Elə indi Kuk adalarına səyahət etməyiniz üçün 10 səbəb

Xoşbəxt bir yerə qaçmaqla bağlı səyahət fantaziyanız nədir? Büllur kimi təmiz suları, heyranedici çimərlikləri, zəngin təbiəti, mehriban yerliləri ilə təmiz bir ada? Deyəsən mən bu yeri bilirəm - Kuk adaları! Bəli, Kuk adaları bir çox səbəbə görə bir çox səyahətçinin “bucket list”-ində yer alır. Bu ada dövlətində turizm gündən-günə inkişaf edir və adalara səyahət səyyahlar arasında məşhurlaşır.

Televiziya şoularına ev sahibliyi etməsi xaricində ada haqqında məlumatı olmayanlar, buyurun, bu məqalə tam sizin üçündür. İlk öncə dövlət haqqında ümumi informasiyalara nəzər yetirək.

Kuk adaları haradadır?

Kuk adaları Sakit okeanın cənubunda yerləşən 15 adadan ibarətdir. Bu adalar sizə təmiz su, zəngin dəniz həyatı və Polineziya mədəniyyətinin nümayişini vəd edir. Adalar Fransa Polineziyası, Amerika Samoası və Yeni Zelandiya arasındadır.

Kuk adalarına səyahət üçün ən yaxşı vaxt nədir?

Kuk adalarına səyahət üçün pis vaxtın olmadığını söyləmək düzgün olardı, çünki hava il ərzində əsasən mülayimdir. Yayda orta temperatur 29 ° C olur, yağışlı mövsüm isə adətən dekabrdan aprelə qədər davam edir. Beləliklə, aprel, may, sentyabr və oktyabr ayları Kuk adalarına səyahət etmək üçün ən yaxşı vaxtdır deyə bilərik.

Kuk adalarında rəsmi dil nədir?

Şərqi Polineziya dili - Maori və ingilis dili Kuk adalarının rəsmi dilləridir. Buna baxmayaraq, yerlilər 5 danışıq dili dialektindən də istifadə edirlər.

Kuk adalarında qalmaq üçün ən yaxşı yerlər hansılardır?

Rarotonga və Aitutaki kimi adalardan təşkil olunan Kuk adaları bir neçə valehedici otelə və kurorta sahibdir. Qonşu ölkələrlə müqayisədə burada qiymətlər olduqca əlverişli olduğundan, az büdcə ilə rahatca Kuk adalarına səyahət edə bilərsiniz. Onu da deyim ki, ən ucuz otellər məhz Rarotonga adasında yerləşir.

Qeyd etdiklərimiz sizə Kuk adalarına səyahət etməniz üçün lazımi cəsarəti verdisə, biletinizi elə indi ala bilərsiniz. Ancaq hələ də tərəddüdünüz varsa, buyurun, Kuk adalarına səyahət etməniz üçün 10 səbəblə tanış olun.

1. Valehedici laqunlar

Kuk adalarındakı laqunları görməmək günah olardı. Rarotonga və Aitutaki adaları turistlər arasında ən populyar adalardır və onlar isti laqunlarda su idman növləri üçün ən yaxşı yerlərdən birini təklif edir. Bu adalardakı qorunan laqunlar mərcan rifləri və kristal kimi təmiz sular cənnətdir. Üstəlik, bu laqunlar təhlükəsizlik səbəbi ilə okeanda üzməyə üstünlük verməyənlər üçün də idealdır. Laqunlarda paddleboard, kayakinq, şnorkel və üzgüçülüklə məşğul ola bilərsiniz.

2. Kuk adalarında hava

Kuk adalarının il boyu optimal iqlimə sahib olduğu qeyd edilir. Şimal yarımkürəsində temperatur düşəndə, Sakit okean adaları, Kuk adaları və Yeni Zelandiya günəş işığını qəbul etməyə başlayırlar. Kuk adaları dekabr-aprel aylarında müşahidə olunan qismən yağışlı mövsüm xaricində ilin əksər hissəsində isti iqlimdə yaşayır və elə bu turistlərin Kuk adaları ilə bağlı ən sevdiyi şeylərdən biridir.

3. Davamlı inkişaf təşəbbüslər

Kuk adaları davamlı təşəbbüslərə böyük sərmayə qoyur. Məsələn, Aitutaki və Rarotonga adaları 2021-ci ilin sonunadək günəş enerjisinə sərmayə qoymağı planlaşdırılır. Adaların 2021-ci ilə qədər fosil yanacaqsız olması üçün də inkişaf planı var. Bu o deməkdir ki, adada heç bir dizel generatoru olmayacaq və günəş enerjisi kimi daha çevrə dostu seçimlərə keçid ediləcək. Adada həm suda, həm də quruda zəngin flora və faunaya rast gəlinir və dövlət bu irsi qorumaq üçün əlindən gələni edir.

