Banculda 10 İnstaqramlıq yer

Bancul 1965-ci ildən bəri Qambiyanın paytaxtı, ən böyük şəhəri, eləcə də dünyanın ən adi paytaxtıdır. Düzbucaq şəklində kiçik bir ərazini əhatə edən Banculda az sayda tarixi yerlər, bir neçə məscid, qida emalı müəssisələri, bir-iki toxuculuq fabriki, emalatxanalar, gəmiqayırma zavodu, çox sayda özəl əl işləri satan mağazalar və 19 otel var.

Qitənin ən kiçik dövlətlərindən olan Qambiya Afrikanın ən qərb hissəsində yerləşir. Qambiyanın qərb sahilləri Atlantik okeanı tərəfindən yuyulur. Lakin sahil xətti uzun deyil - cəmi 80 km. Qambiya xəritəsinə baxsaq ölkənin eyni adlı çay boyunca yerləşdiyini görərik. Bəs Banculun haralarında instaqramlıq şəkillər çəkmək olar? Hər yerində! Bu bloqu oxuyun və Banculda əla vaxt keçirməyə hazır olun! Məqalədə sizi maraqlandıran bəzi suallara da cavab tapacaq, eyni zamanda Bancul otellərindən bəhs edəcəyik.

1. Bao Bolong Qoruğu

Bao Bolong rezervi 22.000 hektarlıq bataqlıq ərazisidir və Qambiya çayının mərkəzi hissəsinin şimal sahilində yerləşir. Qoruq ölkənin ən böyük təbiət qoruqlarından biri olan Kiang West ilə üzbəüz yerləşir.

Bao Bolong qoruğu ətrafında təcrübəli bələdçilər olmadan səyahət etmək tövsiyə edilmir, çünki bataqlıq ərazi səbəbindən asanlıqla təhlükəli vəziyyətə düşə bilərsiniz.

2. Kiang West Milli Parkı

Kiang West Qambiya çayının cənub sahilində, Qambiya paytaxtı Banculdan 140 kilometr məsafədə yerləşən instaqramlıq milli parkdır. Parkdan 5 kilometr aralıda Tendaba kəndi yerləşir. Ərazi rəsmi olaraq 1987-ci ildən bəri qoruq sayılır.

Parkdakı fauna çox zəngindir. Timsahlar, kərtənkələlər, samurkimilər, manqustlar və başqaları parkın sakinləri arasındadır. Ərazidə zəhərli ilanların bir neçə növünə də rast gəlinir. Şahinlər, qartallar, nadir tutuquşu və s. kimi quş növləri isə gözəllikləri ilə baş gicəlləndirir. Ümumilikdə bu parkda təxminən 250 quş növü yaşayır. Fauna sizə ən çox bəyənilən İnstaqram fotonuzu təqdim edə bilər.

3. Abuko Milli Qoruğu

Abuko Milli Qoruğu 1968-ci ildə işə başlayan milli parkdır. Lamin kəndi yaxınlığında yerləşən parkın ümumi sahəsi 105 hektardır, lakin Afrikadakı ən kiçik qoruqdur.

Abuko kiçik bir əraziyə sahib olsa da, zəngin flora və faunaya sahibdir. Burada zürafələrə, fillərə, begemotlara, xallı kaftarlara, pavianlara, habelə yarasalar, gəmiricilər kimi müxtəlif növ kiçik məməlilərə rast gələ bilərsiniz.

4. MacCarthy Adası

MacCarthy adası dünyanın ən instaqramlıq yerlərindən biridir. 15-ci əsrdə aşkar edilmiş adanın tarixinə nəzər salsanız, bir vaxtlar ada ərazisində yaşamış qəbilələr arasında yaşanan münaqişələr haqqında məlumat əldə edə bilərsiniz. Daha sonra ingilislər adadan hərbi qarnizon kimi istifadə etməyə başladılar. 1832-ci ildə adada əsası qoyulan Janjanbureh şəhəri (Georgetown) yavaş-yavaş ölkənin inzibati və iqtisadi mərkəzinə çevrildi.

5. Bancul Kafedralı

Bancul kafedralı Bancul Yeparxiyasına aid katolik kilsəsidir. 1913-1916-cı illərdə inşa edilmiş kilsə əvvəllər prixod kilsəsi olub. Dini inancınızdan asılı olmayaraq Qambiyaya səyahətiniz zamanı bu kilsəni ziyarət etməli və instaqramlıq şəkillər çəkməlisiniz.

