Bujumburada 11 İnstaqramlıq yer

Səyahət planlarınız üçün növbəti səyahət yeri axtarırsınız, lakin yeni və fərqli bir şey sınamaq istəyirsiniz? Bəs Afrika desəm necə? Bujumburada olmusunuz? Gəlin başqa cür soruşaq, heç Bujumbura haqqında eşitmisiniz?

Bujumbura haradadır?

Əvvəla, Burundi haradadır? Burundi və ya rəsmi adı ilə Burundi Respublikası Afrika qitəsinin mərkəzi hissəsinin şərq hissəsində yerləşən, dənizə çıxışı olmayan bir ölkədir. Ölkənin sərhəd qonşuları (şimaldan saat yönündə hərəkət edərkən) Ruanda, Tanzaniya və DR Konqo, əsasən Tanqanika gölüdür. Ölkənin paytaxtı Gitegadır. Keçmişdə Bujumbura olan paytaxt 2019-cu ildə təqribən 100 kilometr şərqdə yerləşən Gitega şəhərinə köçürüldü. Bujumbura hələ də ölkənin iqtisadi mərkəzidir.

Bujumbura, əvvəlki adı ilə Usumbura, Burundinin ən böyük şəhəri və əsas limanıdır. Buradan ölkənin əsas ixrac məhsullarının əksəriyyəti - qəhvə, habelə pambıq və qalay filizi başqa ölkələrə göndərilir Burundinin keçmiş paytaxtı Bujumbura Tanqanika gölünün şimal-şərqində yerləşir. Şəhərin köhnə hissəsində alman və Belçika müstəmləkə dövrünə aid binalar, yüzlərlə dəzgahla dolu mərkəzi bazar yer alır. Eyni zamanda, Bujumbura ölkədəki ən izdihamlı şəhərdir.

Burundi, Bujumburaya necə səyahət etmək olar?

Ölkədəki səkkiz hava limanı arasında ən vacib və yeganə asfalt pistə sahib olan aeroport Bujumburadakı Bujumbura Beynəlxalq Hava Limanıdır.

İnsan və yük daşımaları Tanqanika gölü üzərindən həyata keçirilir. Göllə həmsərhəd olan ölkələrə - Konqo Demokratik Respublikası, Tanzaniya və Zambiyaya ekspedisiyalar təşkil edilə bilər. Ölkənin ən vacib limanı Bujumburada yerləşir və bu göldən başqa dəniz nəqliyyatı fəaliyyəti yoxdur.

Burundiyə nə vaxt səyahət etməliyik? Ekvatora yaxın olan Burundi, əsasən tropik bir iqlimə sahib olsa da, bölgələr arasında dəyişikliklər var. Bir çox yerdə gündüz və gecə temperaturları arasında əhəmiyyətli bir fərq var. Yayla bölgəsində illik temperatur 20 ° S civarında olduğu halda, Tanqanika gölü ətrafındakı temperatur 23 ° S-yə qədər yüksəlir və dağlıq bölgələrdə 16 ° S-yə qədər düşür. Bujumbura şəhərində orta illik temperatur 23 ° S-dir. Burundini ziyarət etmək üçün ideal vaxt may ayının sonu və iyun ayıdır. Çünki iyul, avqust, dekabr və yanvar ayları çox qurudur, sentyabr-noyabr və fevral-may ayları arasında isə şiddətli yağışlar müşahidə olunur.

Burundiyə səyahət etmək təhlükəsizdirmi?

Bir çox risk var - məsələn Bujumbura xaricinə səyahət etmək, xüsusilə gün batımından sonra riskli bir hərəkətdir. Lakin avantüristsinizsə, burada həqiqətən yaxşı vaxt keçirə bilərsiniz, çünki əsasən mehriban insanlarla qarşılaşacaqsınız. Ancaq malyariya peyvəndi olunduğunuzdan və bol su içdiyinizdən əmin olun. Həmçinin pasportunuzu, digər sənədlərinizi və pulunuzu həmişə təhlükəsiz yerdə saxlayın.

