İtaliyada 10 ən görkəmli qalereya

İtaliyanın ən gözəl sənət qalereyalarını görmək üçün İtaliyaya səyahət etməyi planlaşdırırsınız? Doğru seçimdir! Florensiyada, Venesiyada və digər italyan şəhərlərində sizi heyran edəcək bir çox sənət qalereyası var. Bəs İtaliyada ən möhtəşəm sənət qalereyalarını necə tapmaq olar? Bəlkə siz sənət qalereyalarının necə pul qazanması ilə maraqlanırsınız? Venesiyadakı və ya digər şəhərlərdəki çox saylı sənət qalereyaları arasında ən yaxşı sənət qalereyalarını tapmaq doğurdan da çətindir. Ancaq mən sizin İtaliya səyahətinizi daha rahat hala gətirmək üçün sizə İtaliyadakı 10 ən görkəmli sənət qalereyasını təqdim edəcəyəm. Məqaləni oxuduqdan sonra müxtəlif italyan şəhərlərindəki sənət qalereyalarını asanlıqla tapa bilərsiniz. Üstəlik, sənət qalereyalarının necə pul qazandığını da biləcəksiniz.

1. Uffitsi Qalereyası

Uffitsi qalereyası Renesans sevərlər üçün Florensiyadakı ən yaxşı sənət qalereyalarının başında dayanır. İtaliyaya səyahətiniz zamanı mütləq görməli olduğunuz bu yerdə siz, "Adoration of the Magi" və "Annunciation" da daxil olmaqla bir neçə böyük əsəri ilə təmsil olunan Leonardo da Vinçini görəcəksiniz. Hətta qalereya kolleksiyasına onun rəqibi Sandro Bottiçellinin böyük əsərləri də daxildir. Ancaq Uffitsi ilə əlaqəli həyəcanverici şey, binada yerləşən və ictimaiyyət üçün açıq olan sənət kolleksiyasıdır. Dünyaca məşhur muzeydə 50-dən çox salonda sərgilənən 1000-dən çox müxtəlif əsər var. Rəsmi, heykəltəraşlığı, ümumiyyətlə sənəti sevən birisinizsə, İtaliya səyahətiniz zamanı Uffitsi qalereyasını ziyarət etməniz şərtdir.

2. Biennale

"Maraqlı vaxtlar keçirəsiniz" - 24 noyabra qədər baş tutacaq La Biennale di Venezia 2019-un şüarı. "Maraqlı" səhv başa düşülə bilər, çünki burada sərgilənən sənət ətraf mühitin qorunması, yerdəyişmə və sosial dəyişikliklərə işarə edən son dərəcə siyasi bəyanatlardan ibarətdir. 28 ölkənin öz milli pavilyonlarında özünü təqdim etdiyi sərgi sahələri şəhərin hər yerinə yayılmışdır. Arsenalda kuratorlar tərəfindən ərsəyə gətirilən mövzulu sərgini də xüsusilə görməyə dəyər. Hər ikisi üçün ən azı bir gün ayırmalısınız.

3. Museo del Vetro

Venesiya şəhərindəki ən maraqlı sənət qalereyalarından biri də Museo del Vetro-dur. Ən az Venesiya kanallarından keçən rəngarəng qondollar qədər ikonik, öz rəngarəng evləri ilə tanınan eyni adlı adadan gələn zəngin bəzədilmiş Murano şüşəsi. Venesiyalıların şüşə sənətinə nə vaxt başladığı tam bilinməsə də, onun tarixinin X əsrə dayandığı düşünülür. Murano adasında yerləşən Museo del Vetro sərgisi, I əsrdən III əsrə qədər olan Roma eksponatlarından, XV əsrdən bu günə qədərki Murano şüşəsindən hazırlanan dünya şöhrətli əşyalara qədər bütün şüşə sənəti tarixini işıqlandırır. Yeri gəlmişkən, Glass Museum yani Şüşə muzeyi şüşə sənətinin tarixi və Murano adası ilə əlaqəli bütün sənədləri toplamaq üçün qurulmuşdur.

