Banqladeşə səyahətdən əvvəl bilsəydim dediyim 10 şey

Qüstav Flober çox haqlı olaraq “Səyahət insanı təvazökar edir, görürsən ki, bu dünyada nə qədər kiçik bir yer tutursan” deyib. Səyahət etmək bir insana düşüncə müddətini genişləndirməyə imkan verir və fərqli mədəniyyətlərə sahib insanların da xoşbəxt  bir həyat sürdüklərini dərk etməyə köməlik göstərir.

Həmişə səyahət etməyi sevmişəm və dünyanın bir çox məşhur yerlərində olmuşam. Bu dəfə məşhur bir turizm məkanını seçmək əvəzinə Banqladeşi ziyarət etmək qərarına gəldim. Sizə deyim ki, bu səfər çox gözəl və səmimi bir təcrübə oldu. Banqladeşə gedəcək insanlar üçün bu yazını qələmə aldım.

Yerləşdiyi Yer

Hər şeydən əvvəl, Banqladeş haradadır? 162 milyondan çox əhalisi (əhali sayına görə 8-ci ölkə) olan Banqladeş, Cənubi Asiyada yerləşir. Ölkə əhalisinin əksəriyyətini müsəlmanlar təşkil etsə də, induizm, buddizm və xristianlıq kimi digər dinlər də qəbul olunur.

Benqal dili, ölkədə ən çox danışılan və anlaşılan dildir. Urdu, fars, ərəb və ingilis kimi digər dillər də müəyyən dərəcədə danışılır və başa düşülür. İngilis dili məktəblərdə birinci sinifdən başlayaraq tədris olunduğu üçün ölkənin ikinci dili sayıla bilər.

Banqladeşdəki bəzi gözəl yerlər

1. Sundarbans: həmçinin UNESCO-nun Ümumdünya irsi siyahısında olan nəhəng manqrov meşəsi görülməyə dəyərdir.

2. Cox’s Bazar: dünyanın ən böyük çimərliyinə ev sahibliyi edən mütləq görülməsi gərəkən dənizkənarı şəhər. Qədim buddist əlyazmalarından, şəlalələləri və çimərlikləri olan tropik meşələrə qədər turistlərə təqdim edə biləcəyi çox şey var.

3. Dəkka: Banqladeşdə hara səyahət etmək olar? Müasir və köhnə Moğol memarlığının gözəl bir qarışımına sahib, Banqladeşin paytaxtı ilə başlayaq. Benqalların tarixi və müasir həyat tərzi ilə maraqlanan insanlar üçün eyni dərəcədə cazibədardır.

4. Chattogram: Bangladeşdə limanı olan başqa bir şəhər. Patenga çimərliyi, Foy’s Gölü, Chittagong Dünya Müharibəsi Məzarlığı və Zia Memorial Muzeyi kimi bir çox maraqlı görməli yerlər var.

5. Şrimanqal: çay həvəskarı olan insanlar üçün bu şəhər / qəsəbə cənnətdən az deyil. Çay istehsalçılarının cənnətidir və turistlərin çay yetişdirmə və emal dünyasına daxil olmasına imkan yaradır.

Bunlar ölkənin qonaqlarına təqdim edə biləcəyi gəzməli yerlərdən yalnız bir neçəsidir.

Aşağıda Banqladeşə səyahət etməzdən əvvəl bilməli olduğunuz məqamların siyahısı verilmişdir. Səmimi qəlbdən ümid edirəm ki, Banqladeşə gedəcəksinizsə, bu məqamlar sizə hazırlanmağa kömək edəcək.

1. Viza Prosesi

Banqladeş üçün viza prosesi çox asandır. Ölkə Avropa, Avstraliya, ABŞ, Rusiya, bəzi Asiya ölkələri və bəzi digər ölkələrin sakinləri üçün sərhəddə viza (Visa on Arrival və ya VOA) imkanı verir. Adətən, bir VOA-nın qiyməti 50 dollar, digər viza növlərinin qiyməti isə 150 ​​dollar və ya daha çoxdur. Viza vermə prosesi uzun deyil və vizanı adətən on gün ərzində əldə edə bilərsiniz.

