Saint Barthelemy

Nəyə görə Sen-Bartelemiyə səyahət etməlisiniz?

Pünhan Şükürov Pünhan Şükürov 22 yanvar 2021
5 baxış 5 dəq. oxu

Son bir neçə ildir ki, Karib dənizi hövzəsinə vizasız səyahət, yeni maraqlı səyahət macəraları arayışında olan avropalılar arasında trendə çevrilib. Karib dənizi bölgəsindəki bir çox ada Fransa və Hollandiya kimi Avropa ölkələrinə aiddir. Saint Barths adıyla da bilinən Sen-Bartelemi, son zamanlarda sosial mediada məşhur olan ən gözəl səyahət yerlərindən biridir. Sen-Bartelemidə çəkilmiş cazibədar tətil fotolarını görən hər kəs bu adalar qrupu ilə maraqlanır. Sen-Bartelemi haradadır? Fransanın Dəniz Adaları İcması statusuna sahib olan bu adalar, Karib bölgəsində, Sent Martin, Sent-Kits və Nevis və Saba adalarının yaxınlığında yerləşir. Sen-Barteleminin paytaxtı, adanın əsas limanının yerləşdiyi Qustaviyadır. Sen-Bartelemi rəsmi olaraq Fransanın bir hissəsi olduğu üçün Sen-Bartelemi bayrağı Fransanın üçrəngli bayrağı ilə eynidir. Geniş yayılmış və rəsmi olaraq istifadə olunan dil fransız dilidir. Bundan əlavə, Antillean Creole, adanın yalnız bəzi yerlərində yayılmış regional bir dildir. Avro, ölkədəki rəsmi valyutadır və bu, avropalı qonaqlar üçün çox əlverişlidir. Sen-Bartelemiyə necə getmək olar? Bir çox Şimali Amerika, Cənubi Amerika və Avropa hava yolları vasitəsi ilə Sen-Bartelemiyə səyahət edə bilərsiniz. Cəmi bir neçə dəqiqəlik onlayn axtarış ilə Sen-Bartelemiyə olan uçuşları asanlıqla tapa bilərsiniz.

Heyrətləndirici paytaxt Qustaviya

capital of saint barthelemy

Sen-Barteleminin paytaxtının orijinal adı Le Carenage-dir. Füsunkar paytaxtda görməniz və etməniz gərəkən çox şey var. İlk öncə, Qustavia, adaya bərə ilə yaxınlaşan qonaqları ilk baxışdan heyrətləndirən valehedici bir limana ev sahibliyi edir. Qayıqlar və mini gəmilər limanda dayandığı zaman insanı heyran edən bir mənzərə ortaya çıxır. Sahil xətti boyunca yerləşən restoranlarda nahar və ya qəhvə fasiləsi edərkən limanın bu mənzərəsindən zövq alacaqsınız. Qustaviadakı ən yaxşı restoranlar liman ətrafında yerləşir. Dövlət turizm agentlikləri fransız aşpazlarını Qustaviadakı ən yaxşı restoranlarda işləməyə dəvət ediblər. Turistlər yüksək səviyyəli aşpazlar tərəfindən bişirilən orijinal fransız yeməklərini sevirlər.

Bərə turu

saint barthelemy tour

Liman ətrafındakı ən yaxşı turistik attraksionlardan biri də bərə turudur. Bir çox turizm şirkəti yerli və xarici səyahətçilərin, qırmızı çatılı paytaxtın füsunkar sahil xəttini görmək üçün qatıldıqları bərə turları təşkil edir. Turistlər bələdçinin də olduğu gəmi səyahətləri zamanı paytaxtın zəngin tarixi haqqında çoxlu məlumat əldə edə bilərlər. Üstəlik balıq tutmaq üçün olan gəmi turlarını da xüsusilə qeyd etmək lazımdır. Karib dənizi saysız-hesabsız balıq növü ilə zəngindir. Tuna balığı, okuni, delfin balığı, qılınc balığı, kefal və pompano yemək bişirmək üçün ideal balıq növləridir. Qustaviyadakı ən yaxşı restoranlar təzə tutulmuş balıqları ən ləzzətli reseptlərlə təqdim edir.

