Elə indi ABŞ-a səyahət etməyiniz üçün 15 səbəb

Əgər siz heç vaxt Amerika Birləşmiş Ştatlarında olmamısınızsa və “ABŞ-da haraya səyahət etmək olar?”, “ABŞ-a səyahət etmək təhlükəsizdirmi?” kimi suallara cavab axtarırsınızsa, düzgün yerdəsiniz. Bu bloqu oxumaqla siz ABŞ haqqında ümumi məlumatlarla tanış olacaq və əlavətən ABŞ-dakı gəzməli yerlər, ziyarət etmək üçün ən yaxşıməkanlar barəsində məlumat əldə edəcəksiniz. Elə isə elə indi ABŞ-a səyahət etməniz üçün 15 səbəb:

1. ABŞ-da müxtəliflik

Amerika Birləşmiş Ştatları çox müxtəlifdir. Dünyanın müxtəlif yerlərindən bu ölkəyə gəlmiş immiqrantların çoxu ABŞ-da qalır və öz ailəsini qurur. Hər bir amerikalı ailənin bənzərsiz kökləri var. Fərqli dinlər, irqlər, mədəniyyətlər, adət-ənənələr və siyasi görüşlər – bu cür multikultural həyat tərzini təcrübə etmək yəqin ki, çoxlarının arzusudur.

2. ABŞ-dakı muzeylər

ABŞ-da ziyarət etmək üçün ən yaxşı yerlər muzeylərdir. Elə də qədim tarixi olmasına baxmayaraq, ABŞ-da 35.000-dən çox muzey var və onların növü elmi mərkəzdən tarixi monumentlərə, sənət qalereyalarından müharibə memoriallarına qədər dəyişir. Ölkənin harasında olmanızdan asılı olmayaraq, ziyarət etmək üçün zövqünüzə və maraqlarınıza uyğun muzey tapacaq və ekskursiya zamanı çox şey öyrənəcəksiniz.

3. ABŞ-da gizli xəzinələr

ABŞ-da görülməsi gərəkən əsas yerlər: Disneylаnd, Azadlıq heykəli, Ağ Ev və s. Qeyd edək ki, ABŞ prezidentləri idarəetmə müddətində Ağ Evdə yaşayır. Siz turistlərin çoxunun etdiyi kimi, ABŞ-ın məşhur şəhərlərini və məşhur turistik yerlərini ziyarət edə və ya yenilik edə və ölkənin gizli qalmış xəzinələrini kəşfə çıxa bilərsiniz. Burada haqq etdiyi dəyəri görməyən çoxlu kiçik kəndlər və attraksionlar var. Kiçik mağazalar, restoranlar və kimsəsiz yerlər bir çox hallarda mənasız göründükləri üçün göz ardı edilir. Odur ki, siz bu düşüncə limitlərini aşın və ABŞ-ı hər şeyi ilə kəşf edin.

4. Yeni təcrübələr

Birləşmiş Ştatlara tək bir səyahətlə buradakı həyat tərzini tam olaraq təcrübə etməzəniz belə, bir müddətlik belə olsa amerikalı olmanın zövqünü yaşayacaqsınız. Xarici ölkələrə səyahət zamanı yerlilərlə ünsiyyətdə olmaq, ölkənin mədəniyyətini və həyat tərzini öyrənmək üçün ən yaxşı yoldur və dediklərim Amerika Birləşmiş Ştatları üçün də keçərlidir. Kim bilir, bəlkə amerikalı olmağı sevəcəksiniz, bəlkə də öz həyat tərzinizi üstün tutacaqsınız.

5. ABŞ-da turizm

Amerika Birləşmiş Ştatlarının xəritəsi səyahət etməkdə sizə kömək olacaqdır. Amerikanlar insanların onların ölkəsinə səyahət etməsini sevirlər. Buna görə də ölkədəki turizm dayanmadan inkişaf edir. Turistlərin ziyarət etdiyi əsas yerlər xaricində burada insanların diqqətini çəkə bilən suvenir mağazaları və digər kiçik müəssisələr var. Yeganə mənfi cəhət odur ki, bu yerləri ziyarət etmək bir qədər bahalı ola bilər. Səbəbi isə turistlərin çoxluğundan başqa bir şey deyil.

6. Hər zaman inkişaf edən ölkə

ABŞ əhalisi müxtəlif olduğu və demək olar ki, bütün irqləri və etnik qrupları əhatə etdiyi üçün ABŞ-ın hər bölgəsi fərqlidir və öz həyat tərzinə malikdir. Tarixə nəzər yetirsəniz və günümüzlə müqayisə etsəniz, hal-hazırda bütün amerikalıların özlərini bir millət kimi gördüklərini və bütün etnik fərqlilikləri yox saydığını görərsiniz. Üstəlik, əmək haqları ilə birlikdə məhsuldarlıq da artır və bu da ABŞ iqtisadiyyatına öz müsbət təsirini göstərir. Dünyanın ən inkişaf etmiş dövlətlərindən biri olmasına baxmayaraq, ABŞ dayanmır və günü-gündən yenilənir.

