ABŞ-a bağlı kiçik adacıqlarda ediləcək ən yaxşı şeylər

Dünya kəşf edilməli macəra dolu yerlərlə boldur. ABŞ macəra həvəskarlarına gizli biyaban ada xəzinələrini kəşf etmək üçün böyük bir fürsət yarada biləcək ölkələrdən biridir. Əgər ABŞ-a bağlı kiçik adacıqlarda ediləcək ən yaxşı səyahət aktivitilərini axtarırsınızsa, bu bloq sizin üçündür.

ABŞ-a bağlı kiçik adacıqlar

Əvvəlcə, ABŞ-a bağlı kiçik adacıqlar haradır? Bura 9 kiçik ada və atolldan ibarət ərazidir. ABŞ-a bağlı kiçik adacıqların xəritəsinə baxsaq, 8 adanı görmək asandır; Beyker, Carvis və Haulend adaları, Miduey, Conston, Palmira, Ueyk atolları və Kinqmen rifi, Sakit okeanda, Navassa adası isə Karib dənizindədir. Vaxt hər adada və atollda fərqlidir; lakin saat qurşağı UTC + 13:00-dır. Bu adalarda məskunlaşma olsa da ABŞ-a bağlı kiçik adacıqların əhalisi daha çox hərbi, təhsil və ya elmi işçilərdən ibarətdir. Adalar vəhşi təbiətin əla bir elmi tədqiqat zonasıdır.

Bu adalar kiçikdirsə və daimi sakini yoxdursa, nə ilə məşhurdur? ABŞ ətrafında kruiz tətillərində olan insanlar, ekspedisiyalarının bir hissəsi kimi, əsasən gözəl təbiət və okean suyu ilə əyləncə üçün bu adaları ziyarət edirlər. Bu adalardan bəziləri II Dünya müharibəsinin şahidi olmuş və bir döyüş meydanı olmuşdur. Beləliklə, adalar tarix həvəskarları üçün əla bir yerdir. ABŞ-a bağlı kiçik adacıqların əhalisi militaristlər və alimlər olduğu üçün ən çox danışılan dil ingilis dili, pul vahidi isə ABŞ dollarıdır.

Bundan əlavə, qasırğalar və musson qışda və payızda üstünlük təşkil etdiyinə görə ABŞ-a bağlı kiçik adacıqlara səyahət etmək üçün ən yaxşı vaxt bahar və yay zamanıdır.

Pacific Remote Islands Marine National Monument

Maraqlanan bir ruhunuz varsa və ən maraqlı və bilinməyən dünyaları kəşf etməyi sevirsinizsə, o zaman Dəniz Milli Abidəsinə gedin. Yeddi ada və atoll “hawksbill” tısbağaları, Napoleon otları, kokos yengəci, nəhəng istiridyələr və nəsli kəsilməkdə olan yüzlərlə başqa növ kimi dünyanın ən misilsiz dəniz sakinlərini toplayan bu möhtəşəm dəniz abidəsini meydana gətirir.

Dəniz Milli Abidəsi yalnız nadir heyvan və mərcan rifləri üçün deyil, həm də sualtı dünya gəzginləri üçün köç gəmisi kimi xidmət edir. Beləliklə, sərgüzəşt dolu səyahətə çıxmağı hədəfləyirsinizsə, bu təriflərin hamısı bu torpaqların mükəmməl bir seçim olduğunu sübut edir.

Üstəlik, Dəniz Milli Abidəsi planetin ən təmiz okean suyu mühitlərindən birinə sahibdir. Ən gözəl və qeyri-adi sakinlərin olduğu bu su planetini araşdırmaq və okeanın şəfa gücünü təcrübə etmək həyəcan verici olacaq.

