Martinique

Martinikada 12 İnstaqramlıq yer

Rubina Rubina 25 yanvar 2021
6 baxış 5 dəq. oxu

Sizə təmiz çimərlikləri, bataqlıqları, zəngin cəngəllikləri və yaşıl örtüklü dağları olan sakit bir adanın olduğu deyilsə nə edərsiniz? Çox güman ki, bunu gərgin gündəlik həyatdan qaçış yolu kimi görərdiniz, elə deyilmi? Bəs həmin adanın məşhur olmadığını və və çox az turistlə dolu olduğunu desək necə? Ovsunlayıcı bir təcrübə olardı, hə? Martinika adası, olduqca maraqlı tarixi və heyrətləndirici bir mənzərəsi olan, Karib dənizinin ən yaxşı qorunan sirlərindən biridir. Fransaya məxsus ada, tropik bağların, mənzərəli dağların və gözəl çimərliklərin mükkəmməl birləşimidir. Əslinə qalsa, dünyanın ən yaxşı İnstaqramlıq yerlərindən bir neçəsinə sahibdir və bu, Matinikaya səyahət etmək üçün ən yaxşı səbəblərdən biridir!

Bu bloq sizə Martinikadakı görməli yerlər haqqında bilməli olduğunuz bütün məlumatları verəcək. Bununla yanaşı isə, Martinikanın paytaxtı, yerləşdiyi ərazi barəsində səyahətçilərin ən çox soruşduğu sualları cavablandıracağıq.

Martinika haradadır?

martinique

Fransanın Dənizaşırı departamentinə daxil olan bu ada Şərqi Karib dənizindədir.  Kiçik Antil arxipelaqında yerləşən Martinika, Fransadan fiziki olaraq çox uzaqdır. Martinika, dünyanın ən yaxşı İnstaqramlıq yerlərindən bir neçəsinə sahibdir və xəyallardakı kimi bir gəzintini təmin edir!

Martinikanın paytaxtı haradır?

capital of martinique

Martinikanın paytaxtı turistik yerlərlə dolu olmaya bilər, ancaq ada macəraları üçün başlanğıc nöqtəsidir və adadakı əsas limandır. For-de-Frans Martinikanın paytaxtıdır və ərazinin Kolumbdan əvvəlki və müstəmləkə dövrü haqqında fikir əldə etmək üçün çoxsaylı tarixi yerlər təqdim edir.

Nəyə görə Martinikaya səyahət etmək lazımdır?

green effect in martinique

Martinika, əfsanəvi çimərliklərdə günəşlənmək və kreol və fransız mətbəxini dadmaq üçün ən yaxşı İnstaqramlıq yerlərdən bəzilərinə sahibdir. Bu İnstaqramlıq yerin sadəcə foto çəkmək üçün olduğunu düşünürsünüzsə, səhv edirsiniz. Hikinq, şnorkel və dalışdan tutmuş tarixi yerləri gəzməyə qədər hər şeyi təklif edən Martinika, "Niyə Martinikaya səyahət edim?" sualınıza cavab verir.

Martinikaya səyahət planları qurmaq istəyirsiniz? Buyurun, Martinikada görməyi əldən verməməniz gərəkən ən yaxşı 12 İnstaqramlıq yerin siyahısı:

1. Sen-Pyer

saint-pierre

Karib dənizinin Parisi olaraq da bilinən Sen-Pyer şəhəri, Martinikanın keçmiş mədəniyyət paytaxtıdır və Martinikada görüləcək ən yaxşı yerlərdən biridir. Martinika vulkanının səbəb olduğu fəlakət barəsində eşitmisinizmi? 1902-ci ildə Sen-Pyer şəhəri, Martinika vulkanı tərəfindən tamamilə məhv edildi. Tarixi xarabalıqları dolaşa və həmçinin partlayışda batan gəmilərin dağıntıları ilə üzə bilərsiniz.

2. St. Louis Kafedralı

cathedral

Martinikaya səyahət etməniz üçün səbəblərdən biri də, Martinikanın tarixi və dini mərkəzi olan St. Louis kafedralını ziyarət etməkdir. Bu bina tam yeddi dəfə tikilib, çünki tikilmiş hər bir bina təbii fəlakətlər nəticəsində məhv edilib! İndiki struktur Qüstav Eyfel tərəfindən dizayn edilmiş neoqotik üslublu kilsədir. Ən çox bəyəni alacaq İnstaqram şəklinizi çəkmək üçün möhtəşəm bir məkan.

3. Les Anses D’Arlet

les anses darlet

Heç şübhəsiz ki, Les Anses D’Arlet adlı balıqçı kəndi, olduqca sakit və səssiz bir mühitin dadını çıxarmaq üçün Martinikadakı ən yaxşı yerlərdən biridir. Gözəl bir kiçik kilsə, qumlu çimərlik və kreol evləri buradakı ən vacib yerlərdir. Les Anses D’Arlet-dəki ən populyar və İnstaqrama layiq yerlərdən biri Grande Anse-dir.

4. For-de-Frans

fort-de-france

Martinikanın qərb sahillərində, adanın əhəmiyyətli bir limanı boyunca uzanan For-de-Frans, haqlı olaraq Martinikanın paytaxtıdır. Bu kiçik yer, ada macərasevərlərinin əksəriyyəti üçün başlanğıc nöqtəsidir. Eyni zamanda çoxlu alış-veriş mərkəzlərinə sahibdir. Burada Martinika vulkanının 1902-ci ildəki məşhur partlayışının təsirini öyrənmək üçün tarixi yerləri və muzeyləri araşdıra bilərsiniz.