7. Ticarət və şopinq

ABŞ müxtəlif sənayə sahələrində yaxşı tanınmış bir çox brendlərin, şirkətlərin vətənidir və insanlara yalnızca istəkləri və ehtiyaclarını təmin edəcək məhsullar və xidmətlər yox, həmçinin çoxlu biznes imkanları təklif edir. Dünyaca tanınmış və qərargahları ABŞ-da yerləşən şirkətlərdən bəziləri: Apple, Microsoft, Universal Studios, J.Crew, Walmart və s.

8. Tarixi yerlər

Amerika Birləşmiş Ştatlarının rəsmi olaraq 245 illik tarixi var və İngiltərə və ya İtaliya kimi qədim bir ölkə deyil. Ancaq burada görülməsi gərəkən kifayət qədər tarixi yerlər var ki, onlar dünyanın taleyində böyük rol oynayıb. Misal olaraq, Gettisberq döyüşü və ya 11 sentyabr terror aktları sahələrini göstərə bilərik.

9. İstirahət mərkəzləri

Amerika Birləşmiş Ştatlarında hamının əylənməsi üçün hər cür şərait var! Anahaymdakı Disneylandı ziyarət etmək yəqin ki, bütün uşaqların ən böyük xəyalıdır. Tamamilə azad olmaq və əyləncəni doyunca yaşamaq istəyənlər isə limitsiz əyləncə təklif edən Las-Veqasa üz tuta bilər. Məncə bu, hər kəsin etməsi gərəkən şeydir. Əgər siz daha çox mədəniyyət və sənətlə maraqlanırsınızsa, Nyu-York şəhərindəki Metropoliten muzeyini “ABŞ-da gediləcək yerlər” siyahınızda ən başa qoya bilərsiniz.

10. Müştəri xidmətləri

Xarici ölkələrə səyahət zamanı insanları maraqlandıran əsas şeylərdən biri də ölkədəki müştəri xidmətləri və təhlükəsizlikdir. ABŞ-a səyahət etmək təhlükəsizdirmi? Cavab: bəli. ABŞ-da görəcəyiniz müştəri xidmətləri standartı sizi doğurdan da təəccübləndirəcək, xüsusən də restoranlardakı. Amerikanlılar gördüyü işin və məhsullarının keyfiyyətinə böyük önəm verirlər.

11. Amerikan idman növləri

ABŞ idmanın hər zaman danışıldığı ölkələrdən biridir. Amerikanlar idmanı çox sevir və hətta uşaqlar və qadınlar belə futbol, baketbol kimi idman yarışlarını seyr etməkdən zövq alırlar. Qeyd etdiklərimizdən bu nəticəyə gələ bilərik ki, ABŞ-da ziyarət etmək üçün ən yaxşı yerlərdən bəziləri müxtəlif idman oyunlarının keçirildiyi stadionlardır. Birləşmiş Ştatlar basketbolun vətənidir və hər basketbol oyunundan əvvəl və sonra stadionun ətrafında böyük azarkeş izdihamı görə bilərsiniz.

12. Təbii möcüzələr

Amerika Birləşmiş Ştatlarının xəritəsinə baxsanız ölkədəki urbanizasiyanı (şəhərləşməni) görə bilərsiniz. Ancaq buna baxmayaraq, ölkədə mütləq görülməsi gərəkən təbii möcüzələr də kifayət qədər çoxdur və Florida Keys, Denali Milli Parkı və Alyaska Qoruğu ən əsaslardandır.

13. Böyük və kiçik şəhərlər

ABŞ-ın əhalisi nə qədərdir? 2019-cu ilin statistikalarına əsasən, Birləşmiş Ştatların əhalisi 328.2 milyondur. Əhalinin əksər hissəsi yaşayış üçün böyük şəhərlərə üstünlük verirlər. Gecə həyatını sevirsinizsə, Amerikanın böyük şəhərləri demək olar ki, “yatmır” və sizə əyləncə üçün kifayət qədər seçim təklif edir. Yox daha sakit bir istirahətə üstünlük verirsinizsə, kiçik şəhərlər sizə daha təvəzökar seçimlər təklif edirlər.

14. Yenilənən üslub

Birləşmiş Ştatların hər bir regionunun özünə məxsus üslubu var. Hər zaman nə isə trenddədir. İstər saç rəngini dəyişmək, istər yeni cinslər, istərsə də yeni bir makiyaj stili olsun, fərqi yoxdur. Amerikalılar hər zaman hər yerdə yeni üslublar üçün ilham mənbəyi tapir və bir trendi uzun müddət təqib etmirlər. Əlavə olaraq, ABŞ-da çox kreativ insanlar var və bu maraqlı yeni trendləri sınamamaq mümkünsüzdür.

15. Öz həyat tərzinizə dəyər verəcəksiniz

Başqa bir ölkəyə gedib fərqli həyat tərzini təcrübə etmək üçün ən yaxşı səbəblərdən biri yenidən evə dönməkdir. ABŞ-da müxtəlif yerləri ziyarət edəcək, ölkənin tarixi və mədəniyyəti ilə bağlı çoxlu faktlar öyrənəcəksiniz, ancaq bir yandan da öz ölkənizin, rutininizin həsrətini çəkəcəksiniz. Beləcə, öz həyat tərzinizin qədrini biləcək, dəyərini başa düşəcəksiniz. ABŞ-da keçirdiyiniz xoş vaxtların yadigarı kimi, müxtəlif suvenirlər gətirməyi unutmayın.