Lüksemburqa səyahətdən əvvəl bilsəydim dediyim 10 şey

Avropanın və dünyanın ən zəngin ölkəsi, yəni Lüksemburq haqqında daha çox şey öyrənməyin vaxtı gəldi. Bu ölkə digər üzvlərinin Belçika və Hollandiya olduğu siyasi-iqtisadi birlik olan Benilüks Birliyinin üzvüdür. Lüksemburq haradadır? Rəsmi olaraq Böyük Lüksemburq Hersoqluğu adlanan Lüksemburq Qərbi Avropada yerləşən, dənizə çıxışı olmayan bir ölkədir. Qərbdə və şimalda Belçika, cənubda Fransa və şərqdə Almaniya ilə həmsərhəddir. Paytaxtı Lüksemburq şəhəridir. Lüksemburqda hansı dildə danışılır? Ölkənin fransız, alman və milli Lüksemburq dili olmaqla üç rəsmi dili var. 2586 kvadrat kilometr ərazini əhatə edir və kiçik bir ölkə hesab olunur. Ölkənin şimalından cənubuna maşınla təxminən iki saata çatmaq olar. Lüksemburqun əhalisi 627.000 civarındadır. Bəziləri ölkənin öz bağları ilə məşhur olduğunu düşünür, ancaq Lüksemburq Bağları Fransanın Paris şəhərindədir. Lüksemburqa necə səyahət etmək olar? Lüksemburqa hava yolu ilə, avtomobildə və ya avtobusda getmək olar. Bu yazıda Lüksemburqa getməzdən əvvəl bilməli olduğunuz 10 şeydən bəhs edəcəm.

1. Lüksemburqu ziyarət etmək üçün ən yaxşı vaxt

Lüksemburqa səyahət üçün ən yaxşı vaxt baharın ortalarından payızın ortalarına qədərdir. İnsanlar bu ecazkar ölkəni daha çox may ayından sentyabr ayının ortalarına qədər ziyarət etməyi üstün tuturlar. Bu müddət ərzində hava çox yaxşı olur və temperatur təxminən 20-30°S olur. Bu həm də ağacların çiçək açmasından, mənzərəli dağ mənzərələrindən zövq almaq, hikinq və kampinq üçün ən yaxşı zamandır. Soyuq havaları sevmirsinizsə, Lüksemburqa payız və qışda səyahət etməyiniz tövsiyə edilmir. Bu müddət ərzində ölkə soyuq olur. Çoxlu yağış və qar yağır. Qışda hava -15°S-yə qədər soyuyur və hər yerə avtomobil ilə getməniz məcbur olur.

2. Çoxdilli ölkə

Lüksemburqda hansı dildə danışılır? Daha əvvəl də qeyd etdiyimiz kimi, Lüksemburqun 3 rəsmi dili var. Məktəblərdə şagirdlərə əvvəlcə sintaksis və qrammatika baxımından alman dilinə bənzəyən Lüksemburq dili tədris olunur. Uşaqlara daha yuxarı siniflərdə alman dili, ən sonda isə fransız dili öyrədilir. Milli Lüksemburq dili gündəlik danışıqlarda, fransız və almanca isə daha çox inzibati məsələlərdə istifadə olunur. Fransız dili ilə müqayisədə, gündəlik həyatda daha çox insanın almanca danışdığını müşahidə edə bilərsiniz. Buna baxmayaraq, fransız dili yol nişanları və istiqamətləri üçün istifadə olunur. Bu gözəl, üçdilli ölkədə insanların çoxu ingilis dilində də danışır. Beləliklə, ölkənin rəsmi dillərindən heç birini bilmirsinizsə belə, ingilis dilindən istifadə etməklə yerli xalqla ünsiyyət qura bilərsiniz. Lüksemburq əhalisinin ən azı 3-4 dildə sərbəst danışması heyrətləndiricidir.