“Pacific Remote İslands Marine National Monument” əsasən elm adamları və tədqiqatçılar üçün açıqdır. Hər macəraçı rutindən uzaq naməlum bir dünyaya can atır, deməli, hər macəraçı özlüyündə tədqiqatçıdır. Bu səbəblə də bu zəngin okean səltənətinə sərgüzəştli səyahət etməkdən çəkinməyin. Təbiət ana öz gözəlliyini Dəniz Milli Abidəsi ilə nümayiş etdirir. Elə buna görə Sakit okeanın bütün zənginliklərini kəşf etmək şansını qaçırmamalısınız.

Okean və dəniz sularını kəşfə çıxmaq

Su əyləncələri bu adalardan bəhs edərkən ilk ağıla gələn şeylərdir. Bu uzaq və yaşayış olmayan adaların hamısı yad şeylərin həvəskarları üçün geniş imkanlar yaradır.

ABŞ-a bağlı kiçik adacıqlara səyahət edərkən üzgəc, dalğıc maskası, şnorkel (nəfəs borusu) və bəlkə bir nəfəs aparatı ilə təchiz olunmanız əla olacaq, çünki bu adalarda ediləcək ən yaxşı səyahət aktivitiləri şnorkellinq və skuba dayvinqdir. ABŞ-a bağlı kiçik adacıqların xəritəsinə baxmaq, bu adaların niyə kruiz səyahətçiləri arasında bu qədər populyar olduğunu və "skuba dalğıcları üçün cənnət" adlandırıldığını anlamaq üçün kifayətdir. Zəngin sualtı sakinləri ilə bəzədilmiş masmavi okean donu, macəra səyahətini sevənlər üçündür!

Bununla birlikdə, Conston rifi ətrafındakı okean sularında gəzməməyə diqqət edin. Bu ada hərbi assosiasiyanın səlahiyyəti altındadır və okean məkanına girmək qanuni deyil.

Saysız-hesabsız çimərliklər

Təmiz qumlu çimərliklər deyilsə, adalarda ən böyük zövqü başqa nə verə bilər ?! Təbiət ABŞ-a bağlı kiçik adacıqlar qrupundakı hər bir adaya bənzərsiz bir gözəllik və izzət bəxş edib. Beləliklə, bu adalara səyahət zamanı ediləcək ən yaxşı şeylərdən biri çimərliklərdən zövq almaqdır.

Bu adalardan birində möhtəşəm çimərliklərin qızıl qumlarında uzanıb, sahilləri yalayan okean dalğalarına baxarkən, kokosdan içki hazırlayaraq bütün dünyadan tamamilə ayrı düşdüyünüzü görüb Robinzon Kruzo kimi hiss edə bilərsiniz. Yay ABŞ-a bağlı kiçik adacıqların çimərliklərində ən yaxşı səyahət vaxtıdır.

Vəhşi təbiətdən zövq alın

Macəra dolu səyahət axtarışındasınızsa, ABŞ-a bağlı kiçik adacıqlarda ediləcək şeylərdən biri də buradakı vəhşi təbiətdən maksimum dərəcədə faydalanmaqdır. Bu adalar qeyri-adi olduğuna görə, fauna inanılmazdır! Quşlar, tısbağalar, delfinlər, balinalar, monax suitiləri, köpək balığı, çox sayda skat növü və dəniz quşları - bunların hamısı ABŞ-a bağlı kiçik adacıqların məşhurluq səbəbidir. Delfinlərlə üzmək və bir-iki rif balığı tutmaq, quşları müşahidə etmək bu ekzotik adalarda ediləcək ən yaxşı şeylərdir.

Yay aylarında səyahət edirsinizsə, albatros kimi nəhəng dəniz quşlarını seyr edə bilərsiniz. Çox güman ki, yumurta qoyan quş sürüsünü də görə biləcəksiniz. Əlbəttə, başqa vəhşi heyvanlar da var, ona görə də  səyahət edərkən təhlükədən xəbərdar olmaq da fayda var. Bu heyvanların bəzi növləri məhv olmaq üzrədir və hökumət onları hər yolla qorumağa çalışır. Biz onların heç birinə zərər verməyəcək qədər həssas olmalıyıq.

