Arzu UNESCO Musiqi Şəhəri - Hannover, Almaniyada yaşayır. Tələbə, musiqi pərəstişkarı və freelance yazıçıdır. Arzu sözlərin əhəmiyyətini güclü hesab edir. Məhz bu səbəbdən, yazmaq və oxucuları ilə unikal yollarla ünsiyyət qurmaq barəsində həvəslidir. O, debatlarda, müxtəlif beynəlxalq tədbirlərdə, sözlərin vacib rol oynadığı akademik və şəxsi həyatda həqiqətən də uğurludur. Üstəlik musiqini də sevir. Hans Andersenin də dediyi kimi, “Sözlərin bacarmadığı yerdə musiqi danışır”.

Aytaca görə heç nə bizi danışma tərzimiz və yazdıqlarımız qədər tanıtmır. Bu səbəbdən, kiçik hekayələr yazıb müxtəlif debat forumlarına qatılan Aytac, oxucular tərəfindən bəyənilən bloqlar yazmağı qarşısına məqsəd qoyub. Respublika Gənclər Debat Forumunun qalibi və ən yaxşı natiqi olan Aytac, eyni zamanda fərqli mədəniyyətləri kəşf etməyi də çox sevir. Xüsusilə də, dünyanın bütün günahlarını ödəməyə məhkum edilən Afrikanı kəşf etmək onun ən böyük arzularından biridir. Boş vaxtlarında rəsm çəkməyi çox sevir. Ona görə rəsm çəkmək sözlərdən istifadə etmədən bir şey söyləmək kimidir.

Artıq 3 ildir ki, İtaliyanın Milan şəhərində yaşayan Aytənin hər zaman səyahət etməyə və yeni, gözəl yerləri kəşf etməyə böyük həvəsi olub. 2020-ci ilə qədər o 10 ölkədə və dəqiq sayını itirdiyi, ancaq əksərinin gözəl İtaliyada yerləşdiyi bir çox şəhərdə olub. Rəqəmsal marketinqi, sənəti, musiqini sevir və gözəlliyi həyatımızın ən kiçik anlarında tapmağa çalışır. Son zamanlar mənəvi olaraq yetkinləşməyə olan marağı ona bir sadə həqiqəti öyrətdi: "Həyatda ən gözəl şeylər mücərrəddir". Beləliklə, şübhəsiz ki, ən gözəl şeylər siyahısına səyahəti də əlavə edə bilərik!

Səyyah. Həvəskar Alpinist. Sahibkar. 2020-ci il etibarı ilə 6 qitədə 57 ölkəni kəşf etmişdir. Avropa, Afrika, Avstraliya və Cənubi Amerika qitə və materiklərinin ən hündür zirvə və vulkanlarında Azərbaycan bayrağını dalğalandırıb. Qlobal “7 Zirvə” və “7 Vulkan” proqramlarını tamamlamağı planlayır. Kilimancaro, Elbrus, Dəmavənd, Kostyuşka, Akonkaqua, La Malinçe, Orisaba, Babadağ zirvələrində olmuşdur. “7 Zirvə” listindən sonuncu zirvəsi 2020-ci ildə ümumi Amerika qitəsinin ən hündür nöqtəsi olan Argentinada yerləşən Akonkaqua (6961 m) olub. “7 Vulkan” listindən isə sonuncu zirvəsi 2020-ci ildə Şimali Amerikanın ən hündür vulkanı, Meksikada yerləşən Orisaba (5636 m) olub. Hobbi olaraq Numizmatik və Bonistikdir.

Cəmilə Azərbaycanlıdır. O, təhsil və iş illərində müxtəlif ölkələrə səyahət etmiş 27 yaşlı mühasibdir. Tədqiqata, kəşf etmək üçün yeni yerlər tapmağa və onları dostları ilə bölüşməyə böyük həvəsi var. Araşdırmalarını daha geniş bir kütlə ilə bölüşmək istəyi onu səyahət, musiqi və sənət mövzularında bloq yazmağa sövq etdi.

C. N. Ebere olaraq tanınan Chima Nnaemeka, yazıçı və bloqqerdir. O, eyni zamanda "Stairs in the Storm" adlı kitabın müəllifidir və 4000-dən çox veb və bloq məqaləsi yazmışdır. Rəqəmsal bacarıq təlimçisi olan Ebere, 300-dən çox şəxsə Logo, Whiteboard Animation, 3D Animation və s. mövzularda təlimlər keçmişdir. Bundan əlavə, insanların inkişafına və onların öz məqsədlərini dünyanın daha yaxşı hala gətirilməsinə yönəltmələrinə kömək edən fərdi inkişaf məşqçisidir.

Coşqun Kərimov müəllif və natiqlik bacarığı üzrə kouçdur. Azərbaycanda şəxsi inkişaf üzrə ən çox satılan kitablardan biri olan KVAN kitabını yazmışdır. Dünyanın aparıcı şəxsi inkişaf kouçlarından və müəlliflərindən biri olan Brayan Treysi bu kitab üçün müsbət rəy yazmışdır. Azərbaycan Natiqlik Müsabiqəsi və Sosial İnnovasiyalar Laboratoriyası üçün təlimlər keçir, mentorluq sessiyalarını aparır. Onun ünsiyyət və təqdimat bacarığı təlimlərindən yararlanan korporativ şirkətlər siyahısında Four Seasons Oteli, Fairmont Oteli, McDonalds şirkəti, Formula1 (BCC Akademiyası), Kapital Bank kimi adlar var. “Yeni Fikir” və “Seedstars Baku” kimi startap yarışmalarında kitab oxucuları üçün nəzərdə tutulmuş  “Kvotter” adlı mobil tətbiqmənin təqdimatı üzrə qalib olmuşdur. Sosial Mediada yaydığı müsbət mesajlara görə “Global Influencer Day” Mükafatına layiq görülmüşdür.

Daiva Litvada anadan olub, lakin demək olar ki, bütün həyatını Belarusiyada - göllərin, meşələrin və tarlaların ən gözəl bölgəsində yaşayıb. İstər şəxsi gündəlik, istərsə məktəbdə inşa yazmaq olsun, o, düşüncələrini kağıza yazmağı həmişə sevib. Yeri gəlmişkən, hələ məktəbli ikən Daiva bir uşaq kitabı yazıb. Başqa sevdiyi hobbisi isə səyahət etmək və yeni yerləri ziyarət etməkdir. Daiva üçün ən yaxın və əsas məqsəd mənzərəli İspaniyada dəniz kənarında miniatür bir evdir. Ziyarət etdiyi ölkələrin siyahısına Türkiyə, Misir, Tayland, Bali, Hindistan, Şri Lanka, İspaniya, Monteneqro, Almaniya, Polşa, Ukrayna və Rusiya kimi ölkələr daxildir.