Zəngin tarix

boat in the ocean

Sen-Barteleminin paytaxtı zəngin bir müstəmləkə tarixinə malikdir. Qustaviya küçələrində gəzərkən müstəmləkə dövrünün təsirini hiss edəcəksiniz. Köhnə arxitektura, tarixi infrastruktur, divarların tərzi və yol sistemləri bizə şəhərin tarixi haqqında çox şey izah edir. Fort Gustave xarabalıqları, Fort Karl-ın daş divarları və Shell Beach-in geriyə qalan hissəsi, şəhərdə ziyarət etməniz gərəkən ən diqqətəlayiq yerlərdir. Vieux Clocher, Anglican Episcopal Church və Swedish clocktower da 19. əsrdə inşa edilmiş qiymətli tarixi yerlərdir.

Bundan əlavə, Le Carenage şəhəri heyranedici müasir arxitekturaya və şəhər həyatına ev sahibliyi edir. Paytaxt küçələrində gəzərkən yerli və dünya markalarının satıldığı butiklərdə və mağazalarda alış-veriş edə bilərsiniz. Burada üst səviyyəli markaların təqdim etdiyi orijinal fransız ayaqqabılarını, gödəkçələri və cinsləri də tapa bilərsiniz. Əcnəbilərin Qustaviadakı şopinqlə bağlı ən çox sevdiyi şey isə fransız ətirləridir. Burada orijinal fransız ətirlərini çox münasib qiymətlərlə tapa bilərsiniz. Sen-Bartelemiyə səyahəti paytaxtda alış-veriş etmədən təsəvvür etmək mümkün deyil.

Tropik Karibdəki ən yaxşı otellər

hotel in saint barthelemy

Demək olar ki, bütün Karib hövzəsində olmuş bir çox turistin fikrincə, Sen-Bartelemi otelləri qonaqlama üçün ən yaxşı seçimdir. Hotel Gustavia Manapany, Le Barthelemy Hotel, Villa Marie Vitet, French St. Barths Luxury Resort və Holland House adadakı ən reytinqli yerlərdir. Sen-Barteleminin ən lüks oteli olan Hotel Gustavia Manapany, Le Carenage limanından çox da uzaq deyil. Sen-Bartelemi otellərini turistlərin gözündə çox xüsusi edən nədir? Əvvəla, St. Barths otelləri çox əlverişlidir. Çoxlu xarici və yerli turisti cəlb etmək üçün hökumət otellərdən endirim etmələrini tələb edir. Tropik tətil mövsümündə demək olar ki, bütün otellər inanılmaz endirim təklifləri təqdim edirlər. Buna görə də turistlər yüksək səviyyəli lüks otellərdə çox sərfəli qiymətlərlə qala bilirlər. Cib dostu Sen-Bartelemi otelləri son bir neçə ildə minlərlə əcnəbini özünə cəlb etməyi bacarıb. Bəzi turizm şirkətləri uçuş biletlərini, oteldə qonaqlamanı və nəqliyyat xərclərini ehtiva edən endirimli ekonomik paketlər təklif edirlər. Turistlər də əlverişli və sərfəli tətili üstün tutduqları üçün digər adalar əvəzinə Sen-Bartelemini seçirlər. Ən əsası, otellər yay mövsümü zamanı oteldə bir həftədən çox qalan qonaqlar üçün pulsuz səhər yeməyi, nahar və şam yeməyi təqdim edirlər.

Şopinq

shopping

Adadakı bir çox oteldə qapalı ticarət mərkəzləri var. Qapalı geyim, zinət əşyaları, əl işləri və texnoloji mağazaları turistlərin komfortunu təmin edir. İnsanlar tətil zamanı ehtiyac duyduqları hər şeyi otel ərazisindən çıxmadan əldə edə bilərlər. Bundan əlavə, bəzi otellər yerli sənətkarlara öz əl işlərini satmağa imkan verir. Dostlarınıza və ailə üzvlərinizə hədiyyə olaraq xüsusi olaraq dizayn edilmiş Sen-Bartelemi bayrağı kimi bir çox maraqlı suvenir ala bilərsiniz. Hotel Gustavia Manapany, Sen-Bartelemidəki ən böyük qapalı ticarət mərkəzinə sahibdir.

