İspaniya təqaüd vizası tələbləri

Tamerlan Mehdiyev 24 dekabr 2021 362 baxış 4 dəq. oxu

Pireney yarımadasında yerləşən İspaniya möcüzələrlə dolu bir ölkədir. İspaniyanın dünyaya nə qədər təsir etdiyini izah etməyə ehtiyac yoxdur. Roma dövründən müasir dövrümüzə qədər - İspaniyadan miras qalan çox şey görürük. Elə ingilis dilindəki sözlərin üçdə ikisinin mənşəli olan və elm dünyasına inanılmaz dərəcədə təsir etmiş latın dilindən başlayaq. Təsadüfi deyil ki, bu dil qanun, hökumət, məntiq və teologiyanın dili adlanır. Bu yarımadadan olan insanların yeni dünyanın, Amerikanın kəşfində çox böyük əməyi var. Mədəniyyətə gəldikdə bunun tam ayrı bir məqalədə bəhs olunması gərəkən əsas mövzu olduğuna inanırıq. Günümüzdə İspaniya turistlərin sevimli ölkələrindən biridir. Görünür ki, zəngin mədəniyyət, tarix, təbii və memarlıq möcüzələri ziyarətlərin əsas səbəbləridir. İspaniya eyni zamanda həm AB, həm də Şengen bölgəsi üzvüdür və bu da turizmə müsbət təsir göstərir. İsti hava, rahat həyat tərzi, mükəmməl mətbəx və qonaqpərvərlik xüsusilə qalan ömürlərini dinc yaşamağa çalışan qocaları cəlb edir. İspaniya, həmçinin onu mükəmməl edən yüksək səviyyəli yaşayış standartına, əla səhiyyə xidmətinə və rəqabətli təhsil sisteminə sahibdir. İspaniyada təqaüdə çıxmaq nisbətən daha ucuz başa gəlir. Biz bu məqalədə İspaniya təqaüd vizasının tələblər, İspaniya təqaüd vizası yaş limiti, etibarlılıq müddəti və s. kimi aspektlərini əhatə edəcəyik. Ancaq bundan əvvəl İspaniya viza siyasətinə nəzər salaq.

İspaniya viza siyasəti

spain flag

İspaniyanın viza siyasəti ölkələrlə qarşılıqlı münasibətlərdən asılı olaraq dəyişir. Dünya ölkələrinin əksəriyyətinin vətəndaşları viza prosedurundan keçməyə məcburdurlar. Şengen ölkələrinin vətəndaşları üçün vizasız hərəkət təmin edilir. Bununla birlikdə, vizasız rejim təkcə onlara tətbiq edilmir. Aşağıdakı ölkələrin vətəndaşları İspaniyaya vizasız səyahət edə bilir: Avropa Birliyinə üzv ölkələr, Andorra, Argentina, Braziliya, Kanada, Çili, Kosta-Rika, Kipr, Ekvador, İsrail, Koreya (Rep.), Meksika, Yeni Zelandiya, Norveç, Paraqvay, San Marino, Sinqapur, İsveçrə, Birləşmiş Ştatlar, Uruqvay, Vatikan və Venesuela və s. İspaniya viza növləri hansılardır? Onları üç qrupa ayıra bilərik: qısamüddətli (Şengen) vizalar, uzunmüddətli (milli) vizalar, hava limanı tranzit vizaları. Qısamüddətli vizalar və ya Şengen vizaları qısa müddət davam edəcək səyahətlər üçündür. Şengen vizaları İspaniyada 90 günə qədər qalmağa icazə verir. Digər tərəfdən milli vizalar uzun müddət qalmaq üçün nəzərdə tutulmuşdur. Biz də bu gün uzunmüddətli vizalar növünə aid olan İspaniya təqaüd vizasını gözdən keçirəcəyik.

