Kamran Azərbaycanın qədim şəhərlərindən biri olan Gəncədə anadan olub. Uşaqlıqdan bəri fotoqrafiya və səyahətə xüsusi marağı var. Beynəlxalq münasibətlər ixtisası üzrə yeni məzun olan Kamran, dünya mədəniyyəti, incəsənəti və digər xalqların tarixi haqqında məlumat əldə etməkdən zövq alır. O, Azərbaycanın otel və turizm sahəsində bir il yarımdan artıq təcrübəyə malikdir. Kamran həmçinin, ABŞ hökuməti tərəfindən maliyyələşdirilən Work and Travel proqramının da iştirakçısı olub. Kamran hal-hazırda Kanadanın Brock Universitetində magistr təhsili alır.

Kənan İsazadə Bakıda anadan olub və böyüyüb, amma hazırda Enerji üzrə magistr təhsili ilə bağlı Türkiyədədir. Kənan səyahəti və müxtəlif mədəniyyətlərdən, irqlərdən və inanclardan olan insanlarla tanış olmağı sevir. O, 10-dan çox şəhərə səyahət edib və bunların əksəriyyətini Türkiyədəki şəhərlər təşkil edir. Kənanın şüarı: yeni dillər öyrənmək, dünyanı gəzmək, mümkün qədər çox kitab oxumaq və başqalarını başa düşmək üçün özünü kiminsə yerinə qoymağı heç vaxt unutmamaq.

Mahnoor freelance yazıçı, yeməksevər, mühəndis və səyahət dəlisidir. Bu sözlər onu ən yaxşı şəkildə təsvir edir. Onun vaxtı səyahət etməklə bağlı xəyallar qurmaq və səyahət etmək arasında bərabər paylanır. Freelance yazıçı olmaq ona fərqli mövzularda (yemək, texniki yazı və s.) yazmağa imkan verir. Mahnoor yazdığı hər bir bloqla dünyanın dörd bir yanından müxtəlif hekayələri bir araya gətirərək insanları əyləndirməyi və onlara ilham verməyi hədəfləyir.

Uşaqlıqda Marinanın pərəstiş etdiyi şəxslər Tur Heyerdal, Jak-İv Kusto, Frensis Dreyk və Molla Nəsrəddin idi. Kitablarda oxuduğu bütün yerləri öz gözləri ilə görmək - bu, həyata keçirməyə dəyər bir xəyaldır. Son 15 ildə Marina 52 ölkəni gəzdi, Mərkəzi Afrikada Nilin sularında balıq tutdu, Himalayda şəfəqi qarşıladı və Yukatanda senotlara daldı. Fərqli xalqların enerji təcrübələrinə, yoqa və su idman növlərinə həvəslidir və boş vaxtlarında köhnə dostları ilə birgə Hollandiyaya köçməzdən əvvəl 2 il yaşadığı Balear adalarını gəzməyi çox sevir. Marina Amsterdam universitetlərinin birində müasir kinematoqrafiya ilə məşğuldur və hər səfərin yeni bir, bəzən isə birdən daha çox fürsət qapısı açdığına inanır.

Məhəmməd Azərbaycanlıdır. O, məşhur turistik yerlərdəki lokal məkanlara səyahət etməyi və kəşf etməyi sevir. İki ildir Avropanı gəzir və hal-hazırda Azərbaycanda kampinq və hikinq edir. Yeni görməli yerləri araşdırmaq və şəkillər çəkmək, yerlilərlə söhbət etmək və yalnız yerli sakinlərin bildiyi yerlər haqqında məlumat toplamaq onun ən sevdiyi işdir.

Mətanət “Fizikadan fotoqraflığa, oradan da bloq yazarlığına keçərək hobbilərini işə çevirən və arzularının arxasınca gedən biriyəm.” - deyə özü haqqında bildirir. Həyatının İstanbul dövrü hobbilərini işə çevirmək üçün ilk motivasiya dönəmi olmuşdur. “Nihat Karadağ Fotoğraf Atölyesində” fotoqraf kursunu bitirib. Həyatının İspaniya dövrü ilə isə səyahət bloqqerliyinin inkişaf mərhələsi başlamışdır. Hər fürsətdə yeni yerlər kəşf etmək, çəkdiyi hər şəkilə hekayə yazmaq sevgisi "Gasimzades" bloqunun yaranmasına gətirib çıxarmışdır. Özünü inkişaf üçün aldığı dərslər arasında Northwestern Universitetinin Sosial Media Marketinq üzrə onlayn dərslər də var.

Murad 7 noyabr 1993-cü ildə Bakıda anadan olub. Bakı Dövlət Universitetini bitirib. 2013-cü ildən jurnalistika sahəsində çalışır. Fərqli dövrlərdə Azərbaycanın aparıcı xəbər agentliklərində müxbir və redaktor olub, eyni zamanda 4 il televiziyada çalışıb. İntellektual oyunlar oynamağı sevir və dünyanın bütün böyük meqapolislərini ziyarət etmək arzusundadır.

“Müharibə-sülh; azadlıq-köləlik; cahillik-güc idi”. Artıq belə deyil. Dövrümüzün ən böyük gücü məlumat və bilikdir. İndividuallar sahib olduqları məlumat qədər güclüdür. Murad inanır ki, güclü individuallar isə daha güclü və inkişaf etmiş cəmiyyəti yaradırlar. Bu cəmiyyətə qovuşmaq üçün hamı sahib olduqları məlumatları və bilikləri bir-biriləri ilə bölüşməlidirlər. Bu səbəblə də, hər bir sahədə araşdırmağı və informasiya toplamağı sevdiyi kimi, əldə etdiyi məlumatları ətrafındakı insanlarla bölüşməyin vacibliyini də anlayır. Məqalələri ilə bu istəyinə nail olacağına əmindir.