Ottavada 12 İnstaqramlıq yer

Kanada milyonlarla insanın xəyallarındakı ölkədir. İldə 20 milyondan çox ziyarətçi qəbul edən ölkədə milyonlarla insanın yeni bir həyat qurmaq planları var. Kanadada hansı dildə danışılır? Ölkədə ən çox istifadə olunan dil ingilis dilidir, lakin əhalinin əksəriyyəti fransız dilində də danışır. Bildiyimiz kimi, Kanadanın paytaxtı Ottava şəhəridir. Ottava haradadır? Ottava Ontario əyalətinin cənub-şərqində, Ottava çayının cənub sahilindədir. Şəhərin təxminən 1 milyon əhalisi var. Düzdür, Ottava görməli və instaqramlıq yerlər ilə zəngindir, ancaq bilməlisiniz ki, bu şəhərdə tətil baha başa gələ bilər. Əlbəttə ki, xərclər sizdən asılıdır, ancaq otel, yemək və nəqliyyat məsələlərini nəzərdən keçirəndə gündə 70-120 ABŞ dolları xərcləyəcəyinizi deyə bilərik. Ottava və Kanada ilə əlaqəli bəzi əsas informasiyaları öyrəndiyimizə görə, Ottavadakı ən yaxşı instaqramlıq yerləri kəşf etməyin vaxtı gəldi.

1. Carbide Uilson Xarabalıqları

Ottavada gəziləcək yerlərin başında Carbide Uilson xarabalıqları gəlir. Əsl instaqramlıq hikinq marşrutu meşə və çaylar boyunca davam edir və kimyəvi kalsium karbid ixtirası ilə məşhur olan tanınmış ixtiraçı Thomas Uilsonun bağ evi ilə sona çatır. Bu dahi ixtiraçının öz kəşfi ilə bağlı bəzi qorxuları var idi. Bir qrup insanın onun fikrini oğurlamaq istədiyindən qorxurdu. Buna görə də öz laboratoriyasını və evini hər kəsdən uzaqda, meşədə tikdirdi. İndiki vaxtda həmin ev Ottavadakı ən məşhur instaqramlıq yerlərdən biridir. Turistlərin əksəriyyəti ən çox bəyənilən İnstaqram fotolarını çəkmək üçün bu evə hikinq edirlər.

2. Kanada Milli Qalereyası

Maraqlı fotolar çəkmək istəyirsinizsə, Ottavada bu məqsədlə gedə biləcəyiniz yerlərdən biri Milli Qalereyadır. Bu qalereyada nə etməli? Ottava qalereyasında ediləcək ilk işlərdən biri, nəhəng hörümçək heykəlinin qarşısında instaqramlıq fotolar çəkdirməkdir. Bundan sonra Kanadanın sənət dünyasına səyahət etmək üçün binanın içinə girin. Burada Kanadaya aid geniş çeşiddə sənət kolleksiyası tapa bilərsiniz. Turda iştirak etmək şah əsərlər və bina haqqında daha ətraflı məlumat əldə etmənizə imkan verəcəkdir. Bununla birlikdə, qalereyanın bazar ertəsi, çərşənbə axşamı və çərşənbə günləri işləmədiyini unutmayın. Cümə axşamı (10.00- 20.00) xaricində iş saatları səhər 10-dan axşam 17:00-a qədərdir.

3. Parlament Təpəsi

Ottavada mütləq edilməsi gərəkən ən populyar fəaliyyətlərdən biri Parlament Təpəsini ziyarət etməkdir. Bölgə turistlər və sakinlər arasında çox populyardır. Bina Gotik memarlıq üslubu ilə çay kənarında heyranedici görünür. Ottavada maraqlı vaxt keçirmək üçün turlarda iştirak edə və ya Parlament kitabxanasını ziyarət edə bilərsiniz. Turistləri bina kompleksinə cəlb edən başqa bir səbəb də gözətçinin dəyişmə mərasimidir. Mərasim səhər 9:50-də başlayır, amma 15 dəqiqə əvvəldən orada olmanız məsləhət görülür.

