Təyyarələr üçün 7 super məsləhət. Uçmaq qorxusu olanlar bunu qaçırmaq istəməzlər!

Uçuşlar hər bir səyahət həvəskarının həyatının vacib bir hissəsidir. Biz həyatımızı beynəlxalq uçuşlar olmadan təsəvvür edə bilmərik. Bəzən təyyarələrdə çox uzun müddət vaxt keçirmək yorucu ola bilər. Həmçinin bəzi insanlar təyyarəyə minməkdən və uzun uçuşlardan qorxurlar. Təhlükəsizlik qayğıları, qapalı məkan və ya yüksəklik qorxusu insanların təyyarə ilə səyahət etməyi sevməmələrinin əsas səbəbləri ola bilər. Ancaq uçuşlardan qaçmaq bir seçim deyil. Yalnızca bir neçə məntiqsiz qorxuya görə təyyarədə uçmaqdan imtina edə bilmərik. Fobiyalarımıza qalib gəlmək və uçuş zamanı daha rahat olmaq üçün bəzi hacklər (hiylələr) və ya yollar tapmalıyıq. Bu bloqda hava limanında vaxt keçirmək və ucuz uçuşlar ilə bağlı verəcəyimiz faydalı məsləhətlər stresinizi aradan qaldıracaq və daha rahat uçuş keçirmənizi təmin edəcəkdir. Elə isə başlayaq.

1. Qanad tərəfdən bir yer seçin

Adətən aviaşirkətlər uçuşdan əvvəl yer seçimi etmək imkanı təklif edirlər. Təyyarədəki ən yaxşı yer, özünüzü daha rahat hiss edəcəyiniz qanad tərəfdən bir yer olacaqdır. Bunun səbəbi, turbulansı ən zəif formada hiss etməyinizdir. Bir çox səyahətçi turbulansdan narahatlıq duyur və bunun təhlükəli olduğunu düşünür. Ancaq turbulans olduqca standartdır və uçuşun axıcılığını təmin edir. Turbulans qaçınılmazdır, ancaq təyyarədə yaxşı bir yer seçərək mənfi təsirlərini minimuma endirə bilərsiniz. Deyək ki, orta sıralarda qanad tərəfdən bir yer seçmisiniz, turbulans zamanı pəncərədən baxır və təyyarənin dayanıqlı və sabit qolunu görürsünüz. Qanadın bu etibarlı görüntüsü sizə hər şeyin qaydasında olduğunu və rahatlamanız gərəkdiyini bildirəcək. Əlavətən bu yerdəki oturacaqlar da turbulans zamanı silkələnmir. Xülasə, qanad tərəfdən yer seçmək turbulansın effektini həm fiziki, həm də mənəvi olaraq azaldır.

2. Uçuşdan əvvəl idman edin

İdman hər zaman sağlamlığımız üçün faydalıdır. Sadə bədən, əl və ayaq hərəkətləri zehnimizi və ruhumuzu canlandırır, stresimizi azaldır. Bəzi idman hərəkətlərindən sonra isə özümüzü əla və motivə olmuş hiss edirik. Bir çox insan uçuşdan əvvəl stressli və həyəcanlı olur. Stressli insanların gərginliyi aradan qaldırmaq və yaxşı əhval-ruhiyyə ilə rahat bir uçuş keçirmələri üçün bəzi fəaliyyətlərə ehtiyacları var. Uçuşdan bir neçə saat əvvəl idman etmək əla fikirdir. Özünüzü çox yormadan bir az idmanla bədəninizi qızdırmaqdan zövq ala bilərsiniz.

Üstəlik, idmanla məşğul olmaq qan təzyiqinizi tarazlaşdıracaq. Bəlkə də bilirsiniz, uçuşlar adətən qan təzyiqini artırır və ya azaldır. İdman qan təzyiqi dalğalanmalarının qarşısını alacaq və beləcə özünüzü daha yaxşı hiss edəcəksiniz. Bir çox həkim də uçuşdan əvvəl idman etməyi tövsiyə edir. Hava limanında vaxt keçirmək üçün ən faydalı hacklərdən biri qısa gəzinti və ya idman kimi fiziki fəaliyyətlərdir. Fiziki fəaliyyətlər əhvalınızı qaldıracaq və diqqətinizi uçuş qorxusundan uzaqlaşdıracaq.

