Dünyadakı 20 ən qəribə bayram

Nərgiz Məmmədzadə 24 dekabr 2021 0 baxış 4 dəq. oxu

Heç ən qəribə bayram və günlərlə maraqlanmısınız? Dünyadakı ən qəribə bayramlar hansılardır? Gəlin onlara yaxından nəzər salaq!

1. Milli Spaqetti Günü

spaghetti

Dünyanın ən qeyri-adi bayramları siyahısına ən ləzzətlilərdən biri ilə başlayaq! Hər il 4 yanvar ABŞ-da Milli Spaqetti Günü kimi qeyd olunur. Makaron artıq zəngin inqredientlərlə birgə verilən əsas yemək sayıldığından və restoranların onu müxtəlif dünya mətbəxləri ilə təqdim etdiyindən makaron sifarişləri ildən-ilə artır. Bu günün italyanların ən fəxrli günü olduğunu əminliklə söyləyə bilərəm!

2. Milli Qucaqlaşma Günü

hugging

Ürəyimizi bundan daha çox isidəcək gün olduğunu düşünmürəm. Qucaqlaşma günü qucaqlaşmağa həsr olunmuş və hər il qeyd edilən bir gündür. Beynəlxalq Qucaqlaşma Günü ilk dəfə 21 yanvar 1986-cı ildə ABŞ-ın Miçiqan ştatının Clio şəhərində qeyd olunub. Bu gün hər kəsi öz ailəsini və dostlarını daha tez-tez qucaqlamağa təşviq etməyi hədəfləyir. Qucaqlaşma günü hər il 21 yanvarda qeyd olunur.

3. Ümumdünya Nutella Günü

nutella

Düşünürük ki, Nutella-nın əfsanəvi dadını hər kəs bilir! Bu ləzzətli dadı ilə onun uşaqlar və ailələr tərəfindən ən çox seçilən şokolad olması təəccüblü deyil. Hər kəsin haqqında danışdığı və sevərək yediyi bu dad üçün xüsusi gün belə mövcuddur. 5 Fevral - Ümumdünya Nutella Günü! İnsanlar bu günü sosial mediada Nutella şəkillərini, reseptlərini və mesajlarını paylaşaraq qeyd edirlər.

4. Dünya Kompliment Günü

mirror

1 Martda hər kəs bir-birinə kompliment söyləməlidir! Mahiyyətinə baxdığımızda qəribə bayram olmasından ziyadə, çox xoş bir gündür. Bu, sevdiklərimizin ürəyini fəth etmək, onları xoşbəxt etmək və ya ən azından belə hiss etmək üçün əla gündür. Birini xoşbəxt etmək üçün bir-iki şirin söz kifayətdir.

5. Super Mario Günü

super mario

1980-ci illərin unudulmaz Nintendo qəhrəmanının dünya üzrə milyonlarla pərəstişkarı var. 1980-ci və ya 1990-cı illərdə böyümüsünüzsə, əminəm ki, Mario və qardaşı Luiginin kim olduğunu bilirsiniz. Mario və qardaşı, Nintendonun və hətta dünya oyun tarixinin ən məşhur qardaşlarıdır!

Super Mario Günü üçün nəyə görə 10 martın seçildiyi ilə maraqlanırsınızsa, yox, bu gün oyunun çıxdığı gün deyil. Mart ayının ilk üç hərfini (Mart) "Mar" və 10 rəqəmini yan-yana qoysaq, Mario olaraq oxuna bilən "MAR10" ortaya çıxır. Bu super günü qeyd etməyin yalnız bir super yolu var və bu, həmin günü Super Mario oynamağa sərf etməkdir!

6. Dünya Parti Günü

party

İlk dəfə 3 aprel 1996-cı ildə qeyd olunan Dünya Parti Gününün mənşəyi məlum deyil. Ancaq ziyafət üçün səbəb axtaran kollektiv tərəfindən təşkil edildiyi düşünülür. Parti günü daha yaxşı bir dünya və arzu olunan bir gələcək yaratmaq üçün hər il 3 aprel tarixində bütün dünya tərəfindən qeyd olunmağa davam edir. Bu günün əsas məqsədi xoşbəxt olmaq və dünyanın ağrılarını unutmaq üçün bəhanələr yaratmaqdır.

