Kolomboya deyil də Kandiyə səyahət etməniz üçün 10 səbəb

Milyonlarla insan unikal mədəniyyətlərə və turistik yerlərə sahib olan ucqar tropik ölkələrə səyahət etməyi sevir. Şri Lanka möhtəşəm təbiəti, isti iqlimi, ekzotik çimərlikləri, yaşıl meşələri və s. ilə dünyanın ən məşhur səyahət yerlərindən biridir. Şri Lanka haradadır? Şri Lanka Hind okeanında yerləşir və şimal-şərqdən Benqal körfəzi ilə həmsərhəddir. Şri Lankada haraları gəzmək lazımdır? Şri-Lankaya səyahət zamanı bir çox səyahətçi ölkənin ən böyük şəhəri və paytaxtı olan Kolombo şəhərini ziyarət etməyi üstün tutur. Müasir şəhər infrastrukturu və memarlığına sahib Kolombo Şri Lankanın iqtisadi, tarixi və siyasi mərkəzidir. Son vaxtlarda Kolombo yaşayış qiymətlərinin yüksəldiyi, küçələrin çirkləndiyi və hər şeyin daha bahalı olduğu turistik şəhərə çevrilib. Biz isə bu bloqda Şri-Lankanın bir başqa gözəl şəhəri - Kandi haqqında danışacağıq. Kandi milyonlarla insanın kəşf etməsi və araşdırması gərəkən möhtəşəm bir turistik yerdir. Bu bloqda Kandi ilə bağlı aşağıdakı suallara cavab axtaracayıq: Kandidə nə etməli? Kandidə harada qalmaq olar? Kandidə gəziləcək yerlər hansılardır?

1. Kandi gölü

Süd dənizi kimi də tanınan Kandi gölü, Kandinin ən görməli yerlərindən biridir. Rəngli qazlar, ekzotik yaşıl kollar, hündür ağaclar və göstərişli qayıqlar Kandi gölünü misilsiz mənzərəli bir yerə çevirir. Göl səs-küylü şəhərin izdihamından uzaqlaşaraq rahatlıqla istirahət edə biləcəyiniz mükəmməl bir mühit yaradır. Ailənizlə birlikdə yaşıl gölün ətrafında gəzə, təbii gözəlliklərə heyran ola və ekzotik mənzərəli görüntüləri çəkə bilərsiniz. Həmçinin gölün yaxınlığında otellər də var. Füsunkar göl Kandidə ziyarət etmək üçün ən gözəl yerlərdən biridir.

2. Giragama Çay Plantasiyası

Şri Lanka çayı əsasən Kandidə istehsal olunan və dünya miqyasında məşhur olan təbii xəzinədir. Şri-Lankadakı ekzotik çay plantasiyası ətrafında tura qatılmaq istərdinizmi? Giaragama çay əkini Kandinin ən maraqlı yerlərindən biridir. Burada orijinal Şri Lanka çayını dadmaq şansınız olacaq. Həmçinin dostlarınıza və ailə üzvlərinizə də hədiyyə olaraq orijinal çaylar ala bilərsiniz. Giragamada çay istehsalı prosesini görmək və əkin işlərində çalışan yerli insanlarla tanış olmaq şansınız olacaq. Əkin işi Kandidəki ən məşhur işlərdən biridir və Şri Lanka xalqının böyük hissəsi Kandidəki çay əkini işlərində çalışaraq gəlirlərini təmin edirlər. Giaragama çay plantasiyasını ziyarət, Kandiyə səyahətinizin ən unudulmaz anlarından biri olacaqdır.

3. Müqəddəs Diş Məbədi

Sri Dalada Maligawa olaraq da bilinən məbəd Şri Lankanın yerli əhalisi üçün müqəddəs yer və ziyarətgahdır. Məbəd hər kəsi heyrətləndirən möhtəşəm bir qızıl qübbəyə malikdir. Hər həftə dini mərasimlərin keçirilidiyi məbədin qapıları həm yerli əhali, həm də xaricilər üçün açıqdır. Müqəddəs Diş məbədi, Kandidə görülməsi gərəkən ən görkəmli tarixi yerlərdən biridir. Onun bir neçə min illik tarixi var. Məbəd hər il 60-dan çox filin müşayiəti ilə şəhər ətrafında Müqəddəs Diş turu təşkil edir. Məbədin arxitekturası, icması, mərasimləri və tarixi sizi heyrətləndirəcəkdir.

4. Peradeniya Kraliyyət Botanika Bağı

Şri Lanka tarixən ədviyyat ticarəti üçün regional mərkəz olmuşdur. Yerli tacirlər min illərdir ki, Kandi bağlarında zəngin növlərdə ədviyyat yetişdirirlər. Müasir dövrdə Şri Lanka hökuməti bu bağları qoruma altına alıb turist attraksionuna çevirdi. Peradeniya Kraliyyət Botanika Bağında saysız-hesabsız tropik ədviyyat bitkiləri və digər yerli endemik ağaclar, ümumilikdə isə dörd mindən çox bitki və heyvan növü yaşayır. Bağın bənzərsiz flora və faunası rəngləri, yaşayış mühitləri ilə sizi heyrətləndirəcəkdir. Darçın, bibər, nutmeg, kardamon və mixək botanika bağında görə biləcəyiniz unikal tropik bitkilərdir. Bu möhtəşəm bağda əla İnstaqramlıq şəkillər çəkmək üçün də çoxlu fürsətiniz olacaq.

