San Jose pinned on a map of America

Kosta-Rika üçün turist vizası necə alınır?

Tural Abbasov Tural Abbasov 21 iyul 2021
7 baxış 4 dəq. oxu

Dünyanın hər hansı bir yerinə səyahət etmə şansınız olsaydı hara səyahət edərdiniz? Bu sualı necə cavablandıracağından əmin olmayan bütün oxucular üçün Karib dənizindəki ən həyəcan verici yerlərdən biri olan Kosta-Rika kimi mükəmməl bir tövsiyəmiz var! Kosta-Rika dünyanın ən populyar turizm yerlərindən biri olan Mərkəzi Amerika ölkəsidir. Şimaldan Nikaraqua, cənubdan isə Panama ilə əhatə olunmuşdur. Ölkənin zəngin, vəhşi təbii mühiti hər yerdədir. Paytaxt San-Xose "Pre-Columbian Gold Museum" kimi mədəniyyət müəssisələrinə ev sahibliyi edir. Həmçinin qeyri-adi bir təcrübə üçün sakit dənizləri və müxtəlif faunası ilə fərqlənən Karib dənizi sahillərini də nəzərdən keçirtməyi unutmayın.

Kosta-Rikaya səyahət üçün əsas səbəblərdən bəzilərini nəzərdən keçirdik, indi baqajınızı qablaşdırmazdan və təyyarəyə minməzdən əvvəl əlavə bir şeylə də məşğul olmalısınız - Kosta-Rika turist vizası. Biz bu bloqda qeyd edilən viza növündən danışacaq, "Kosta-Rika turist vizasını almaq nə dərəcədə çətindir?", "Kosta-Rika viza rüsumu nə qədərdir?" kimi sualları cavablandıracayıq. İlk növbədə, bir şeyi dəqiqləşdirmək lazımdır – Kosta-Rikaya səyahət üçün vizaya ehtiyacınız varmı? Vətəndaşlarının vizaya ehtiyacı olub-olmaması baxımından ölkələri iki böyük qrupa ayıra bilərik: viza tələb olunan və vizasız. Məsələn, Amerika pasportu sahibləri və Avropa vətəndaşları üçün Kosta-Rikaya viza tələb olunmur. Bununla birlikdə, onlar Kosta-Rikanı 90 gün ərzində tərk etməli və etibarlı pasporta, həmçinin geri dönüş biletinə sahib olmalıdırlar. Onu da qeyd edək ki, Kosta-Rikaya gəliş tarixində 6 ayadək etibarlı olan ABŞ və ya Kanada turist vizasına, eləcə də ABŞ, Kanada, AB üçün yaşayış icazəsinə sahib olan şəxslərdən də viza tələb edilmir. Qeyd etdiyimiz qaydalar qaçqın statuslu şəxslərə şamil edilmir.

Milliyyətinizdən asılı olmayaraq, bütün hallarda ölkəyə girmək üçün bəzi sənədlərə ehtiyacınız olacaq. Ən əsas tələblər etibarlı pasport, geri dönüş və ya hər hansı bir ölkəyə uçuş bileti, maddi imkanların sübutunun təsdiqidir.

Kosta-Rika viza siyasəti

costa rica flag waving

Prosesi asanlaşdırmaq məqsədilə, bütün Kosta-Rika vizalarının qısa və uzunmüddətli səfərlər üçün iki qrupa bölündüyünü söyləyərək başlayaq. Kosta-Rika qısamüddətli vizaları 90 günü aşmayan səyahətlər üçün verilir. Şəxs qeyd edilən ölkədə 90 gündən çox qalmaq istəyərsə, yaşayış icazəsi üçün müraciət etməlidir. Kosta-Rika yaşayış icazəsi üçün müraciət etmək istəyirsinizsə, əvvəlcə qısamüddətli viza almalı və Kosta-Rika ərazisinə daxil olduqdan sonra İmmiqrasiya Departamentinə müraciət etməlisiniz. Ən populyar və ən çox müraciət olunan qısamüddətli viza növlərindən biri turist vizasıdır. Bununla yanaşı, tələbə, tədqiqatçı, müəllim və könüllü vizaları kimi digər viza növləri də mövcuddur.

Xatırlatmaq istərdim ki, Kosta-Rikanı ziyarət etmək istəyən hər kəsin turist vizasına ehtiyacı yoxdur və yuxarıda qeyd etdiyimiz kimi, hamısı milliyyətinizdən, ziyarətinizin məqsədindən və qalma müddətinizdən asılıdır. Viza aldığınız halda belə, ölkəyə girişinizə icazə verilib-verilməməsi sərhəd zabitinin qərarından asılıdır.

Kosta-Rika turist vizası üçün tələblər nələrdir? Ən əsası, doldurulmuş və imzalanmış müraciət forması təqdim etməniz istənəcəkdir. Üç şəkil təqdim edilməlidir. Şəkillər açıq rəngli arxa planda çəkilmiş olmalı, və 3.5x4.5 ölçüsünə uyğun gəlməlidir. Üz şəklin 70-80 %-ni əhatə etməlidir. Neytral bir üz ifadəsi göstərməli və üzünüzdə heç bir ifadə olmadan birbaşa kameraya baxmalısınız. Digər vacib Kosta-Rika turist vizası tələblərindən biri, pasportun ön səhifəsinin surətidir, ancaq unutmayın ki, pasportunuz Kosta-Rikadan qayıtdığınız tarixdən sonra ən azı 6 ay müddətində etibarlı olmalı və ən azı iki boş səhifəyə sahib olmalıdır. Son 6 ay ərzində alınmış, apostil edilmiş və ingilis və ya ispan dilinə tərcümə edilmiş məhkumsuzluq haqqında arayış da tələblər arasındadır.