7. Milli Zəncirbənd Günü

zipper

Bunu oxuyan zaman üz ifadənizdə yaranan şoku təsəvvür edirəm. Əminəm ki, bu bloqu oxuduqdan sonra yanınızda kimsə qəribə milli bayramlar haqqında danışsa, dərhal bu gün ağlınıza gələcək. 1913-cü ildə isveçli-amerikalı mühəndis Gideon Sundbəkin bugünkü zəncirbəndlər üçün patent aldığı gün - 29 aprel Zəncirbənd günü kimi qeyd olunur.

Çox sadə bir şey olmasına baxmayaraq, zəncirbənd həyatımızı çox asanlaşdırır. Sadə, lakin həyatımızı çox asanlaşdıran oxşar obyektlər barədə düşünərək günü qeyd edə bilərsiniz. Geyimlərinizin zəncirbəndini hər açıb-bağladığınız zaman üzünüzdə yaranacaq təbəssüm bayrametmə üçün kifayətdir.

8. Ulduz Müharibələri Günü

stormtrooper

Bu gün filmin pərəstişkarlarının Ulduz müharibələri mədəniyyətini və filmini anmaq üçün qeyri-rəsmi olaraq elan etdiyi bayramdır. Fenomenal "Güc sizinlə olsun" ("May the force be with you")  misralarının tələffüzünə görə 4 may tarixi Ulduz Müharibələri Günü (Luka Skywalker Günü olaraq da bilinir) kimi qeyd edilir. Hər il 4 mayda dünyanın dörd bir yanında keçirilən mərasimlər, bu il koronavirus səbəbindən təxirə salındı.

9. Milli Çirkli Qabların Olmaması Günü

colorful dishes

Buna başqa cür dünya qab yuma günü də deyə bilərik. Bu günü restoranda yeməklə və ya qablardan istifadə etməməklə qeyd edə bilərsiniz. Ümid edirəm ki, 18 mayda sizi nəhəng bir çirkli qab dağı gözləməz!

10. Milli Pişiyinizi Qucaqlama Günü

cat

Bu gün sizə qeyd-şərtsiz sevgi bəsləyən tüklü dostlarınıza sevgi bəxş etmək üçün mükəmməl bir gündür. "Pişiyinizi qucaqlayın" günü hər il iyunun 4-də ev heyvanları ilə birgə böyük sevinclə qeyd olunur. Pişik sahiblərinə bu gündə pişiklərini bərk-bərk qucaqlamaq tövsiyə olunur. Əgər pişiyiniz yoxdursa, bu günü "Başqasının Pişiyini Qucaqlama Günü" kimi qeyd edə bilərsiniz.

11. Təlaş Günü

panic

Hər il 18 iyun tarixi Təlaş günü kimi qeyd olunur. Bu günün məqsədi insanları stresini azaltmaq və kontrol altına almaq üçün yollar tapmağa təşviq etməkdir. Bütün problemlərinizdən uzaqlaşın və rahatlayın. 18 mayın həm də Piknik günü olması isə əla təsadüfdür. Güman edirəm ki, stresdən qurtulmaq və rahatlamaq üçün piknik etməkdən daha yaxşı bir yol yoxdur.

12. Hamak Günü

hammock

İyul ayının ortaları, günəş, hamakda dincəlmək... İnsanı heç bir şey hamakda dincəlmək və istirahət etmək qədər rahatlaşdırmır. Hər il 22 iyul Hamak günü kimi qeyd olunur. İki möhkəm, əlverişli bir şəkildə yerləşən ağac və ya dayaq tapın, özünüzə rahat bir hamak hazırlayın. Bu günü qeyd etmək üçün daha yaxşı bir yol ola bilməz! Rahatlayın!

13. Dünya Ağcaqanad Günü

mosquito

20 avqust 1897-ci il Ronald Rossun (1857-1932) ağcaqanadların malyariyanı insandan-insana yaydığını göstərdiyi tarixdir. Bu gün bütün dünyada Dünya Ağcaqanad Günü kimi qeyd olunur. Günün məqsədi sağlam və ağcaqanadsız bir dünyada yaşamaqdır. Bu, dünyada qeyd edilən ən qəribə bayramlardan biridir!