4. Vatikan Muzeyləri

Roma İtaliyanın çoxsaylı görməli yerlərinə ev sahibliyi edir. Bunlara Vatikan dövləti də daxildir. Vatikan dünyadakı ən kiçik dövlətdir və bu da onu özəl edən səbəbdir. Üstəlik, Latın dilinin rəsmi dil olaraq danışıldığı yeganə dövlət də Vatikandır. Vatikan muzeyləri Vatikanın əlçatan ərazilərində yerləşir və Roma gəzinti turunuz zamanı ziyarət etməniz mütləq olan yerdir. Papa sənət kolleksiyasına ev sahibliyi edən və gözəl bir şəkildə bəzədilmiş otaqlarla zəngin muzeylərdə ən önəmli məqam, şübhəsiz ki, dünyaca məşhur Sikstin kapellasıdır. Vatikan Muzeyinin sonunda yerləşən abidənin tavan rəsmləri rəssam Mikelancelonun şah əsəridir. Burada "Adəmin yaradılması" əsərini öz gözlərinizlə görə bilərsiniz. Sənət həvəskarı olmasanız belə, muzey kompleksi sizi heyran etməyi bacaracaq.

5. Roma Muzeyi

Museo di Roma, Palazzo Braschi, Piazza Navona-da yerləşir. Palazzo, 18-ci əsrin sonunda Hersoq Luigi Braschi Onestinin əmri ilə inşa edilmişdir. Zadəganın nə vaxtsa pulunun tükənməsi və dəbdəbəli daxili bəzəklərin dayandırılması tələbi bu gün artıq görünmür. Palazzo Braschi-nin heybətli pilləkənləri, rəngli tavan rəsmləri və çiçəkli kaşı işləri qədər görülməyə dəyərdir. Daimi sərgidə, eskizlərdən yağlı boya şəkillərinə, orta əsrlər Roması çinilərindən müasir dövr çinilərinə 100.000-dən çox obyekt təqdim olunur. Muzeydəki müvəqqəti sərgilər də maraqlıdır. Belə ki, onlardan birində sərgilənən 300-dən çox foto, şəhərin son 180 ili haqqında ən az Piazza Navona-nın Palazzo Braschi-dən bənzərsiz görünüşü qədər nadir məlumatlar verir.

6. Roma Milli Muzeyi

4 yerə yayılmış muzey, antik sənət və görkəmli məkanlarla yanaşı, rəqibsiz bir qiymət və performans nisbəti təklif edir. 13 avroluq giriş bileti ilə dörd muzeyi ziyarət etmək üçün üç gün vaxt verilir. Sənət qalereyaları bu şəkildə pul qazanır. 1) Romadakı ən gözəl muzey, Palazzo Massimo alle Term-'dir. Burada sizi yalnızca üç mərtəbədəki bir sıra zəruri heykəllər və büstlər deyil də, həmçinin Roma imperatoru Oktavian Avqustun həyat yoldaşı Livianın villasından olan möhtəşəm divar rəsmləri gözləyir. Üstəlik, muzeyi ziyarət etmişkən ikinci mərtəbədəki, tamamilə yenidən qurulmuş lüks Roma villası - Casa di Farnesina-ya da baxmağı unutmayın. 2) Romadakı ən böyük muzey Diocletianus Hamamlarıdır. Diocletian Hamamlarındakı heykəl, sarkofaq, keramika, silah və mozaika bolluğu ilə hara baxacağınızı da bilmirsiniz! Qeyd edilməsi gərəkən digər otaqlar: iki monastır, bir bağça və bir zamanlar Romanın ən böyük hamam təsisi olan və təxminən 1600 il əvvəl Roma əhalisinin masajçı və bərbər ilə istirahətini təmin etdiyi salonlar. 3) Palazzo Altemps, nümayiş olunan sənət əsərlərinə olan marağı sərgi otaqlarının “oğurladığı” muzeylərdən biridir. Bazar günü günortadan sonra möhtəşəm bir şəkildə təmir edilmiş otaqlarda gəzmək və fresklə örtülmüş divarlara və taxta tavanlara baxıb zövq almaq sizin də xoşunuza gələcək. Palazzonun daxili həyəti, binadakı kiçik ibadətgah və zirzəmidəki kiçik teatr kimi xəyala bənzəsə də gerçəkdir. 4) Üç mərtəbədə qədim Balbus teatrını kəşfə çıxa və beləcə Roma memarlıq tarixi haqqında öyrənə bilərsiniz.

