Ankaraya deyil də İstanbula səyahət etməniz üçün 10 səbəb

Nərgiz Məmmədzadə 24 dekabr 2021 404 baxış 4 dəq. oxu

Növbəti səfərinizin haraya olacağını düşünmüsünüzmü? Türkiyə desəm fikriniz nə olar? Bu ölkə hər il 30 milyondan çox turist qəbul edir və 2019-cu ildə bu say rekord səviyyəyə çatıb: 45 milyondan çox turist. Bu statistikalara əsasən, Türkiyə hər zaman ölkələr arasında turizmə görə ilk sıralardadır.

Bəs niyə Türkiyəyə səyahət etməliyik? Türkiyə zəngin bir mədəniyyətə və tarixə sahib çox gözəl bir ölkədir. Yerlilərin səmimiyyəti və qonaqpərvərliyi sizə öz evinizdə hiss etdirəcəkdir. Türk mətbəxini də vurğulamadan keçmək olmaz.

Ölkənin demək olar ki, bütün şəhərlərində yeni müasir binalar görmək və sizi valeh edəcək böyük cəlbedici ticarət mərkəzlərində alış-veriş etmək fürsətiniz olacaq, amma bu hamısı demək deyil. Dəniz, qum və günəş Türkiyəni görməyə dəyər edən digər amillərdir.

Biz isə bu gün niyə paytaxt Ankaraya deyil də, İstanbula səyahət etməniz gərəkdiyini 10 müxtəlif səbəblə izah etməyə çalışacayıq. Başlayaq!

1. İstanbul haradadır?

istanbul city night view

İstanbul Türkiyənin şimal-qərbində yerləşir. Qara dənizlə Mərmərə dənizini birləşdirən və Asiya ilə Avropanı ayıran Bosfor boğazına ev sahibliyi etdiyi üçün, geosiyasi əhəmiyyəti çox yüksəkdir. Ekonomik ölçüsünə görə İstanbul dünyada 34-cü, şəhər limitlərindəki əhali sayına görə isə, Avropada birinci, dünyada altıncıdır. İstanbul qitələrarası bir şəhərdir, Avropadakı hissəsi Avropa ya da Rumeli tərəfi, Asiyadakı hissəsi isə Anadolu ya da Asiya tərəfi adlanır. Şəhərin yerləşimi İstanbula səyahət etmək üçün əsas səbəblərdən biridir, çünki burada Avropa və Asiya üslublarının harmoniyasını görə bilərsiniz və bu, hər kəsi heyran edir. Ən əsası isə, eyni zamanda iki qitədə ola bilərsiniz, əladır elə deyilmi?

2. İstanbulun havası

istanbul

İstanbulun iqlimi Qara dəniz iqlimi ilə Aralıq dənizi iqlimi arasında dəyişir, buna görə İstanbulun iqlimi mülayimdir. İstanbulun yazları isti və nəmlidir. Qışlar isə soyuq, yağışlı və bəzən qarlıdır. Rütubət olduğundan havanı olduğundan daha isti və daha sərinmiş kimi hiss edə bilərsiniz. İstanbuldan fərqli olaraq, Ankarada dəniz olmadığına görə daha quru bir iqlimə sahibdir. Yerli sakinlər deyirlər ki, burada hökm sürən dumanlı havalar bəzən bütün şəhəri ələ keçirir. Belə bir deyimləri də var: "Ankara boz şəhərdir." Düşünürəm ki, bu, Ankaraya deyil də, İstanbula səyahət etmək üçün çox keçərli səbəbdir.

3. İstanbulda gəziləcək yerlər

hagia sophia

İstanbulda ediləcək maraqlı şeylər nələrdir? İstanbul tarixi və təbii zənginliyinə görə dünyanın lider şəhərlərindən biridir. Aya Sofya, Bazilika sisterni, Qapalı çarşı (bu yer adətən dünyanın ilk alış-veriş mərkəzi kimi qəbul edilir), Sultan Əhməd məscidi, Süleymaniyyə məscidi, Səlimiyyə məscidi, Dolmabağça sarayı, Bəylərbəyi sarayı, Topqapı sarayı, Qalata qülləsi, Taksim meydanı, İstiqlaliyyət küçəsi, Sultanəhməd meydanı, Gülhanə parkı, Bəyazid meydanı... Davam etməliyəm? Bu tarixi yerləri görmək, ecazkar xatirələr və İnstaqramlıq şəkillər toplamaq şansınız olacaq, ancaq o haldakı Türkiyəyə səyahət edərkən İstanbulu ziyarət edirsinizsə.