14. Beynəlxalq Pirat kimi Danışma Günü

pirates

Biri sizdən "Qəribə bayramlar haqqında nə bilirsiniz?" deyə soruşsa, bu gündən bəhs etməlisiniz. Bu, şübhəsiz ki, onları şoka salacaq! Ancaq niyə bir günlük də olsa bütün dünyəvi dərdləri unudub, hiyləgər pirat olmayasınız? Bu günün mənşəyi ABŞ-la bağlı olsa da, daha sonra 19 sentyabrda qeyd olunan Beynəlxalq Pirat Gününə çevrildi. Dəfinələr adası-nın qəhrəmanları kimi hiss etmək istərdinizmi? O zaman reikarnasiyaya hazır olun!

15. Ümumdünya Əl Yuma Günü

handwashing

Əl yumağı sağlamlıq baxımından vərdiş halına gətirən Qlobal Əl Yuma Gününün 15 Oktyabr 2008-ci ildən bəri qeyd olunduğu bilinir. Koronavirusla mübarizə tədbirləri çərçivəsində ən vacib vəzifəmizin əllərimizi yumaq olduğu bu ildə bu günü qeyd etmək nə qədər də mənalıdır, elə deyilmi?

16. Düymələri Saymaq Günü

buttons

Düymələri saymaq? Bu, təkcə dünyadakı qəribə bayramlardan biri deyil, həmçinin ən əyləncəlilərdəndir! Bu qeyri-rəsmi bayramın naməlum yaradıcılarının nə etmək istədikləri hələ də aydın deyil. Ancaq "Düymələrinizi Sayın Günü" hər il 21 oktyabrda qeyd olunur.

Bu günü necə qeyd etmək olar? Bir düymə kolleksiyasına başlayın. Çox müxtəlif növlərdə düymələr var və bəzi vinteyc düymələr sadəcə əvəzsizdir. Tikiş dəstinizdəki bütün düymələri sayın. Nəyə görə günü düymələrə bənzəyən şirniyyatlar hazırlamaqla qeyd etməyək? Təsəvvür edin, düymə icad olunmasaydı, həyatımız nə qədər çətin olardı!

17. Milli Unutma Məni Günü

flowers

Hamının həyatında maraqlandığı, amma əlaqə qurmaqdan çəkindiyi insanlar var. Bu gün də insanları əlaqə qurmaqdan çəkindiyi insanlarla yenidən əlaqə qurmağa sövq edən qeyri-rəsmi bayramdır. Unutma Məni Günü hər il 10 Noyabrda qeyd olunur və mənşəyi vətəni uğrunda şəhid olmuş əsgərlərlə sıx bağlıdır.

Milad, Yeni il və hətta Çirkin Sviter Günü haqqında hamımız xəbərdarıq. Bəs dekabrdakı qəribə günlər hansılardır?

18. Milli Qırmızı Alma Yemək Günü

apple

Hər il 1 dekabrda Qırmızı Alma Yemə Günü qeyd olunur. Günün məğzi təbiətin təqdim etdiyi ən faydalı meyvələrdən birini qeyd etməkdir. Bu günü alma yeməklə yanaşı, alma piroqu etmək, çoxlu alma suyu içmək və ya evdə alma sirkəsi hazırlamaqla qeyd edə bilərsiniz.

19. Zaman Səyyahı kimi Davranma Günü

clocks

Yeni ilə az qalıb, ancaq siz indidən əylənmək istəyirsiniz? Elədirsə, bu qəribə, lakin əyləncəli bayramı qeyd edin. 8 dekabrda nə edək? Zirehli paltar geyinin və küçədə yoldan keçənlərdən "Bu neçənci ildir?" deyə soruşun. Hər kəsin sevimlisi "Gələcəyə qayıdış" filmini izləməyi də unutmayın!