Ümumi risk yüksəkdir. Burundi səyahət üçün etibarlı bir yer deyil. Bir çox hökumətin öz vətəndaşlarına Burundiyə səyahət etməmələrini tövsiyə etdiyinin fərqində olmalısınız, çünki bu, çox yüksək risk hesab olunur. Burada həm kiçik, həm də ağır cinayətlər normaldır. Burundidəki siyasi və təhlükəsizlik vəziyyəti dəyişkən və gözlənilməzdir, üstəlik xəbərdarlıq edilmədən pisləşə bilər.

Ümumi dəyərləndirmə: nəqliyyat və taksi riski ortadır; cibgirlik, təbii fəlakət, terrorizm və nəhayət, qadın səyahətçi riski isə orta-yüksək səviyyə arası dəyişir.

Burundidə ziyarət ediləsi ən gözəl yerlər

İndi isə sizi ən maraqlandıran sual: Burundidə ziyarət etmək üçün ən gözəl yerlər hansılardır? Burundidə gözəl yerlər varmı? Nil və Konqo çaylarının qovşağında qurulan bu ölkənin əksəriyyəti meşələrdən ibarətdir. Möhtəşəm təbiəti, mədəni zənginliyi və tarixi keçmişi ilə diqqət mərkəzində olan ölkədə turistlərin gəzməli olduğu bir çox yer var. Budur o yerlərdən bəziləri:

1. Tanqanika Gölü

Bujumbura Tanqanika gölünün sahilində salınmış bir şəhərdir və təbii ki, şəhərin ən yaxşı fəaliyyətlərindən biri göl sahilində gəzmək və vaxt keçirməkdir. Baykal gölündən sonra dünyanın ən dərin gölü olaraq bilinən Tanqanika möhtəşəm mənzərələri, zəngin sualtı həyatı və ətrafındakı valehedici təbiəti ilə bölgənin ən populyar turizm yerlərindən biridir. Günün istənilən vaxtında Bujumbura ziyarətçilərinə tamamilə fərqli gözəlliklər vəd edən göldə nəfis şəkillər də çəkə bilərsiniz. Gölün Bujumburadakı ən instaqramlıq yerlərdən biri olduğunu nəzərə alsaq, ortaya çoxlu instaqramlıq şəkillərin çıxacağını söyləyə bilərik.

2. Kibira Milli Parkı

Meşələrin ölkənin əksər hissəsini əhatə etdiyini söyləmişdik, elə deyilmi? Kibira Milli Parkı da təbiətlə bütün olacağınız başqa bir yerdir! Parkda təmiz havanı ciyərlərinizə çəkə, rahatlaya və bir çox unudulmaz xatirələr toplaya biləcəksiniz!

Kibira Milli Parkı zəngin bioloji müxtəlifliyi ilə 400 kvadrat kilometr ərazini əhatə edən təbii ərazidir. Burundinin keçmiş paytaxtı Bujumbura şəhərinin yaxınlığında yerləşən bu park, 1933-cü ilə qədər ölkənin krallarının ov üçün istifadə etdiyi ərazi idi.

3. Rusizi Milli Parkı

Bujumbura şəhərindən maşınla 20 dəqiqəlik məsafədə yerləşən Rusizi Milli Parkı, ölkənin ən məşhur yerlərindən biridir. Rusizi çayı boyunca uzun gəzintiyə çıxa biləcəyiniz bu parkda timsah, begemot və flaminqo kimi bir çox heyvan növünə rast gələ bilərsiniz. Çayda gəmi turlarına çıxmaqla bölgəni daha dərindən araşdırma şansı əldə edə bilərsiniz.

4. Livinqston - Stanley Abidəsi

Səyyah və missioner David Livinqston və jurnalist və kəşfiyyatçı Henry Morton Stanleyin şərəfinə inşa edilmiş Livinqston - Stanley abidəsi Bujumburadan 10 kilometr cənubda yerləşir. Bu daş abidə ərazini ziyarət edən bu iki avropalının harada qaldıqlarını göstərir.

