Təl-Əvivdə 12 İnstaqramlıq yer

Min illərlə tarixə sahib, Aralıq dənizinin tanınmış incisi…Təl-Əvivə xoş gəlmisiniz! İsrailin Gush Dan metropoliten bölgəsində yerləşən Təl-Əviv eyni zamanda, 460.000 əhalisi ilə ölkənin, Aralıq dənizi sahilində yerləşən, iqtisadi və texniki mərkəzidir. Təl-Əvivdə gəzməli olduğunuz ən məşhur yerlərdən biri - Diyaspora muzeyi də daxil olmaqla, Təl-Əvivdəki dünya səviyyəli muzeylər kolleksiyası, tarixlə bağlı öyrənmək istədiyiniz hər şeyi sizə təqdim edir. Təl-Əviv İsraildəki ən liberal şəhər olaraq qəbul edilir. Təəccüblü deyil ki, şəhər "Yaxın Şərqin Mayamisi" olaraq da bilinir və həftə sonu istirahəti üçün gənclərin sevimli yeridir.

Çox sayda potensial ziyarətçi, İsrailə səyahət etməyin təhlükəsiz olub olmadığı ilə maraqlanır. Kütləvi informasiya vasitələrindən gördüyümüz, Qəzza və Cisiordaniyanı bütün İsrail ilə əlaqələndirmək düzgün olmazdı, çünki, bu ərazilər israillilərin yaşamaq və ya işləmək üçün seçdiyi yerlərdən deyil və heç turizm üçün uyğun da sayılmır. Buna görə də, İsrail səyahət etmək üçün çox etibarlı və təhlükəsiz ölkədir.

Təl-Əvivdə edə biləcəyiniz bir çox fəaliyyətin olmasına baxmayaraq, biz bu gün Təl-Əvivdəki 12 İnstaqramlıq yerlə tanış olacayıq. Əgər siz də aktiv İnstaqram istifadəçisinizsə, Təl-Əvivdəki 12 İnstaqramlıq yer, bilməniz və səyahət etməniz gərəkən yerlərdəndir.

1. Yarkon parkı

Yerli sakinlər və qonaqlar arasında Təl-Əviv Mərkəzi Parkı olaraq da bilinən bu park hər il təxminən 16 milyon ziyarətçini qəbul edir. Yarkon parkında velosiped yolları, uşaqlar üçün onlarla oyun sahəsi, botanika bağları, geniş çəmənliklər, idman qurğuları, 2 mini zoopark və süni göllər var. Beləliklə, Təl-Əvivdə nə edəcəyinizi düşünürsünüzsə, telefonunuzu əlinizə alın və Aralıq dənizinin ən İnstagramlıq görünüşünə sahib olan və bütün İnstaqram izləyicilərinizi heyran edəcək bu gözəl parkda gəzin!

2. Neve Tzedek

İnstaqramsevərlər üçün hazırlanmış kiçik və sevimli qəsəbəni kim sevməz?! Gözəl bir şəkildə bərpa edilmiş evlərdən, servisi ilə diqqət çəkən kafelərdən və sənət qalereyalarından ibarət olan bu məhəllə, şübhəsiz ki, şəhərin ən gözəl hissələrindən biridir. Rokach House Museum və Suzanne Dellal Centre də daxil olmaqla, Təl-Əvivdəki ən önəmli sənət mərkəzləri Neve Tzedek’də yerləşir. Kim bilir, bəlkə də növbəti ən çox bəyənilən İnstaqram şəkliniz məhz Neve Tzedek’dən olacaq!

3. Təl-Əviv limanı

Tel-Əvivə səyahət edərkən sizi nə gözləyir? Çoxlu əyləncə və regiondakı ən yaxşı gecə həyatı! Təl-Əviv limanı, şık restoranları, pabları, gecə klubları ilə regiondakı əsas istirahət mərkəzlərindən biridir. Xüsusi olaraq inşa edilmiş taxta göyərtədə gəzinti boyunca minlərlə yerli sakin və turist dənizin mehini nəfəslərinə çəkir, heyranedici gün batımını izləyərək zövq alırlar. Gözəl geyinməyi və ziyafətlərdən özçəkimlərinizi İnstaqramda paylaşmağı sevirsinizsə, Təl-Əvivə səyahət zamanı limanı ziyarət etmək şansını əldən qaçırmayın!

4. Təl-Əviv İncəsənət Muzeyi

Mahane Rabin məhəlləsindəki Təl-Əviv İncəsənət Muzeyi İsrailin qabaqcıl mədəniyyət müəssisələrindən biridir və burada 16-cı əsrdən bu günə qədər olan ən gözəl sənət nümunələri nümayiş etdirilir. İstər heykəltəraşlıq, istərsə də rəssamlıq aşiqi olun, Təl-Əviv İncəsənət Muzeyi bütün ziyarətçilərin mütləq görməsi gərəkən yerdir. Muzeyin həm daxili, həm də xarici arxitekturası çoxdandır axtarışında olduğunuz İnstaqram fonunu sizə təmin edəcək.

