Yaponiyadakı hanami möcüzəsi

Mən bu ölkəyə olan həvəsimi gizlədə bilmirəm. Qəribə səslənə bilər, amma heç vaxt orada olmamışam. Digər tərəfdən isə dəfələrlə Tokio küçələrində gəzişdiyimi, Fuci dağını gördüyümü hiss etmişəm. Hər şey bir kənara, mən aprel ayında hanami möcüzəsi ilə hüzurdan zövq aldığımı hiss etmişəm.

Hanami nədir?

Yaponların ömürlük aludəsi olduğumuz, xəyallarımıza çevrilən çox dəyərli sözləri var. Demək olar ki, ümumdünya xəzinəsi kimi qəbul edilən kaizen, ikigai, samuray və bir çox başqa sözləri bilirik. Bu sözlərdən biri də “hanami”-dir. Hanami nədir? Yapon dilində hanami sözünün mənası nədir? “Hana” çiçək deməkdir. Hanami isə çiçəklərə baxmaq prosesidir. Günümüzdə isə Sakura zamanı demək daha əlverişlidir. Albalı ağaclarının çiçək açdığını görməyə gəldiyiniz vaxt. Bir hanami pikniği təşkil etmək üçün şansınız olan vaxt.

Dünyada insanlar bir çox misilsiz hadisə üçün gözləyirlər. Yaponiyada isə albalı ağaclarının tamamilə ağarması gözlənilir. Bahar özü ilə sehr gətirir və əlbəttə ki bununla da sülh da gəlir. Sülh yüz minlərlə yerli və xarici turisti heyran edən çəhrayı-ağ çiçəklərlə  gəlir.

Yaponlar hesablamaları çox yaxşı bacarırlar. Əslində, onların dəqiqliyi əfsanəvidir. Yaponiya Meteoroloji Agentliyi, ölkə daxilində böyüyən 59 nümunə ağacına əsasən hanami mövsümü üçün illik proqnoz hesabatı hazırlayır. Çiçəklənmənin dəqiq tarixini hesablayır və bu proqnozları yayımlayırlar. 

Yaponiya Meteoroloji Agentliyi ilin üçüncü albalı ağaclarının çiçəklənməsi proqnozunu verərək bu ağacların 23 Martda Tokioda, 25 Martda Kioto və Hiroşimada, 26 Martda Kochi və Vakayamada, 27 Martda Fukuoka və 28 Martda Osakada, 20 Apreldə Aomoridə və 28 Apreldə Sapporoda çiçək açacağını bildirdi. Buradan baxa bilərsiniz (27.02.2020 il tarixi üçün hesablamalar).

Ümumiyyətlə, mən bunu nə üçün yazıram? Bu il oraya getməyəcəm, lakin mənim müştərilərim və bəzi tələbələrim gedəcəklər. Onlar üçün xoşbəxt hiss edəcəyəm, amma qısqanacağam da. “Son Samuray” a baxan hər kəs albalı ağaclarının çiçəkləməsinin başqa sözlə hanami mövsümünün gözəlliyini başa düşəcəkdir. Bu təcrübəni çiçəkləri və onların sehrini sevən Katsumoto ilə dərhal bölüşmək istəyəcəklər. Onlar ağlayacaqlar, ancaq ağ çiçəklər tədricən düşməyə başlayanda əbədi rahatlığı da hiss edəcəklər.

Hanami, yapon xalqına və mədəniyyətinə qarşı daha diqqətli olmağınızı tələb edir. Albalı ağacları yerli sakinlər üçün önəmlidir və bu vaxt onlar üçün çox şey deməkdir. Səliqə və təmizlik də onlar üçün vacibdir. Yaponlar sizin otlara və ağaclara pis münasibətinizdən məyus ola bilərlər. Sakura zamanından zövq alarkən bu insanları təhrik etmədiyinizdən əmin olun.

Yaponlarla oturun. Ağ çiçəkləri onlarla birlikdə müşahidə edin. Hər şeyi ifrat dərəcəsinə daşıyan, sıradanlığa razı olmayan bu insanlarla keçirdiyiniz zamandan zövq alın.

İnsanların tələsməyə məhkum olduqları bir dünyada, Yaponiya aprel ayında dayanmaq və təbiətdən zövq almaq üçün vaxt təklif edir. Sən bunu elə indi də edə bilərsən. Eyvana çıx və oradan bax. Parkda gəz. Ancaq bir şans və ya bilet əldə etdiyin zaman minlərlə albalı ağacından inşa edilmiş dəhliz ilə Katsumotonun ürəyini izləməkdən və bütün bu yolu getməkdən çəkinmə.

Hanamini hüzurla et.

Orada ol

Hüzur içində ol