“Zəhərdən sərxoşlanan” hekayələr kitabının müəllifi, Azərbaycanda “İstiqlal” nəşriyyatının təsisçisi və direktorudur. Jurnalistika fəaliyyəti üzrə bir neçə əməkdaşlıqları mövcuddur. Bədii yaradıcılığa, mütaliəyə olan sevgisi ona Bakı şəhərində “Autumn Bookcafe” konseptini yaratmağa motivasiya vermişdir. Eyni zamanda, 20-dən çox qısametrajlı filmin müəllifidir. Çəkdiyi filmlərlə 10-a yaxın müsabiqədə uğur əldə etmiş, “Ən təsirli film” nominasiyasına layiq görülmüşdür. İngiltərədə təqdimatı keçirilmiş “Çadır şəhərciklərindən yeni qəsəbələrə” sənədli filminin də operatorudur. Fotoqraf, videoqraf kimi fəaliyyəti üzrə də müsabiqələrdə qalib gəlmişdir. Hazırda isə digər kitablarının üzərində işləyir.

Səyahət məqalələrinin müəllifi. Beynəlxalq gənclər təşkilatı AIESEC Azərbaycanın üzvü olan Fidan, "Dayanıqlı İnkişaf Məqsədlərinə" əsaslanan çox sayda layihələr ərsəyə gətirmişdir. Bu layihələr əsasında Fidan yerli və xarici gənclərlə kommunikasiya qurmaqda qlobal təcrübə qazanıb. Bundan başqa, o, biznes oyunu "Factory"-də də xüsusi yer qazanmışdır. Hal-hazırda alman dili kimi xarici dilləri öyrənməyə çalışan Fidan, gələcək üçün ekzotik ölkələrə səyahət planları qurmaqla məşğuldur.

2020-ci il etibarı ilə 5 qitədə 42 ölkəni kəşf edib. Dünyanın “Yeni 7 möcüzə siyahısı”ndan Meksikada yerləşən “Çiçen İtsa” piramidalarını, Peruda yerləşən Maçu Pikçunu görüb; Cənubi Afrikada yerləşən dünyanın ən hündür “bungee” körpüsü “Bloukrans” körpüsündən (216 metr) tullanıb; Hər qitənin ən yüksək zirvələrini özündə birləşdirən “7 Summits” qrupundan Avstraliyada yerləşən Kostyuşka (2228 m) zirvəsinə qalxıb; Ən gözəl təbii möcüzələrdən biri sayılan İquazu şəlaləsində (Argentina tərəfdən) islanıb; Ən hündür göl sayılan Titikaka gölündə (Peru və Boliviya sahilləri, 3810 m) “Uros Üzən Ada”nın sakinləri ilə tanış olub; Ən böyük duz gölü sayılan, Boliviyada yerləşən “Uyuni” gölündə isə əsrarəngiz gün batımını izləyib; Hal-hazırda macəra dolu səyahətlər planlamağa davam edir.

Günel Azərbaycanın Bakı şəhərindəndir və bir neçə il Rusiyada təhsil alıb. Günel xaricdə bir neçə Erasmus + layihəsinə qatılıb, 9 ölkəni gəzib və dünyadakı bir çox ölkəni və qitəni kəşf etməyi arzulayır. Təhsilində hər zaman fərqlənən bir insan olaraq Günel, təhsil, özünü inkişaf, geniş miqyaslı beynəlxalq layihələrdə çalışmaq üçün həvəslidir və təbiətə və heyvanlara qarşı böyük sevgisi var. Bundan başqa, boş vaxtlarında rəsm çəkməyi sevir.

Həqiqət Milli Aviasiya Akademiyasının məzunudur. O bu seçimi gözəl mavi səmaya sevgisi ilə izah edir. Dünyada hələ kəşf etmədiyi çoxlu yerin olduğunu bilmək onda daha da maraq oyadır. Ayrıca öyrənmək və təcrübə etmək həyatının əvəzolunmaz hissələri olduğuna görə rəngli bir şəxsiyyətə sahibdir. "MSc Global Economy" məzunudur, eyni zamanda bazarda yüksək nüfuza sahib olan müxtəlif yerli şirkətlərdə rəqəmsal marketinq meneceri və maliyyə analitiki vəzifələrində çalışıb.

Ieva Miltina aktivist və bir neçə sahədə təşəbbüskardır. Peşəsi marketinq və mədəniyyət tədbirlərinin layihə müdiri olsa da, o, ürəyində coşğun bir səyyah və aşpazdır, tezliklə isə konditer olacaq. İeva qeyri-formal təhsildə kök salmış, gənclərlə işə yeniyetməlik illərindən başlamışdır. O, yenilikçi yanaşmalara dərin maraq göstərir. Həmişə yeni kəşflər və sərgüzəştlər axtaran İeva dünyaya müsbət baxışını və bitməyən hekayələrini onunla yolu kəsişən insanlarla məmnuniyyətlə bölüşür. Qonaqpərvərlik və turizm menecmenti üzrə təhsilini alarkən ev aşpazları ilə bağlı yazdığı tezis, onun rahat və ürəkaçan ev restoranına sahib olmaq xəyalını alovlandırdı. Hal-hazırda məqalələr yazmaq və qida fotoqrafiyası etməklə yanaşı, başqa bir xəyalını reallaşdırmaq - yazıçı olmaq üçün çalışır.

İlham enerji və neft sənayesində mühəndis işləyir, eyni zamanda mineralogiya tədqiqatı və bərpa olunan enerji ilə maraqlanır. O, Gənclər Liderlik Proqramı tərəfindən seçilmiş ən yaxşı 30 gənc liderdən biridir. Proqram vasitəsilə bir komanda yaratdı və Azərbaycanın bölgələrində yaşayan gənclərin inkişafı üçün müxtəlif layihələr həyata keçirdi. Dünyanın müxtəlif yerlərini gəzməyi, oradakı insanların yaşayış şərtləri ilə tanış olmağı, onlardan öyrənməyi və həmçinin həyat keyfiyyətlərini yaxşılaşdırmağı planlaşdırır.

İvan 1988-ci ildə Rusiyanın Kursk şəhərində anadan olub. Ən böyük arzusu azad olmaq və dünyanı gəzməkdir. İvan öz xəyalını reallaşdırmaq məqsədilə müəllif oldu. Məqsədinə çatmaq üçün atdığı ən vacib addım, jurnalistika ixtisasında təhsil alması və beləcə sevdiyi işi edə bilməsi idi.

Judith Keniya əsilli yazıçıdır. Yazmaq onun həyatının ayrılmaz parçasıdır. O, sonsuz həvəsə sahib olan son dərəcə peşəkar biridir. Ehtiyatlı və məqbul bir üslubla həqiqətləri açıq şəkildə təqdim etməkdən həzz alır, eyni zamanda oxucuları naməlum dünyalara yönləndirməyə çalışır. Ona təqdim olunan hər hansı bir problemin həllini öz üzərinə götürdüyünə və heç bir şeyi şansa saxlamadığına görə mümkünsüzü mümkün edə bilir.