Kosta-Rika vizasını necə almaq olar?

luggage at the airport

Qaydalara görə ölkəyə turist olaraq gəldikdə qonaqlama yeri barədə sübut da göstərməlisiniz. Səfər tarixləriniz boyunca etibarlı olan və otelin adını, ünvanını və digər vacib detalları əhatə edən otel bronu vacibdir. Bir tanışınızın evində və ya şəxsi evdə qalacağınız təqdirdə uyğun sənədlər təqdim edilməli və detallar müraciət formasına əlavə edilməlidir. Unutmayın ki, statusunuzdan asılı olaraq, səfirlik əlavə sənədlər də tələb edə bilər.

Kosta-Rika turist vizasını almaq nə dərəcədə çətindir? Əslində bütün qayda və tələblərə əməl etsəniz, Kosta-Rikaya viza almaq olduqca sadədir. Normal halda turizm məqsədli Kosta-Rika qısamüddətli vizası 30 təqvim günü ərzində tamamilə işlənib sizə göndərilir. Bununla yanaşı, proses müddətinin müraciət etdiyiniz ölkədən asılı olduğunu da qeyd etmək vacibdir. Bəs Kosta-Rika viza rüsumu nə qədərdir? Kosta-Rika qısamüddətli vizası üçün tələb olunan rüsum 30 ilə 50 ABŞ dolları arasında dəyişir, lakin proses müddətində olduğu kimi, rüsum da vətəndaşlığınıza və ya müraciətinizi etdiyiniz ölkəyə görə dəyişə bilər.

Kosta-Rika turist vizası üçün yaşadığınız yerdəki yerli səfirliyə və ya viza müraciətlərini qəbul edən məsul quruma müraciət edəcəksiniz. Bununla birlikdə, ölkənizdə heç biri yoxdursa, adətən qonşu ölkələrdə yerləşən ən yaxın səfirliyə və ya konsulluğa müraciət etməlisiniz.

beautiful aerial view costa rica

Bununla birlikdə, Kosta-Rikanı və bütün bu nəfəs kəsən gözəllikləri gördükdən sonra ölkədə bir müddət daha vaxt keçirmək istəyə bilərsiniz. Daha əvvəl də qeyd etdiyimiz kimi, turist vizası yalnız 90 gün ərzində etibarlıdır, buna görə də daha uzun müddət qalmaq istədiyiniz təqdirdə viza uzadılması üçün müraciət etməlisiniz. Bəs proses necədir? Kosta-Rikada 90 gündən çox qalmaq istəyirsinizsə, İmmiqrasiya Ofisinə müraciət edə bilərsiniz. Kosta-Rika turist vizasının uzadılması sayəsində yaşayış icazəsi kartı ala biləcəksiniz.

Maraqlıdır ki, Kosta-Rika müvəqqəti yaşayış icazəsi iki il müddətində etibarlıdır. Bir sözlə, Kosta-Rikaya turist vizası və ya hər hansı bir qısamüddətli viza ilə daxil olmusunuzsa, Kosta-Rika İmmiqrasiya Ofisinə müraciət edərək statusunuzu müvəqqəti rezidentə çevirə bilərsiniz. Bu proses sizə təxminən 200 ABŞ dollarına başa gələcək. Kosta-Rikada müvəqqəti yaşamaq üçün səbəblər və əsaslar müraciət üçün tələblərin əsasını təşkil edən məktubda göstərilməlidir. Ərizəçinin tam adı və soyadı, milliyəti, yaşı, peşəsi, indiki yaşayış yeri və doğulduğu yer ehtiva edilməlidir.

Paylaş

Tural Abbasov

Tural Abbasov Avropanın mərkəzində, Macarıstanda oxuyan 19 yaşlı bir azərbaycanlıdır. O, 16 yaşındaykən bir dollar belə xərcləmədən bir aylıq müddətə ABŞ-a səyahət edib. Tural, yalnız bir dəfə - Osloda Yeni ili qeyd edərkən bütün sərvətini xərclədiyi vaxtı çıxmaqla, hər zaman Avropadakı ən yaxşı səyahət fürsətlərindən xəbərdar olur və buna görə dostları arasında "endirim insanı" olaraq bilinir və bununla qürur duyur. Turizmdən əlavə, gender bərabərliyi və insan hüquqları onun maraqlı olduğu mövzulardır. Tural səyahətləri zamanı çəkdirdiyi ən yaxşı şəkilləri İnstaqramına qoymağı sevir, lakin səyahət edərkən ölkələrin müxtəlif mədəniyyətlərini, mətbəxini və tarixini də kəşf etməyi unutmur. Bəlkə də buna görə özünü həmişə ekstremal şəraitlərdə tapır, məsələn, yadlarla Vyana metrosunda gecələdiyi vaxt kimi. Həyatdakı şüarı: "Həyat heyrətamizdir, amma heç Milana 20 avroya bilet əldə etmisiniz?".

Bütün bloqlar
pickvisa.az