Tural Abbasov Avropanın mərkəzində, Macarıstanda oxuyan 19 yaşlı bir azərbaycanlıdır. O, 16 yaşındaykən bir dollar belə xərcləmədən bir aylıq müddətə ABŞ-a səyahət edib. Tural, yalnız bir dəfə - Osloda Yeni ili qeyd edərkən bütün sərvətini xərclədiyi vaxtı çıxmaqla, hər zaman Avropadakı ən yaxşı səyahət fürsətlərindən xəbərdar olur və buna görə dostları arasında "endirim insanı" olaraq bilinir və bununla qürur duyur. Turizmdən əlavə, gender bərabərliyi və insan hüquqları onun maraqlı olduğu mövzulardır. Tural səyahətləri zamanı çəkdirdiyi ən yaxşı şəkilləri İnstaqramına qoymağı sevir, lakin səyahət edərkən ölkələrin müxtəlif mədəniyyətlərini, mətbəxini və tarixini də kəşf etməyi unutmur. Bəlkə də buna görə özünü həmişə ekstremal şəraitlərdə tapır, məsələn, yadlarla Vyana metrosunda gecələdiyi vaxt kimi. Həyatdakı şüarı: "Həyat heyrətamizdir, amma heç Milana 20 avroya bilet əldə etmisiniz?".

Ulduz, hazırda Bakı, Azərbaycanda kreativ agentlikdə kopirayter kimi çalışan Biznes və İdarəetmə tələbəsidir. Türkiyə, İran, Gürcüstan kimi bir neçə ölkəni ziyarət etsə də, pandemiya bitdikdən dərhal sonra dünyanı gəzməyi planlaşdırır. Qrafik dizaynı, rəqəmsal illüstrasiyalar çəkməyi, yoqanı sevir və sosial psixologiya, eləcə də iqtisadiyyatla maraqlanır. O inanır ki, həyat ya cəsarətli bir macəradır ya da heç bir şeydir.

Upendra Kumar Gautam peşəkar bir yazardır. Doğulduğu gündən etibarən Hindistanda yaşayır. Səyahət etməyi, kəşf etməyi, yeni insanlarla tanış olmağı və yeni şeylərə bələd olmağı sevir. Yalnız iki ölkəni ziyarət edib və bunlar Kamerun və Konqodur. Bununla birlikdə, başda Hindistan, Kamerun, Konqo, Çin, Filippin, BƏƏ, ABŞ, Böyük Britaniya olmaqla dünyanın bir çox ölkəsindən olan dostları ilə yaxşı bir şəbəkəyə sahibdir. Əsas məqsədi dünyanı səyahət etmək və yeni insanlarla real olaraq tanış olmaq və uğurlu və mehriban insanlardan ibarət əhəmiyyətli şəbəkəsini daha da genişləndirməkdir.

Bir müddət pedaqoji fəaliyyətlə məşğul olub. Klassik və avtobioqrafik kitablar oxumaq, səyahət etmək, özünü daima inkişaf etdirmək yolunda musiqi onun ilhamlandırır. Rob Qonzalves və Salvador Dalinin rəsm əsərləri ilə maraqlanır. Yazar, araşdırmaçı-jurnalist, bloqer kimi fəaliyyəti yolunda addımları dəyərləndirir.

Yegana səyahət etməyi və yeni yerlər tanımağı, yeni insanlar və onların mədəniyyətləri ilə tanış olmağı sevir. Hər səyahətindən sonra dayana bilməyib bütün yaşadığı duyğulardan hamıya bəhs etdiyi üçün İbn Bətutənin "Səyahət etmək sizi susqunlaşdırır və daha sonra bir hekayətçiyə çevirir" sözləri ilə razılaşır. O, bir çox məqalənin müəllifidir. Ən çox iqtisadiyyat və səyahət haqqında yazmağı sevir. Bu həyatda hər şeyin öyrənilə biləcəyinə inanır, bunun üçün lazım olan tək şey güclü bir istək və bilik və təcrübələrini bölüşmək istəyən insanlardır. O da öz növbəsində, bildiklərini başqaları ilə bölüşərək, onların dünyasını bir az daha həyəcan verici etməyə və gözəlləşdirməyə çalışır.

Yuliya jurnalist, kopirayter, marketer və gələcəyin SMM mütəxəssisidir. Yeni dillər öyrənməyi, səyahət etməyi, kitab oxumağı və dolğun, oxunması asan olan məqalələr yazmağı sevir. Yuliya əmindir ki, yeni bir şey öyrəmək və səyahətə başlamaq üçün heç vaxt gec deyil. Dünyada qeyri-mümkün heç nəyin olmadığına inanır. Məhəmməd Əlinin də dediyi kimi, "İmkansız - güclərini kəşf etmək yerinə rutin bir dünyada yaşamağı daha asan hesab edən kiçik insanların böyük kəlamıdır". Yuliya Sovet ordusunda kadr zabiti olan atasına görə uşaqlığından bəri səyahət edir. Bir gün onlar qatarla Ukraynadan Uzaq Şərqə qədər demək olar ki, bütün ölkələrdən keçdilər. 2015-ci ilin yayında isə həyatına Serbiya girdi və o bu Balkan ölkəsinə, onun xalqına, mədəniyyətinə, mətbəxinə, dilinə, açıq və mehriban ünsiyyətinə aşiq oldu.