Monakoda 12 İnstaqramlıq yer

Kənan İsazadə 24 dekabr 2021 0 baxış 5 dəq. oxu

Avropadakı milyonerlərin suveren şəhər-dövlətinin adını bilirsinizmi? Bəli, biz bu gün Monako haqqında danışacağıq. Son illərdə Monako turistlər üçün ən cəlbedici yerlərdən biri olub. Datalar göstərir ki, ümumi əhalinin 32%-i milyonerdir. Hər il minlərlə insan Monakoya səyahət edir və onlardan bəziləri burada həmişəlik qalmağa qərar verir. Biz sizin Monakoya getmək kimi planlarınızın olduğunu nəzərə alaraq, Monakonun coğrafi mövqeyindən, məşhur və instaqramlıq yerlərindən və daha bir çox şeydən məlumat verəcəyik.

Monako haradadır?

monaco city

Monako Qərbi Avropada Fransız Rivyerasında yerləşən və həm şimal, həm şərq, həm də qərbdən Fransa ilə həmsərhəd olan mikrodövlətdir. Monako əhalisi təxminən 40.000 nəfərdir və dövlətin ümumi ərazisi 2,1 kvadrat km-dir. Monakonun rəsmi dili nədir? Burada iki rəsmi dili var: fransız və “monegasque” (Gallo-italyanca dil). İngilis və italyan dili digər iki ən çox danışılan dildir. Bu o deməkdir ki, turistlər tətilləri zamanı heç bir ünsiyyət problemi ilə qarşılaşmayacaqlar. Monakoda hansı valyutadan istifadə etmək lazımdır? Fransa və digər Avropa ölkələrində olduğu kimi, ən çox istifadə edilən valyuta avrodur. Rəsmi din Roma Katolikliyidir.

1. Monte-Carlo Casino

monaco city

Monako sirlər və gözəlliklərlə doludur, lakin Monakodakı gəzməli yerlər arasında ən məşhuru Monte-Karlo-dur. Nəfəs kəsən mənzərələr, minlərlə görməli yerlər, lüks otellər, restoranlar, kafelər sizi gözləyir. Monte-Karlo haqqında məlumat almaq istəyəndə böyük ehtimalla hər kəs sizə Monte-Carlo Casino haqqında danışacaq. Buraya yalnızca şanslarını sınamaq istəyən qonaqlar deyil, həmçinin memarlıq ilə maraqlanan insanlar da heyran olur. Demək olar ki, bütün ziyarətçilər heyrətləndirici daxili memarlıq dizaynından bəhs edirlər və əksəriyyəti bunun gördükləri ən gözəl dizayn olduğuna inanırlar. Ayrıca, bəziləriniz bu kazinonu "James Bond GoldenEye" filmindən tanıya bilərsiniz. Burada blackjack, baccarat, punto banco və daha bir çox oyun növlərini oynamaq mümkündür. Bu instaqramlıq kazinonu ziyarət etmək istəyirsinizsə, səhər 9:00-dan axşam 12:00-dək açıq olduğunu unutmayın.

2. Princess Grace Rose Garden

princess grace rose garden

İnstaqramlıq şəkillər çəkmək üçün Monakoda məşhur yerlər axtarışındasınız? Cavabınız “hə” olarsa, Princess Grace Rose Garden-a getməlisiniz. Bu bağ Fontvieille Parkı, Avenue des Guelfes-də yerləşir və həm Monakoya gələn qonaqlar, həm də sakinlər arasında çox məşhurdur. İnsanlar burada istirahət etməyi və 300 növ qızılgülün heyranedici mənzərəsindən zövq almağı sevirlər. Bu güllərdən bəzilərinə Grimaldi Kral Ailəsinin şahzadələri və şahzadə xanımlarının adı verilib. Həmçinin bu bağ "Ekoloji Bağ" adına da layiq görülüb. İnstaqramda paylaşmaq üçün bəzi fotoşəkillər çəkməyi unutmayın.

