Lüksemburqda 12 İnstaqramlıq yer

Lüksemburq haradadır? Böyük Lüksemburq Hersoqluğu Qərbi Avropada konstitusiyalı monarxiya idarəetmə formasına sahib demokratik bir dövlətdir. Ölkə Böyük Hersoq Henri tərəfindən idarə olunur. 2586 kvadrat kilometr əraziyə sahibdir və 2019-cu ilin sonunda ölkənin təxmnən 630.000 sakini var idi. Böyük Hersoqluq Mərkəzi almanca danışan bölgəyə aiddir. Milli dil Lüksemburq dilidir. Əlavə rəsmi dillər isə alman və fransız dilləridir. Lüksemburq qonşu ölkələr Belçika və Hollandiya ilə birlikdə, Benilüks ölkələrini təşkil edir. Ölkə cənubda Fransa (73 km), qərbdə Belçika (148 km) və şərqdə Almaniya (135 km-dən çox) ilə həmsərhəddir.

Lüksemburqda ən yaxşı yerlər hansılardır?

Ölkənin şimal bölgəsinə Oesling deyilir. Bu region dəniz səviyyəsindən ortalama hesabla 400-500 metr yüksəklikdədir. Oeslingdəki landşaft meşəlik dağlar, təpələr və dərin çay vadiləri ilə xarakterizə olunur, məsələn, Sauer vadisi. Lüksemburq, “microcosm”-dur və multikultural atmosferə sahib Avropa mədəniyyəti və cəmiyyətinin qarışımıdır. Bəs Lüksemburqda ən yaxşı yerlər hansıdır? İnsanın ağlına ilk öncə, üç önəmli YUNESKO Ümumdünya irsi yerləri gəlir. Bunlar Lüksemburq şəhər qalası, Köhnə Şəhər (Old Town) və “Bock Casemates”-dır. Sonuncusu heyranedici yeraltı qalereyalar şəbəkəsidir. Yamyaşıl meşələr, parlayan çaylar və nahamar qaya formasiyaları ilə tanınan Mullerthal regionu kimi başqa füsunkar təbii bölgələr də var. Moselle vadisi üzüm bağları və məşhur “wine route” ilə, Ardenlər isə qoruqlar və dağ gölləri ilə xarakterizə olunur.

Lüksemburqa səyahət etmək qərarına gəlsəniz, bilməlisiniz ki, Lüksemburqda qonaqlama üçün çoxlu maraqlı və gözəl yerlər var. Mən isə Lüksemburqda möhtəşəm şəkillər çəkməkdən zövq alacağınız ən yaxşı yerləri araşdırdım. Lüksemburqda 12 instaqramlıq və ziyarət edilməsi gərəkən yerlərdən ibarət siyahımı sizə təqdim edirəm.

1. Larochette

Lüksemburqun düz mərkəzindəki Larochette Lüksemburqda qonaqlama üçün ən yaxşı yerlərdən biridir. İki kiçik çayın arasında yerləşir və daş örtüklü evləri olan kəndlər, Maison de Crehange adlı orta əsr qəsrinin uçurumları altında dramatik şəkildə gözə çarpır. Əgər buranı öz evinizə çevirirsinizsə, maraqlı kafeləri və gözəl restoranları sınadığınızdan əmin olun. Lüksemburqun müxtəlif bölgələrini, görməli və instaqramlıq yerlərini kəşf etdikdən sonra Larochette-ə qayıtmağı sevəcəksiniz.

2. Bourglinster

18-ci əsrdən yadigar qalan Bourglinster qəsrinə gedən yolda yeməkdən və ya espressodan zövq alın. Qəsr 12-ci əsrdən qalma qala qalıqları içərisindədir. Burada sərgilər və ara-sıra olan tamaşalarla qarşılaşacaqsınız. Ərazidə La Distillerie və Brasserie Cote Cour restoranları var ki, hər ikisi möhtəşəm yeməkləri ilə yanaşı, qəsrlərlə uyum içində olan inanılmaz atmosferi və dekoru ilə də məşhurdur. Bourglinster, ölkənin ən instaqramlıq yerlərindən biridir.