5. Udavattakele Meşə Qoruğu

Kandi misilsiz iqlimi və coğrafiyası sayəsində vəhşi cəngəlliklərə və tropik meşələrə ev sahibliyi edir. Udawattakele Meşə Qoruğu insan tərəfindən hazırlanmış infrastrukturu və ya arxitekturası olmayan yerdir. Şri Lanka hökuməti vəhşi təbiətin mükəmməl şəkildə qorunduğu meşənin təbii formasını da qorudu. Yerli turizm agentlikləri tərəfindən qoruğa təşkil edilən qısa səfərlərdə onun unikal təbii mühitini kəşf edə bilərsiniz. Ancaq burada uymanız gərəkən bəzi təhlükəsizlik qaydaları var. Məsələn: bitkilərə zərər verməmək və heyvanlara toxunmamaq qadağandır. Udawattakele Şri Lankaya səyahətinizdə mütləq görməniz gərəkən yerlərdən biridir.

6. Münasib qiymətli otellər

Kandidə harada qalmaq olar? Kandi otelləri o qədər münasib qiymətlər təklif edir ki, başqa variantlara baxmanıza ehtiyac belə qalmır. Kandidəki otellər çox sərfəli qiymətlərlə yüksək keyfiyyətli xidmətlər təklif edirlər. Mobil tətbiqetmələr vasitəsilə yaxınlıqdakı otelləri asanlıqla tapa bilərsiniz. Şri Lankada olmuş bir çox səyahətçi qonaqlama qiymətləri münasib olduğundan Kandidə qalmağı məsləhət görür.

Əgər müqayisə etmək lazımdırsa, Kolombodakı otellər olduqca bahalıdır. Kolombo hər il yüz minlərlə insanın ziyarət etdiyi turistik paytaxt şəhəridir və bu səyahətlər Kolomboda qonaqlama qiymətlərin kəskin artışına səbəb oldu.

7. Kandinin tarixi küçələri

Kandi şəhəri tarixin yadigarı olan binalarını, küçələrini və memarlığını qoruyub saxlamışdır. Şəhər bir çox müasir binaya ev sahibliyi etsə də, köhnə infrastruktur daha çox yayılmışdır. Kandinin ikonik küçələrində gəzərkən keçmişi hiss edəcəksiniz. Kandidə əsas ictimai nəqliyyat olduqca köhnə və tarixi avtobuslar və trolleybuslardır. Şəhəri gəzmək üçün onlardan rahatlıqla istifadə edə bilərsiniz.

Üstəlik, şəhərin küçələrində yerli məhsullar satan böyük mağazalar var. Kandinin tarixi mağazalarından ailənizə, dostlarınıza və sevdiklərinizə möhtəşən hədiyyələr ala bilərsiniz.

8. Qədim Sigiriya qalası

Şri Lankada hara getmək olar? YUNESKO-nun Ümumdünya irsi siyahısına düşmüş yerlərdən birinə nə deyirsiniz? Qədim Sigiriya qalası əfsanəvi Aslan qayasına(Lion Rock) ev sahibliyi edir. Kvadrat formalı qaya meşənin içərisində, digər təpələr və dağlar arasında möhtəşəm görünür. Aslan qayasına hikinq Kandiyə səyahətdə mütləq edilməsi gərəkən bir təcrübədir. Bu Sigiriya bölgəsinin endemik flora və faunasını araşdırmaq sizin üçün mükəmməl şansdır. Hikinq üçün ən yaxşı vaxt insanların çoxluq təşkil etmədiyi gün doğumu vaxtı ola bilər. Ayrıca bu zaman əla fotolar və videolar çəkə biləcəksiniz. Hikinqin sonu isə möhtəşəm olacaq, çünki Kandinin ovsunlayıcı panoramik mənzərələrinə heyran olacaqsınız.

9. Ən gözəl qatar marşrutları

Bir çox səyahətçinin də dediyi kimi: dünyanın ən gözəl qatar marşrutu Kandidən Ellayadır! Yaxşı hava şəraitində qatarla səyahət təxminən altı saat davam edəcək. Yaz bu səfər üçün ilin ən yaxşı vaxtıdır. Kandy - Ella qatar səyahəti zamanı çay əkinləri, meşələr və yaşıl təpələr arasında maraqlı bir yolunuz olacaq. Bundan əlavə, ən gözəl səyahət fotolarını və videolarını çəkə biləcəksiniz.

10. Ənənəvi Kandi rəqsi

Ənənəvi rəqs Şri-Lankada ediləcək ən əyləncəli mədəni fəaliyyətlərdən biridir. Kandi rəqsini həm izləmək, həm də oyanamaq çox əyləncəlidir. Mükəmməl performans texnikalarını öyrənmək üçün Kandi rəqs kurslarına qatıla bilərsiniz. Kandi şəhər mədəniyyət mərkəzi həftədə bir dəfə izləyə və əylənə biləcəyiniz rəqs şouları təşkil edir. Biletlər olduqca münasib qiymətədir və asanlıqla əldə edilə bilər. Şri-Lankanın başqa şəhərlərində ənənəvi Kandi rəqs şousunu tapmaq bir az müşkül məsələdir.

İndi siz seçin: Kolombo yoxsa Kandi?