5. Mon Pele

mount pelee

Əgər Martinikaya səyahətinizin səbəbi macəradırsa, Mon Pele bunun üçün ən yaxşı yerlərdən biridir! Bu dağa qalxmaqla yalnız təcrübədən zövq almayacaq, həmçinin zirvədən ətrafa açılan möhtəşəm bir mənzərə əldə edəcəksiniz. Əgər hikinq sizlik deyilsə, zirvədən təxminən bir mil məsafədə olan nöqtəyə qədər maşınla gedə, qalan hissəsini isə gəzə bilərsiniz.

6. Le Jardin De Balata

le jardin de balata

Bu həqiqətdir ki, dünyanın ən yaxşı botanika bağlarından biri Martinikada yerləşir. Balata bağları, zəngin flora və faunanın heyranedici görüntüsünü çəkmək üçün Martinikadakı ən yaxşı yerlərdən biridir. İşini çox sevən bir bağbana məxsus olan Le Jardin De Balata minlərlə tropik və çiçək açan ekzotik bitki növlərinə malikdir. Bağdakı açıq yollarla gəzə, sehrli çiçəklər və quşlar səltənətinin ilhamverici mühitindən zövq ala bilərsiniz.

7. Diamond Rock

diamond rock

Le Diamant bir çox ecazkar çimərliyə ev sahibliyi edir. Buna baxmayaraq, məkanı ziyarət edənləri cəlb edən şey, Almaz qayası adlanan bazalt adadır. Yaşayış olmayan bu ada Napoleon müharibələri zamanı qala rolunu oynayıb və eyni zamanda bir çox ilan növü üçün son sığınacaqdır. Skuba dayvinqlə məşğul olan insanlar da, Almaz qayasını Martinikada ziyarət etməli ən yaxşı yerlərdən biri hesab edirlər, çünki sualtı mağara qeyri-adi dəniz canlılarını və mərcanları sərgiləyir.

8. Les Salines

les salines

Sainte-Anne, Martinikanın ən cənub hissəsində yerləşən mənzərəli bir şəhərdir. Bu gözəl şəhərdən çox da uzaq olmayan bir məsafədə isə, Martinikada ziyarət etmək üçün ən yaxşı yerlərdən birini, məşhur çimərlik məkanı olan Les Salines-i tapa bilərsiniz. Cənnəti xatırladan ağ qumlu çimərlik və sakit mavi sular İnstaqram şəkli üçün əla bir fon kimi çıxış edir. Burada bir çox mağaza, restoran və bəzi ən yaxşı Martinika otelləri yerləşir.

9. Schoelcher Library

library

For-de-Fransda yerləşən bu avanqard bina köhnə dövrün hələ də yaşayan mənzərəsidir. 1889-cu ildə Parisdə tikildiyi üçün binanın memarlığı misilsizdir, ancaq bu bina sonradan sökülərək Martinikaya göndərilib. Bu təşəbbüs Viktor Schoelcher tərəfindən irəli sürülmüşdü və odur ki, kitabxana onun adını daşıyır.

10. Le Carbet

le carbet

Le Carbet, Martinikanın şimal-qərb hissəsində yerləşir və bir çox gözəl çimərliklərə ev sahibliyi edir. Deyilənə görə, Xristofor Kolumb 1502-ci ildə Le Carbet-ə gəlib, bu səbəbdən məkanın tarixi bir dəyəri var. Bura həmçinin Pol Qogenin təxminən dörd əsr sonra yaşadığı və əsərlərini yaratdığı şəhərdir. Buradakı Martinika otellərindən birində qala, həmçinin bağları, rom emalatxanasını və məşhur gəmi qəzalarını araşdıra bilərsiniz.

11. Les Trois-Ilets

les trois-ilets

Les Trois-Ilets sahil icmasının xoş, rahat bir mühit və maraqlı fəaliyyətlər baxımından təklif edəcəyi çox şey  var. Adanın cənub tərəfində yerləşən bu kiçik qəsəbə, Les Trois-Ilets körfəzinə baxan La Suite Villa da daxil olmaqla bəzi gözəl Martinika otellərinə ev sahibliyi edir. Bu dulusçuluq kəndini ziyarət etmək və sənətkarlıq mağazalarında alış-veriş etməklə yanaşı, bəzi əyləncəli təcrübələr də yaşaya bilərsiniz. Şəkər qamışı mədəniyyətinin tarixini nümayiş etdirən və bir sıra digər müvəqqəti sərgiləri olan muzeyi də ziyarət etməyi unutmayın.

12. Grand Riviere

grand riviere

Bu kiçik balıqçı kəndi sahil qayalıqlarının altındadır və qarşılaşa biləcəyiniz ən mənzərəli yerlərdən biridir. Əgər axtardığınız şey təzə dəniz məhsulları, sizi çətinə salacaq dalğalar və görməli mənzərələrdirsə, buyurun! Yam-yaşıl mənzərələr, arxa fonda rəngarəng evlər və qayıqlarla vurğulanmışdır. Həqiqətən də möhtəşəm bir mənzərədir!

Paylaş

Rubina

Rubina azadfikirli və xəyalpərəstdir. O, hər şeydən öyrəniləcək nəyinsə olduğuna inanır. Texniki elmlər üzrə təhsili olmasına baxmayaraq, Rubina, idarəetmə sahəsində çalışır. O, iki oğlan uşağı ilə fəxr edən ana olaraq, ailəsi ilə dünyanı kəşf etməyi və birlikdə unudulmaz anlar yaşamağı arzulayır.

Bütün bloqlar
pickvisa.az