3. Vianden

Lüksemburqun ən gözəl şəhəri hansıdır? Bu təpəlik şəhər Almaniya sərhədində yerləşir. Şəhərin ən çox diqqət çəkən iki xüsusiyyəti: qədim cazibəsi və qəsrdir. Qəsr, XI-XIV əsrlər arasında inşa edilmiş və uzun müddət, baxıma ehtiyac duymadan öncə, əsrlər boyu Lüksemburq kralları üçün önəmli bir yaşayış yeri olmuşdur. Bərpa 1970-ci illərdən bəri sürətlə davam edir, qəsr əvvəlki şöhrətinə qayıdır və indi Lüksemburqda ən instaqramlıq yerlərdən bəzilərini təqdim edir. Qəsrin yuxarısında, Viandenə və ətrafdakı dağlara ən yaxşı mənzərəni təmin edən və yalnız kanatla getməyin mümkün olduğu fantastik bir restoran var. Viktor Hüqo Muzeyini də, hansı ki, onun bir vaxtlar yaşadığı evdə yerləşir, ziyarət etməyi unutmayın.

4. Diekirch

Diekirch adını dövlətin ən populyar pivəsindən götürür və rəngarəng yerli ləzətlərinə görə turistlər arasında populyardır. Şimalda və Rive Sure-da yerləşən Diekirch-i əhatə edən dağlar hər bir döngənin inanılmaz mənzərəsini təqdim edir. Lüksemburqda ziyarət etmək üçün ən populyar yerlərdən biridir. Alış-veriş, kafelər və ictimai konsertlər üçün piyada zonasını, bundan başqa, St. Laurentius kilsəsini və digər köhnə evləri ziyarət edin. Üç əsas muzey, Milli Tarixi Nəqliyyat Vasitələri Muzeyi, Pivə Muzeyi və Milli Hərb Tarixi Muzeyidir. Tətillərində Lüksemburq təbiətində vaxt keçirmək istəyənlər üçün də əla yerdir.

5. Moselle vadisi

Wasserbillig-dən Şengenə qədər uzanan 42 km-dən çox uzunluğa sahib Moselle vadisi və içindən axan çay, kiçik kəndlər, üzüm bağları və üzümçülərin kooperativləri ilə əhatə olunmuşdur. Lüksemburqda gəzilməli maraqlı yerlərdən biri də, Şengendir. Rahat sərhədlərarası səyahətə imkan verən AB sazişi ilə məşhurdur və nəsillər boyu şərabsevərləri özünə cəlb etmişdir. Vadidəki hər kəndin özünəməxsus cazibəsi var və gözəl restoranlara, orada yaşamağınızı arzuladacaq sakit bir atmosferə sahibdir. Vadidə kəşfinizi gözləyən inanılmaz meyvə bağları, Wine Route, su idman növləri və kiçik kruiz gəzintiləri, orta əsrlər tarixi var.

6. Upper Sure Milli Parkı

380 hektarlıq gölünə görə Upper Sure Milli Parkı Lüksemburq su sahəsi kimi tanınır. 2010-cu ildə park turizmin inteqrasiyasına; mədəniyyət, sosial və iqtisadi inkişafa verdiyi töhfə və ətraf-mühitin qorunmasına bağlılığına görə EDEN Mükafatına layiq görülmüşdü. İstirahət etmək istəyirsinizsə, bu təmiz ərazi Lüksemburqda ziyarət edilməli ən instaqramlıq yerlərdən biridir. Temalı marşruta qoşula və ya özünüz gedə bilərsiniz. İstirahət aktivitilərinin əksəriyyəti bu ərazinin tarixini, mədəniyyətini və təbiətini vurğulamaq üçün hazırlanmışdır.

7. Beaufort

Füsunkar kiçik kommuna - Beaufort buradan vadi boyunca uzanan qəsrinə görə, ən instaqramlıq yerlərdən biridir. Əvvəlcə Roma düşərgəsi olaraq inşa edilən qəsr, illər keçdikcə genişləndi, lakin II Dünya müharibəsindəki Ardennes döyüşündən sonra heç vaxt özünə gəlmədi. Heç bir şəraiti olmasa da, turistlər qəsrin bir çox mərtəbəsini və içərisini kəşf edə bilərlər. Günorta zamaı isə isə bir neçə gözəl yolda velosiped sürməkdən və ya hikinqdən zövq alın.