3. Opera de Monte-Carlo

opera building

Monakoda gəziləcək yerlər geniş əraziyə malikdir və Monte-Karlo Opera Evi buna əla nümunə ola bilər. Mükəmməl bir mənzərə, gözəl ağaclar, dəbdəbəli fəvvarələr… Bu opera evi Paris Opera Evinin memarı olan Charles Garnier tərəfindən inşa edilmişdir. Bir çox məşhur opera sənətkarının bu opera binasında çıxış etmək şansı olub. Monte-Karlo Operası klassik musiqi təqdim edir, lakin bəzən başqa musiqi konsertlərinə və balet tamaşalarına da ev sahibliyi edir. Opera mövsümü sentyabr ayında başlayır və aprel ayına qədər davam edir.

4. Palais du Prince

prince palace

Palais du Prince, Monakodakı görməli yerlərin əsas nümunələrindən biridir. Bu yer 1191-ci ildə Genuya Respublikası tərəfindən tikilmişdir, lakin torpaqları fəth etdikdən sonra, kral ailəsi bu qəsrdə yaşamağa başlamışdır. Palais du Prince şəxsi mülk olmasına baxmayaraq, müəyyən vaxtlarda ziyarətçilər üçün açıqdır. Siz qəsrə təşkil olunan turlarda iştirak edə və Monako və kral ailəsinin tarixi haqqında həqiqətləri öyrənə bilərsiniz. Burada görkəmli İtalyan qalereyalarını, Mavi Otağı, Mazarin Otağını, Taxt Otağını, Palatin Şapelini və Əsas Həyəti görmək şansı əldə edirsiniz. Yay aylarında Monakoda nə etməli? Monakoya iyul-avqust ayları arasında səyahət edərək, Monte-Karlo Filarmonik Orkestrinin mərkəzi həyətdəki klassik musiqi konsertlərindən həzz ala bilərsiniz. Digər bir mərasim, “Mühafizəkarların Dəyişdirilməsidir” və bu, sarayın qarşısında saat 11: 55-də baş verir. İnstaqramlıq şəkillər üçün əla fürsətdir!

5. Musee Oceanographique

musee oceanographique

Okeanoqrafiya muzeyi Le Rocher-də dəniz səviyyəsindən 90 metr yüksəklikdə yerləşir. Valehedici mənzərə, muzey əsərləri və akvariumlar bu məkana gələn bütün ziyarətçilərin diqqətini çəkir. Muzeyi Monakoda gəziləcək yerlərdən birinə çevirən ən vacib səbəb akvariumlardır. Bu muzey 1910-cu ildə Şahzadə II Albertin əmri ilə fəaliyyətə başlayıb. Bu muzeydə üç akvarium (dünyanın ən qədimlərindən biri) var: Tropical Aquarium, Mediterranean Aquarium, və Shark Lagoon. Bundan əlavə, burada Tısbağa adası və bala köpək balığı görə biləcəyiniz bir Touch Tank var. Dənizdəki həyat ilə bağlı əvəzsiz faktlar əldə etdikdən sonra La Terrasse restoranında cazibədar mənzərədən zövq ala və İnstaqramınız üçün bir neçə foto çəkə bilərsiniz. Bəxtiniz gətirsə, İtalyan Rivyerasını da müşahidə edə bilərsiniz.

6. Jardin Exotique

jardin exotique

Monakoda ziyarət edilməsi gərəkən məşhur yerlərdən danışırıqsa, Jardin Exotique-dən bəhs etməliyik. Bağ, daha müasir Monako olaraq da bilinən 62 Boulevard du Jardin Exotique-də yerləşir. Dəniz sahilinə yaxın olmaq və abad təbiət bütün turistləri hipnoz edir. Jardin Exotique 1933-cü ildə açılıb və Latın Amerikası, Afrika, Meksika və s.-dən olan müxtəlif heyranedici növləri ehtiva edir. Üstəlik burada "Observatory Cave" və Antropologiya muzeyi var və hər gün səhər saat 10-dan sonra bu yerlərə turlar mövcuddur. Antropologiya muzeyini ziyarət etmək sizə İbtidai icma quruluşu, Roma İmperiyasından əvvəlki və imperiya dövrü barəsində ətraflı məlumat əldə etmək şansı verəcəkdir. İnstaqramda paylaşmanız üçün bir neçə foto çəkməyi unutmayın, şübhəsiz ki, onlar ən çox bəyənilən İnstaqram şəkliniz olacaq.