Təqaüd vizaları

elder asian woman holding passport

Son vaxtlar İspaniya təqaüdçülərin axınına şahidlik edir. Xüsusilə ingilis gəlmələr ölkəni yaşamaq üçün uyğun hesab edirlər. İndiyə qədər bir milyondan çox insan oxşar məqsədlə İspaniyaya köçüb. İnsanlar bu arzularını bir neçə yolla gerçəkləşdirə bilərlər və bunlardan biri də non-lukrativ vizaların alınmasıdır. Sual verə bilərsiniz: non-lukrativ viza nədir və onunla təqaüd vizası arasındakı fərq nədir? Sadə dillə desək, bu, AB-yə üzv olmayan ölkələrin vətəndaşlarına təqaüdçü olaraq İspaniyada yaşamağa imkan verən viza növüdür. İkinci suala gəldikdə isə, İspaniya təqaüd vizası non-lukrativ viza adlanır. Ancaq bir məsələ var. Adından da göründüyü kimi, hər hansı gəlir gətirən fəaliyyətlə məşğul olmanız və ya iştirak etməniz qətiyyən qadağan ediləcək. Bu növ vizanın AB-yə üzv olmayan ölkələr üçün müstəsna olduğunu söylədik, bəs AB-yə üzv ölkələrin vətəndaşları İspaniyada təqaüdə çıxa bilərmi? Bəli, hətta onların İspaniyada təqaüdə çıxmaq üçün vizaya belə ehtiyacı yoxdur. Ümumiyyətlə, İspaniyada uzun müddət yaşamaq üçün uzunmüddətli vizalara ehtiyacınız olacaq və bunun üçün iki alt kateqoriya var. Birincisi, ölkədə müvəqqəti yaşamağınıza imkan verən uzunmüddətli viza (Visado Nacionale). Bu halda İspaniyada işləyə, təhsil ala və ya təqaüdə çıxa bilərsiniz. Üç aydan uzun səyahətlər üçün verilən vizanı hər il yeniləyə bilərsiniz. Vizanı yeniləmək üçün həmin ilin yarısını İspaniyada keçirməlisiniz. Digər kateqoriya - non-lukrativ vizalar üçün isə şərtlər bir az fərqlidir.