3. Özünüzlə su fincanı götürün

Bildiyiniz kimi, təhlükəsizlik təyyarəyə su və ya içki buraxmır. İçkilərin təyyarədə biraz bahalı olduğunu da qeyd etmək lazımdır. Başqa sözlə, su, çay, qəhvə, kola və digər içkilər həddən artıq bahalı ola bilər. Uçuş zamanı çox susaya bilərsiniz və bu halda bir fincan su bəs etməyə bilər. Bu kimi hallarda köməyinizə çatacaq ən faydalı lifehacklərdən biri təyyarəyə fincan gətirməyinizdir. Uçuş zamanı susuzluq hiss etdiyiniz zaman ayaq yoluna gedin, fincanı tamamilə təmiz su ilə doldurun və istədiyiniz qədər su için. Bunu etməklə 10-15 manata qədər qənaət edə bilərsiniz. Ucuz və ya “low-cost” uçuşlarda sizə pulsuz içkilərin təklif olunmayacağını unutmayın. Odur ki, bu lifehacklə siz əlavə xərclərini azalda bilərsiniz.

4. Səhər uçuşlarına üstünlük verin

Turbulansın mənfi təsirlərini minimuma endirməyin bir başqa yolu da səhər uçuşlarını seçməkdir. Bu hackin coğrafi izahları var. İsti hava axınları səhər saatlarında atmosferin yüksək səviyyəsinə qalxmır. Günortadan sonra günəş şüaları Yerin səthini qızdırır və havanın temperaturunu artırır. Hava axınları günortadan sonra yuxarıya qalxır, küləklər və fırtınalar yaradır. Toqquşan hava axınları hava fırtınalarına və turbulansa səbəb olur. Turbulansı sevmir və həqiqətən narahat olursunuzsa, səhər uçuşlarını seçə bilərsiniz. Səhər saatlarında tez-tez turbulans olmur. Bu səbəbdən səhər uçuşları turbulansdan qorxanlar üçün daha sakit və təhlükəsizdir. Həmçinin səhər uçuşları zamanı vaxta qənaət edəcək və günə erkən başlayacaqsınız. Bu lifehack ilə siz həm də uzun növbələrdə gözləməkdən qurtula bilərsiniz. Hava limanları günün ilk saatlarında daha az sıx olur. Səhər tezdən durmaq və turbulanssız rahat bir uçuş səyahət etdiyiniz yerdə gününüzün əla keçməsinə səbəb olacaq.

5. Hər zaman ayaqqabılarınızı çıxarın

Qısa və ya uzun müddətli bir uçuşda olmağınızdan asılı olmayaraq, ayaqqabıları çıxarmaq hər zaman əla bir fikirdir. Həm kişilər, həm qadınlar üçün ən yaxşı faydalı məsləhətlərdən biri təyyarəyə rahat şap-şap gətirməkdir. Uçuş başlamazdan əvvəl ayaqqabıları çıxarın və şap-şapları geyinin. Uçuş zamanı bunu etmək sağlamlığınız üçün vacibdir. Təyyarədə uçmaq qan təzyiqini əhəmiyyətli dərəcədə artırır. Bu səbəbdən qan ayaqlarda və damarlarda çox sürətli dolaşır. Ayaqqabılar ayaqlarımıza təzyiq edir və qanın rahat şəkildə hərəkət etməsinin qarşısını alır. Bu isə uçuş zamanı böyük narahatlığa səbəb ola bilər. Odur ki, uçarkən rahatlığı təmin etmək məqsədilə ayaqqabıları çıxarmalıyıq. Ayrıca, rahat şap-şaplarla özünüzü evdəki kimi hiss edəcəksiniz. Bu həmçinin daha rahat yatmağınıza imkan verəcəkdir. Ayaqqabıları çıxartmaq psixoloji gərginliyi azaldacaq və qapalı məkanda olma qorxusunu minimuma endirəcəkdir.