2. Təhlükəsizlik

Hər şeydən ən vacib sual budur: Banqladeşə səyahət etmək təhlükəsizdirmi? Bəli, tamamilə. Adi cibgirlər və oğrular xaricində, ölkədəki turistlər üçün mühit təhlükəsizdir və heç bir narahatçılıq olmadan gəzə bilərlər.

Turist fırıldaqçılığı yoxdur: ölkədə çox sayda xarici səyahətçi olmadığından, heç kim sadəlövh turistlərə pul üçün kələk gəlməyi düşünməyib. Səyəhətçilərin fırıldaqçılar barəsində narahat olmalarına ehtiyac yoxdur.

Sağlıq qayğıları: Banqladeşin üçüncü dünya ölkəsi olduğunu nəzərə alsaq, burada turistlərin asanlıqla tuta biləcəyi bir çox xəstəlik var. Ölkəyə səyahət etməzdən əvvəl bir həkimlə əlaqə saxlamanız və bəzi peyvəndlər etdirməyiniz tövsiyə olunur. Orada həkimlər olmasına baxmayaraq, diqqətli olmaq daha yaxşıdır. Təmiz görünməyən yerlərdə yemək yeməyin və yalnız təmiz yerlərdən gələn və ya qablaşdırılmış sulardan istifadə edin.

3. Məzənnə / valyuta

Ölkənin rəsmi valyutası takadır. Bir taka 0.012 ABŞ dollarına bərabərdir. Ölkənin əsas hava limanlarında pul mübadiləsi kabinələri mövcuddur ki, bu da xarici səyahətçilərin yerli valyuta əldə etməsini asanlaşdırır. Bazarlarda pul mübadiləsi üçün bir çox seçim var.

Bankomatlar böyük şəhər və qəsəbələrdə geniş yayıldığı üçün turistlərin özləri ilə çox miqdarda nağd pul gəzdirməsi vacib deyil. Ancaq kəndlərə səyahət edirsinizsə, əlinizdə bir miqdar nağd pul saxlamağınız məsləhətdir.

4. Nəqliyyat

Dəkkə kimi böyük şəhərlərlərdəki sıx tıxac xaricində, nəqliyyat həm vətəndaşlar, həm də turistlər üçün problemli məsələ deyil. Taksilər, rikşalar, kondisonerli avtobuslar, qatarlar, hava səyahətləri, bir sözlə hamısı mövcuddur. Bununla birlikdə, nəqliyyat kəndlərdə və kiçik şəhərlərdə o qədər də əlçatan olmaya bilər.

Uber, Banqladeşdə son dərəcə ucuzdur və turistlər üçün əsas nəqliyyat mənbəyi kimi istifadə edilə bilər. Yerli nəqliyyatla əlaqəli daha dərin bir təcrübə yaşamaq istəyirsinizsə, Banqladeşdəki gözəl yerlərə səyahət etmək üçün rikşaları və ya avto-rikşaları seçin. Onlar həm də son dərəcə ekonomikdir.

5. Banqladeşdəki tropik yerlər

Banqladeşdəki tropik yerləri görmək istəyirsiniz? Tropik məkanlar, "Banqladeşdə hara gedim?" sualının cavabıdır. Ayrıca, ölkənin sahilində turistlər üçün olduqca xoş bir təcrübə ola biləcək tropik ada da var. Banqladeş dünyanın ən böyük qumlu çimərliyinə sahibdir. Ölkə inkişaf etmiş bir turizm məkanı olmadığından, turistik yerləri təmizdir. Yol boyunca düzülən palma ağacları seyr etmək üçün çox gözəldirlər.

6. Banqladeş xalqı

Banqladeş xalqı benqallar adlanır. Onlar doğurdan da səmimi, turistlərə qarşı diqqətcil və yardımsevərdirlər. Ziyarətçilərə özlərini evlərində hiss etmələri üçün yemək və çay təqdim etməyi sevirlər.

