İCAZƏ VERİN SƏYAHƏT SİZİ DƏYİŞDİRSİN!

Gülər Ağayeva 24 dekabr 2021 294 baxış 1 dəq. oxu
Mündəricat

O doğrudur ki, insanın yaşı artdıqca risk almaq, fərqli aktivitilər etmək istəyi azalır. İş həyatı, ailə həyatı, yorğunluqlardan sonra dincəlmək, monotonluq istəyi daha üstün gəlir. Ən əsası, insan daha az yaşlarında dəyişikliyi qəbul etməyə daha çox meylli olur. Məhz bu səbəbdən də səyahətə daha tez yaşlarında başlamalısınız. Niyə? Səyahət zamanı qarşılaşdığınız hadisələrin sizdə güclü xarakter formalaşdırmasına icazə verəsiniz deyə. Məsələn, Mən! Bilmirəm bundan sonrakı həyatımda aşağıda elədiklərimi bir daha edərəmmi?!

1. Hamının, valideynlərimin, bütün yazılmış bloqların, "təhlükəlidir getməyin" deməsinə baxmayaraq Nairobi - Keniya, Keyptaun - Cənubi Afrikaya 35 günlük səyahətə getmək.

2. Həmin səyahətdə tanımadığım birinin evində partiyə getmək. Nə var nə var, bir dəfə gördüyümüz adını belə yadımızda saxlamadığımız amerikalı qaqaş “super parti olacaq, gəlin qoşulun gedək” dedi.

3. Keyp Taun Universiteti tələbələrinin qaldığımız evin həyətindəki keçirdiyi o dəli “barbeque party”-nin tam ortasına özünü atmaq.

4. Cənubi Afrikanı kirayə götürdüyümüz maşınla gəzərkən “Wilderness” adlı yerdə favellalara hökumətin təhlükəsizlik səbəbi ilə yardım paketlərini heç maşından düşmədən evlərin həyətlərinə tulladıqlarını gördüyümüz halda belə gecəni orda qalmaq qərarına gəlmək.

5. Rekordlar kitabına düşmüş, “Bloukrans” çayı üzərində yerləşən, dünyanın ən hündür 216 metrlik kommersiyası “Bloukrans Bridge Bungy”-dən tullanmaq.

6. "Mama Africa" restoranında səyahətin son büdcələrini sonradan ac qalmaq ehtimalına baxmayaraq xərcləmək və bundan həzz almaq.

travel the world

İcazə verin səyahət sizi dəyişdirsin. İcazə verin beyniniz daha öncə qarşılaşmadığınız vəziyyətlərlə qarşılaşıb qərar verə bilməməyin, yalnız həll yolu tapmağa fokus olmanın, riskli addımlar atıb dünyanın ən gözəl hisslərini yaşamanın necə əvəzolunmaz bir təcrübə olduğunu sizə göstərsin.

Daha güclü insana çevirsin.