Green tent on top of the mountain

Təkbaşına kampinq üçün tövsiyələr

Məhəmməd Səmədov Məhəmməd Səmədov 09 fevral 2021
9 baxış 5 dəq. oxu

Yəqin ki, çoxlu Bear Grylls videosuna baxdıqdan sonra təkbaşına kamp etməyə qərar verdiniz. Qrup halında kampinq o qədər də çətin deyil. Bu halda, hər hansı bir şey yolunda getməzsə, etibar edəcəyiniz biriləri olacaqdır və əgər bir şeyi gətirməyi unutsanız, başqasının bunu etməmək şansı yüksəkdir. Təkbaşına kampinq isə, o qədər də sadə və asan deyil, ancaq bu zaman ediləcək çox şey var. Əgər tək kamp edərkən nə edəcəyinizi bilmirsinizsə, oxumağa davam edin. İcazə verin sizə tək kampinqlə bağlı bir neçə məsləhət verim. Kampinqə yeni başlayan biri olmanıza baxmayaraq, burada müxtəlif kampinq tövsiyələri tapa bilərsiniz, ayrıca təcrübəli düşərgəçilər də dəvətlidir. Elə isə, getdik!

1. Tək səyahətlə başlamayın

camping

İlk kampinqinizi tək etmək dəhşətli bir fikirdir, çünki düşərgə səfəri zamanı bir çox problemlə qarşılaşacaqsınız və daha öncə heç bir düşərgə təcrübəniz olmadan bunu bacaracağınızı düşünməyin. Əsas şeyləri əvvəlcədən öyrənmək daha yaxşıdır.

Əsasları bilmək təkbaşına kampinq üçün çox vacibdir, ancaq bacarıq səviyyənizin bir “beginner”-dən üstün olduğunu bilmək də mühümdür.

2. Təkbaşına kampinq üçün əsas bacarıqlar

remote campsite

Lazımi bacarıqlarınızdan əmin olmağınız lazımdır, çünki bunlar kamp üçün çox vacibdir. Təkbaşına kampinqi müvəffəqiyyətlə etmək istəyirsinizsə, aşağıdakıları bilməlisiniz:

- Çadır qurun

- Ocaq qalayın

- Kamp qurun

- Yolları tanıyın

- Hava proqnozu

- Vəhşi təbiətlə başa çıxın

- İlk yardım

Əlbəttə ki, digər şeylər də tək kampinqi asanlaşdıracaq, amma yuxarıda verilənlər mütləq olanlardır. Geri qayıdış yolunu daima xatırlayın, heç kim kamp səfərindən sonra evə qayıdarkən itmək istəməz.

3. Zövq almaq üçün uzun bir səyahət edin

camping in the desert

Sözün düzünü desək, vəhşi təbiətin ortasında tək yatmaq rahat olmayacaq. Çadırınızı qurmadan əvvəl düşərgə ərazinizi təmizlədiyinizə əmin olun, hətta kiçik daşlar belə yatarkən belinizə zərər verə bilər. Daha öncə bu ərazidə kamp qurmuş şəxlərə məsləhət üçün müraciət edin. Utanacaq bir şey yoxdur!

Təzə başlayanlardansınız və ilk dəfədir ki, meşədə təkbaşına kamp qurmusunuz, bu zaman sizi narahat edəcək bir çox şey olacaqdır. Bir və ya iki gecəlik qısa bir səyahət gəzintisi etməyi planlaşdırırsınızsa, böyük ehtimalla bu səyahətinizdən tam zövq almayacaqsınız. Təkbaşına kampinq zamanı nə edəcəyinizi bildiyiniz təqdirdə isə, səyahətiniz daha uzun sürəcək və bir necə yorucu gecədən sonra ya çox rahatlayacaq, ya da çox yorğun olacaqsınız ki, buna görə də daha yaxşı yata biləcəksiniz.

4. Sakit qalmağı öyrənin

camping

Meşədə təkbaşına kampinq qorxunc ola bilər, eşitdiyiniz hər hansı bir səs belə sizə çox gur və ya qorxunc gələ bilər.

Sakitliyinizi qoruya bilməyi və zehninizi yavaşlatmağı öyrənin. Çaxnaşmaya düşdüyünüzü hiss etdiyiniz zaman özünüzlə danışmaq və ya mahnı oxumaq, sakitliyinizi qorumaq üçün effektiv üsullardır. Unutmayın ki, mahnının sözlərini unutduğunuz halda sizi mühakimə edəcək heç kim olmayacaq.

5. Əsas şeyləri qablaşdırın

backpacker

Unutmayın ki, özünüzlə götürdüyünüz hər bir şeyi daşıyacaq tək siz varsınız, odur ki, lazım olmayan heç bir şeyi götürməyin və çantanızı yüngül edin. Qablaşdırdığınız şeylərlə bağlı realist olmanız vacibdir. Hər zaman ilk səyahətimiz zamanı, lazım olandan daha çox şey götürməyə meyilli oluruq, buna görə də bu, tək kampinq üçün ən əsas məsləhətlərdən biridir.

Mövsümə görə çadır seçin və yuxu tulumunuzu götürməyi unutmayın. Gecə soyuq olacaq. Odun üçün kiçik bir baltaya ehtiyacınız olacaq və əlbəttə ki, fincan və çaydan mütləqdir. Gecə göyə baxıb təbiətdən zövq alarkən isti bir içki içməsəniz, heç bir kamp tam ola bilməz.