5. Ruvubu Milli Parkı

Ərazisi 508 kvadrat kilometr olan Ruvubu Milli Parkı ölkənin ən böyük milli parkıdır. Heyrətamiz təbiəti və bölgədə yaşayan heyvan növləri ilə sizi valeh edəcək bu parkda 425-dən çox quş növünün yanında begemot, meymun, antilop, camış, leopard və aslan kimi heyvanları da müşahidə edə bilərsiniz.

6. Heha Dağı

Təxminən 2700 metr hündürlüyə sahib olan və ölkənin ən hündür nöqtəsi olan Heha dağı hikinq və dırmaşmanı sevən səyahətçilərin gəzməli olduğu yerlərdən biridir. Möhtəşəm mənzərələri ilə göz qamaşdıran bu dağ "Bujumbura Rural Province" adlanan ərazidə yerləşir.

7. Karera və Saga Çimərlikləri

Bujumbura şəhər mərkəzindən təxminən 30 dəqiqəlik məsafədə yerləşən Karera və Saga çimərlikləri günəşdən və isti havadan zövq almaq istəyənlər üçün əla bir atmosfer təqdim edir. Gününüzü çimərliklərdə istirahət etməklə və bölgədəki mənzərələri izləməklə keçirə bilərsiniz. Səfalı mənzərələri ilə bu çimərliklər həqiqətən də Burundinin ən instaqramlıq yerlərindən hesab edilə bilər.

8. Bujumbura Muzeyləri

Afrikanın valehedici təbiətinin əks olunduğu muzeyləri ziyarət etmək, Burundiyə səyahət edənlər üçün bir başqa vacib fəaliyyətdir. "Burundi Museum of Life" və "Burundi Geological Museum" şəhərin mərkəzində bir neçə saat vaxt keçirmək və daha sonra Bujumbura restoranlarında yerli ləzzətləri dadmaq istəyənlər üçün ideal yerlərdən hesab oluna bilər.

9. Kagera Şəlalələri

Bütün il boyu təsirli olan isti havadan uzaqlaşmaq və Bujumburada sərinləmək istəyən ziyarətçilər möhtəşəm mənzərəsi olan Kagera şəlalərinə üz tuta bilərlər. Şəlalələrin ətrafı, yüksəkdən axan suların təsiri ilə Bujumburadakı bir çox instaqramlıq yerdən daha soyuqdur. Bir az sərinləmək və maraqlı bir gün keçirmək yaxşı olmazdımı?

10. Gitega Milli Muzeyi

Bujumburada yerləşməsə belə, Bujumbura və Burundinin mədəni irsində əhəmiyyətli bir yer tutan əsərlərə Gitega Milli Muzeyində baxmaq olar. Bir çox cəhətdən Burundinin ən yaxşı muzeyi adlandırılan bu yer, sənətlə maraqlanan səyahətçilər üçün əsas dayanacaqlardan biridir. Əminik ki, muzeydəki sənət əsərlərini araşdırarkən ölkənin mədəniyyəti və tarixi haqqında daha çox məlumat əldə edəcəksiniz.

11. Mərkəzi Bazar

Mərkəzi Bazarda alış-veriş edin! Bujumburanın Mərkəzi Bazarı yerli Burundi ləzzətlərini sınamaq və təzə meyvə almaq üçün əla bir yerdir. Bazarın piştaxtalarında yerli sakinlərlə yanaşı, turistlərin də diqqətini çəkən Burundi mədəniyyətini əks etdirən paltarları və digər maraqlı əşyaları tapmaq mümkündür. Bazarı ziyarət Bujumburada ediləcək şeylər arasında ən yaxşılardan biridir.

Bu gözəl Afrika ölkəsinin heyrətləndirici təbii gözəlliyini və yerli mədəniyyətini araşdırmaq istəyirsinizsə, onu ziyarət etməyə tələsməlisiniz!