7. Kafedralı ziyarət edin

monaco city

Monakoda görülməsi gərəkən ən həyəcan verici yerlərdən biri də 4 Rue Colonel-Bellando-de-Castro-da yer alan kafedraldır. Kafedralin Roma-Bizans memarlıq üslubu sizi ilk baxışdan heyran edəcəkdir. Memari gözəlliyinin yanı sıra, bu kafedral Monako üçün böyük əhəmiyyət kəsb edir, çünki burada Monako şahzadələri, Şahzadə Rainier, Şahzadə Grace kimi bir çox görkəmli insanlar dəfn edilmişdir. Kafedralin bir başqa xarakterik xüsusiyyəti də Carrara-nın ağ mərmərdən olan Yepiskop taxtıdır. Bundan əlavə, hər bazar günü Les Petits Chanteurs de Monaco-nun müqəddəs musiqisini və Kafedral Xorunu dinləyə bilərsiniz (sentyabr-iyun ayları arasında səhər saat 10-da).

8. Monako Qran Prisi

formula one grand prix

Şübhəsiz ki, Formula 1 Qran-prisi ən həyəcan verici idman tədbirlərindən biridir. Bir neçə Formula 1 “circuit”-i var və Monako bunlardan biridir. İlk Formula 1 Monako Qran-prisi 14 aprel 1929-cu ildə reallaşdı. Maraqlıdır ki, Monako Qran-prisi bütün yarışlar arasında ən qısasıdır (cəmi 3.337 km). Yarış Boulevard Albert 1-dən başlayır və Place du Casino-da başa çatır. Bu yarışın təşkilatçısı Monako Avtomobil Klubudur. Yarışlar zamanı çox sıxlıq olmasına baxmayaraq, orada olmağa dəyər. Əgər may ayında Fransız Rivyerasındasınızsa, unutmayın ki, Kann kinofestivalı bu dövrdə baş tutur. Beləliklə, çoxlu instaqramlıq şəkillər çəkə bilərsiniz.

9. Vinteyc Maşınlar Kolleksiyası

vintage cars

“Vintage” avtomobillər ilə maraqlanırsınız? Sizin üçün əla xəbərimiz var! Monako, Terrasses de Fontvieille-də vinteyc avtomobillər kolleksiyası var. Bu kolleksiya şəhərdəki ən maraqlı instaqramlıq yerlərdən biridir: 100-dən çox avtomobil və altı tarixi kareta sərgilənir. Dünyanın müxtəlif yerlərindən (Avropa və Amerika) olan avtomobil şirkətlərinin maşınlarına rast gələcəksiniz. Hər il minlərlə avtomobilsevər yalnız bu avtomobil kolleksiyası səbəbi ilə Monakoya səyahət edir. Sosial mediada çoxsaylı vinteyc avtomobil həvəskarlarının olduğunu nəzərə alsaq, ən çox bəyəniləcək İnstaqram şəklinizi burada çəkə biləcəyinizi söyləyə bilərik.

10. Fort Antoine

fort antoine

Monakodakı ən cazibədar instaqramlıq yerlərdən biri tarixi Antoine qalasıdır. İndiki dövrdə insanlar bu qaladan orijinal məqsədindən daha fərqli bir şəkildə istifadə edirlər. Günümüzdə Antoine qalasında açıq hava tamaşaları nümayiş olunur. Qeyd etmıliyik ki, bütün tamaşalar fransız dilindədir və onlara baxmaq üçün bilet almalısınız. Sahənin tutumu cəmi 350 nəfərdir. Hər hansı bir canlı tamaşa olduqda (bazar ertəsi-cümə 10.00-13.00 və 14.00-17.00) xalqa açıqdır.

11. Jardin Japonais

jardin japonais

Qəribə və inanılmaz səslənir, amma Monakoda bir yapon bağı var. Həmin bağın adı da Jardin Japonais-dir. Bu bağ haradadır? Jardin Japonais Princesse Grace prospektindədir və onu asanlıqla tapa bilərsiniz. Bu park bir müddət şəhərin səs-küyündən xilas olmaq istəyənlər üçün möhtəşəm bir məkandır. Jardin Japonais saf suyu, şəlalələri və gözəl təbiəti ilə sizə bütün problemlərinizi unutduracaq. Yapon bağının Monakodakı görülməli yerlərdən biri olmasına heç bir şübhə yoxdur.