6. Uzağa getməyin

camping in nature

Təkbaşına kampinq üçün tövsiyələr bu məsləhət olmadan tamamlanmaz. İlk solo düşərgə səfəriniz üçün tanımadığınız bir yer seçməniz yaxşı fikir deyil. Yaxından tanıdığınız bir yer seçmək daha yaxşıdır. Unutmayın ki, vəhşi təbiətə nə qədər yaxın getsəniz, işlərin yolunda getməmə ehtimalı da bir o qədər artır.

Özünüzə Google xəritələrdən məkan seçə bilərsiniz. Sizi nəyin gözlədiyini bilmək üçün kamp quracağınız əraziyə əvvəlcədən gedib baxmanız daha yaxşı olar. Ocaq üçün quru ağac və taxta axtarın. İnanın ki, ocaq qalamaq göründüyü qədər asan deyil.

7. Kiməsə xəbər verin

red tent

Bu, ən vacib kamp tövsiyələrindən biridir. Yəqin ki, hər birimiz “127 hours” filminiz izləmişik, əgər baxmamısınızsa mütləq baxmalısınız. O zaman, bu ipucunun niyə bu qədər önəmli olduğunu anlayacaqsınız. Unutmayın ki, düşərgə planınızı yola çıxmazdan əvvəl kimsə ilə bölüşmək vacibdir. Böyük ehtimalla, orada mobil telefonunuzun seti olmayacaq, bu səbəblə də yola düşəcəyiniz və qayıdacağınız günü və əlbəttə ki, səyahət yerinizi yaxın bir tanışınıza deyin.

8. Özünüz olun

camping anf fire

Olmamanız üçün bir səbəb yoxdur. Bu, vaxtınızı istədiyiniz işə sərf etmək üçün zamandır. Bəlkə də bu vacib kamp tövsiyələrindən biri deyil, amma bunu deməliyik. Ocağın ətrafında müxtəlif hekayələr danışan insanlar kamp səfərinin ən yaxşı hissəsidir, ancaq tək kampinq zamanı buna sahib olmayacaqsınız. Özünüz üçün çox vaxt tələb edən sevdiyiniz bir yeməyi bişirməyi planlaşdırırsınız belə, təəccübləndirici bir səssizlik və boş vaxtınız olacaq. Ancaq təkbaşına kampinq zamanı düşündüyünüzdən daha çox ediləcək şey var. Məsələn, günlük həyatınızda gitara çalmaq üçün vaxtınız yoxdursa, onu özünüzlə götürə bilərsiniz. Bu bacarığınızı kəşf etmək etmək üçün mükəmməl bir fürsət ola bilər. Bitirmək istədiyiniz kitabı özünüzlə götürün və ya çoxdandır arzuladığınız o şeiri yazın. Hikinq ya digər açıq hava fəaliyyətləri ilə məşğul olmaq lazım deyil. Özünüzlə daha dərin bir əlaqə yaratmaq üçün təbiətdən istifadə edin. Bəzən təbiətdə tək olmaq, evdə tək qalmaqdan daha çox ilham verir.

9. Kəşf etməyi unutmayın

yellow tent

Təkbaşına kampinq zamanı nə etməli? Kəşf! Meşədə kamp qurmanız, bütün vaxtınızı burada keçirtməniz gərəkdiyi anlamına gəlmir. Ətrafı kəşf etməniz daha əyləncəli olacaqdır.

Tomas Eliotun bu tövsiyəni ümumiləşdirən bir sitatı var: “Kəşf etməkdən vaz keçməməliyik. Bu kəşfin sonunda başladığımız yerə geri donürük və beləliklə, olduğumuz yeri əslində ilk dəfə tanımış oluruq."

10. Bir qadın olaraq təkbaşına kampinq

camping alone as a woman

Hər zaman qadınlara təkbaşına kampa getməmələri söylənir və əgər onların başına pis bir şey gəlsə, sözə qulaq asmadıqları üçün günahkar olaraq yenə onlar göstərilir. Bir qadın olaraq tək kamp etmək kişilər üçün olduğu qədər çətindir. Dinləməniz gərəkən şey, nə hiss etdiyinizdir. Əgər kamp məkanına çatdıqdan sonra nəyinsə düz olmadığını hiss etsəniz, oranı dərhal tərk edin. Bu qədər sadə.

Qadınlar, bir qadın olaraq onlara tək kamp qurma azadlığı verən bir zamanda və bir yerdə yaşadıqları üçün şanslıdırlar. Təbii ki, solo düşərgə bir yana qalsın, bəzi ölkələrdə heç onlara maşın sürməyə icazə verilmir. Bunun fərqində olmanız səyahətlərinizə bir başqa təsir edəcək. Yaşadığınıza görə minnətdar olacaqsınız.

Paylaş

Məhəmməd Səmədov

Məhəmməd Azərbaycanlıdır. O, məşhur turistik yerlərdəki lokal məkanlara səyahət etməyi və kəşf etməyi sevir. İki ildir Avropanı gəzir və hal-hazırda Azərbaycanda kampinq və hikinq edir. Yeni görməli yerləri araşdırmaq və şəkillər çəkmək, yerlilərlə söhbət etmək və yalnız yerli sakinlərin bildiyi yerlər haqqında məlumat toplamaq onun ən sevdiyi işdir.

Bütün bloqlar
pickvisa.az