6. Kerr Batch Etnoqrafiya Muzeyi

Banculda nə etməli? Bu muzeyi ziyarət etməli! Kerr Batchdakı Etnoqrafiya muzeyi turistlərin böyük marağına səbəb olur. Muzey 1982-ci ildə açılıb və özündə çox sayda etnoqrafik kolleksiya, arxeoloji tapıntı və müstəmləkə dövrünə aid sənədlər barındırır.

7. Yundum Hava Limanı

Yundum hava limanı Qambiya paytaxtının beynəlxalq hava limanıdır. 2004-cü ildə hava limanı 967.719 sərnişin qəbul edib. Hava limanı paytaxt Banculdan təxminən 24 kilometr cənubda, qərb sahilində, Kombo yaxınlığında yerləşir. 1327 hektar ərazini əhatə edən hava limanı 1977-ci ildə tikilib və 1987-ci ildə NASA tərəfindən kosmik gəmilər üçün istifadə edilməyə başlayıb. Qambiyaya səyahət etmək və instaqramlıq şəkillər çəkmək üçün əla məkandır, elə deyilmi?

8. Quldarlıq Muzeyi

Quldarlıq muzeyi Qambiyanın Albreda kəndində yerləşir. Sərgilər 19-cu əsr ingilis binasında nümayiş olunur və Afrikanın qaranlıq tərəfini - həbsdə olan kölələrin həyatını gözlər önünə sərir.

Qandallar, xaltalar, qamçılar – bunların hamısı bir kölənin gündəlik həyatının sadəcə kiçik bir hissəsidir. Keçmişin təkrarlanmasına imkan verməmək üçün onları diqqətlə incələməli və özümüzə dərs çıxarmalıyıq.

9. Barra Kunda Şəlaləsi

Barra Kunda Qambiya və Seneqalın şimal-şərq sərhədində, Tambacoun bölgəsində yerləşən bir şəlalədir. Qambiya çayının mənsəbinin 500 km (300 mil) yuxarısında tapılmışdır. Portuqaliyalı səyyah Diogo Gomes 1457-ci ildə bu axıntıya qədər üzən ilk avropalı kimi tarixə düşüb.

10. Bijilo Meşə Parkı

Bijilo meşə parkının sahəsi 51 hektardır. Park Qambiya sahillərində yerləşir və hər kəs ilin istənilən vaxtında tamamilə pulsuz olaraq buranı ziyarət edə bilər.

Qoruqda elə də çox heyvan yaşamır. Parkın meşə yolunda ətrafda dolaşan bir neçə meymun növünə rast gəlmək olar.

Bununla birlikdə, ərazidə çoxlu müxtəlif quş növlərinin yaşadığını söyləyə bilərik. Onları müşahidə etmək, şəkillərini çəkmək sizə böyük zövq verəcəkdir. Sakitlikdə bu ecazkar canlıların müxtəlif mahnılarını eşidə bilərsiniz.

Biz Bancul və onun ətrafındakı instaqramlıq yerlər haqqında danışdıq. İndi isə vəd etdiyimiz kimi Bancul otellərindən bəhs edək. Bancul otelləri şəhər və çimərlik otellərinə ayrılır. Şəhər otelləri adından da göründüyü kimi Banculun mərkəzində yerləşən və iki nəfərlik otaq üçün 50 ABŞ dollarından çox məbləğ tələb etməyən ucuz otellər və qonaq evləridir. Bəlkə də yeganə istisna Qambiya paytaxtının mərkəzinin şimal sahilində yerləşən Corinthia Atlantic otelidir.

Çimərlik otelləri isə şəhərin mərkəzindən 10-15 km qərbdəki kurort bölgəsi ətrafında yerləşir. Onlar standart xidmətlər təklif edən adi otellərdir. Bu cür qonaqlama yeri üçün qiymətlər normal zamanlarda 2200 GMD, turistik mövsümdə 3000-7000 GMD arasında dəyişir.

Sonda Banculda unudulmaz vaxt keçirməyinizi və tətilinizdən zövq almağınızı diləyirik! Bu günlər ərzində İnstaqram izləyicilərinizlə maraqlı şəkillər bölüşməyi də yaddan çıxarmayın.