4. İstanbula necə getmək olar?

istanbul airport

Dünyanın bütün qabaqcıl şəhərlərindən İstanbula qarşılıqlı birbaşa uçuşlar var. İstanbulda 2 hava limanı var. 2019-cu il üçün Səbihə Gökçən Beynəlxalq Hava Limanı-na uçan sərnişinlərin ümumi sayı 35.472.852 nəfərə çatdı. İstanbul Hava limanı 2018-ci ildə açıldı. Bu lüks və ultra modern İstanbul hava limanı Türkiyənin İstanbul şəhərindəki əsas beynəlxalq hava limanıdır. 2019-cu ilin aprel ayında bütün daşımalar Atatürk Hava Limanından yeni İstanbul Hava Limanına köçürüldü. Hava limanı şəhərin Avropa hissəsindəki Arnavutköy bölgəsindədir. Statistikalara görə, yeni hava limanını 2019-cu ildə 52.578.008 sərnişin ziyarət edib.

5. İstanbulda qonaqlama

hotel building

Şəhərin hər yerində yüksələn beşulduzlu lüks otellər, qonaqlama üçün əla fürsətlər təqdim edir. İstanbulun hər bölgəsində həm ucuz, həm də bahalı otellər var. Gecə həyatına qatılmaq və ya izdihamdan zövq almaq istəyirsinizsə, Beşiktaş, Kadıköy və Taksim bölgələrini seçə bilərsiniz. Taksim otellərində qalaraq İstiqlaliyyət küçəsindəki mağazalardan sevdiklərinizə hədiyyə ala və ya Bəyoğlundakı sənət qalereyalarına baş çəkə bilərsiniz. Beşiktaş otellərində qalırsınızsa, Ortaköydən yola çıxan bərə ilə boğaz turuna çıxa bilərsiniz. Qərar sizindir.

6. İstanbulda alış-veriş

grand bazaar

"Yaxşı, amma İstanbulda nə edim?" deyə soruşursunuzsa, cavab budur: alış-veriş! İstanbul alış-veriş üçün dünyanın aparıcı şəhərlərindən biridir. Son illərdə şəhərin hər bölgəsində ticarət mərkəzlərinin sayında partlayış oldu və bir çox yeni ticarət mərkəzi inşa edildi. Qeyd edə biləcəyimiz bəzi alış-veriş mərkəzləri: Forum İstanbul, Mall of İstanbul, Emaar Square, Marmara Forum, İstanbul Cevahir, Vialand, Marmara Park, İstinye Park və s. Alışveriş mərkəzlərində məşhur markaların filiallarını tapa bilərsiniz, həmçinin qapalı mühitinə görə pis hava şəraitində açıq yerlərdəkindən daha rahat alış-veriş edə bilərsiniz.

Alış-veriş mərkəzlərini saymasaq, İstanbulda çoxlu yerli bazarlar var. Bunlardan ən əsası isə Qapalı çarşıdır. Bazardakı əşyaların çoxu əl işidir. Qızıldan suvenirlər, xalçalar, kilimlər, mis məhsullar almaq istəyirsinizsə, Qapalı çarşı tam sizə görədir. Ədviyyatlar, müxtəlif otlar, rahətülhülqum, pendir, təzə üyüdülmüş qəhvə və müxtəlif yerli məhsullar axtarırsınızsa, Misir bazarı və Eminönü küçələri sizin yolunuzu gözləyir. Eminönü İstanbul şəhərinin tarixi əsası olan və mərkəzi ərazinin ən canlı bölgələrindən biri olan şəhər divarları içərisindədir.

7. İstanbul restoranları

grilled meat

İstanbula səyahət etmək üçün başqa bir dadlı səbəb! İstanbul Bizans və Osmanlı mənşəli kulinariya mədəniyyətinə sahibdir. Şəhərin mətbəx mədəniyyəti dövrlərə görə dəyişsə də, bəzi təamlar həmişə populyarlığını qoruyub saxlamışdır. Son 20 ildə İstanbulda Cənub-Şərqi Anadolu bölgəsinə xas olan kabab restoranları və restoranlar çox məşhurlaşdı. İstanbul mətbəxi bölgələrə görə dəyişir.

