Joker filmində 13 işarə

Hekayələr öz gözəlliklərini onları köhnəldən işarələrə və digər hekayələrə borcludur. Hər işarə bir hekayədir. Hər hekayə isə daha böyük şəkil üçün bir işarədir. Bu hekayə isə cani olmaq məcburiyyətində qalan və bunun onun qisməti olduğunu düşünən bir insan haqqındadır. Bu hekayə Coker haqqındadır. Son qərarını verəndə rəqs edir və insanlar teatrda onu izləyir, mən isə Coker haqqında fərqinə vardığım 13 işarəni nəzərinizə çatdırıram.

1. Coker kartı

Bu kart 1863-cü ildə Samuel Hart tərəfindən çap edilmişdir. İnsanlar bunu vəhşi kart adlandırdılar. Məqsədi isə yüksək dərəcəli kartları endirmək idi. Söhbət ABŞ-da vətəndaş müharibəsi dövründən gedir. Şimal və Cənubun bir-biri ilə vuruşduğu vaxtdan. Əsgərlər bir-birlərini, boş vaxtlarında isə, kart oyunu oynayaraq vaxtlarını öldürürdülər (Alman dilində oyunun adı Jukerspiele idi). Elə adın mənşəyi də bu oyundur. Aldadan oyun və “Bower“i öldürən vəhşi kart. O zamanlar Amerika ikiyə bölünmüşdü, illər sonra isə bu kart Gotham şəhərini ikiyə bölmək üçün bir caniyə ilham verəcəkdi.

2. Ledger daşı

Coker kart idi, amma tezliklə cani biri oldu. Bir çoxları bu psixi xarakteri canlandırmağa çalışdı. Ledger ən gözə çarpan idi və uzun bir yol qət etməyi bacardı. O, vaxtının ən yaxşı canisi olmuşdu. 2008-ci ildə Ledger öldü. Çoxları onun hər şeyini Cokerə verdiyini söyləyir. Hətta bəlkə ruhunu da. Ledger sözünün ikinci mənası isə qəbiri örtən böyük bir daş lövhədir. Bu rol onu məzara saldı. Bu gün onun məzarını ziyarət etsəniz, üzətində sonsuzluq və in-yan işarəsini görəcəksiniz. Xeyir və şərin sonsuz döyüşü.

3. Simurq quşu

Ledgerin ölümündən sonra heç bir şey eyni ola bilməzdi. İnsanlar dirçəlişə ehtiyac duyurdular. Rəqib deyil, məhz dirçəliş. Bu zaman Xoakin Feniks ortaya çıxdı. Feniks küllərindən doğan əfsanəvi mifik quşdur. Xoakin xarakterləri canlandırmaqda ustalalaşmışdı. Bir Coker olaraq isə yenidən yüksəldi və mümkün olduğu qədər yüksəklərə uçdu.

4. Pillələrlə qalxmaq (Məsuliyyət)

Hekayə Arturun özünün və anasının yükünü daşıması ilə başlayır. Artur keçinmək üçün pul qazanmalıdır, ləyaqətli bir insan olmalıdır. Onu mənzilinə aparan nəhəng, məşəqqətli pilləkənlərdən qalxmalıdır. Buna həvəsli deyil. Əslinə qalsa, hətta günün bir dəqiqəsində belə xoşbəxt deyil. Ancaq bu rutini yerinə yetirir. Pilləkənlərdən qalxmaq itaətkar vətəndaş olmağa çalışdığımızı simvollaşdırır. Özümüzü qaydalara tabe olmağa və hərəkətlərimiz üçün məsuliyyət daşımağa məcbur edirik. Əgər itaət edrsinizsə, gedin və sizə söz verilən ərazilər üçün pilləkənlərdən qalxın. Yolunuz Cənnətədir. Bir ümid var, hansı ki Arturu yaşadan tək şey budur. Ümid. Anasının ona gündəlik olaraq verdiyi ümid işığı.

5. Boş poçt qutusu (Qeydə alınmamış dualar)

Arturun gündəlik işlərindən biri poçt qutusunu yoxlamaqdır. Anası Penny ilə bir gecədə həyatlarını dəyişdirəcək məktubu gözləmək. Artur poçt qutusundakı möcüzədən vaz keçdi. Bunu sadəcə Penny üçün edirdi. Bu poçt qutusu bizim dualarımızı təmsil edir. Qarşılıqsız qalan dualarımız bizim hisslərimizi incidir. Ən dibə vurduğumuzda, ətrafda danışmaq üçün heç kim olmadığında, yalnızca Allah orada bizimlə olur. Ümumiyyətlə, Allah doğurdan oradadırmı? Dualarımızı dinləyirmi? Bizim üçün bir planı varmı? Nə vaxt cavab verməyi planlaşdırır? Bunu heç edəcəkmi?