12. Əntiqə restoranlar

restaurant

Monakoda nə etməli? Biz artıq 11 möhtəşəm məkandan bəhs etdik. Ancaq şəhərdə gəzintidən sonra enerji almağa ehtiyacınız olacaq və bunun üçün restoranda yemək yeməkdən yaxşı variant ola bilməz. Dəqiq adlar çəkməyəsək də sizə, bəzi yemək məsləhətləri verəcəyik: Barbajuan, Bouillabaisse, Gnocchi, Porchetta, Fougasse, Pissaladiere, Galapian və başqaları. Bu yeməklər arasında Barbajua ən məşhurudur və onu da qeyd edə ki, Monakonun milli yeməyidir.

Oxşar yazılar:

SƏYAHƏTSEVƏRLƏR ÜÇÜN MARAQLI 4 PODCAST

SƏYAHƏTSEVƏRLƏR ÜÇÜN MARAQLI 4 PODCAST

Səyahət planlarının qurulması nəinki şəxsi təcrübəmizdən, başqalarının da təcrübələrindən öyrəndikcə mükəmməlləşən bir obyektdir. Öz səyahət təcrübələrimizi bölüşmək və başqalarının da təcrübələrindən öyrənmək üçün bir çox platformalar var. Ən sevdiyim platformanı sizinlə bölüşüm: PODCASTS. Səyahətlə bağlı qulaq asdığım podcast-lardan bəziləri Woman Who Travel – səyahətçi xanımların, məşhur jurnalistlərin, fotoqrafların (the.atlas.of.beauty ilə də müsahibə var) müxtəlif restoran, yemək, […]

Gülər Ağayeva 24 dekabr 2021
Bu yerlərə gedəcək bir igid axtarilir. Ən təhlükəli yerlər.

Bu yerlərə gedəcək bir igid axtarilir. Ən təhlükəli yerlər.

Bütün səyahətçilər öz səfərlərinin ideal və yaddaqalan olmasını istəyirlər. Amma bəzən yaddaqalan səfərlər ideal olmaya da bilir. Səyahətlər zamanı turistlər gözlənilməz surprizlər və təhlükəli məkanlarla qarşılaşa bilirlər. Düzdür, bu gün çox sayda turist cəlb etmək üçün ölkələr fərqli sloqanlar, videoçarxlar vasitəsilə ölkələrinin ən rəngli, təhlükəsiz görüntülərini və məkanlarını paylaşırlar. Bu bloqda həmin çarxlarda kadra alınmayan ən təhlükəli səyahət məkanlarına nəzər […]

Dünyanın ən bahalı 10 restoranı

Dünyanın ən bahalı 10 restoranı

Müasir dövrümüzdə restoranlara olan tələb günü gündən artır. Ad günləri və xüsusi ailəvi tədbirlər zamanı, görüşlər keçirərkən, işdən sonra və ya sadəcə həftəsonunu dostlarla xoş və maraqlı keçirmək üçün ağlımıza ilk gələn yaxşı bir restoran tapmaq olur. Bəs biz bunu hansı kriteriyalara əsasən seçirik? Yerləşdiyi yer, populyarlığı, yeməkləri, dizaynı və ən əsas da qiymətləri. Hər birimiz çalışırıq […]

Bu ölkələrdə bunları etmək olmaz…

Bu ölkələrdə bunları etmək olmaz…

Dünyada çoxlu sayda qadağalar mövcuddur. Bir çox qadağalar bütün cəmiyyətlər üçün eyni dərəcədə vacibdir. Bəzən insanların birgə yaşayışının mümkünlüyü də bunlardan asılıdır. Lakin bəzi qadağalar var ki, onlar yalnız hər hansısa bir cəmiyyətə məxsusdur. Bu tip qadağalar müxtəlif xalqların adət ənənələrindən, dünyagörüşündən, dini inanclarından, tarixi hadisələrdən və s. irəli gələ bilər. Səyahət həvəsi sizi dünyanın […]

Cavid Əsədov 24 dekabr 2021
Torontonun 10 ən dadlı restoranı

Torontonun 10 ən dadlı restoranı

Ən yaxşı restoran siyahısının yaradılmasının subyektiv olduğunu tam qəbul edirik. Zövqlər və rənglər mübahisə edilməz olduğu kimi, ağız dadlarımız da belədir. Kanadada, daha dəqiqliklə desək Torontoda iki nəfərin eyni sevilən restoranları seçməyəcəyi də olduqca aydındır. Buna görə siyahımız bir çox fərqli mətbəxi özündə birləşdirməyə çalışır. Əsas odur ki, biz təqdim edək. Hansını seçəcəyinizə siz özünüz qərar […]