Asiya və Avropa mətbəxindən olan restoranlar şəhərdə xüsusi yer tutur, əsasən də yunan, Çin və fransız mətbəxini təqdim edənlər. Bundan başqa, İstanbul küçələrində lahmacun, balik ekmek, köftə əkmək, kumpir, kokoreç və s. kimi qidaların satıldığı fast food mağazalarını da görə bilərsiniz.

8. İstanbulda gecə həyatı

concert

İstanbul mədəniyyət paytaxtıdır, tədbirlər şəhəridir. İstanbul rəngli və zəngin gecə həyatı ilə sizi təəccübləndirəcək. İstəsəniz, klassik əyləncə yerlərinə və ya festivallara, konsertlərə, teatr oyunlarına gedərək əylənə bilərsiniz.

Oktyabr - noyabr aylarında baş tutan İstanbul Caz Mövsümünə İş Sanat və Akbank Sanat-da rast gələ bilərsiniz. İl ərzində bu sənət ocaqlarında qlobal diqqətə səbəb olan bir çox konsert və teatr tamaşası nümayiş olunur.

İstanbulun açıq hava konsert mərkəzləri minlərlə insana və bir çox tədbirə ev sahibliyi edir. 17 min nəfər tutuma sahib KüçükÇiftlik Park, Leonard Koendən Gloria Gaynora qədər bir çox məşhur sənətçinin qonaq olduğu Harbiyə Cemil Topuzlu açıq hava teatrı və bənzərsiz boğaz mənzərəsi ilə Turkcell Kuruçeşme Arena bunlardan bəziləridir.

Qışda səyahət etsəniz Zorlu PSM, Babylon, Ghetto, If Performance Hall, The Hall, Santralistanbul və Volkswagen Arena sizi gözləyəcək. Bu məkanlarda müzikl, teatr, konsert və saysız-hesabsız partilər təşkil edilir.

Gecə həyatı anlayışınız bar və gecə klublarından ibarətdirsə, sizə Beşiktaş, Kadıköy və Taksim məkanlarını tövsiyə edə bilərik. Son illərin ən populyar yerləri Kadıköydə toplanıb. Hər axşam konsert dinləmə imkanına əlavə olaraq, burada oturmaq, yemək yemək, içmək və söhbət etmək üçün, yerlər var. Həmişə dolu olan bu yerlər sizi bütün gecə əylənməyə dəvət edir.

9. İstanbulda keçirilən festivallar

fireworks

Tarixi binaları ziyarət etmək, alış-veriş etmək, canlı gecə həyatından zövq almaq, ancaq bu hələ son deyil! Festivallardan da bəhs etməliyik. Burada ilin hər fəslində keçirilən müxtəlif festivallar, tədbirlər, fuarlar var. Baharın gəlişi ilə tədricən artaraq yay mövsümündə demək olar ki, hər yerə yayılan festivallar minlərlə insanın iştirakı ilə keçirilir.

İstanbul Beynəlxalq Kukla festivalı, İstanbul Beynəlxalq Rəqs festivalı, İstanbul Film festivalı, İstanbul Səhaf festivalı, İstanbul Alışveriş festivalı saya biləcəyimiz bir neçə festivaldır. Şəhərin rəngarəngliyi limitsizdir!

10. İstanbula səyahət təhlükəsizdirmi?

galata tower

İstanbul ümumiyyətlə olduqca təhlükəsizdir, yüngül cinayətlərin sayı azdır və terror hücumlarının da qarşısı alınıb. "İstanbula səyahət etmək təhlükəsizdir, yoxsa yox?" deyə narahatsınızsa, İstanbula tək səyahət etməyin təhlükəsiz olduğunu deyə bilərik. İstanbul da gecə vaxtı gəzmək də təhlükəsizdir. Dünyanın ən rəngarəng və maraqlı şəhərlərindən birində yaxşı bir tətil etmək təhlükəsizdirsə, daha nə gözləyirsiniz?