20. Ə’ifba Günü və ya "L"-ə Yox Günü

alphabet

Hər il 25 dekabrda bu qəribə gün qeyd olunur. Günün mənşəyi və məqsədi məlum deyil. Həmin gün bütün yazışmalarınızda və danışıqlarınızda "L" hərfini işlətməkdən çəkinməlisiniz. Evinizdə və iş yerinizdə "L" hərfi ilə başlayan hər hansı bir obyektdən istifadəni də qadağan etməlisiniz. Bu, həqiqətən də dekabr ayında keçirilən ən qəribə bayramlardan biridir!

Oxşar yazılar:

SƏYAHƏTSEVƏRLƏR ÜÇÜN MARAQLI 4 PODCAST

SƏYAHƏTSEVƏRLƏR ÜÇÜN MARAQLI 4 PODCAST

Səyahət planlarının qurulması nəinki şəxsi təcrübəmizdən, başqalarının da təcrübələrindən öyrəndikcə mükəmməlləşən bir obyektdir. Öz səyahət təcrübələrimizi bölüşmək və başqalarının da təcrübələrindən öyrənmək üçün bir çox platformalar var. Ən sevdiyim platformanı sizinlə bölüşüm: PODCASTS. Səyahətlə bağlı qulaq asdığım podcast-lardan bəziləri Woman Who Travel – səyahətçi xanımların, məşhur jurnalistlərin, fotoqrafların (the.atlas.of.beauty ilə də müsahibə var) müxtəlif restoran, yemək, […]

Gülər Ağayeva 24 dekabr 2021
Bu yerlərə gedəcək bir igid axtarilir. Ən təhlükəli yerlər.

Bu yerlərə gedəcək bir igid axtarilir. Ən təhlükəli yerlər.

Bütün səyahətçilər öz səfərlərinin ideal və yaddaqalan olmasını istəyirlər. Amma bəzən yaddaqalan səfərlər ideal olmaya da bilir. Səyahətlər zamanı turistlər gözlənilməz surprizlər və təhlükəli məkanlarla qarşılaşa bilirlər. Düzdür, bu gün çox sayda turist cəlb etmək üçün ölkələr fərqli sloqanlar, videoçarxlar vasitəsilə ölkələrinin ən rəngli, təhlükəsiz görüntülərini və məkanlarını paylaşırlar. Bu bloqda həmin çarxlarda kadra alınmayan ən təhlükəli səyahət məkanlarına nəzər […]

Dünyanın ən bahalı 10 restoranı

Dünyanın ən bahalı 10 restoranı

Müasir dövrümüzdə restoranlara olan tələb günü gündən artır. Ad günləri və xüsusi ailəvi tədbirlər zamanı, görüşlər keçirərkən, işdən sonra və ya sadəcə həftəsonunu dostlarla xoş və maraqlı keçirmək üçün ağlımıza ilk gələn yaxşı bir restoran tapmaq olur. Bəs biz bunu hansı kriteriyalara əsasən seçirik? Yerləşdiyi yer, populyarlığı, yeməkləri, dizaynı və ən əsas da qiymətləri. Hər birimiz çalışırıq […]

Bu ölkələrdə bunları etmək olmaz…

Bu ölkələrdə bunları etmək olmaz…

Dünyada çoxlu sayda qadağalar mövcuddur. Bir çox qadağalar bütün cəmiyyətlər üçün eyni dərəcədə vacibdir. Bəzən insanların birgə yaşayışının mümkünlüyü də bunlardan asılıdır. Lakin bəzi qadağalar var ki, onlar yalnız hər hansısa bir cəmiyyətə məxsusdur. Bu tip qadağalar müxtəlif xalqların adət ənənələrindən, dünyagörüşündən, dini inanclarından, tarixi hadisələrdən və s. irəli gələ bilər. Səyahət həvəsi sizi dünyanın […]

Cavid Əsədov 24 dekabr 2021
Torontonun 10 ən dadlı restoranı

Torontonun 10 ən dadlı restoranı

Ən yaxşı restoran siyahısının yaradılmasının subyektiv olduğunu tam qəbul edirik. Zövqlər və rənglər mübahisə edilməz olduğu kimi, ağız dadlarımız da belədir. Kanadada, daha dəqiqliklə desək Torontoda iki nəfərin eyni sevilən restoranları seçməyəcəyi də olduqca aydındır. Buna görə siyahımız bir çox fərqli mətbəxi özündə birləşdirməyə çalışır. Əsas odur ki, biz təqdim edək. Hansını seçəcəyinizə siz özünüz qərar […]