Dress-kod: ölkədə müsəlmanların çoxluq təşkil etməsinə baxmayaraq, burada kifayət qədər hindu yaşayır. Bu o deməkdir ki, islam həyat tərzinə uyğun geyinmək vacib deyil. Ancaq açıq-saçıq olmayan təvazökar bir paltar geyinməniz məsləhıtdir.

7. Mətbəx

Banqladeş bütün dünyada mətbəxi ilə məşhurdur.

• Ləzzətli yeməklər: düyü həm duzlu, həm də şirin yeməklərdə istifadə olunan ölkə əhalisinin əsas qidasıdır. Balıq köri və mərciməklə kombinə edilmiş düyüyə bütün ölkədə üstünlük verilir. Bəzi məşhur yeməklərə Kachchi Biryani, Morog Pulao, bhuna and patal khichuri və başqalarını misal çəkə bilərik.

•Desertlər: Banqladeşdə dadmağa dəyər şirniyyatlar - Channar Kheer, Seviyan Kheer, bogurar doi, Chomchom və başqaları.

• Müsəlman əhalisi üstünlük təşkil etdiyindən donuz əti heç bir yerdə mövcud deyil.

• Ölkədəki küçə yeməkləri, cürbəcür çeşidlərə görə mütləq sınanmalıdır. Üstəlik, küçə yeməkləri turistlərə Banqladeşdəki mədəniyyət və ziyarət ediləcək yerlər haqqında fikir verir.

8. Qonaqlama

Bangladeş turist vizası üçün qonaqlama yeri barəsində qəbz lazımdır. Bunun üçün aşağıdakı 3 seçimi sınaya bilərsiniz.

• Otellər: Lüks otellərdən daha ucuz variantlara qədər turistlər üçün hər cür otel seçimi mövcuddur. Büdcənizə görə sizə ən uyğun olan hansıdırsa, onu seçə bilərsiniz.

• Hostellər: Banqladeşə getməyi sevən insanların qonaqlama üçün üstünlük verdiyi yerdir. Bunun səbəbi ucuz və əlçatan olmasıdır.

• Qonaq evləri / otaqlar: qonaq otaqları da əla seçimdir, çünki sahibləri adətən, yerlə yanaşı yemək də verirlər. Üstəlik bu yerli insanlarla əlaqə qurmanız üçün əla fürsətdir

9. Banqladeşə səyahət etmək üçün ən yaxşı vaxt

• Musson: Musson və ya yağışlı mövsüm ölkəni ziyarət etmək üçün ən yaxşı vaxtlardan biridir, çünki yağışlar hər şeyi təmiz edir. Ölkə yaşıllıqlar, çaylar və dərələrlə doludur və gözəl bir mənzərə təqdim edir.

• Aylar: ölkənin subtropik iqlimi var, bu da Banqladeşə səyahət etmək üçün ən yaxşı vaxtın, temperaturun maksimum 25 C-yə çatdığı dekabr ayı olması deməkdir. Ölkəyə səyahət etmək üçün əlverişli olan başqa bir vaxt, mart - aprel arasıdır. Bu müddət ərzində hava əlverişli və xoşagəlimlidir.

10. Banqladeşdən alış-veriş

Banqladeşə gedirsinizsə, xarici səyahətçilər üçün ucuz bir ölkə olduğunu bilin. Bazarlar ölkənin mədəni irsini əks etdirən gözəl və cəlbedici əsərlərlə doludur. Bazarlar / marketlər əl işi parçalar, sarilər, ipək, kokos maskaları, qızıl və gümüş bəzək əşyaları, bambuk məhsulları və bölgəyə məxsus bir çox başqa əşyalarla doludur.

Banqladeş həqiqətən də gözəl və cazibədar yerdir. Banqladeşə getmək üçün fürsətiniz və seçiminiz varsa, heç çəkinmədən sınayın. Banqladeşə səfər mənə çox şey öyrətdi və məni inkişaf etdirdi. Mədəniyyətlərinə və həyat tərzlərinə qiymət verməyi bacardım. Banqladeşdəki gözəl yerlərin sayı marağınızı dərhal cəlb edəcəkdir.

Səyahətinizdə uğurlar!