5. Çimərliklər

Budur, şəhərin ziyarət edilməsi gərəkən 3 çimərliyi! Birincisi, ən məşhur çimərliklərdən biri olan Gordon Beach, bütün il boyu ziyarətçiləri özünə cəlb etməkdən heç vaxt çəkinmir. İkincisi, mahnı oxumağı və rəqs etməyi sevənlər üçün Banana Plaj, üçüncüsü isə təmiz qumu ilə ürəkləri fəth etmiş Metzizim Beach.

6. Habima meydanı

İsrailə səyahətinizi maraqlı edəcək muzeylər, orkestrlar, teatrlar, sənət qalereyaları və rəqs meydançaları axtarışındasınızsa, o zaman, gedəcəyiniz yer məlumdur: Habima meydanı. Tarixi Mann Auditorium, Israel Philharmonic Orchestra, yeni təmir olunmuş Habima Milli Teatrı və məşhur Helena Rubinstein Pavilion for Contemporary Art - bunların hamısı bu meydanda yerləşir. Əmin olun ki, Habima’da çəkdirdiyiniz şəkilə gələn “like” sayı da ən az bu meydandakı mədəniyyət nümunələri qədər “zəngin” olacaq.

7. Karmel bazarı

1920-ci illərdə qurulan Karmel bazarı, şənbə günləri xaricində həftənin hər günü fəaliyyət göstərir və əsasən müxtəlif taxıl məhsulları və çiçəklər satır. Bazarda bir neçə müstəqil rəssam və vendor bənzərsiz sənətkarlıq nümunələri satdıqları üçün, çərşənbə axşamı və cümə günləri bazarda imza günləri təşkil olunur. Karmel bazarı, çimərlikdə piknikə getmədən öncə lazımi ləvazimatları almaq üçün əla bir yerdir. Bazarı kəşfə çıxdıqdan bir neçə dəqiqə sonra Karmeldəki təlaşdan və sıxlıqdan yorula bilərsiniz, ancaq unutmayın ki, bazar Tel-Əvivdə ziyarət üçün ən orijinal yerlərdən biridir və İsrailə səyahət zamanı mütləq görülməsi gərəkdir.

8. Diaspora muzeyi

Digər adı Beit Hatfutsot olan bu muzey, İsrail və dünyadakı yəhudi icmalarının mərkəz nöqtəsidir. Bu möhtəşəm təsis, yəhudilərin tarixinin izlərini və dünya üzərindəki dinin və cəmiyyətin davamlı inkişafını nümayiş etdirir. Yəhudilərə görə, yalnız bir muzey deyil də, öz mirasları haqqında daha çox öyrənə biləcəkləri yer olan, Diaspora muzeyi ,beynəlxalq qonaqlar üçün İsrail və yəhudilərin tarixi barəsində məlumat əldə etmək üçün əvəzsizdir.

9. Rabin meydanı

İsrailin keçmiş Baş naziri İshaq Rabinin adını daşıyan Rabin meydanı, Bələdiyyə Sarayının yanındakı əsas meydan olaraq bilinir. İshaq Rabin, 1995-ci ilin noyabrında, bu meydandakı sülh mitinqi zamanı öldürülüb və sui-qəsd törədildiyi yerdə Rabinin xatirəsi ucaldılıb. İsrailli heykəltəraş Yael Ben-Artzi, Rabinin bu yerlə arasındakı dərin əlaqəni simvolizə etmək üçün Qolan Təpələrindən 16 bazalt daşı gətirtmiş və torpağa bastırmışdır. Şəxsən mən, bu heykəlin həyatımda gördüyüm ən mənalı heykəllərdən biri olduğuna inanıram. Təl-Əvivə səyahət zamanı Rabin meydanını hökmən ziyarət edin.

10. Dizengoff küçəsi

İnstaqramda paylaşmaq məqsədilə, gözoxşayan şəkillər çəkmək üçün Su və Atəş fəvvarəsinin ətrafındakı skamyalardan birinə oturun və ya sadəcə istirahət etmək üçün bir yer seçin... Dizengoff küçəsində yerləşən qeyd etdiyimiz fəvvarə hər cümə axşamı saat 4-dən-11-ə qədər israilli gənc dizaynerlərin müxtəlif işlərini nümayiş etdirir.

11. Levinsky Market

Cənubi Təl-Əvivin mərkəzində gizli bir xəzinə olan "Levinsky Market", ekzotik ədviyyat və bənzərsiz şəxsiyyətin kombinasiyası ilə hər kəsin diqqətini özünə cəlb edə bilər. Təl-Əvivdə ədviyyat almaq üçün ən yaxşı yerlərdən biri olan bu bazar, mən də daxil olmaqla, İnstaqramda yemək şəkillərini paylaşmağı sevən “food blogger”-lər arasında cənnət kimi tanınır!

12. Yafo

İsraildə Yafo adlı çox qədim bir liman şəhəri var ki, Yunus, Süleyman, Müqəddəs Petrusun İncil əfsanələri və "Persey və Andromeda" mifi ilə olan əlaqəsi, həmçinin, portağalları ilə tanınır. Bu arada, Yafonun İçərişəhərindəki dar keçidlər və qədim tikililər müasir Təl-Əvivlə müqayisədə tam başqa aləmdir. Dəniz, qədim şəhər və dadlı mətbəx... Unudulması imkansız olan bu yer Təl-Əvivə səyahət zamanı yüzdə yüz ziyarət edilməsi gərəkənlərdəndir.