Nərmin Aydınqızı 24 dekabr 2021
DÜNYANIN RƏNG DOLU BAYRAMLARI

DÜNYANIN RƏNG DOLU BAYRAMLARI

Bir ölkənin mədəniyyəti, tarixi ilə tanış olmaq istəyirsizsə, onun bayramlarında iştirak edin. Hər birimiz bayramları çox sevir, səbirsizliklə gözləyirik. Bayram günlərində bütün ailə, dost, tanış, qohumlar bir araya gəlib unudulmaz günü qeyd edir. Bəs başqa bir yerdə, tanımadığınız insanlar arasında bayram keçirməyə nə deyərsiz? Sizin üçün dünyanın ən rəngli bayram və festivallarını bir araya gətirdik […]

Arzu Çinarlı 24 dekabr 2021
DÜNYADA ƏN ÇOX AZƏRKEŞİ OLAN 10 FUTBOL KLUBU

DÜNYADA ƏN ÇOX AZƏRKEŞİ OLAN 10 FUTBOL KLUBU

Hər il yüzlərlə futbol komandaları arasında minlərlə oyun keçirilir, müxtəlif transferlər baş tutur, fərqli mükafatlandırma mərasimləri keçirilir. Bundan da asılı olaraq hər il müxtəlif futbol klublarının azarkeş sayı artır və ya azalır. Bəzi insanlar heç nəyə baxmayaraq sadiq azarkeş olsa da, bəzi insanlar sevdikləri oyunçunun transferindən, klubun həmin ilki qalibiyyət sayından və ya başqa səbəblərdən artıq […]

LOS-ANCELESİN QEYRİ-ADİ KOKTEYL BARLARI

LOS-ANCELESİN QEYRİ-ADİ KOKTEYL BARLARI

Los-Anceles ABŞ-ın ən parlaq şəhərlərindən biridir. O, arzular diyarıdır. Şəhəri gəzərkən öz üzərinizdə Los-Ancelesin bütün çalarlığını duyacaqsınız. Hər qarışı möhtəşəmliklə dolu olan şəhəri gəzib bitirənə qədər gün bitər. Bu zaman da yorğunluğuzu almaq üçün nə etmək olar? Əlbəttə ki, rahatladıcı bir kokteyl dadmaq. Los-Ancelesi kokteyl paytaxtı adlandırmaq olar, burada klassik içkilərdən tutmuş, barmenlərin yaratdığı incilərə […]

Arzu Çinarlı 24 dekabr 2021
BUNYOLU QIRMIZIYA ÇEVİRƏN SAAT

BUNYOLU QIRMIZIYA ÇEVİRƏN SAAT

Hər il avqust ayında İspaniyanın Valensiya şəhərindən 38 km aralıda, Bunyol qəsəbəsində 20.000 insan su eynəyi geyinir. Məqsəd dənizdə, çayda üzmək deyil. Məqsəd 150 ton pomidorun yaratdığı qırmızı dalğaları ram etməkdir. Pomidor Festivalı Sakit həyata öyrəşmiş Bunyol qəsəbəsinin sakinləri ildə bir dəfə, bütün qapılarını, pəncərələrini bağlayır. Ticarət mərkəzlərinin divarlarını xüsusi örtüklə müdafiə etməyə çalışır. Qəsəbəyə iri yük […]

Coşqun Kərimov 24 dekabr 2021
Yaponiyanın gəzməli yerləri

Yaponiyanın gəzməli yerləri

Yaponiya – qədim ənənələrin, müqəddəs yerlərin və ən müasir texnologiyaların inanılmaz qarışığıdır. Keçmişinə hədsiz dərəcədə hörmət edən və bununla yanaşı, sürətlə gələcəyə doğru irəliləyən ölkənin görməli yerlərinin Top 5-ni təqdim edirik: 1. Fudzi-Hakone-Idzu Milli Parkı Bu yer hər il 20 milyonadək turist qəbul edən Yaponiyanın ən maraqlı təbii məkanlarından biridir. Parkın ərazisində Fuci dağı, 5 […]

Elnur Həmidli 24 dekabr 2021