II Dünya müharibəsi qalıqları

ABŞ-a bağlı kiçik adacıqlar gözəl təbii yerlər və vəhşi təbiətlə yanaşı, görülməyə dəyər tarixi abidələrə sahibdir.

Bu adalar II Dünya müharibəsinin bir hissəsi və ABŞ ilə Yaponiya arasındakı əsas döyüş meydanı idi. Hələ də bəzi xatirələri saxlayırlar…

Yaponiya İmperiya donanması və ABŞ Hərbi Donanması arasında Pasifik Teatrındakı Miduey döyüşü barəsində eşitmisinizmi? Sakit okeanda yerləşən Miduey atollu bu döyüşün keçirildiyi yerdir. Bu atollda indi turistlərə otel kimi xidmət göstərən köhnə dəniz barakı var ki, Burada ABŞ-a bağlı kiçik adacıqları əhalisinin əksəriyyətini təşkil edən hərbi personalı görə bilərsiniz.

Həmçinin Ueyk atollundakı “98 qaya”-ya da baxa bilərsiniz. ABŞ-ın 98 məhbusunun kədərli hekayəsini bilməyə və görməyə dəyər. İkinci Dünya müharibəsi dövründə ABŞ, bəziləri mülki olan 98 məhbusu Ueyk atolluna göndərdi. Yapon əsgərləri onların başını kəsərkən məhbuslardan biri "98 US PW 5-10-43" yazısını bir daş üzərində oymağa müvəffəq oldu. Bu daş hələ də adadadır və üzərində bu sözləri görə bilərsiniz.

Ayrıca, Beyker adasında İkinci Dünya müharibəsindən qalma bəzi təsirli gəmi qəzalarına rast gələ bilərsiniz.

Ruhlar adasında gəzinti

Xəyalətli şeyləri sevirsiniz? Tərk edilmiş Carvis adası, belə şeyləri sevənlərin bəzi qəribə şeyləri etməsi üçün əla bir yer ola bilər. 1800-1900-cü illər arasında bu adanın vətəndaşları var idi. II Dünya müharibəsi zamanı həm ABŞ, həm də yaponlar Carvis adasını atəşə tutdular. Günümüzdə bu ərazi içməli su, bitki, liman olmaması, yağış çatışmazlığı və sərt ekvatorial iqlimi səbəbi ilə qeyri-məskun yerdir. Buradakı həyatın yeganə işarəsi vaxtilə burada tərk edilmiş və sonra intihar etmiş bir nəfərin tənha qəbridir.

Köhnə, tənha mayak, masmavi okean suları, həddən artıq sayda quş sizi kabus filmində kimi hiss etdirəcək yaxud da ən azından möhtəşəm İnstaqram fotoları çəkə biləcəksiniz.

Carvis adası dəniz və sahil quşları krallığıdır və bu sakinlərin absurd miqdarı sayəsində Amerika Birləşmiş Ştatlarının əsas quano təminatçısıdır. Bundan əlavə, nəsli kəsilməkdə olan dəniz tısbağası növlərinin bir hissəsi üçün evdir. Təkrar edək, bu tərk edilmiş adaya səyahət edirsinizsə, ABŞ-ın Vəhşi Yaşamı Qoruma qanunlarına və aktlarına ciddi şəkildə əməl edin.

Ümumiyyətlə, ABŞ-a bağlı kiçik adacıqlar son dərəcə gözəl və nəsli kəsilməkdə olan heyvanlar, quşlar və bitkilər üçün sığınacaqdır. Sakit okean sərhədlərini qoruyur və qumlu çimərliklər bəxş edir. Hərbi və elmi icma xaricində heç bir əhalisi olmasa da, onu axtaran insan üçün sirli bir sərvət aça bilər. Ümid edirəm ki, səyahətinizi bloq yazımıza uyğun olaraq planlaşdıra və daha sonra zövq ala bilərsiniz!