3. Rahat geyinin

Bu ecazkar ölkəyə səyahətinizi ən yaxşı şəkildə yaşamaq məqsədilə saatlarla sərbəst gəzmək üçün mümkün qədər rahat paltarlar və rahat idman ayaqqabısı geyinin. Lüksemburq şəhərini dolaşmanın ən yaxşı yolu bunu piyada etməkdir. Avropa Birliyi daxilindəki ölkələrin vətəndaşları arasında lüksemburqlular "ən çox avtomobilə sahib olanlar" arasındadırlar. Bəzi mənbələr Lüksemburqun bu baxımdan ilk 15 ölkədən biri olduğunu yazır. 1000 nəfərdən orta hesabla 670-i avtomobil sahibidir. Bundan əlavə, qonşu ölkələrdən Lüksemburqa iş üçün gələnlər də bura maşınla gəlirlər. Beləliklə, çoxlu avtomobilin olduğu bir mühitdə maşın sürməyə vərdiş etməmisinizsə, Lüksemburq şəhərini kəşfə piyada və ya velosiped ilə çıxa bilərsiniz. Bəs Lüksemburqa necə səyahət etmək olar? Mükəmməl bir fikir: qonşu ölkələrdən velosiped sürməklə.

4. Lüksemburq bahalıdır!

Ölkənin Avropa Birliyinin qurucu üzvlərindən biri olması ilə, lüksemburqlular vergilərini və digər hər şeyi avro ilə ödəyirlər. Avropaya aid və ya digər beynəlxalq kart ödənişləri ölkənin demək olar ki, hər yerində qəbul olunur. Yerli restoranlar, mağazalar və butiklər olduqca yüksək qiymətlərə sahibdir. Çox zəngin olmadığınız təqdirdə Lüksemburq mağazalarında ilk baxışdan bəyəndiyiniz şeyləri almaq tövsiyə edilmir. Bunun səbəbi isə eyni və ya çox oxşar məhsulları şəhərin mərkəzindən kənarda və ya qonşu ölkələrdə daha aşağı qiymətlərlə tapa biləcəyinizdən irəli gəlir. Bir çox restoran bahalıdır. Yüksək qiymətlərlə yanaşı, ümumi hesabın 10%-i qədər bəxşiş də verməlisiniz. Lüksemburqa limitli büdcə ilə gedirsinizsə, zəngin menyular təklif edən fastfud restoranlarına və ya barlarına müraciət etməyiniz daha yaxşı olar.

5. Gözəl qalalar görməyə hazır olun!

Lüksemburq haradadır? Təsirli qalaların olduğu yerdə. Yəqin ki, bu qalaların içərisində ən məşhuru kənardan nağıla bənzəyən, mənzərəli və Disney görünüşü Vianden qalasıdır. Gotik və Romanesk dövrlərdə feodal iqamətgahı kimi xidmət etmiş qala təxminən 11-14-cü əsrlərdə tikilmişdir. Günümüzdə hər il çox sayda turistin ziyarət etdiyi valehedici tarixi yerdir. Yeni Ansemburq qalası 17-ci əsrin birinci yarısında inşa edilmiş və 18-ci əsrdə yenilənmə işləri görmüşdür. Ətrafı gözəl bağlarla əhatə olunmuş və dekorativ heykəllər və fəvvarələrlə bəzədilmişdir. Digər heyrətləndirici qalalar arasında Beaufort qalaları, Bourscheid qalası, Esch-sur-Sure qalası və daha çoxu var.

6. Dadlı yeməklərin dadına baxmağa hazır olun

Lüksemburq mətbəxi bir növ alman və fransız mətbəxlərinin qarışığıdır. Ümumiyyətlə, Lüksemburq restoranlarında italyan yeməkləri də daxil olmaqla, müxtəlif Avropa ölkələrindən müxtəlif dadlı yeməklərə rast gəlmək olar. Kiçik və çox beynəlxalq bir ölkə olmasına baxmayaraq, Lüksemburqun da öz yerli yeməkləri var. Bunlara kniddelen, gromper keeschelche, Judd mat, Bouneschlupp və quetsche tort deyilən desert daxildir. Bu ənənəvi ləzzətləri dadmadan ölkəni tərk etmək sonradan sizin üçün peşmanlığa çevrilə bilər.