6. Arturun anası: Müqəddəs Məryəm

Penny Arturun dolayı motivasiya qaynağıdır. O həyatı ilə küsdür. Ancaq anasına görə yaşamalıdır. Anası onu gündəlik vəzifələri üçün stimullaşdırır, ona ümid verir, gələcək məktubdan bəhs edir. Penny illərlə öz evində ilişib qalmış, uşağa dönmüşdü. Artur onun qayğısına qalırdı. Xoakin ibrani dilində “Hoakim”-dir. Hoakim Məryəmin atası idi. Penny atasız uşağı olan Məryəmə bənzəyir. Uşaq atası haqqında həqiqəti bilmək istəyir. Penny isə həqiqəti gizlədir. Gecə vaxtı olduqda ikisi də oturub Artur üçün bir rol-model rolunu oynayan Frank Murrayı izləyirlər. O, xəyali atası Murray ilə görüşməyi xəyal edir.

7. İfşa və yağış səhnəsi

Artur atası haqqında gerçəyi öyrəndikdən sonra, Pennynin danışdığlarının yalan olduğunu anlayır və öz içində ölür. Artıq ümid yoxdur. Öz anası tərəfindən xəyanə uğradı. Artıq yaxşı deyə bir şey yoxdur. Allah yalan idi. İndi həyatın əsl tərəfi gəlir. Uşaqlıq travmaları. Artur bioloji atası tərəfindən döyüləndə anasının susmağı. İndi onu əbədi susdurmağın vaxtı gəlmişdi. Artur keçmişini buraxdı. Artur keçmişini öldürdü. Həqiqət üzə çıxdığı zaman yağış yağırdı. Yağış bir uşağın vəftizi üçün olan suya bənzəyirdi. Artur elə həmin gecə vəftiz oldu və Cokerə döndü.

8. Pillələrlə enmək

Artıq Cokeri dayandıracaq bir şey yox idi. O pilləkənlərdən enir. Səliqəli geyinib və gülümsəyir. Rəqs edir. Addımları azaddır və enerji ilə doludur. O, son günahını işləmək üzrədir. Heç bir məsuliyyət hiss etmir. Dibi boylamaq üzrədir. İki polis onu yeraltına qədər izləyir. Bu dünyada hamı günahkardır. Hamı maskalı bir təlxəkdir. Hamının gizlədəcəyi bir şey var və ya gizləndiyi insan. Günah işləməyi mahnı oxumaqla eyni ehtirasla edirlər. Yerin altında bir karnaval var. Cəmiyyət tərəfindən unudulanlar planladıqları intiqamları qeyd edirlər.

Pilləkənlərdən eniş həm də “The Exorcist” filmindən bir xatırlatmadır. Qızı xilas edən keşiş şeytanı öz içinə alır və onu öldürmək üçün pilləkənlərdən aşağı atlanır. Coker Şeytandan məmnundur. Əslində o, Şeytanın ondan razı olduğu üçün rəqs edir. Onlar bir-birini başa düşür, aralarında gərgin bir enerji var. Bu enerji Gotham şəhərini əbədi dəyişdirəcəkdir.

9. "Bower" kartına qarşı qazanmaq

Coker kartının rolunu xatırlayırsınız? Tam da bu! “Bower” kartına qarşı qazanmaq. Namizəd Wayne oğlunun (Arturun qardaşı olması ehtimal edilir) gözü önündə vurularaq öldürülür. Bruce bu hekayəni başqa bir səviyyəyə daşıyacaq. Ancaq bu gün "Bower" kartı aradan götürülür. Vəhşi kart bunu etdi. Wayne bu kartın təhdid olacağını gözləmirdi.

10. Komediya Kralı - Frank Murray

Artur Murrayı sevir və hörmət edirdi. O, Murrayın mirasını kopyalamaq istədi. Bu film simvolikdir, çünki Robert De Niro, ilk filmlərindən olan "Komediya Kralı"-nda eyni ambisiyaya sahib idi. O, məhz gecə şousuna qonaq olaraq çıxmaq üçün hər şeyi etmiş gənc komediya aktyoru Rupert Pupkinin rolunu oynamışdı. Tapın görək Coker nə edəcək?