4. Rideau Kanalı

Əksər insanların fikrinə əsasən, Rideau kanalı Ottavadakı instaqramlıq yerlər siyahısının başındadır. Kanalın uzunluğu 202 km, dərinliyi 1,6 m-dir. Çayın hər iki tərəfində şəhərin nəfəs kəsən mənzərəsindən zövq ala bilərsiniz. Həmçinin qeyd etmək lazımdır ki, bu çay Kanada tarixində mühüm rol oynayıb: 1812-ci ildə ABŞ-la müharibə əsnasında Montreal və Ontario gölünü birləşdirən strateji bir yol idi. Sezonun dəyişməsi ilə kanal da öz rolunu dəyişdirir. Yay aylarında aktiv bir su yolu olan çay qışda Ottavanın ən tanınmış turistik yerlərindən birinə çevrilir. Kanal donduğu zaman burada ideal konki sürmə mühiti yaranır. Üstəlik, çay kənarında da yüzlərlə like alacaq çoxlu İnstaqram şəkilləri çəkə bilərsiniz. Ətrafdakı görməli yerlərə nümunə olaraq orta əsrlərə aid Chateau Laurier binasını deyə bilərik.

5. Kanada Müharibə Muzeyi

Kanadanın hərb tarixi ilə maraqlanırsınızsa, Ottavada getməli olduğunuz ən yaxşı yerlərdən biri Müharibə muzeyidir. Muzeydə Birinci və İkinci dünya müharibəsindən, 1812-ci il müharibəsindən, fransızlarla irokezlər arasındakı toqquşmalardan və s. artefaktlar tapa bilərsiniz. Muzeydə sərgilənən instaqramlıq əsərlərdən bəziləri: ciplər, zirehli yük maşınları, motosikllər və s. İnstaqramda ən çox bəyəni alacaq postunuz isə muzeyin ən məşhur artefaktı - Hitlerin maşınının şəkli olacaqdır. Bundan başqa, muzeydə 1812-ci il müharibəsini Kanadanın nöqteyi-nəzərindən görmək şansınız olacaq.

6. Notr-Dam Bazilikası

Memarlar Ottavada haranı ziyarət etməlidir? Ottavada cazibədar memarlıq dizaynına sahib bir çox yer var və Notr-Dam bazilikası bunlardan biridir. Kilsənin ən təsirli xüsusiyyəti daxili dizayndır. Müxtəlif sənətkarlar kilsənin içərisində heyranedici işlər görüb. Misal olaraq Louis-Philippe Hebert tərəfindən hazırlanmış peyğəmbər və dörd missioner fiqurlarını və ya Philippe Parizeaunun oymalarını göstərə bilərik.

Üstəlik, Məryəm və Məsihin rəsmlərini barındıran 17 pəncərəlik seriya, Ottava Notr-Dam bazilikasında görüləcək əsərlərin başqa bir nümunəsidir. Kilsənin inşasına 1841-ci ildə başlanılmış və 44 il davam etmişdir. Bazilika bütün Kanadadakı ən böyük və ən qədim kilsədir.

7. Byward Market Məhəlləsi

İndi ölkənin ən qədim və ən böyük küçə bazarlarından biri haqqında danışmağın vaxtı gəldi. Yalnız bazar deyil, onun ətrafı da qədim və təsirlidir. Burada suvenir mağazaları, kafelər, restoranlar, sənətkarlıq marketləri və s. tapa bilərsiniz. Bəs ərazidə instaqramlıq şəkillər çəkmək üçün xüsusi bir yer varmı? Bir çox ziyarətçi Kanadadan ən çox bəyənilən İnstaqram fotolarını York Street Plaza-da, nəhəng “Ottawa” hərflərinin qarşısında çəkirlər.

