Erasmusbrug, Rotterdam, Netherlands

Niderland yoxsa Hollandiya?

Fazilya Davudova Fazilya Davudova 19 dekabr 2019
457 baxış 2 dəq. oxu

Niderlanda səyahət edənlərin əksəriyyəti Niderlandı Hollandiya ilə eyni şəkildə adlandırırlar. Niderlandın Hollandiya ilə eyni məna kəsb edildiyi başa düşülür, amma bu doğru deyil.

Niderland və Hollandiya arasındakı fərq nədir?

countryside

Niderland 1815-ci ildə Napoleon Bonapartın məğlubiyyətindən sonra yaranan bir krallıqdır. Krallığın əsası qoyulanda Belçika bura daxil idi, ancaq 1830-cu ildə Belçika krallığın tərkibindən ayrılandan sonra Niderlandın xəritəsi yenidən tərtib edildi və indiki bildiyimiz möhtəşəm və yüksək sivilizasiyalı ölkə kimi tanındı.

Niderland ilə Hollandiya arasındakı fərqi daha yaxşı anlamaq üçün, ilk növbədə Niderlandın tarixini bilmək vacibdir və gəlin bunun üçün Bataviya Respublikasına və Yeddi Birləşmiş Niderland Respublikasına qısa bir tarixi səyahət edək.

Niderlandın tarixi

amsterdam city

Yeddi Birləşmiş Niderland Respublikası 1588-ci ildən 1795-ci ilə qədər mövcud olan bir respublika idi. Niderlandın bir hissəsi Səksən İllik Müharibə və ya Niderlandın Müstəqillik Müharibəsindən sonra İspaniyanın tərkibindən ayrıldı, bu da haz Niderland, Belçika, Lüksemburq və həmçinin Fransanın Hauts-de-Frans bölgəsi də daxil olmaqla On Yeddi Vilayətin İspaniya kralı II Filipə qarşı olan üsyanı idi. Birləşmiş Yeddi Niderland Guelders Hersoqluğu (Niderland dilində Gelderland), Holland Əyaləti, Zeeland Əyaləti, Utrext Lordluğu, Overijssel Lordluğu, Frisiya Lordluğu, Qroningen və Ommelanden Lordluğundan ibarət idi.

Dünyanın ən böyük tacir donanmasına malik olan respublikanın yeddi əyalətinin hər birinin öz müstəqil hökuməti var idi və bu dövrdə (16-17-ci əsrin sonlarında) dünya ticarətinə hökmranlığı ilə böyük bir müstəmləkə imperiyasını fəth edirdi. Hollandiya əyaləti o dövrdə dünyanın ən zəngin və ən çox urbanizasiyalaşmış bölgələrindən biri idi.

garden

Sonralar 1795-ci ildə Yeddi Birləşmiş Niderland Respublikası fransız qoşunları tərəfindən işğal edildi. Ölkə, Napaleonun öz qardaşı Louisi kral təyin etməsi və ölkəni krallığa çevirməsi ilə Bataviya Respublikası kimi tanındı.

Napoleon Bonapartın məğlubiyyətindən sonra  Orange Villiam VI  hakimiyyəti "Suveren Şahzadə" olaraq qəbul etməyə dəvət edildi. O, 1813-cü il 30 noyabrda Şeveningene gəldi və iki il sonra 1815-ci il mart ayının 16-da Niderland Birləşmiş Krallığı elan edildi. Bu krallıq əvvəllər Bataviya Respublikası, Avstriya Hollandiyası və Liege şahzadəsi yepiskopluğuna aid ərazilərin birləşməsi idi.

Belçikanın Niderland Birləşmiş Krallığından ayrılması ilə krallığın qızıl dövrü sona çatdı. Beləliklə krallığın xəritəsi yenidən tərtib edildi və hazırki Niderland Krallığının təməli qoyuldu.

Bugünkü Niderland

nature of netherland

Hazırda Niderland on iki əyalətdən ibarətdir: Qroningen, Friesland, Drente, Overijssel, Flevoland, Gelderland, Utrext, Şimal-Holland, Cənubi Holland, Zelandiya, Şimali Brabant və Limburq. Bu on iki əyalətdən ikisi Holland adıyla tanınır - Şimali Hollandiya və Cənubi Hollandiya.

Hollandiya ilə Niderland arasındakı fərqlə bağlı qarışıqlığın Qızıl Dövrdə yeni ölkələr, ticarət yolları və ədviyyatlar axtarışında olan Niderland dənizçilərinin açıq dənizlərə yelkən açmaları ilə başlanıldığı güman edilir. Hollandiya vilayəti gəmiqayırma sahəsində lider idi və bununla bağlı olaraq da Niderlandlı dənizçilərinin əksəriyyəti Şimali və ya Cənubi Hollandiya vilayətindən idi. Onların vilayətlərini öz ölkələri kimi tanıtması insanların Hollandiyanın bir ölkə olduğunu düşünməsinə səbəb oldu. Haradan gəldiklərini soruşduqları zaman, gəldikləri vilayət haqqında danışdıqları bilinirdi.  Bu olduqca qarışıq idi, çünki o dövrdə bir ölkə şəklində birləşmiş Hollandiya yox idi.

İndi ölkənin rəsmi adı Niderland Krallığıdır. Kral King Villem-Alexanderdır, "Holland" isə ingilis dilinə Şimali Holland və Cənubi Holland olaraq tərcümə edilən "Noord-Holland" və "Zuid-Holland" adlı iki vilayətə istinad edir. Hollandiya Niderland Krallığında sadəcə bir əyalətdir. İndiki dövrdə Hollandiya vilayətində yaşayanlar özlərini hələ də Holland adlandırır, ancaq beynəlxalq mühitdə özlərini Niderlandlı kimi tanıdırlar. Niderland həm elmi cəhətdən düzgün versiyadır və, həm də ölkədə vilayətlər arasında diskriminasiya yaratmır.

Paylaş

Fazilya Davudova
Fazilya Davudova Sororesulbizulmixvari

Fazilya coğrafiya, səyahət və təbiət vurğunu olan skandinavşünasdır. Səyahətin özünü kəşf etmənin ən ilkin yolu olduğunu düşünür. Gürcüstan və Norveç səyahətlərindən sonra digər ölkələrə səyahətlərini planlayır. O bu istək ilə səyahət bloqları yazmağa başlayıb. Bloqları ilə həm özünü, həm oxucuları səyahətə, həyatı kəşfə aparmağı hədəfləyir.

Bütün bloqlar
pickvisa.az