7. Mənzərəli kənd yerləri

Gözəl bir təbiətə sahib olan bu ölkə hikinq üçün idealdır. Lüksemburqda valehedici mənzərələrlə əhatə olunmuş bir çox dinc kənd və qəsəbə var. Lüksemburq şəhərindən təxminən 20 kilometr məsafədə gözəl Vianden kommunası yerləşir. Kommuna Vianden qalası ilə məşhurdur. Clervaux - bu kiçik kommuna özünüzü nağıldaymış kimi hiss etmənizə kömək edəcək. Ovsunlayıcı bir meşə ilə əhatə olunmuş Clervaux gözəl və tarixi binalarla əhatə olunub. Sauer çayının sahilində möhtəşəm ənənəvi meydanlara sahib olan Diekirch adlı zərif bir şəhərə rast gələ bilərsiniz. Kənd yerlərini ziyarət etmək və zövq almaq üçün digər gözəl yerlər: Echternach, Ettelbruck, Larochette və s.

8. Ovçuluq və balıqçılıq

Lüksemburqda balıq ovu etmək istəsəniz, bələdiyyə rəhbərliyi və ya bölgə komissarı tərəfindən verilən balıqçılıq lisenziyası almalısınız. Ödəniləcək haqqı balıq ovunun yeri və üsulları müəyyənləşdirəcəkdir. Lüksemburqdakı ov gəzintiləri məşhurdur, lakin çox ciddi şəkildə tənzimlənir. Səfalı təbiətindən və heyvanlar aləmindən zövq alarkən Lüksemburqda qaban və cüyür ovlamaq olar. Ov lisenziyalarını bölgə komissarının ofisində əldə etmək olar. Bu lisenziyalar beş gün müddətində qüvvədədir və ildə yalnız üç dəfə verilir.

9. Şərab dadmağı unutmayın!

Lüksemburq mükafat sahibi və keyfiyyətli şərabı ilə də tanınır. Lüksemburqun dünya səviyyəli köpüklü şərabı olan Cremant de Luxembourg, dadına görə bir çox mükafat qazanıb. Moselle çayı adını möhtəşəm şərabın istehsal olunduğu vadiyə verir. Bura şərab zavodları və klassik köhnə qəsəbələri ilə çox məşhurdur. Digər köpüklü şərab markaları arasından Domaine Alice Hartmann Brut, Bernard-Massard Roude Leiw 2016 və s. qeyd etmək olar.

10. Tarix və mədəni irs

16-cı əsrdən 19-cu əsrə qədər Lüksemburq şəhəri Avropanın ən böyük qala şəhərlərindən biri idi. Bu gün şəhər, onun köhnə məhəllələri və istehkamları YUNESKO-nun Ümumdünya irsi siyahısına daxildir. YUNESKO-nun Ümumdünya irsi siyahısına daxil edilən digər mədəniyyət nümunələri: Edward Steichenin foto kolleksiyası – "The Family of Man" və "Dancing procession of Echternach". Ölkənin tarixi Almaniya və Fransa ilə çox bağlıdır. Bu səbəbdən alman və fransız dilləri bu kiçik dövlətin rəsmi dilləridir. Fransa ilə sıx tarixi əlaqələri Parisdəki Lüksemburq Bağlarının mövcudluğunda özünü göstərir.

Qısa xülasə

Avropa Birliyinin altı qurucu üzvündən biri və Benilüks Birliyinin üzvü olan Lüksemburq adambaşına düşən təqribən 117.000 ABŞ dollarlıq ÜDM ilə dünyanın ən zəngin ölkəsidir. Lüksemburq Avropanın şimal-qərbində yerləşən kiçik, dənizə çıxışı olmayan ölkədir. Bu yazıda sizə Lüksemburqun dili, əhalisi və paytaxtı haqqında məlumat verməyə çalışdım. Lüksemburq Bağlarının Lüksemburqda olmadığı mövzusuna da toxundum. Cavablandırılan suallar bunlar oldu: Lüksemburq haradadır? Lüksemburqa necə səyahət etmək olar? Lüksemburqda hansı dildə danışılır?