Otel avtobusu gəzintiləri

bus

Sen-Bartelemidəki otellərinin digər bir üstünlüyü, şəhəri kəşf etmk istəyən turistlər üçün avtobus xidmətləri təklif etməsidir. Şübhəsiz ki, otel avtobusu pulsuz deyil. Bununla birlikdə, şəhərdə otel avtobusu ilə səyahət etmək, ictimai nəqliyyat və ya taksi istifadə etməkdən çox daha ucuzdur. Otel avtobusları tur rəhbərləri də təklif edir. Bu gəzintilərə qatılaraq Sen-Bartelemidəki həyat tərzi haqqında daha çox məlumat əldə etmək şansınız olacaq. Həmçinin tur rəhbərləri yolunuzu itirməyə imkan verməyəcəklər. Ən əsas şeylərdən biri: Sen-Bartelemi hava limanından uzaq olmayan otellər turistlər üçün çox faydalıdır. Belə ki, bu halda hava limanından otelə qədər olan nəqliyyat xərcləri çox aşağı və cib dostu olur.

Karib dənizi sahilləri - su idmanları cənnəti

saint barthelemy beach

Tropik Karib dənizi, çimərlik cənnəti kimi dünya miqyasında məşhurdur. Büllur kimi təmiz suyu, bənzərsiz firuzəyi rəngi və zəngin flora və faunası sayəsində Karib dənizi qlobal diqqəti özünə cəlb etdi. Bir çox turizm eksperti, Karib dənizinin St. Barth sahillərini tətil yeri olaraq tövsiyə edir. Sen-Bartelemidəki yay tətilindən zövq alarkən, bir neçə su idman növünü də sınaya bilərsiniz. Şnorkellə başlayın, hava sakit və quru olduqda əla bir fəaliyyətdir. Müvafiq şnorkel paltarını geyindikdən və bəzi təlimatlar aldıqdan sonra inanılmaz bir sualtı macərasına başlaya bilərsiniz. Yerli mütəxəssisin sizi sualtı dünyanın ən rəngli ərazilərinə aparacağı bələdçili şnorkel turlarına qoşulmaq daha yaxşı olardı. Saysız-hesabsız maraqlı tropik dəniz canlılarını görmək üçün onlarla şansınız olacaq. Smooth trunkfish, barred hamlet, great barracuda, queen angelfish, və rock beauty şnorkel zamanı qarşınıza çıxacaq məşhur Karib balıq növləridir.

Skuba dayvinq

scuba diving

Sen-Bartelemi çimərliklərində sevəcəyiniz bir başqa su idman növü də skuba dayvinqdir. Bu su idmanı, Karib dənizinin vəhşi dəniz həyatını araşdırmaq üçün əla bir fürsətdir. Skuba dayvinq üçün hazırlıq təlimatları olduqca asandır və elə ilk cəhddə dalmaq olar. Bundan əlavə, yelkənli gəmi ilə səyahət, Karib dənizinin sakit suları üçün mükəmməl bir turizm fəaliyyətidir. Ada ətrafında yelkənli səfəri, Sen-Barteleminin gözəlliklərinə fərqli aspektlərdən heyran olmağınıza imkan verəcəkdir. Bu, Sen-Bartelemiyə səyahətiniz zamanı ən yaxşı fəaliyyətlərdən biri olacaqdır. Kaytsörfinq, “paddle boarding”, jet ski və kayak kimi fəaliyyətlər bir çox çimərliklərdə və otel ərazilərində mövcuddur. Vitet, Ile Fourche, Grand Cul de Sac, Anse des Flamands və Colombier, saysız-hesabsız su idmanları üçün uyğun olan çimərliklərdir.

Sen-Bartelemi haqqında fikir sahibi olduğunuza görə artıq uçuş biletlərini sifariş edə, qonaqlama yerinizi təşkil edə və ömrünüzün ən gözəl tropik tətilini yaşaya bilərsiniz.

Paylaş

Pünhan Şükürov

Pünhan, Azərbaycanın elmi, mədəni və iqtisadi mərkəzi olan Bakıda anadan olub. O, universitetdə Beynəlxalq Münasibətlər ixtisası üzrə təhsil almağa başladığından bəri yeni mədəniyyətlər və müxtəlif xalqların adət-ənənələri barəsində öyrənməyi çox sevir. Pünhan, Ukraynanın Kiyev şəhərindəki yay düşərgəsində uşaqlara ingilis dili öyrətmiş, bundan başqa, Yaponiyada gənclər üçün qısamüddətli mübadilə proqramına qatılmışdır. Pünhan təhsili və səyahətləri zamanı müxtəlif xalqların həyat tərzini müqayisə etmək haqqında məlumat əldə etdi. O, xüsusilə səyahət vlogları izləməkdən və mədəniyyətlə bağlı blogları oxumaqdan zövq alır.

Bütün bloqlar
pickvisa.az