4. Münasib qiymətlərlə qonaqlama

Aitutaki və Rarotonga adaları bir çox dəbdəbəli mənzilə və sahil bungalovlarına ev sahibliyi edir, həm də ucuz qiymətlərlə. Ancaq siz əlavətən də qənaət edə bilərsiniz. Kuk adaları kurortlarının çoxu ehtimal olunan endirimlərdən yararlanmanmanız üçün sizə kömək edəcək erkən rezervasiya edilə bilən evlərdir. Kuk adalarında qalmaq üçün çoxlu bir-birindən əla seçimləriniz var.

5. Kuk adalarının mətbəxi

Kuk adalarındakı əla hava və mənzərəli çimərliklər xaricində başqa bir şey də geniş diqqət çəkir – ləzzətli yeməklər! Bu kiçik dövlətin əla damaq dadı var. Dadlı yeməklərə ətirli köri, barbekü, təzə balıq və vaflini misal göstərə bilərik. Kuk adalarına səyahətiniz zamanı yerli dildə çiy balıq mənasına gələn "Ota Ika" istəməyi unutmayın. Bu sitrus şirəsi və kokos südündə marinad edilmiş balıqdan hazırlanan yeməkdir.

6. Kuk adaları mədəniyyəti

Kuk adaları Polineziya və Maori ənənələri ilə dolu bir mədəniyyətə sahibdir. Ada xalqının ilk nümayəndələrinin təxminən 1400 il əvvəl ərazidə ilk dəfə məskunlaşmış taitililər olduğuna inanılır. Kapitan Ceyms Kukun 1773-cü ildə kəşf etdiyi bu adaların mədəniyyəti və tarixi haqqında Kuk adaları kitabxanasından və ya milli muzeyindən daha çox məlumat əldə edə bilərsiniz.

7. Mehriban yerlilər

Kuk adalarından hər hansı birində olsanız mütləq qarşılaşacağınız bir şüy var – qonaqpərvərlik! Yerlilər son dərəcə mehribandırlar və sizinlə söhbət etmək istəyəcəklərdir. Beləliklə, özünüzü yerlilərin birinin evində möhtəşəm şam yeməyinə dəvət olunmuş görsəniz, təəccüblənməyin. Onlar əla ev sahibidirlər. Kuk adalarının sakinləri ailə ilə vaxtı və festivalları həvəslə qeyd etməyi sevən ecazkar insanlardır.

8. Kuk adaları çimərlikləri

Çimərlikləri sevən birisinizsə qeyd edək ki, Kuk adalarının demək olar ki, hamısı möhtəşəm laqunlara və ağ qumlu çimərliklərə sahibdir. Dalış və şnorkelli üzmə Kuk adalarında edə biləcəyiniz ən yaxşı fəaliyyətlərdən bəziləridir. Büllur sular və ovsunlayıcı dəniz həyatı sizin çimərlik gözləntilərinizi başqa bir səviyyəyə daşıyacaq.

9. Kuk adaları gecələri

Ada gecələri yerli mədəniyyətin, mahnıların, rəqslərin, geyimlərin və mətbəxin unudulmaz nümayişidir. Bu əyləncəli təcrübəni əldən buraxmaq olmaz! Rarotonga, Aitutaki və Atiu adalarındakı bir neçə kurort, otel və mədəniyyət mərkəzi rəqs, musiqi və mədəni elementlərlə zəngin gözəl axşamlar təşkil edir. Siz də onlara qatılaraq yerli mətbəxin dadını çıxara və ənənəvi rəqslərdən zövq ala, hətta rəqs edə bilərsiniz.

10. Rəngarəng bazarlar

Kuk adaları bazarlarla da zəngindir. Onların arasında ən məşhuru Rarotongadakı Punanga Nui Market-dir. Burada sənətkarlıq nümunələri, əl işləri və qara inci satan satıcılara rast gələcəksiniz. Özünüzə və ya sevdiklərinizə bir az öncə qeyd etdiklərimlə yanaşı kokos arağı da ala bilərsiniz. Muri Night Markets yerli təamların, xüsusən də Ika Matanın (xam balıq yeməyi) dadına baxmaq üçün əladır.