Pupkin hər gecəni heç kim kimi yaşamaqdansa, bir gecə Kral olmağın daha yaxşı olduğunu deyirdi. Görünüşə görə, Coker də eyni niyyətdə idi. Beləliklə Cokerin əvvəlki Cokerin addımlarını izlədiyini söyləyə bilərik.

11. Ata ilə dialoq. Ölü ata

Coker tamaşaçıların qarşısında oturarkən Pupkini təqlid edir. Murray etirafından sonra bu gəncə həsəd aparmağa başlayır. İnsanlar onu tənqid edir və Murray isə əhval-ruhiyyəsini pozurdu. Coker kədərli idi, çünki Murray onun üçün bir ata obrazı idi. Ancaq Murray onu lağa qoyurdu. Bu qoca onun hətta bircə kəlməsinə belə qulaq asmadı.

Coker tam əminliklə “Metroda ölü uzanan mən olsaydım, yanımdan keçərdiniz.” -dedi. O öz ata obrazı ilə üzləşmişdi və vadə yetişmişdi. Bu gecə aparıcı yoxdur.

12. Sonsuzluq müharibəsi

Artur həbsdədir. Yenidən reabilitasiya vaxtıdır. Əlləri qandallıdır. Ağ dəhlizlə gedir. Dəhlizin sonu isə yenə çox simvolikdir. Sonda iki istiqamət var. Sağ tərəf - yaxşı olmaq, etiraf etmək və qayıtmağa çalışmaq. Sol tərəf - pis olmaq, pis şeyləri etməyə davam etmək.

Artur bir müddət dayanır və hər iki tərəfə də baxır. Sağı seçir. Sağa gedir. Saniyələr sonra qaçaraq geri gəlir. Təhlükəsizlik onu sola qovur. Bu bizə dayanmadan əvvəlki günahlarımızı və səhvlərimizi xatırladan cəmiyyəti, sistemi təmsil edir. İnsanları gəldikləri yerə qovuruq. Onlara ikinci şans vermirik.

Beləliklə, Artur və təhlükəsizlik ağ dəhlizin sonunda qaçırlar. Bununla az qala sonsuzluq simvolu çəkirlər. Xeyirlə şərin savaşı sonsuzluq müharibəsidir. Bu, həm də köhnə hekayələri udub yenilərini doğuran qadın bətnidir.

13. İşarələr hər yerdədir!

Biz ya onları görüb dayanırıq, ya da yanlarından keçib laqeyd qalırıq. Xüsusi bir şey olmadığını düşünürük. İnsanların stresi, depressiyanı, narahatlığı, panikanı özlərinin həll edə biləcəyini düşünürük. Artur bir işarədir. O, qarşımızdadır. Sevgi, diqqət, anlayış və mərhəmət axtarışındadır. Bizdə insanlıq əlamətləri axtarır. Biz Artura hər zaman laqeyd qala bilmərik. Bunu etsək, Coker ilə qarşılaşmalı olacağıq və Coker zarafat etmir. Qısa və "şirin" olacaqsa belə deyə bilərik:

"Bu həyatdır!"

Bu hekayənin təsirindən tezliklə çıxmaq mümkün deyil. Cokerin hekayəsi bir çoxumuzu gedib onun olduğu yerləri görməyə məcbur edəcəkdir. Şüuraltı olaraq ekrandan ötürülən duyğuların ovuna qərq olacağıq.

Cokerin məkanları:

Görmək və kamera ilə ölümsüzləşdirmək istədiyiniz yerlərin çox olduğunu bilirəm. Aşağıda ən əsas və ən vacib yerləri qeyd edəcəm:

Hit Ledcerin Qəbri:

İnsanlar Hitə və onun əziz xatirəsinə olan hörmətlərini nümayiş etdirmək üçün buraya gəlirlər. O, hər şeyini bu rola verdi və indi insanlar onun Karrakatta qəbiristanlığı, Karrakatta, Nedlands şəhəri, Qərbi Avstraliya, Avstraliyada yerləşən məzarını ziyarətə gəlirlər.

Cokerin Pilləkənləri:

Bu pilləkənlərin harada yerləşməsi bir çoxlarına maraqlıdır. Ünvan: 1170 Shakespeare Avenue, Bronx, NY. İnsanlar indi bura rəsmi olaraq Cokerin Pilləkənləri deyir. Yerli əhali vəziyyətdən məmnun deyil. Coker rəqsini etməyə gələn insanlar ətrafı zibilləyirlər.

Qeyd: Avstraliyanı və ya Nyu-Yorku ziyarət etməyi planlaşdırırsınızsa, viza prosedurları üçün Pickvisa.com komandası ilə əlaqə qura bilərsiniz.