Non-lukrativ viza

document

Bu viza növü AB üzvü olmayan təqaüdçülərin İspaniyada yaşaması üçün ən yaxşı seçim hesab olunur. Non-lukrativ vizanın ən vacib tələbi İspaniyada heç bir gəlir gətirən fəaliyyətlə məşğul olmamanızdır. Müraciətiniz təsdiqləndikdən və İspaniyaya getdikdən sonra qalma müddətinizi uzatmaq üçün yaşayış icazəsinə müraciət edə bilərsiniz. İspaniya təqaüd vizası üçün tələblər nələrdir? İspaniya təqaüd vizası gəlir şərtləri nədir? İlk suala cavab vermək lazımdırsa, qeyd etməliyik ki, bir çox tələb var və elə onlardan bəziləri ərizəçinin maddi vəziyyəti ilə əlaqədardır. Müraciət üçün tələb olunan sənədlər: - Ərizəçi tərəfindən imzalanmış və doldurulmuş viza müraciəti forması. - Ərizəçi tərəfindən imzalanmış və doldurulmuş EX-01 forması. - Ən azı 1 il qüvvədə olacaq pasportun əsli. Viza üçün minimum 1 boş səhifəsi olmalıdır. - İki şəkil. Ölçü 2x2 sm və ağ arxa plan. - Son 3 ay ərzində alınmış evlilik şəhadətnaməsi. Haaqa konvensiyasına görə apostil olunmalı və ispan dilinə tərcümə olunmalıdır. - Məhkumsuzluq barədə arayış. Barmaq izləri ilə təsdiqlənməlidir. Son 3 ay ərzində alınmış olmalı və ispan dilinə tərcümə edilməlidir. - İspan dilinə rəsmi şəkildə tərcümə edilmiş tibbi sertifikat. Ərizəçinin sağlamlığının yaxşı vəziyyətdə olduğunu (yəni, heç bir xəstəliyin daşıyıcısı olmadığını) sübut edən həkim reportu mütləqdir. Son 3 ay ərzində alınmış olmalıdır. - Ərizəçi İspaniyada keçirəcəyi günlərdə beynəlxalq tibbi sığortaya sahib olmalıdır. Başqa dildədirsə, ispan dilinə tərcümə olunmalıdır. - NIE nömrəsi - şəxsə özəl şəxsi nömrə. Şəxsə yalnız İspaniyada 6 aydan çox qalmağı planlaşdırdığı təqdirdə verilir. - Kifayət qədər maliyyə imkanlarının olduğuna dair sübut. Müraciəti uğurla başa çatdırmaq üçün müəyyən büdcəyə ehtiyacınız olacaq. Bu tələbi ödəyə bilmirsinizsə, böyük ehtimalla müracətinizin nəticəsi uğursuz olacaq. Aylıq qazancınızın 2150 avronu keçdiyini sübut etməlisiniz. Bununla yanaşı, müraciət üçün 27115 avroluq büdcə göstərməlisiniz. Bəzi hallarda daha çox da tələb edilə bilər. Sizdən asılı şəxslə səyahət edirsinizsə, onların hər biri üçün 6778 avro göstərməlisiniz. Qeyd edək ki, bu halda asılı şəxsə aid viza müraciət forması, pasport, şəkillər, doğum və ya nikah şəhadətnaməsi, tibbi sığorta və s. kimi sənədlər də təqdim olunmalıdır. Maliyyə resurslarınızı aşağıdakı variantlardan biri ilə sübut edə bilərsiniz: holding open passport • Son üç ayın pul köçürmələrini göstərən bank hesabından çıxarış. • Uzaqdan işləyirsinizsə, əmək haqqınızı da göstərən “iş haqqında məktub” təqdim edə bilərsiniz. • İnvestisiya sübutları. • Kirayə və s. kimi əlavə qazanclarınız varsa, bunu təsdiq edən sənədləri də maliyyə mənbəsi kimi təqdim edə bilərsiniz. Soruşa bilərsiniz ki, İspaniya təqaüd vizası üçün yaş həddi varmı? Xeyr, bu viza üçün heç bir yaş məhdudiyyəti təyin edilmir, yəni tələbi yerinə yetirən hər kəs viza üçün müraciət edə bilər. Vizaya müraciət etmək üçün əvvəlcə İspaniyanın yerli səfirliyi və ya konsulluğunu tapmalısınız. Əgər yaşadığınız ölkədə heç bir diplomatik nümayəndəlik yoxdursa, qonşu ölkələrə müraciət edə bilərsiniz. Viza üçün görüş təyin edin. Növbəti mərhələ müsahibədə iştirak etmək olacaq. Müsahibə üçün konsulla görüşəcəksiniz. Müsahibə üçün tələb olunan sənədləri, daha sonra biometriklərinizi (barmaq izləri və şəkil) təqdim edəcəksiniz. Nəhayət, rüsum və əgər varsa, digər xərcləri ödəyəcəksiniz. Müsahibə zamanı sizə müxtəlif suallar verilə bilər. Ödənişlərə gəldikdə, bu, milliyyətinizə görə dəyişə bilər. Bununla birlikdə, təsdiq olunmuş son non-lukrativ viza rüsumları aşağıda verilmişdir: • ABŞ vətəndaşları 123 avro məbləğində rüsum ödəməlidirlər. • Kanada vətəndaşları 507 avro məbləğində rüsum ödəməlidirlər. • Digər ölkələrin vətəndaşları 80 avro məbləğində rüsum ödəmək məcburiyyətindədirlər. Vizaya baxılma müddəti də ölkədən ölkəyə fərqli ola bilər. Ancaq viza müraciətinin baxılması əsasən üç aya qədər davam edir. Vizanın beş həftə ərzində işlənmə ehtimalı yüksəkdir. İspaniyada təqaüd vizası ilə ölkədə nə qədər qala biləcəyinizlə maraqlanırsınız? Bu viza İspaniyada bir ilə qədər qalmağınıza imkan verir və üstəlik, yenilənə də bilər. Bununla birlikdə, İspaniyada daha çox qalmağınıza imkan verəcək non-lukrativ yaşayış icazəsi üçün də müraciət edə bilərsiniz. Gəlişinizdən sonrakı bir ay ərzində əcnəbi şəxsiyyət vəsiqəsi üçün müraciət etməlisiniz. Bu, qaldığınız əraziyə ən yaxın Əcnəbilər Ofisində verilə bilər. Müraciət etmək üçün viza və pasportunuzu təqdim etməlisiniz.