6. Təyyarələrin işləmə prinsipini öyrənin

Təyyarələrin nəqliyyat vasitələri arasında ən təhlükəsizi olduğunu bilirsinizmi? Təyyarələrin qəzaya uğrama ehtimalı son dərəcə azdır. Təyyarələr heç vaxt qarışmayan xəritə koordinatlarına görə uçur. Üstəlik, pilotlar son dərəcə dəqiq işləyirlər. Aviaşirkətlər təyyarəni idarə etmək üçün yalnız ən yaxşı pilotları seçirlər. Bu səbəbdən hava qəzalarının baş vermə ehtimalı son dərəcə azdır. Uçmaqdan qorxan insanlar təyyarələrin təhlükəsizliyi haqqında təkrarən düşünməlidirlər.

Bunun xaricində, insanları uçmaqdan çəkindirən bir digər qorxu qapalı məkanlar qorxusudur. Bu qorxu lazımi zehni hazırlıqla asanlıqla məğlub edilə bilər. Təyyarəyə minəndə onu evimiz və ya ofisimiz kimi hiss etməliyik. Paltarımızı, ayaqqabılarımızı çıxarırıq, rahat şap-şap geyinirik, ləzzətli içkidən bir qurtum alırıq və rahatlayırıq. Uzun uçuşlar zamanı isə digər sərnişinlərlə söhbət edə və yeni dostluqlar qura bilərik. Sonda bir də qeyd edək ki, təyyarə səyahətləri təhlükəsizdir və mükəmməl mexanizmlə işləyir.

7. Alkoqoldan çəkinin

Təyyarələr üçün ən faydalı məsləhətlərdən biri də uçuş zamanı alkoqollu içkilərdən çəkinməkdir. Düzdür, alkoqol sizi daha rahat hiss etdirə bilər, ancaq uçarkən zehniniz oyaq olmalıdır. Üstəlik alkoqol qəbulu qan təzyiqinizi artıra və bədəninizi isidə bilər. Yüksək bədən istiliyi və qan təzyiqi isə uçuşlar zamanı mənfi nəticələrə səbəb ola bilər. Narahatçılığın qarşısını almaq üçün bədənin normal vəziyyətini qorumalısınız. Bundan başqa, bir çox hallarda alkoqollu içkilər təyyarənin su tankında hazırlanmış buz küpləri ilə qarışdırılır. Su çənləri isə təmiz olmur, çünki təyyarə heyəti çox vaxt bu cür xırda detallara əhəmiyyət vermir.

Üstəlik, alkoqollu içkilər həddən artıq bahalı ola bilərlər. Yəni az miqdarda içkiyə görə çox pul ödəyə bilərsiniz. Təyyarədə uçarkən kola kimi qazlı içkilərdən də çəkinmək yaxşı olardı. Artan qan təzyiqi ilə, qazlı içkilər mədə üçün zərərli olar. Təyyarədə içmək üçün ən yaxşı seçim sudur. Artan təzyiqi nəzərə almaqla deyə bilərik ki, xüsusilə uzun uçuşlar zamanı nəmlənməni təmin etmək üçün kifayət qədər suya ehtiyac var. Odur ki çoxlu su için!

Məqalənin qısa icmalı

Biz bu yazıda insanlara uçuş qorxusunu və qapalı məkanda olma qorxusunu ortadan qaldırmaqda kömək edəcək təyyarə hacklərindən bəhs etdik. Rahat bir uçuş üçün təyyarəyə minməzdən əvvəl hava limanında yaxşı vaxt keçirməlisiniz və bu məqsədlə hava limanı üçün məsləhətlər də vurğuladıq. Bu bloqdakı informasiyalar təyyarə səyahətləri zamanı qorxu və stressi minimuma endirməyə kömək edəcəkdir. Beynəlxalq uçuşlar həyatımızın vacib hissəsidir, odur ki, minimal həyəcan və stresslə səyahət etməkdən zövq almalıyıq. Təyyarə üçün faydalı məsləhətlərdən istifadə etmək, sizi daha çox səyahət etməyə təşviq edəcəkdir. Çoxlu uçuşdan sonra isə təyyarə səyahəti ən sevdiyiniz fəaliyyətlərdən birinə çevriləcəkdir.