Nərmin Aydınqızı 24 dekabr 2021
DÜNYANIN RƏNG DOLU BAYRAMLARI

DÜNYANIN RƏNG DOLU BAYRAMLARI

Bir ölkənin mədəniyyəti, tarixi ilə tanış olmaq istəyirsizsə, onun bayramlarında iştirak edin. Hər birimiz bayramları çox sevir, səbirsizliklə gözləyirik. Bayram günlərində bütün ailə, dost, tanış, qohumlar bir araya gəlib unudulmaz günü qeyd edir. Bəs başqa bir yerdə, tanımadığınız insanlar arasında bayram keçirməyə nə deyərsiz? Sizin üçün dünyanın ən rəngli bayram və festivallarını bir araya gətirdik […]

Arzu Çinarlı 24 dekabr 2021
DÜNYADA ƏN ÇOX AZƏRKEŞİ OLAN 10 FUTBOL KLUBU

DÜNYADA ƏN ÇOX AZƏRKEŞİ OLAN 10 FUTBOL KLUBU

Hər il yüzlərlə futbol komandaları arasında minlərlə oyun keçirilir, müxtəlif transferlər baş tutur, fərqli mükafatlandırma mərasimləri keçirilir. Bundan da asılı olaraq hər il müxtəlif futbol klublarının azarkeş sayı artır və ya azalır. Bəzi insanlar heç nəyə baxmayaraq sadiq azarkeş olsa da, bəzi insanlar sevdikləri oyunçunun transferindən, klubun həmin ilki qalibiyyət sayından və ya başqa səbəblərdən artıq […]

LOS-ANCELESİN QEYRİ-ADİ KOKTEYL BARLARI

LOS-ANCELESİN QEYRİ-ADİ KOKTEYL BARLARI

Los-Anceles ABŞ-ın ən parlaq şəhərlərindən biridir. O, arzular diyarıdır. Şəhəri gəzərkən öz üzərinizdə Los-Ancelesin bütün çalarlığını duyacaqsınız. Hər qarışı möhtəşəmliklə dolu olan şəhəri gəzib bitirənə qədər gün bitər. Bu zaman da yorğunluğuzu almaq üçün nə etmək olar? Əlbəttə ki, rahatladıcı bir kokteyl dadmaq. Los-Ancelesi kokteyl paytaxtı adlandırmaq olar, burada klassik içkilərdən tutmuş, barmenlərin yaratdığı incilərə […]

Arzu Çinarlı 24 dekabr 2021
BUNYOLU QIRMIZIYA ÇEVİRƏN SAAT

BUNYOLU QIRMIZIYA ÇEVİRƏN SAAT

Hər il avqust ayında İspaniyanın Valensiya şəhərindən 38 km aralıda, Bunyol qəsəbəsində 20.000 insan su eynəyi geyinir. Məqsəd dənizdə, çayda üzmək deyil. Məqsəd 150 ton pomidorun yaratdığı qırmızı dalğaları ram etməkdir. Pomidor Festivalı Sakit həyata öyrəşmiş Bunyol qəsəbəsinin sakinləri ildə bir dəfə, bütün qapılarını, pəncərələrini bağlayır. Ticarət mərkəzlərinin divarlarını xüsusi örtüklə müdafiə etməyə çalışır. Qəsəbəyə iri yük […]

Coşqun Kərimov 24 dekabr 2021
Yaponiyanın gəzməli yerləri

Yaponiyanın gəzməli yerləri

Yaponiya – qədim ənənələrin, müqəddəs yerlərin və ən müasir texnologiyaların inanılmaz qarışığıdır. Keçmişinə hədsiz dərəcədə hörmət edən və bununla yanaşı, sürətlə gələcəyə doğru irəliləyən ölkənin görməli yerlərinin Top 5-ni təqdim edirik: 1. Fudzi-Hakone-Idzu Milli Parkı Bu yer hər il 20 milyonadək turist qəbul edən Yaponiyanın ən maraqlı təbii məkanlarından biridir. Parkın ərazisində Fuci dağı, 5 […]

Elnur Həmidli 24 dekabr 2021