səyahət edib və bunların əksətiyyətini Türkiyədəki şəhərlər təşkil edir. Kənanın şüarı: yeni dillər öyrənmək, dünyanı gəzmək, mümkün qədər çox kitab oxumaq və başqalarını başa düşmək üçün özünü kiminsə yerinə qoymağı heç vaxt unutmamaq.

Bütün bloqlar
pickvisa.az