8. Rumelange

Qırmızı qayalar diyarında yerləşən köhnə mədən şəhəri - Rumelange Lüksemburqda qonaqlama üçün ən gözəl yerlərdən biridir. Əsas attraksionu dünyanın ən yaxşı turistik yerlərindən biri hesab edilən, Milli Mədənçilik Muzeyidir. Muzey köhnə mədən tunelləri boyunca gəzintilər təklif edir və köhnə mədən qatarına da minə bilərsiniz. Şəhərin özü, piyada və ya velosipedlə əylənə biləcəyiniz çox sayda cığırın olduğu Kayl vadisinin meşəsindədir .

9. Our Nature Reservi

2005-ci ildə qurulan bu təbiət parkı ölkənin ən yaxşı instaqramlıq yerlərindən biri kimi qeyd edilməlidir. Dolanbac Our çayı tərəfindən formalaşan park dərin dərələr və yaylalar arasında dəyişir. Clervaux qəsrini, Stolzembourgda yerləşən Mədən muzeyini və ya Jardins a Suivre-nu ziyarət imkanını əldən verməyin. Turistlər bölgənin kənd təsərrüfatı məhsullarını yerli iqtisadiyyata və ətraf bölgələrə kömək edən fermerlərdən birbaşa ala bilərlər.

10. Lüksemburq şəhəri

YUNESKO-nun Ümumdünya irsi siyahısında yer alan ölkənin paytaxtı - Lüksemburq, Avropanın böyük bir hissəsi üçün əhəmiyyətli bir maliyyə mərkəzidir. “Grand Ducal Palace”, “Notre Dame Cathedral”, “Place d'Armes”, “Adolphe Bridge” kimi yerləri ziyarət etməklə köhnə şəhərdə mümkün qədər çox vaxt keçirəcəksiniz. Ancaq bura təkcə tarixi gözəllikdən ibarət deyil. Lüksemburq, tarixi müasir tərəqqi ilə inanılmaz bir şəkildə birləşdirməsinə görə təriflənməsi gərəkən müasir və kosmopolit bir yerdir. Məsələn, əsrlər boyu dəfələrlə yenidən qurulmuş və indi Avropa mədəniyyətinin ən yaxşılarını vurğulayan Lüksemburq qalasına baxın.

11. Ardenlər

Həqiqətən qeyri-adi bir təbiət təcrübəsi üçün birbaşa Ardenlərə gedin. Dolanbac vadiləri və instaqramlıq yerləri, çoxsaylı hikinq və velosiped yolları olan bölgənin bir çox meşələrini və kəndlərini kəşf edə bilərsiniz. Təəccüblü deyil ki, bütün Lüksemburqda ən yaxşı qorunub saxlanılan orta əsr xarabalıqlarına burada rast gəlmək olar. Sizi keçmişə geri qaytaracaq orta əsr canlandırmalarından, ənənəvi bazarlardan, açıq havada nümayişlərə və konsertlərə qədər hər şeyi tapa bilərsiniz. Macərasevərsinizsə, Sauer və ya Alzette boyunca Nordic gəzişini sınayın.

12. Mullerthal

Lüksemburqa səyahətinizə Kiçik İsveçrədən başlaya bilərsiniz. Mullerthalda ilk fərqinə varacağınız şey, misilsiz qaya formasiyalarıdır. Onları təsvir etmək çətin olsa da, gördükdən sonra unudulmazdırlar. Echternach bölgənin paytaxtıdır. Ballı, likörlü və pendirli möhtəşəm mətbəxləri ilə dünyaca məşhur olan Mullerthal restoranları inanılmaz dərəcədə zərif yeməklər təqdim edir,  xüsusilə Lower Sure vadisindəkilər. Təcrübəli hikerlər üçün qeyd edə bilərik ki, Mullerthal Trail 112 km ərazidə meşələri və qaya formasiyalarını əhatə edir. Daha az təcrübəsi, lakin heç də az həvəsi olmayan hikerlər üçünsə, onları təsirləndirici mənzərələrə aparacaq çoxlu daha əlçatan yollar var.