7. Kapitolin Muzeyləri

Kapitolin muzeylərinin uzun tarixi 1471-ci ildə başlayır. Muzey kompleksi Kapitolin təpəsində yerləşir. Kapitolin muzeyləri Piazza del Campidoglioda yerləşən iki möhtəşəm binadan ibarətdir: Palazzo dei Conservatori və Palazzo Nuovo. Bu iki bina ziyarətçilərini Tabulariumun açıq qalereyasına aparan yeraltı keçidlə birləşdirilmişdir. Burada sizi Roma forumunun fantastik mənzərəsi gözləyir. Sərgilənən fövqəladə sənət əsərlərinin siyahısından bəziləri: Covanni Lorenso Bernininin Meduza büstü, Mark Avrelinin bürünc heykəli, Karavacconun rəsm əsərləri, ecazkar çini kolleksiyası.

8. Centrale Montemartini

Ostiense-dəki Mərkəzi Montemartini, vizual baxımdan bütün Romadakı ən maraqlı muzeylərdən biridir. 20-ci əsrin əvvəllərindəki sənaye arxeologiyası ilə antik sənət arasındakı görüş qonaqlar üçün həyəcanvericidir. Nəhəng dizel mühərriklərinin qarşısında dayanan qar kimi bəyaz heykəllərin görüntüsü bu muzeyə və yerləşdiyi küçəyə ziyarət üçün ən önəmli səbəbdir.

9. Roma Müasir İncəsənət Milli Qalereyası

İtalyan dilində qısaca GNAM olaraq bilinən Roma Müasir İncəsənət Milli Qalereyası Romanın ürəyindəki böyük park - Villa Borghese-də yerləşir. Qalereyadakı 50 salonda 19 və 20-ci əsrlərə aid rəsmlər, tablolar və heykəltəraşlıq əsərlərini görəcəksiniz. Əsərlərin çoxu italyan sənətkarları tərəfindən yaradılsa da, qalereyada Qustav Klimt, Vinsent van Qoq, Klod Mone, Cekson Pollok kimi məşhur sənətkarların da əl işləri sərgilənir. Stil və obyektlərin bolluğu GNAM-ı yalnız uzmanlar üçün deyil, həm də sənətsevərlər üçün fərqli və həyəcanlı edir. Hava yaxşı olduqda, muzey kafesinin terasını ziyarət etməyə dəyər.

10. Brera Sənət Qalereyası

Milan bir sənət şəhəridir və bu şəhərdə görməniz gərəkən ən vacib yerlərdən biri də Pinacoteca di Brera-dır. Rəsm qalereyası, Brera bölgəsində, Palazzo di Brera-da yerləşir. Palazzo di Brera-nın mənşəyi XIII əsrə gedib çıxır. Brera Sənət Qalereyası rəsmən 1809-cu ildə qurulmuş və Napoleonun hakimiyyəti altında rəsmlərlə zənginləşdirilmişdir. Qalereyada Karavacco, Rafael, Hayez, Rubens, Tisian, Tintoretto, Bellini, Andrea Mantenya və başqalarının sənət əsərləri nümayiş etdirilir. Qalereyanın orijinal planı sənət əsərlərini nümayiş etdirmək və onları öyrənmək üçün vasitə olaraq istifadə etmək idi. Məqsəd bu günə qədər davam etdirilir, bu səbəbdən də qalereya məktəb ziyarətləri üçün məşhur bir yerdir və eyni zamanda mühazirələr və ictimai çıxışlar kimi tədbirlərə də ev sahibliyi edir.