8. Dows Lake Pavilion

Ottavada nə etməli? Kanadanın mədəniyyəti, tarixi və paytaxtı haqqında məlumat əldə etdikdən sonra istirahət etmək və bütün problemlərinizi unutmaq istəyə bilərsiniz. Dows Lake Pavilion bu məsələdə sizə kömək olacaqdır. Bura, Ottavada maraqlı vaxt keçirmək üçün sizə lazım olacaq hər şeyə sahib olacağınız bir yerdir. Məsələn, kiçik səyahətlər etmək üçün bir kayak və ya qayıq yaxud da ərazini kəşf etmək üçün velosiped icarəyə götürə bilərsiniz. Bəs marinanı ziyarət etmək üçün ən yaxşı mövsüm nə vaxtdır? Sözün düzünə qalsa, bu tamamilə sizdən asılıdır. Əgər buraya qışda gəlsəniz, Winterlude festivalında iştirak etmək və ya konki sürmək şansınız olacaq. Digər tərəfdən yazda gəlməklə Zanbaq festivalına qatıla bilərsiniz.

9. Kanada Təbiət Muzeyi

Kanada muzeylərlə zəngindir və Kanada Təbiət muzeyi Ottavada gəziləcək yerlər siyahısında ən mühüm yerlərdən birini tutur. Muzeydə ziyarətçilər dəniz həyatı, dinozavrlar, quşlar, böcəklər və s. haqqında məlumatlarını genişləndirəcəklər. Bundan əlavə, muzeydə təbiət həyatı haqqında Kanadadakı ən qədim arxivlərdən biri var. Arxivə bir çox kitab, sənəd və foto daxildir. Muzeyə giriş uşaqlar üçün 11, böyüklər üçün 15 dollardır. Biletlərin yalnız onlayn əldə edildiyini unutmayın.

10. Milli İncəsənət Mərkəzi

Milli İncəsənət Mərkəzi sənətlə maraqlanan bütün insanların görməsi gərəkən yerlərdəndir. Sənət mərkəzində 600-dən çox nümayiş sərgilənir. Milli sənət mərkəzində bir çox milli və beynəlxalq istedadlar səhnəyə çıxır. Sənətin hansı növünü (musiqi, rəqs, teatr) sevdiyinizin fərqi yoxdur, burada hər kəs üçün bir şou var. Mərkəzə üz tutun və baletdən, dünya səviyyəli teatr tamaşasından və ya ev orkestrindən zövq alın. Ottava Milli İncəsənət Mərkəzində keçirdiyiniz vaxt unudulmaz olacaq.

11. Uels Şahzadəsi Şəlaləsi

Bəzən şəhər həyatı stresli və darıxdırıcı olur. Belə vəziyyətlərdə dincəlmək üçün sıxlıq və təlaş olmayan yerlərə qaçmağa çalışırıq. “Hog's Back Falls” da adlanan Uels Şahzadəsi şəlaləsi də bu yerlərdən biridir. Şəlalə kompleksi Rideau çayı boyunca bir sıra şəlalələrdən ibarətdir. Ətrafdakı park tarixi yerlərlə yanaşı, özündə piknik üçün masalar və hikinq parkurları da barındırır. Park may ayında açılır və dekabrda bağlanır.

12. Vəhşi Quş Baxım Mərkəzi

Nəhayət, Ottavadakı instaqramlıq yerlər siyahımızdakı sonuncu yerə gəldik. "Wild Bird Care Centre" yaralı və ya xəstə yüzlərlə quşa ev sahibliyi etməsi ilə tanınır. Mərkəzin əsas məqsədi xəstə və ya yaralı quşların müalicəsi və baxımı ilə məşğul olmaq, bundan sonra onları təbiətə buraxmaqdır. Bundan əlavə, bəzi günlərdə mərkəzdə quşlarla bağlı bir çox yeni şey öyrənə biləcəyiniz turlarda təşkil olunur.